Jerimaya 33:16 - FỊAFỊA BAỊBỤLỤ

¹⁶ Juda na Jeruselemu na ḅẹ apụ ma arị ịn pụkọ-pakamaḅo tẹ ịn ye-ḅụụ-la-a ḅara kẹ anga ḅa. Ịn kẹ opu ama mẹ sịn ḅarị ẹrẹ — KỊNỊNYANAḄỌ Ḅe Wamịna Ḅọrọmaḅọọ.

Jerimaya 33:16 Iomraidhean Croise

Ayịzaya 45:17

Kụma KỊNỊNYANAḄỌ ḅe Izirẹlị ḅọrọma tẹ, anịsakị árị owu-ḅara-iḅi mẹ sime mu ḅẹẹ-sakị ḅẹẹ-sakị la ḅa; gbala-gbala arị atomi ḅarị jen kẹ tọrụ-tuu ḅịa.

Ayịzaya 45:22

Mịọkụ ọ́ pịkị ị̀ daa, tẹ ḅọrọmaa, bebe tomikiri mẹ kana-koro ḅẹ atomi! Yẹrị kịngẹ anie Tamụnọ tẹ emi ḅọ.

Jerimaya 23:5

KỊNỊNYANAḄỌ ḅe mẹẹ, “Sakị mẹ ḅoarị, à karakara mịẹarị ḅọ sẹlẹ pakama-ḅo ḅarị sakị mẹ Devidi furo ḅụ, ama-da ḅẹ ḅọ ḅara ḅụ. Anị amadaḅọ ḅe nimi ḅara kẹ ḅẹrẹtọn ḅa, tẹ kura ḅara na inoma ofori ḅara kẹ ye mịẹ ḅa bebe amakiri mẹ ḅụ.

Jerimaya 23:6

Ori ama-daarị sakị Juda ḅẹ apụ ma ye kẹ ịn lama ḅẹ ye ofori, tẹ Izirẹlịapụ ma dein ḅụ anga ḅa. Ịn kẹ ọ̀ sịn ḅarị ẹrẹ anie, ‘KỊNỊNYANAḄỌ ḅe anie Wamịna Ḅọrọma.’ ”

Jerimaya 30:10

Ị̀ atomi, ọ́ ḅalafa ma; Izirẹlịapụ, ọ́ tẹmẹ-naịn-naịn ma. Sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị omoniapụ ḅara kẹ simearị amakiri mẹ ḅụ. Ọ́ pịkị warị ḅo tẹ dein ḅụ anga ḅa; ye ḅarị ọ́ la ḅịa, tẹ gbọrụḅọ-sọ ḅarị ọmịna ḅalafama ḅịa.

Jerimaya 32:37

À tomi ma kobiri ḅo ḅẹ-yearị, anie arị ì owi ịganị ḅụ ịn gala-galama mu asịẹ mamgba ḅụ, tẹ arị ịn kẹ pịkị mịanga ḅo ḅa, tẹ mịẹ tẹ ịn mị yọọ anga ḅa, kpaịn ḅara ḅụ.

Jerimaya 50:7

Ini ẹrịapụ-ẹrịapụ owu kẹ ịn pakam. Si kẹ ịn tọn apụ ma ḅẹẹarị, ‘In si kẹ KỊNỊNYANAḄỌ ḅe mịẹ tẹẹ, tẹ anie ḅụ wa mịẹ ye kura-aye-a. Ịna atẹngịapụ ma KỊNỊNYANAḄỌ ḅe kẹ ḅiokpọmam, tẹ ini ma ḅioju sọ ḅioḅẹngbọ-kẹ-sịrẹrẹ-niḅi ḅara sime ọ̀ pịrị na-iḅim.’ ”

Izikẹlị 28:26

Ini anị yọ ye-ḅụụ-la-a ḅara kẹ anga ḅa. Ịn warị nama-nama tẹ kụrọ aḍụọ-ḍụọ ḍiḅi ḅa. À fomu-ḅara kẹ ini na kpeki tẹ anga tẹ ḍiki-iderima ḅara kẹ ịn mịẹ apụ ma pịrị tẹ Izirẹlị ịn la-la ye ofori ḅara kẹ sime ḅa. Anịtẹso in nimi ḅa mịnẹ yẹrị anie KỊNỊNYANAḄỌ ịna Tamụnọ ḅe.”

Izikẹlị 38:8

Tọnwa akụra ḅọrọtẹ so sakị, à tọn ọ̀ pịrị tẹ ori ọmụ kẹ bebe amakiri mẹ tẹ ịn tọnwa asịẹ ḅụ kobiri ḅo gboloma tẹ ini ọmụ ḅalafa ofori ḅara kẹ anga yọ mẹ koro ḅa. Ori ọmụ kẹ Izirẹlị ḅẹ tụndụ ma koro ḅa, anie papaa gbiin-koro sime tẹ kịnị anga-a tẹ alatẹ anga mẹ, kụma mịọkụ ḅụ kịnị mamgba ye ịn la-a ḅara kẹ angarị anga mẹ.

