Biblia Todo Logo
Bìoball air-loidhne

- Sanasan -




Jerimaya 33:12 - FỊAFỊA BAỊBỤLỤ

12 Kụrọmamgba nyana KỊNỊNYANAḄỌ ḅe mẹẹ, “Amakiri mẹ tẹ ịkpa kịkarị tẹ tomi anịanịa nama sọ anga-a yọ mẹ ḅio nama fị-fị osuka siin paka tẹ anana-ḍikiḍikiapụ ịna anana ma kẹ mu ḅa.

Faic an caibideil Dèan lethbhreac




Jerimaya 33:12
17 Iomraidhean Croise  

Ḍuko ị̀ pịrị, ị̀ ḅẹlẹmaḅọ, Ị́ ị́ anana-ogbo mẹ kẹ tọ-anga mu tẹ ini osuka fị ḅẹ? Eneḅaka-ogbo ḅẹ ịrụa mẹ ḅụ in sime tẹ ịnyọsara ḅẹ yọ tọ-anga? Tiye ẹrẹsị àrị osi anana-ḍikiḍikiapụ ma ogboku ị́ ḍọkị na-iḅi?


In sunsin ị̀ pịrị ḅa, pịkị ịna anana ma na opu anama ma na ḅọrọma pakama mu-mu tẹ ịn Sarọnị Lẹsẹrẹ-kiri mẹ ḅụ ịrụa-ideriarị-anga anga mẹ ḅụ na Ḅụụ-fụka tụndụ-suku nwẹn-sịn anga mẹ tẹ ịrụa-saakịarị-anga anga mẹ na ḅụ osuka fị ḅa.”


Kịnị ḅo ḅa Juda ḅẹ ama ma ḅụ, pịkị Jeruselemu ikelema-koro ḅụ simearị kala-ama ma na ḅụ; Benijamịnị ibe ḅụ sọ in ḅo ḅa, tụndụ ma na gele-ayọ ma na ḅụ simearị ama ma ḅụ sọ, pịkị Juda suku-jụ ḅẹ apụ sọ. Ịn dọkịma agbamịẹ-aị na ja agbamịẹ-aị na ọkị-ḅo ḅa, mgbọlị afịaị ḍiepịrị-aị na kụnụaị na pịkị ịmịẹtẹ ḅẹ aị na sọ.


In ḅo tẹ Zayọnị Tụndụ ọgọnọ nume-su ḅa ḍereku ḅụ, tẹ ị̀ aḍiepịrị-aị ma ịna ḅioḅẹlẹma ḅa mbịaka na, ịn kẹ waịnị sịn iru na, olivu-olo na ḍiepịrị-aị ma, anana na opu anama na ḍiepịrị-aị ma. In minji iḅiọkụ laarị ḍụọ kịka ḅa ịn nyana na-iḅi ye goyegoye ịn nyana ḅa.


Juda na anị ḅẹ ama mamgba na ḅio kịnị anga ḅa, tẹ ḍụọ-kọrịapụ paka ḅa, pịkị anana ḍikiḍikiapụ na ịna anana ogbo-ogbo na.


Kụrọmamgba nyanaḅọ ḅe, Izirẹlịapụ tẹkẹarị Tamụnọ ḅe, ḍuko tẹẹ mịnẹ mị amakiri mẹ ḅio in siin warị-warị, ḍụọ-ḍiḅi akiri-kiri na kụrọ aḍụọ-ḍụọ na fẹ ḅa.”


KỊNỊNYANAḄỌ ḅe ḍuko ị̀ pịrịm arị amadaḅọ ḅe ḅẹẹ, “Í in-ikoarị-abịlala mẹ dọkịma tẹẹ, pịkị Jerimaya gbela tẹ mịnẹ ò tiegotẹ kẹẹ koroma mịnẹ Babịlonịya ḅo mị amakiri mẹ guluguluma tẹ anị ḅẹ atomi ma na anị ḅẹ anama ma na ḅaa ḅa.


“Ị̀ atomi ma kịkarị ye anie anana ogbo tẹ ḍikiḍikiarị apụ ḍiki-tọrụsin tẹ tụndụ ma ọgọnọ iri-faa aị. Ini anana kịka tẹ ikele-ikele tẹ, gbọrụ tụndụ ḅụ so mu osi ye la, tẹ ini ịna sime-anga kẹ ḅioḅọrọma tẹ.


Anịtẹso mị-ḅara tẹkẹẹ, ‘KỊNỊNYANAḄỌ, ị́yẹrị ḍuko tẹẹ mịnẹ ị́ mị yọ mẹ fama ḅa, mịẹ tẹ ḍumo wararị gberie-sọ anị ḅio anga ḅịa ḅara, anị ḅọrọ tomḅọ-o, nama-o, tẹ anị nwẹnị ịkpa kịka gbamaso ḅa.’


Ọrụḅọ-ọrụḅọ nwẹnị ḅẹẹ ḅa, mịẹ kiri mẹ tẹ gbọrụ sakị ịkpa sọ sime yọ mẹ ḅo Ideni Ḍụọ sọ tẹ ḅara ḍiki, tẹ opu ama ma tẹ ịn kan kiri lamatẹ fọịn tẹ kẹ arị kan ḅara kẹ arị kẹ gbin koroma-so aị ḅo kịnị anga tẹ kẹ kụrọnị ḅara wẹrị tẹ ḅara ḍiki.


“Ị̀ atomi, tiye ẹrẹsị ọmịnị iḅiọkụ nama tẹ awarị ḅio angarị tẹ ị̀ Warị mẹ kaan-sara simearị?


Lean sinn:

Sanasan


Sanasan