Jerimaya 32:9 - FỊAFỊA BAỊBỤLỤ

⁹ Arị Hanamẹlị ḅara ḅụ ḍụọ-ḍiḅi kiri mẹ fẹẹm tẹ igbigi mẹ kẹ ọ̀ gbẹm; tuḅo-pẹlẹ-ḅịḅị mẹ ḅo seleḅa tẹra pakịrị fa si lam.

Jerimaya 32:9 Iomraidhean Croise

Suku-saakị 24:22

Ike-sụa-anama ma minji mẹ ḅuu furo ḅinma fama tẹso, owiḅọ ḅe nwẹnị golu iku-tọn-ye mẹ ḅẹ gbọrụ ye kẹ maa anga ḍiya ḅẹ gbọrụ pakịrị kẹ á nini sụa, pịkị golu iku-tọn-ye mẹ ḅẹ golu oyia akpo kẹ mịẹ maa ḅara sụa aị kẹ arị maa ḅara-kọngọ sụa,

Suku-saakị 37:28

Anịtẹso Midiyanị ḅẹ tuḅokọn-apụ ḅo anịanga ḅọrọm, tẹ ịn nwẹnị olulu mẹ ḅio Josẹfụ pakama-ḅo tẹ ọ̀ kẹ seleḅa si apakịrị kẹ Isimẹlị furo-ḅẹ-apụ ma dẹrị; tẹ ịn Josẹfụ ọkị so Ijiputi mum.

1 Amadapụ 20:39

Amadaḅọ ḅe ḅọrọarị ogbo, ịkịankoroḅọ ḅe nwẹnị oloku ọ̀ sịn tẹ ḅẹẹ, “ị́ fịrịmẹnjịḅọ ọmụ mẹ ḅio mum, tẹ ḍikii, gbọrụ ọmụgbinḅọ nwẹnị pịkị tẹ gbọrụ tomḅọ ọkị-ḅo ị̀ pịrị tẹ ḅẹẹ, ‘Ḅị tomḅọ ḅe ḍikiḍikii; í tii kọn-arị tẹ ò so-soo, í í ḍumo kẹ ò ḍumo gbẹẹ ḅa, anịanịa í seleḅa pakịrị sọnọma ẹndẹ oyia asi finji gbẹẹ ḅa.’

Nehimaya 5:15

Ḅọrọtẹ ḅẹrẹtọn-apụ ma tẹ ị̀ tọrọkọ sime apụ ma iku dogiye kẹ tomi ma ọgọnọ gbanam, tẹ ịna aḅara seleḅa pakịrị amesi mẹ sikima fịye na, iru na ọkịm. Ịna afịrịmẹnjịapụ kịngẹ sọ anị tọn kẹ tomi ma ọgọnọ gbanam. Kụma arị ọkọ mịẹ-a, Tamụnọ mangịma ẹrẹsị.

Ẹsịta 3:9

Anị amadaḅọ ḅe ḅụụ ḅẹlẹ-ḅẹlẹ, yee anị oloko sọ, mịnẹ ịn mịnapụ ma ḅaa, anịsakị à seleḅa puku oyia asi mesi oyi finji ofori puku oyi ẹndẹ (30,000,000) kẹ amadaḅọ ḅe tuḅokọn onyo mẹ sẹịn apụ ma aḅara-ḅio gbẹẹ su tẹ ịn kẹ amadaḅọ ḅe ngọ-koko-aḅio ma ḅio suu ḅa.”

Paka-so 21:32

Pootẹ-nambulo ḅe ịfalị kẹ omoniḅọ temi ḅaa-ḅaa, ḅọrọ owiḅọ-o, ẹrẹḅọ-o, ọ̀ nyanaḅọ ḅe seleḅa pakịrị suei kẹ omoniḅọ mẹ sịḅịdaḅọ gbẹẹ ḅa, tẹ ịn ḍụḅarị kẹ pootẹ-nambulo ḅe gbin ḅaa ḅa.”

Ayịzaya 55:2

Tiye ẹrẹsị ó furo ḅin ḅịa ye gotẹ igbigi famarị? Tiye ẹrẹsị ọmịnị ọ́ kọrị ḅo igbigi kẹ papaa fama tẹ ḅuru paa ọ́ tarịarị? Ọmịnị ì poki tẹ à ḍukoarị ye mịẹ; anịsakị ó ḅioḅẹlẹ ḅara kẹ fịye mamgba ḅụ iḅitẹịn fịye fị ḅa.

Izikẹlị 4:10

Ene goyegoye ịn kẹ ị́ pịrị ḅarị fịturu, ye tọn ye ḅụ oyia asi suei finji la ḅa, tẹ anị fa ḅịa nwenii jen ene la ḅa.

Hosiya 3:2

Mie ḅụ à seleḅa jeia apakịrị na bali mgbọlị-fịye ḅụ iku sọnọma si oyi finji la ye, ye-tọnye ḅụ, kẹ á pakịrịm.