Jerimaya 32:39 - FỊAFỊA BAỊBỤLỤ

³⁹ Àrị ịn kẹ gotẹ ḍumoarị gbọrụ ye kẹ ịn pịrị ḅa: sakị mamgba ị́ kụn, ịna iḅi na ịna awọmẹ iḅi na gotẹ.

Jerimaya 32:39 Iomraidhean Croise

Suku-saakị 17:7

“Àrị ị̀ ọḅọkụ mịẹ pakama ḅa yẹrị na ị́yẹrị na í furo-ḅẹ-apụ na ogboku, anị sime gbamaso ọḅọkụ ḅara ḅụ sime ịna ḅụọ-ḅẹ-atomi pịrị ḅa. À Tamụnọ sọ ị́yẹrị na í furo-ḅẹ-apụ na pịrị ḅa.

Suku-saakị 18:19

Àrị ọ̀ sẹlẹ-ọkị tẹẹ, mịẹtẹ ọ̀ tọn ori awọmẹ na ọ̀ warị-suku na pịrị ịn ò ḍikimatẹ karakara na kura ḅẹrẹkọn na ḅụ ì etela mẹ mẹnjị ḅẹ ḅara. Ịn ọkọ mịẹm ḅẹḅẹ, à kẹ Ebira-amụ karịma aị mamgba à mịẹ ọ̀ pịrị ḅa.”

Suku-saakị 22:12

Tẹ enjẹlị ḅe nwẹnị ḅẹẹ, “Ị́ ḅara, anịanịa gberie-sọ kẹ tụḅọ ḅe lama ma, kẹ gotẹ ọkọ ḅẹẹarị, mẹkịnẹ à nimi tẹ mịnẹ ị́ Tamụnọ ḍiki-ḅalafarị, tẹ tọrụ-gelegele í owiḅọtụḅọ, ị́ kpọkpọ gbọrụ tụḅọ sọ ọlọ-sịẹma-a ọ̀ kẹ ị̀ pịrị ḅụ.”

2 Paka-aị 30:12

Tamụnọ ḅara mẹ Juda ọgọnọ ḅụ pịkị emi tẹ gbọrụ ḅioḅẹngbọ kẹ in pịrị tẹ ini amadaḅọ ḅe na, amadapụ ma owiapụ-awọmẹ ma na KỊNỊNYANAḄỌ ḅe ẹkwẹn-ḅịḅị mẹ ḅụ tọn in pịrị ye mẹ mịẹ ḅẹ ḅara.

Devidi-Anume 112:1

Ọ́ KỊNỊNYANAḄỌ ḅe tokinii! Ḅioḅẹlẹ sime KỊNỊNYANAḄỌ ḅe kụn-arị ḅọ mẹ pịrịm, anie ọ̀ tọn aị poki tẹ mịẹ mẹ ḅụụ-ḅẹlẹ arị ḅọ mẹ.

Devidi-Anume 128:6

Yee í ḍumo sime tẹ ị́ ị́ taa-awọmẹ ẹrị! Dein Izirẹlị na simee!

Devidi-Anume 86:11

KỊNỊNYANAḄỌ, í ḅiiarị à mịẹ ḅẹ ye kẹ ì toluma, tẹ à ḅioḅẹngbọ-kẹ-sịrẹrẹ-niḅi ḅara kẹ ị́ ḅịḅị poki ḅa; ì toluma tẹ à ḅụụ mẹmgba saakị ị́ pịrị ḅara kẹ fịrịmẹnjị ị́ pịrị.

Egberima-Ẹkwẹn 23:17

Si atomi mọnị ma. Yee KỊNỊNYANAḄỌ ḅe mangịma mẹ ị́ ḅụụ ḅẹrẹ ye sọ í ḍumo ḅụ.

Ayịzaya 35:8

Anị anga opu etela paka ḅa, ini anị sịn ḅa, “Fịafịa Si Ofori Etela Mẹ.” Gbọrụ si-mịẹḅọ sọ anị etela mẹnjị ḅọrọ ye mu ḅịa; gbọrụ oḅori-ḅọ sọ anị mẹnjịarị apụ ma da-irima ḅịa.

Ayịzaya 52:8

Ama mẹ koruarị apụ ma olokuarị, gbọrụ ḅịḅị kẹ ḍereku ḅụ olokuarị! Ini inetẹ ḅarana tọrụngbọ kẹ ẹrị ḅa KỊNỊNYANAḄỌ ḅe pịkịma Zayọnị ḅoarị mẹ!

Ayịzaya 65:23

Ịn kọrịarị akọrịnama ma lolo ḅa, tẹ ịna awọmẹ opu ḅụụ-fụka ịn la ḅịa. Arị ini na ịna furo-ḅẹ-apụ na boma mu ḅẹẹ-sakị ḅẹẹ-sakị la ḅa.

