Jerimaya 33:11 - FỊAFỊA BAỊBỤLỤ

¹¹ ḅioḅẹlẹ oloku na ḍereku na ere-ịya-alalị apọkọ fiearị ye na. Ọ́ kịnị nume-suarị ye naa ḅa, ini ị̀ warị ḅio ịmịẹtẹ ḅẹẹ agba mịẹarị ogbo. Ịn ḅẹẹ ḅa: Ịmịẹtẹ kẹ Kụrọmamgba nyana KỊNỊNYANAḄỌ ḅe ḅẹẹ, ori iḅim ẹrẹsị, tẹ ọ̀ ḅẹlẹma sime gbamasom! À mị amakiri mẹ mịẹ tẹ anị tarị-tarị anị lọkọlọkọ ḅara lọkọlọkọ ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 33:11 Iomraidhean Croise

1 Paka-aị 16:34

Ịmịẹtẹ kẹ KỊNỊNYANAḄỌ ḅẹẹ, gbala ori iḅim ẹrẹsị; gbala ò jike-a ḅẹlẹma mẹ, sime gbamasom ẹrẹsị

1 Paka-aị 16:8

Yei, ịmịẹtẹ kẹ KỊNỊNYANAḄỌ ḅe ḅẹẹ, ori ẹrẹ sịịn, ọ̀ mịẹ aị ma ḍukoo, tomi ma ogbo ḅụ!

2 Paka-aị 20:21

Ò tomi ma na ḅịḅị-ọkịya fama tẹso, ọ̀ nwẹnị kịnị tọn nume-su KỊNỊNYANAḄỌ ḅe pịrị tẹ fịafịa aị ma ḅiri tẹ ọmụ-ogbo mẹ tọrọkọ mẹnjị-mẹnjị tẹ ò tokini tẹ ḅẹẹ ḅa, “Ịmịẹtẹ kẹ KỊNỊNYANAḄỌ ḅe ḅẹẹ, ò jike-a ḅẹ ḅẹlẹma mẹ, sime gbamasom.”

2 Paka-aị 29:31

Anịtẹso Hẹzịkaya nwẹnị ḅẹẹ, “Mịọkụ ọmịnị ọmịna ḅụụ mịẹ fịafịama KỊNỊNYANAḄỌ ḅe pịrị tẹ; ọ́ sọma kpeki tẹ agbamịẹ-aị na, ịmịẹtẹ ḅẹẹ aị na kẹ KỊNỊNYANAḄỌ ḅe warị ḅoo.” Kobiri ogbo mẹ nwẹnị agba mịẹ aị na, ịmịẹtẹ ḅẹẹ aị na ọkị-ḅo; tẹ dọkịma-agba mịẹ ḅẹ ḅii ḅioḅẹngbọ nyana apụ mamgba dọkịma-agba ọkị-ḅom.

2 Paka-aị 5:13

anịsakị anị ọdụ mịnẹ apụ ma na, nume-suapụ ma na kọrịnama, ini ịna aḅụụ kẹ gberie mịẹ tẹ tokini na ịmịẹtẹ ḅẹẹ nume su kẹ KỊNỊNYANAḄỌ ḅe pịrị tẹ tomi ịn naa), tẹ nume mẹ saakị tẹ ọdụ mịnẹ apụ na saịn-saịn-aị farị apụ na, ja farị-farịaị farị apụ ini na sọ KỊNỊNYANAḄỌ ḅe tokini tẹso, (mịnẹ). “Gbala ori iḅim ẹrẹsị, kẹ gotẹ ọkọ ḅẹẹarị, ò jike-a ḅẹlẹma mẹ sime gbamasom.” Anịtẹso oḅuto nwẹnị KỊNỊNYANAḄỌ ḅe warị mẹ ḅin

2 Paka-aị 7:3

Izirẹlị ḅẹ awọmẹ mamgba koro ḅo kọrị-fịnị mẹ na, KỊNỊNYANAḄỌ ḅẹ ebube Tamụnọ-warị mẹ ḅụ sime-ḅara na ẹrị tẹso, ịn nwẹnị ịna atọrụ tuu kiri pịrị tẹ warị-anga mẹ ḅụ sụa paka wararị ye mẹ ọgọnọ sunsin tẹ ịmịẹtẹ kẹ KỊNỊNYANAḄỌ ḅe ḅẹẹ tẹ ḅẹẹ, “Gbala ori iḅim ẹrẹsị, ò jike-a ḅẹlẹma mẹ sime gbamasom”

Ẹzịra 6:22

In nwẹnị sọnọma aḍin kẹ ḍereku ḅụ sun-a fịturu (fịturu) kopini afịaị alalị mẹ fị; gbala KỊNỊNYANAḄỌ ḅe in mịẹtẹ in ḅioḅẹlẹm, tẹ Asiriya Amadaḅọ ḅe ḅioḅẹngbọ pịkị in pịrị, tẹ mịẹtẹ ọ̀ nwẹnị Izirẹlịapụ tẹkẹarị Tamụnọ ḅe warị ḅẹ kọrịnama mẹ ḅụ ḅarasụa in pịrị ye mẹ ẹrẹsị.