Izikẹlị 48:35

Onu mẹ ikelema-koro tọn tẹ paka ḅarịye mita maa puku na maa ẹndẹ oyia asi finji na lam. Tẹ opu ama mẹ ẹrẹ anị sakị tọrọkọ mu ḅụ anie “KỊNỊNYANAḄỌ ḄE MỊ YỌ EMI!”

Danẹlị 9:7

Ị́yẹrị, KỊNỊNYANAḄỌ, sakị mamgba kuraye mịẹarị, kụma wamịnị sakị mamgba tọrụ-tuu dogi-ḅo ḅụụ pịrịarị. Mie anị sime wamịnị-mgba tẹ Juda na Jeruselemu na Izirẹlịapụ mamgba tẹ ị́ kẹ sịẹ-sịẹ ma, kpeki anga sime aị na sụma-jụ sime aị na ogboku gala-galama wararị apụ ma na sime-ḅara, wa ḅioḅẹngbọ-kẹ-sịrẹrẹ-niḅi ḅara sime ị́ pịrị-a ẹrẹsị.

Romu 11:26

Mie Izirẹlị mẹmgba ḅọrọtẹ ḅọrọma ḅarị ḅara. Fịafịa Ḍiri mẹ ḅẹẹm, “Ḅọrọmaḅọ ḅe Zayọnị ḅụ sime tẹ ḅo tẹ Jekọbụ furo-ḅẹ-apụ ma ḅụ si-sịḅịḅio mẹmgba sin ḅa.

1 Kọrịntị 1:30

Kụma Tamụnọ ọ́ kẹ ḅo Kịrayịsị Jizọsị na gboloma tẹ, Tamụnọ Kịrayịsị kẹ wamịna nimi sọma tẹ. Ọ̀ ḅụụ ḅụ wa pịkị ḅo Tamụnọ na kura apụ sọ tẹ, pịkị Tamụnọ fịafịa atomi, tẹ ḅo si omoni ḅara-ḅio ofori apụ sọ tẹ.

2 Kọrịntị 5:21

Kịrayịsị ḅụụ gbọrụ si sọ ofori, kụma wamịna sịḅị gotẹ Tamụnọ mịẹtẹ ọ̀ wamịna si ḅụ ḍiekiri nyanam, mịẹ tẹ wamịnị sọ, ori na gbọrụ ḅụ sime ḅụ, Tamụnọ karakara mịẹ mẹ ḅụ ḍiekiri nyana ḅẹ ḅara.

Ditẹrọnọmị 33:12

Benijamịnị gbolomaye ḅụ ori mẹẹ: KỊNỊNYANAḄỌ ḅe ḅẹlẹmarị ḅọ ọ̀ ḅụụ ḅụ ò ye ḅụụ la-a ḅara angarị bebe ene mamgba ḅụ ori ọ̀ gbaịn ikelemarị, tẹ ori ò kuḅu ḅio angarị.

Ditẹrọnọmị 33:28

Mị-ḅara ḅụ Izirẹlị ye ḅụụ la-a ḅara angam, Jekọbụ ngụngụḅa mẹ ngẹrị simem, sịnmgbọlị na, iru na ama mẹ ḅio; tụkụma ḅara ḅụ ori aso ma igirigi saram.

Filipayị 3:9

tẹ ḅo busunutẹ ḅara kẹ ori na gbọrụ ḅụ sime ḅa. À ḅarị jen kẹ ị̀ ḅara-kuḅu ḅẹ karakara mịẹ nyana-a, anie tomḅọ Oloko koko ḅụ nyana ḅarịye mẹ. Mịọkụ à Kịrayịsị ḅụ minini ḅụ nyana, nyana karakara mịẹ mẹ nyana tẹ, Tamụnọ ḅara ḅo karakara mịẹ mẹ, tẹ minini ḅụ sịrẹrẹ wararị ye mẹ.

2 Pita 1:1

Sayịmọnị Pita, Jizọsị Kịrayịsị omoniḅọ, pịkị ọ̀ fịrịmẹnjịḅọ ḅe ḅara ḅo ḍiri ịn kẹ: Inima tẹ wamịna Tamụnọ pịkị wa Ḅọrọmaḅọ Jizọsị Kịrayịsị karakara mịẹ ḅụ ḅọrọ tẹ wa nyana yelatẹ minini ye mẹ nyana wararị apụ ma pịrị ḍiri mẹ: