Jerimaya 32:8 - FỊAFỊA BAỊBỤLỤ

⁸ Anịtẹso, KỊNỊNYANAḄỌ ḅe ḍuko gbọrụ ḅara ḅụ, Hanamẹlị ị̀ dama-ḅom ikoli-warị mẹ ḅio, tẹ ị̀ ḅara ḅiim à ḍụọ-ḍiḅi kiri mẹ fẹ. Mie ḅụ à nimim mịnẹ karakara-ḅara-ḅụ KỊNỊNYANAḄỌ ḅe ẹkwẹn ị̀ pịrị tẹẹ.

Jerimaya 32:8 Iomraidhean Croise

1 Amadapụ 2:26

Anịtẹso Amadaḅọ Sọlọmọnị nwẹnị Abịyata agbamịẹḅọ ḅe ḅẹẹ, “So Anatọtị í paka-ḅo opu sịẹ mẹ ḅụ ị́ ama muu. Ị́ fịị na-iḅim, kụma à mịọkụ ị́ ḅaa ḅịa, gbala ị́yẹrị mie KỊNỊNYANAḄỌ Ọḅọkụ-Igbe mẹ ḍikiḍiki sime ye ị́ ị̀ ḍa Devidi na simearị sakị, anịsakị ọ̀ la ḅụụ-fụka mamgba pịkị ị́yẹrị sọ lam.”

1 Amadapụ 22:25

Mayịkaya nwẹnị ḅẹẹ, “ḍikii, ị́ ẹrị ḅa anị ene mẹ ḅụ tẹ í mu gbọrụ kala-ḅio ḅụ ị́ ḅụụ ḅọị ḅarị sakị ḅụ.”

1 Paka-aị 6:60

Benijamịnị ye-yọ ḅụ ịn kẹ ịn pịrị anga anie Geba na anị ḅẹ iḅi-osuka-akiri ma na, Alẹmẹtị na anị ḅẹ iḅi-osuka-akiri ma na, Anatọtị na anị ḅẹ iḅi-osuka-akiri ma na. Ịna bebe afuro mamgba nyana anga oyi tẹra opu ama finji.

Jerimaya 1:1

Miemẹ anie Jerimaya, Hilikaya tụḅọ ḅe kọn ẹkwẹn gboloma ḍiri, Benijamịnị ibe ama Anatọtị ḅẹ agbamịẹapụ ma ḅẹ gbọrụḅọ.

Jerimaya 32:2

Anị sakị mẹ ḅụ Babịlonịya ḅẹ amadaḅọ ọmụ-ogbo mẹ owu kẹ Jeruselemu pakarị, tẹ amadaḅọ onu mẹ ḅio ini ị̀ kẹ ikoli suu wararị.

Jerimaya 32:25

Anịsọ, Ḍụḅa Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́yẹrị kọkọ tọn ị̀ pịrị à ḍụọ-ḍiḅi kiri fẹẹ, kịnị kiri mẹ ḅụ simearị ogbo, opu ama mẹ Babịlonịya ḅẹ apụ ma aḅara sọ ḅẹ-yearị sakị mẹ ḅụ.”

Jerimaya 32:7

mịnẹ Hanamẹlị, ị̀ ḍa iyimbere Salumu tụḅọ ḅe ị̀ dama-ḅo tẹ ị̀ ḅara ḅii ḅa mịnẹ àrị ọ̀ ḍụọ-ḍiḅi kiri fẹẹ Anatọtị ḅụ, Benijamịnị ibe mẹ ḅụ, yẹrị anie ori na kpeki-tẹịn mịnaḅọ tẹ anị fẹ tẹ kẹ ì nye sọma kụrọ mẹ nyanaḅọ ẹrẹsị.

Jerimaya 33:1

À paa amadaḅọ ḅe onu mẹ ḅio ḅẹ ikoli warị mẹ ḅio emi ogbo, KỊNỊNYANAḄỌ ḅe siin ori oku-ḅịḅị ḍuko ị̀ pịrịm.

Jerimaya 37:12

Mie ḅụ à nwẹnị Jeruselemu koroma so tẹ saakị Benijamịnị iri mu tẹ ḍiekiri ḅụ ị̀ la ye da ḅẹ ḅara furo ḅẹ ḍiepịrịye ḅụ.

Izikẹlị 12:7

À KỊNỊNYANAḄỌ ḅe ḍuko ị̀ pịrịm à mịẹ ḅẹ ye mẹ mịẹm. Anị eneḅaka mẹ ḅụ à ye kobiri fịnam ḍumo-mangị kọn ḅẹ ḅọ mịẹ-mịẹ ḅara, tẹ anị ḅẹ ḅoḅiri-so ḅụ anị kpitiarị ogbo arị ị̀ aḅara kẹ warị akaka mẹ soku fooma tẹ mẹnjị pakam. Ḅẹḅọ-ḅẹḅọ ḍikiarị ogbo à poku mẹ kẹ ị̀ apana gbana tẹ som.

Zẹkaraya 11:11

Mie ḅụ ọḅọkụ mẹ kaan-som anị ene ḅụ. Anana ma fẹ tẹ dẹrị-apụ ma à mịẹ ye kẹ elekima sụarị, tẹ nimim mịnẹ KỊNỊNYANAḄỌ ḅe à mịẹ ye mẹ ḅụ ḅọrọ tẹ ẹkwẹnm.

Jọnị 4:53

Anịtẹso ḍaḅọ ḅe nwẹnị kẹ ḅiokoroma mịnẹ anị gbọrụ sakị mẹ ḅụ mie Jizọsị ọ̀ ḅẹẹ ye, “Ị́ tụḅọ ḅe ọ̀ ḅarị fịị ḅịa.” Mie ḅụ ori na ọ̀ warị ḅẹ apụ na nwẹnị Jizọsị minini apụ sọ.