Jerimaya 24:7

Àrị ịn kẹ ì nimi ḍọkị ḅẹ tẹmẹ kẹ ịn pịrị ḅa, mịnẹ yẹrị anie KỊNỊNYANAḄỌ ḅee. Ini ị̀ atomi sọ ḅa, tẹ yẹrị ịna Tamụnọ sọ ḅa, ini ịna ḅioḅẹngbọ mẹmgba kẹ pịkị ị̀ dama-ḅo ḅa ẹrẹsị.

Jerimaya 31:33

Ịwọ ọḅọkụ mẹ tẹ à kẹ Izirẹlịapụ ma na fị ḅarị ọḅọkụ mẹ anie mie: àrị ì oloko kẹ ịna ḅụụ ḅio suu tẹ anị kẹ ịna aḅioḅẹngbọ ḅụ kẹẹ ḅa. Yẹrị ịna Tamụnọ sọ tẹ ini ị̀ atomi sọ ḅa.

Jerimaya 32:40

À sime-gbamaso ọḅọkụ kẹ ini na fị ḅa. Iḅi aị mịẹ ịn pịrị ḅụ gbala-gbala à ḅara-siin ḅịa, tẹ à mịẹ tẹ ini ịna ḅioḅẹngbọ mẹmgba kẹ ị̀ ḍiki-ḅalafaa ḅa, mịẹ tẹ ịn ḅarị gbala-gbala ị̀ ḅụụ pịkị-so ḅịa ḅara.

Jerimaya 6:16

KỊNỊNYANAḄỌ ḅe ori atomi ḅẹẹm, “Ọmịnị etela ma jen-jen saḅa-ḅọrọ wararị anga mẹ ḅụ sịẹsime tẹ ḍiki. Ọmịnị elemu sakị ḅẹ mẹnjị ḅọrọ ayọ ma gbela nimii, pịkị iḅi tẹịn etela mẹ simearị anga na. Ọmịnị anị ḅụ mẹnjị, anịsakị ó dein ḅụ anga ḅa.” Kụma ini mẹ, “Ẹn-ẹn, wa mịẹ ḅịa!”

Izikẹlị 36:26

Àrị ịwọ ḅioḅẹngbọ na ịwọ kuroma na kẹ ọ́ pịrị ḅa. Àrị ọmịna kọngọ-kụrọma ḍụḅarị ḅioḅẹngbọ mẹ siin so tẹ ḅịḅịpoki ḅioḅẹngbọ kẹ ọ́ pịrị ḅa.

Izikẹlị 37:22

Amakiri mẹ ḅụ arị in gboloma tẹ ịn gbọrụ sịẹ sọ ḅa, Izirẹlị ḅẹ tụndụ ma ọgọnọ ḅụ. Ịn gbọrụ amadaḅọ nyana tẹ ḅẹrẹtọn ịn pịrị ḅa, tẹ ịn ḅarị jen kẹ maa asịẹ puu ḅịa anịanịa ḍiema tẹ maa ama-da ayọ sọ.

Izikẹlị 37:24

Ị̀ fịrịmẹnjịḅọ Devidi kịka amadaḅọ ịna amadaḅọ sọ ḅa. Inimgba gbọrụ ḅụ sime ḅa gbọrụ ḅẹrẹtọnḅọ suku ḅio, tẹ ḅioḅẹngbọ-kẹ-sịrẹrẹ-niḅi ḅara kẹ ì oloko ma poki tẹ mịẹ ḅa.

Izikẹlị 37:25

Ini à kẹ ị̀ fịrịmẹnjịḅọ Jekọbụ pịrị amakiri mẹ ḅụ anga ḅa, ịna elemu-aḍapụ ma anga amakiri mẹ. Ini anịanga anga gbamaso ḅa, anie ịna awọmẹ na ịna furo-ḅẹ-apụ mamgba sọ mịẹ ḅarị ḅara. Ị̀ fịrịmẹnjịḅọ Devidi kịka amadaḅọ ḅẹrẹtọn ịn pịrị gbamaso ḅa.

Jọnị 14:6

Jizọsị nwẹnị ọ̀ pakịrị, “Yẹrị anie etela mẹ, karakara mẹ, pịkị ḍumo mẹ; gbọrụḅọ-sọ mu Ḍaḅọ ḅe la la-a, mḅọ ị̀ ḅụụ ḅọrọ sikima.”

Jọnị 17:21

À tẹkẹarị mịnẹ inimgba gbọrụ ḅụ sime. Ḍa! Yee ịn wamịna ḅụụ sime, anie ị̀ ḅụụ ḅio emi tẹ yẹrị pịkị ị́ ḅụụ ḅio emi gbọrụ ḅara mẹ. Yee ịn gbọrụ ḅụ sime, mịẹtẹ tomikiri mẹ minini ḅarị ḅara mịnẹ ị̀ kẹ fịrịmam.