Nehimaya 12:43

Anị ene ḅụ in gburo-gburo ḅara kẹ tọnwa agba mịẹm, tẹ ḍerekum; anị kẹ gotẹ ọkọ mịẹ ye, Tamụnọ in mịẹm in ḍerekuu gburo-gburotẹ ḅioḅẹlẹ ḅụ; ereme ma na, awọmẹ na sọ ḍerekum. Tẹ tomi Jeruselemu ḅẹ ḅioḅẹlẹ mẹ naam iḅere-iḅerea jụ ḅụ.

Nehimaya 8:12

Tẹ tomi mamgba nwẹnị so ịn ḅo anga mu, tẹ fị, pịkị ḅuu tẹ kẹlẹ kẹ nyana-a apụ fịrịma, kẹ gburo-gburo ḅioḅẹlẹ mịẹ pakama ịn gbala mịẹfinji ịn pịrị tẹ ẹkwẹn-aḅịḅị ma fieye naa tẹ ẹrẹsị.

Devidi-Anume 106:1

Ọ́ KỊNỊNYANAḄỌ ḅe tokinii! Ịmịẹtẹ kẹ KỊNỊNYANAḄỌ ḅe ḅẹ, ori iḅim ẹrẹsị; ọ̀ ḅẹlẹma sime gbamasom.

Devidi-Anume 107:1

Ịmịẹtẹ kẹ KỊNỊNYANAḄỌ ḅe ḅẹẹ, ori iḅim ẹrẹsị; ọ̀ ḅẹlẹma sime gbamasom!

Devidi-Anume 107:22

Yee ini agba mịẹ-mịẹ ọ̀ pịrị ḅụ ịmịẹtẹ kẹ ọ̀ ḅẹẹ, tẹ ḍereku anume su-su tẹ kẹ ọ̀ kọrị tẹ aị mamgba ḍukoo.

Devidi-Anume 116:17

Àrị ịmịẹtẹ agba mịẹ ị́ pịrị tẹ ị́ tẹkẹ ḅa.

Devidi-Anume 147:13

Ori í ogigo-aḅọkọ ma wẹrị kụrọmarị; ori ị́ atomi bomarị.

Devidi-Anume 85:7

Yei KỊNỊNYANAḄỌ, í kuno-a ḅẹlẹma mẹ kẹ wa ḍie, tẹ ị́ ḅọrọma mẹ kẹ wa pịrịị.

Ayịzaya 35:10

In ḅioḅẹlẹ kẹ mu Jeruselemu la ḅa; nume-suarị, oloku-oloku ḍerekuarị. In ḅioḅẹlẹ mu ḅẹẹ-sakị ḅẹẹ-sakị la ḅa, kururu na ḅioḅẹngbọ-si na ḅarị ịn la-a gbamasom.

Ayịzaya 51:11

Ị́ pụkọ-pakamaḅo tẹ apụ ma ḅioḅẹlẹ kẹ mu Jeruselemu la ḅa, nume-suarị, olokuarị, ḍereku ḅụ. In ḅioḅẹlẹ gbamaso ḅa, gbọrsịḅị kururu na ḅioḅẹngbọ-si na ḅio paka-ḅo.

Ayịzaya 51:3

À sịḅị-jịrị nyana Jeruselemu pịrị ḅa, árị agara ma ḅio angarị apụ ma. Karakaraye árị amakiri mẹ ịkpa sọ tẹẹ sọ, àrị anị kẹ fịlawa ḍụọ mịẹ ḅa, Ideni ḅụ à ḍiḅi ye mẹ kịkaye. Ḍereku na ḅioḅẹlẹ na anị yọ sime ḅa pịkị ịn kẹ ì tokini tẹ ịmịẹtẹ kẹ ị̀ ḅẹẹ ḅarị anume sọ.

Ayịzaya 52:8

Ama mẹ koruarị apụ ma olokuarị, gbọrụ ḅịḅị kẹ ḍereku ḅụ olokuarị! Ini inetẹ ḅarana tọrụngbọ kẹ ẹrị ḅa KỊNỊNYANAḄỌ ḅe pịkịma Zayọnị ḅoarị mẹ!

