Jerimaya 32:34 - FỊAFỊA BAỊBỤLỤ

³⁴ Ịn mịẹ nwenii tẹ ịna oru-afụḅara ma sọ kẹ ị́ Warị mẹ, nama tẹ kẹ sunsin ị́ pịrị ḅẹ yọ mẹ ḅio koroma tẹ anị pilema tẹẹ.

Jerimaya 32:34 Iomraidhean Croise

2 Amadapụ 21:1

Manasẹ sịḅị oyi maa kụra finji ḅọrọ tẹso, ọ̀ saakị ama-dam, tẹ Jeruselemu ḅụ kụra amesi oyi finji na sọnọa akụra kẹ ama-dam. Ò iyingi ẹrẹ anie Ẹfụziba.

2 Amadapụ 23:6

Ọ̀ nwẹnị Asẹra fụḅara mẹ pakama-ḅo KỊNỊNYANAḄỌ ḅe warị ḅụ, tẹ Jeruselemu ḅụ anị pakama mu Kidirọnị kuroro ḅụ anị dọkịma tẹ anị dogi-ḅo fọọn sọ tẹ ini anị ḅẹ fọọn mẹ kẹ papaa atomi ma aḍuḅu ọgọnọ sara.

2 Paka-aị 33:15

Ọ̀ nwẹnị igoni atamụnọ ma na, ọ̀ kẹ ye kịka ma tẹmẹ-aị mamgba saakị siin KỊNỊNYANAḄỌ ḅe warị mẹ ḅụ, tẹ ebeka ma tẹ ò Jeruselemu ḅụ nama aị ma na KỊNỊNYANAḄỌ ḅe warị mẹ ḅẹ tụndụ mẹ ọgọnọ nama aị mamgba na kan siin, tẹ ọ̀ nwẹnị arị kẹ opu ama mẹ ḅio pakama tẹ kẹ gbin nguma.

2 Paka-aị 36:14

Tọrọkọ tarị agbamịẹapụ mamgba na, tomi ma na gbọrụ ḅara kẹ gbala-gbala minini nyana-a, tẹ opu asịẹ ma ḅẹ tọn-tọn-aị ma ḍukamẹnjịarị; tẹ KỊNỊNYANAḄỌ ḅe warị mẹ tẹ Jeruselemu ḅụ ọ̀ mịẹ fịafịama ye mẹ pilemam.

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 23:11

KỊNỊNYANAḄỌ ḅe mẹẹ: Ịkịankoroapụ ma na agbamịẹapụ ma na ịn Tamụnọ nimi-a; In siye mịẹarị tẹ arị in kun tẹ Tamụnọ-warị mẹ ḅio ḅioju ḅụ sọ.

Jerimaya 30:14

Ọmịna ḅẹlẹmapụ mamgba ọ́ kẹ ḅioḅọrọma tẹ; ịn ḅarị jen kẹ ó gboloma ye kẹ ye-sịn-a. À si kẹ ọ́ tọn ḅọ ḅara kẹ owu kẹ ọ́ pakam; ọ́ da fomu-ḅara mẹ kụrọ ḅakam ọmịna asi ḅakam ẹrẹsị ọmịna si-sịḅịḅio sọ ḍụḅam.

Jerimaya 34:15

Boowa ene ḅọrọtẹ so sakị ọmịnị ọmịna akuroma ḍima tẹ ì ḅioḅẹlẹma ye mịẹm. Ọmịnị-mgba ḅịḅị-kẹ-ogbosọm, ọmịna pembema Izirẹlịapụ ma ḅụụ-ḅarasin tẹ ini ịna asịḅị-atomi sọ, tẹ ọmịnị anị ḅẹ ọḅọkụ fịm ị̀ tọrọkọ ḅụ, Tamụnọ-warị tẹ in sunsin ị̀ pịrịarị yọ mẹ ḅio.

Jerimaya 44:4

Àrị ị̀ afịrịmẹnjịapụ ịkịankoroapụ ma kẹ ịn fịrịma-fịrịmam, anie mịẹ ḅalafama ye mẹ tẹ à ḍiki-ḅioḅuarị ye mẹ ḍuko ọ́ pịrị apụ ma.

Jerimaya 7:10

Ọ́ mịna à ḍiki-ḅioḅuarị aị ma mịẹarị, tẹ ḅo ị̀ tọrọkọ sịẹ tẹ ị̀ ḅara-kuḅu ḅẹ Warị mẹ ḅio ḅẹẹarị: “Wa la-la ye ofori!”

Jerimaya 7:30

“Juda ḅẹ apụ siye mịẹ tẹẹ. Ini ịna oru-afụḅara ma kẹ ị̀ warị ḅio koroma tẹ anị pilema tẹẹ.

Jerimaya 7:31

Hinọnị Tụndụ suku-ḅio ini ịn kẹ Tofẹti sịn-arị agbamịẹ-anga nama tẹẹ, tẹ ịna owiapụ-awọmẹ na eremịna-awọmẹ na kẹ fịnị ḅio agbamịẹ ḅẹ ḅara. Yẹrị tọn ịn pịrị-a ịn miemẹ mịẹẹ — ì kuroma kịngẹ ḅụ sọ anị sọ-a.