Fịrịmẹnjịapụ 13:33

ori anị mịẹ wamịnị ịna awọmẹ ma pịrị tẹ, fịị ḅụụ Jizọsị saakịma ḅụ. Anie anị wẹrịtẹ kẹẹ ḅara Devidi Nume Ḍiri mẹ ḅio maaịn karama ye mẹ ḅụ: “Ị́yẹrị ị̀ tụḅọọ; mịmgba à ḅo ị́ Ḍa sọ tẹ.”

Fịrịmẹnjịapụ 2:39

Tamụnọ minini ye mẹ sime ọmịnị na, ọmịna awọmẹ na, pịkị ala-jụ simearị apụ tẹ wa Nyana Tamụnọ ḅe sịn amịna ḅụụ pịrịarị apụ mamgba pịrịm.”

Fịrịmẹnjịapụ 3:26

Mie ḅụ Tamụnọ nwẹnị ọ̀ sẹlẹ-ọkị tẹ Fịrịmẹnjịḅọ ḅe kẹ tarị ọ́ fịrịma, tẹ ó boma ḅẹ ḅara, mịẹtẹ ọrụḅọ-ọrụḅọ mḅọ si-sịḅịḅio-sụa etela ma ḅụ pịkị ḅụ.”

Fịrịmẹnjịapụ 4:32

Jizọsị minini apụ ogbo mẹ gbọrụ kuroma na gbọrụ ḅioḅẹngbọ na nyanam. Gbọrụḅọ-sọ ḅẹẹ-a mịnẹ mḅọ nyana aị ḅụ sime mḅọ ngẹrị pịrị ye emi. Kụma inimgba ịn nyana ye goyegoye ḍiyam.

Fịrịmẹnjịapụ 9:31

Tẹ Judiya na, Galili na, Sameriya na mamgba ḅụ sọsị mẹ nwẹnị dein nyana. Fịafịa Tẹmẹ ḅe ḅarasụa ḅụ anị nwẹnị kụrọ sịẹ, tẹ pịkị kịẹn-ḅịḅị ḅụ ḍụḅa, anie anị kẹ KỊNỊNYANAḄỌ ḅe kụn ḅụ anga ḅara ẹrẹsị.

Romu 11:16

Ḅuru ẹfẹrẹ ḅụ í ḅuru gbọrụ mgbọlị kẹ Tamụnọ karịma, karịma ḅuru ẹfẹrẹ mẹ ḅo Tamụnọ nye sọ tẹ; tẹ ịn sịn mẹ akuno karị Tamụnọ pịrị, pịrị sịn mẹ aḅara ma sọ ò nye sọ tẹ.

1 Kọrịntị 7:14

Tamụnọ ẹrẹḅọ ma ḅụ ḅọrọ tẹ à di, Kịrayịsị minini-a ḅọ ḅe ọkịarị, ọ̀ pịkị Kịrayịsị ḍukamẹnjị owiḅọ gotẹ ọ̀ ta Kịrayịsị minini-a ḅọ ma ọkịarị, anieofori ịna awọmẹ ḅofa Tamụnọ nimi-a apụ awọmẹ sọ; kụma ye sime-ḅara ḅụ, Tamụnọ ini ọkị tẹ.

2 Kọrịntị 13:11

Anịsakị mịọkụ, ị̀ amịnapụ, ọmịnị iḅiọkụ simee! Ọ́ ḅụụkụrọma tẹ bebe ḅẹ ḅara ḍọkịị; ọmịnị à kẹ ọmịna tọrọkọ koroma aị ma pokii; ọ́ jụmọ-jụmọ na gbọrụ-ḅịḅị-fie; ó dein ḅụ angaa. Tẹ ḅẹlẹma na, dein na, Tamụnọ ḅe ọmịnị na sime ḅa.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Ditẹrọnọmị 6:2

Mịẹtẹ ọmịnị na, ọmịna afuro ḅẹ apụ na ọmịna ḍumo-ene mamgba kẹ KỊNỊNYANAḄỌ ọmịna Tamụnọ ḅe mangịma ḅẹ ḅara, ọ́ kẹẹ wararị oloko ma na, ori oloko mamgba na tẹ à tọn ọ́ pịrị aị ma koko ḅụ; mịẹtẹ ọmịna ene ma nangwọ ḅẹ ḅara.

Ditẹrọnọmị 6:24

Tẹ KỊNỊNYANAḄỌ ḅe tọn wa pịrịm wa mịna kẹẹ wararị oloko mamgba koko tẹ mịẹ, wa sakị mẹmgba wamịna iḅi gotẹ KỊNỊNYANAḄỌ wamịna Tamụnọ ḅe mangịma ḅẹ ḅara, mịẹtẹ mịmgba mẹ ḅụ anị sime-ḅara ọ̀ wa wẹrị kpaịnma ḍumoma ḅẹ ḅara.

Hiburu 10:20

Ori ịwọ etela finji wa pịrịm, ḍumo wararị etela, kiki-pẹlẹ-ḅịtẹ mẹ ḅụ tolu-ḅọrọ ḅụ, anie fiearị, ori oju mẹ ḅụ tolu-ḅọrọ.