Ayịzaya 52:9

Ó ḍereku kẹ oloku pakama Jeruselemu ḅẹ kan-saratẹ ayọ! KỊNỊNYANAḄỌ ḅe ori ama pụkọ-pakamaḅo tẹ ori atomi dedema ḅa.

Jerimaya 16:9

Yẹrị, Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, nyana tẹ ḍuko ḅẹ ye pokii. À ḍereku na ḅioḅẹlẹ na apọkọ ma yaụma ḅa, pịkị ere-ịya-alalị ḅioḅẹlẹ apọkọ ma sọ. Mị angaa simearị apụ ma ḍumo sime tẹ ẹrị ḅa miemẹ pakarị sakị.”

Jerimaya 17:26

Kịnị ḅo ḅa Juda ḅẹ ama ma ḅụ, pịkị Jeruselemu ikelema-koro ḅụ simearị kala-ama ma na ḅụ; Benijamịnị ibe ḅụ sọ in ḅo ḅa, tụndụ ma na gele-ayọ ma na ḅụ simearị ama ma ḅụ sọ, pịkị Juda suku-jụ ḅẹ apụ sọ. Ịn dọkịma agbamịẹ-aị na ja agbamịẹ-aị na ọkị-ḅo ḅa, mgbọlị afịaị ḍiepịrị-aị na kụnụaị na pịkị ịmịẹtẹ ḅẹ aị na sọ.

Jerimaya 25:10

Ịna ḍereku na, ḅioḅẹlẹ na oloku ma na ere-ịya asakị ḅẹ alalị ḅioḅẹlẹ ẹkwẹn apọkọ ma na à yaụma ḅa. In pulo nyana ḅịa kẹ ịna atọnjọ ḅio sụa, tẹ mbịaka ḅarị jen kẹ paka ḅịa.

Jerimaya 29:14

Inn, à ḍukoarị, ọmịnị ị̀ ḍọkị ẹrị ḅa, tẹ arị ọ́ kẹ pịkị ọmịna amakiri ḅo ḅa. Sịẹ goyegoye na ye-yọ goyegoye na tẹ arị ọ́ gala-gala mu la anga ma, arị ó kobiri ḅa, tẹ ọ́ kẹ pịkị-ḅo ó simearị tẹ arị ọ́ kẹ kun-so mu yọ fịrịma amakiri mẹ la ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 30:19

Anị anga angarị apụ ma tokini nume-su ḅa; in ḍereku kẹ oloku ḅa. Ì boma ḅụ ịna kịẹn-aḅịḅị ḍụḅa ḅa; ì boma kun ọkị-ḅo ịn pịrị ḅa.

Jerimaya 30:3

arị ị̀ atomi, Izirẹlị na Juda na, kẹ pịkị-ḅo ḅarị sakị mẹ ḅoarị ẹrẹsị. Arị ịn kẹ pịkị-ḅo à kẹ ịna elemu aḍapụ ma pịrị amakiri mẹ lama tẹ in siin ọkị tẹ kẹ ịna nye sọma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 32:44

Tomi arị fẹẹ ḅa, tẹ ḅara kẹ kiri-fẹ-ḍiri-apakịrị ma ḅio sụa tẹ ye-oḅoloye kẹ oḅolo tẹ ḅẹrẹ-kiri ḅụ sime apụ sọ ḅara sime ḅa. Miemẹ Benijamịnị ibe ḅụ kiri ọkị ḅa, Jeruselemu ikelema-koro wararị kala-ama ma ḅio, Juda ḅẹ ama ma ḅio, na tụndụ ọgọnọ ḅẹ ama aḅio na, tụndụ suku ḅẹ ama ma aḅio na, Juda ḅẹ suku-jụ na ḅụ. À tomi ma kẹ pịkị-ḅo ịna amakiri suu ḅa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 33:26

Tẹ piki-pikiye-ofori ḅara ḅụ, à kẹ anie mịẹ gbọrụ ḅara mẹ mie à kẹ Jekọbụ furo-ḅẹ-apụ na ị̀ fịrịmẹnjịḅọ Devidi ḅe na fị wararị ọḅọkụ mẹ koko kpaịnma ḅarị ḅara. À Devidi furo ḅẹ gbọrụḅọ sẹlẹ pakama-ḅo tẹ ọ̀ ḅẹrẹtọn Ebira-amụ na, Ayịzịkị na Jekọbụ furo-ḅẹ-apụ ma pịrị ḅa. Àrị ọkụrụkụrụ nyana ị̀ atomi pịrị tẹ mịẹ tẹ in siin lọkọlọkọ ḅa.”

