Jerimaya 32:41 - FỊAFỊA BAỊBỤLỤ

⁴¹ Iḅi aị mịẹ ịn pịrị ì ḅioḅẹlẹmarị ye sọ ḅa, tẹ arị ịn mịẹ tẹ ịn mị amakiri mẹ ḅụ kụrọ-sịẹ gbamaso ḅa.”

Jerimaya 32:41 Iomraidhean Croise

Devidi-Anume 80:8

Ijiputi ḅụ ị́ gbọrụ girepu sịn soku ḅom; í osi asịẹ ma dee-pakama tẹ anị kẹ ịna amakiri ḅụ ḍiḅim.

Ayịzaya 60:21

Ị́ atomi mamgba kuraye mịẹ ḅa Tẹ ini amakiri mẹ nyana mu ḅẹẹ-sakị ḅẹẹ-sakị la ḅa. Yẹrị ịn kẹ ḍiḅim, yẹrị ịn tẹmẹm, Ì opu mịẹfinji tomi mamgba ḍie ḅẹ ḅara.

Ayịzaya 62:4

Kịnị ḅarị jen kẹ “Sịkịtẹ-ḅọ” kẹ ị́ sịn ḅịa, Anịanịa ị́ amakiri mẹ sịn, “Koroma-so tẹ Ẹrẹḅọ ma.” Ị́ ịwọ ẹrẹ sọ ḅarịye anie, “Tamụnọ Á Ḍiki Ḅioḅẹlẹarị.” Ini ị́ amakiri mẹ sịn ḅa, “Diḅọ na Ḅioḅẹlẹ ḅụ angarị Ẹrẹḅọ,” Kẹ gotẹ ọkọ ḍukoarị, KỊNỊNYANAḄỌ ḅe í ḍiki-ḅioḅẹlẹarị, Tẹ ori diḅọ sọ ị́ amakiri mẹ pịrị ḅa.

Ayịzaya 62:5

Asatụḅọ kpaịntẹ iriawọ-tụḅọ ọkị simearị ḅara kịka ḅara ḅụ ị́ tẹmẹḅọ ḅe í sime ḅa. Ẹrẹḅọ simearị owiḅọ ò simearị ẹrẹḅọ ma ḅụ ḅioḅẹlẹ nyana ḅara, Anị ḅara mie ị́ Tamụnọ ḅe ị́ ḅụ ḅioḅẹlẹ ḅarị ḅara.

Ayịzaya 65:19

Yẹrị ḅioju sọ ḍereku ì ḅio ḅin ḅa, Jeruselemu na árị atomi na gotẹ. Owu ḅarị anị ḅio sime ḅịa, pịkị ḅarasụa ḅii sịn-ḅịḅị sọ.

Jerimaya 18:9

Osi pakịrị anga kẹ anị ḍiki ḅụ, à ḅẹẹm mịnẹ à gbọrụ sịẹ anịanịa amadaḅọ daarị yọ nama sịẹma ḅa,

Jerimaya 24:6

Ị̀ tọrụ ịna ọgọnọ sime ḅa, tẹ àrị ịn kẹ pịkị-ḅo mị amakiri mẹ la ḅa. Àrị ịn nama saakị tẹ ịn kan koroma ḅịa; arị ịn kẹ ḍiḅi tẹ ịn nụnụ pakama-ḅo ḅịa.

Jerimaya 31:28

Tẹ à tọrụ kẹ kiri lama tẹ suku-na-suku-na nụnụ pakama-ḅo, sukuruma-gbin, pịkị-iḅo, guluguluma, tẹ pịkị ịn kan-sara gbọrụ ḅara mẹ, mie à pịkị tọrụ kẹ kiri lama tẹ ịn kẹ ḍiḅi, tẹ ịn nama sịẹma ḅarị ḅara.

Izikẹlị 36:36

Anịtẹso kpeki tẹ anga sime asịẹ ma tẹ fa-a so apụ ma nimi ḅa mịnẹ Yẹrị, KỊNỊNYANAḄỌ ḅe, siin fa tẹẹ opu ama nama-namam tẹ pịkị si tẹ ḍụọ-ḍiḅi akiri siin ḍiḅi-ḍiḅim. Yẹrị, KỊNỊNYANAḄỌ ḅe, minini tẹ à mịẹ ḅẹm — tẹ à mịẹ ḅa.”

Hosiya 14:5

À sime Izirẹlị pịrị ḅarị ḅara samụnọ kiri ḅụ koro eene kịka ḅa. Ịn fịlawa panga-ḅaa ḅara kẹ panga-ḅaa ḅa; ini iḅiọkụ kuno sụa kụrọma ḅa Lẹbanọnị ḅẹ sịn ọkụ.

Emọsị 9:15

“Àrị ị̀ atomi kẹ à kẹ ịn pịrị amakiri ḅụụ ḍiḅi ḅa, tẹ kịnị ḅarị jen kẹ in soku pakama-ḅo ḅịa.” KỊNỊNYANAḄỌ ị́ Tamụnọ ḅe ọkọ ḅẹẹm.

Mayịka 7:18

Yei KỊNỊNYANAḄỌ, ị́ kịka jen tamụnọ ofori; ị́ atomi ma ḅụ fịị-a tẹ ḍumo apụ ma, í si-wẹrịso ịn pịrị famam. Ị́ ịganị ḅụ sime gbamaso-a; kụma í jike-a ḅẹlẹma kẹ wa ḍie mẹ, ị́ ḅụụ-ḅẹlẹ ye sọm.

Zẹfanaya 3:17

KỊNỊNYANAḄỌ ị́ Tamụnọ ḅe ị́ na emi; Ọ̀ kụrọ owu-ḅara-iḅi kẹ ị́ pịrịarị. KỊNỊNYANAḄỌ ḅe í ḍiki tọrụ-ḅẹlẹ ḅa, tẹ ọ̀ ḅẹlẹma ḅụ ori ịwọ ḍumo kẹ ị́ pịrị ḅa. Ori í gotẹ nume-su tẹ ḍereku ḅa.

Ditẹrọnọmị 28:63

Anịsakị iḅi kẹ ọ́ mịẹ na, ọ́ mịẹ tẹ ọ́ kama na ḅụ KỊNỊNYANAḄỌ ḅe tọrụ-ḅẹlẹ nyana ḅara, mie KỊNỊNYANAḄỌ ḅe ọ́ ḅịkị-koro na, fịị-fama na ọkị-ḅo ọmịnị ọgọnọ gbana ḅụ tọrụ-ḅẹlẹ nyana ḅarị ḅara ọ́ sọ tẹ anị ọkị nyana ḅẹ muarị ama mẹ ḅio.

Ditẹrọnọmị 30:9

KỊNỊNYANAḄỌ ọmịna Tamụnọ nwẹnị ọ́ mịẹtẹ ọmịna ḅara ḅẹ kọrịnama mamgba ḅụ na, ọmịna oju ḅẹ mgbọlụ ma ḅụ na, ọmịna opu anama ma ḅẹ mgbọlụ ma ḅụ na, ọmịna kiri ḅẹ mgbọlụ ma na ḅụ ọ́ tọnwa ḅara kẹ lolo-kama ḅa; kẹ gotẹ ọkọ ḅẹẹarị, KỊNỊNYANAḄỌ ḅe pịkị sin ọ́ mịẹtẹ ó lolo ḅụ tọrụ-ḅẹlẹ nyana ḅa ọ̀ wẹrịtẹ ọmịna aḍapụ ḅụ tọrụ-ḅẹlẹ nyana ḅara,