Jerimaya 33:7

À Juda na Izirẹlị na mịẹ tẹ ịn lọkọlọkọ ḅa, tẹ à siin ịn nama tẹ ịn tarị ḅara mẹ sime ḅa.

Jerimaya 7:34

Amakiri mẹ ḅo ịkpa sọ ḅa. Juda ḅẹ opu ama ma ḅio na Jeruselemu etela ma ḅụ na à mịẹ tẹ ḍereku na ḅioḅẹlẹ na apọkọ daasịẹ ḅa, pịkị ere-ịya-alalị ma ḅẹ ḅioḅẹlẹ apọkọ sọ.

Emọsị 9:14

“À siin ị̀ atomi ma ọkị-ḅo ịna amakiri lama ḅa. Ini ịna kaantẹ opu ama ma nama tẹ arị ḅio ḅụ anga ḅa, ịn vaịnị aḍụọ ḍiḅi-ḍiḅi tẹ waịnị mẹ ḅuu ḅa. Ịn warị akaka ḅẹ aḍụọ ḍiḅi-ḍiḅi tẹ in ḍiḅi pakama-ḅo ye fị ḅa.”

Jona 2:9

Kụma yẹrị à nume su-su tẹ kẹ ị́ pịrị ḅa, anie ị̀ agba mẹ; àrị à minini ị́ pịrị ye mịẹ ḅa. KỊNỊNYANAḄỌ ḅe anie tomḅọ ḅọrọmarị!”

Nahọmụ 1:7

KỊNỊNYANAḄỌ ḅe ori iḅim ḅụụ-fụka ene ḅụ kụrọtẹ ḅụụ ḅọị anga; inima tẹ ò ḅio ḅụ ḅụụ ḅọịarị apụ ma, ori in nimi wararị.

Zẹfanaya 3:14

Izirẹlịapụ, ó nume-su-su ḍereku oloku kọọn! Ó ḅioḅẹngbọ mamgba kẹ ḍerekuu, Jeruselemu!

Zẹkaraya 10:7

Izirẹlịapụ ma ọmụapụ kụrọ ḅara kụrọ ḅa, ini iru ḅuu sime apụ kịka tẹ ḅioḅẹlẹ ḅa. Ịna furo-ḅẹ-apụ mị owu-ḅara-iḅi mẹ kẹ ḅio kuroma tẹ ḅioḅẹlẹ ḅa KỊNỊNYANAḄỌ ḅe kọrị tẹ ye ẹrẹsị.

Zẹkaraya 8:19

“Ọmịnị ọlọarị aḅuru-ịmọ ma anie ini, sọnọ, sọnọma, na oyi na karama akalụ ma ḅụ ḅo ḍereku na ḅioḅẹlẹma alalị sọ Juda ḅẹ apụ ma pịrị ḅa. Mịẹ ḅara mịẹ ḅara ọ́ karakara na dein na ḅẹlẹma nyanam.”

Zẹkaraya 9:17

Amakiri mẹ tọ-ḅara kẹ iḅi tẹ tọrụ-gbẹ ḅẹ! Asambịrịma apụ ma ḍụḅa paka-ḅo tẹ kụrọ ḅa anị ḅẹ mbịaka na iru na ḅụ.

Jọnị 3:29

Ini ịyarị ẹrẹḅọ ma á sime á di ḅe pịrịm; á di ikiaḅọ ḅe nyana ye anie sịẹsime tẹ poki; ori ere-ịyaḅọ ḅe pọkọ naa tẹ ḅẹḅẹ, ò ḅioḅẹlẹ tẹ. Mị-ḅara mie ì ḅioḅẹlẹ mẹ ḅo bebe ye sọ tẹ ḅara.

Hiburu 13:15

Ọkọẹrẹsị, ó yee wa sakị mamgba Jizọsị Kịrayịsị ḅe ḅụ ḅọrọ tẹ wamịna nume-su Tamụnọ boma agba mẹ mịẹ Tamụnọ pịrị, anie wa wamịna ḅịḅị apakịrị kẹ mịẹarị agba mẹ, tẹ pịkị ḍuko pakama mịnẹ ori anie KỊNỊNYANAḄỌ ḅee.

Mịẹfinji 18:23

Tọnjọ sọ ḅarị jen kẹ í ḅio kọrị tẹ kịnị ẹrị ḅịa; ịyarị ama-na-ere-na pọkọ sọ í ḅio kịnị ḅarị naa ḅịa. Tomikiri ḅụ ị́ atuḅoni ma kụrọ nyana tẹịnm, tẹ ị́ pịkị majịkị kẹ oḅori kẹ tomikiri ḅẹ atomi mamgba sịnm.”