Jerimaya 32:24 - FỊAFỊA BAỊBỤLỤ

²⁴ “Babịlonịya ḅẹ apụ ma in sime tẹ owu-sọ ḅẹ ayọ nama ama mẹ ikelema tẹ ama mẹ ọkị ḅẹ ḅara gotẹ owu kẹ anị pakarị. Ọmụ na, ḅuru-ḅa na, obi na mịẹ tẹ ama ḅịkị ịna aḅara-ḅio sọ ḅa. Í inetẹ ẹrị ḅa mịnẹ í ḍuko aị mamgba ḅo karakaraye sọ tẹẹ.

Jerimaya 32:24 Iomraidhean Croise

Jerimaya 33:4

Kẹ gotẹ ọkọ ḅẹẹarị, mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye: “Jeruselemu ḅẹ warị ma na Juda ḅẹ amada-warị ma na tẹ mịẹ opu ama mẹ ḅio ịn kan-sara aị ma gbolomaye ḅụ ini ama ọkị amịẹaị ma mịẹarị sakị, pịkị okologie na,

Jerimaya 32:36

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ị̀ ḅẹẹm, “Jerimaya tomi ma ḅarị mịnẹ ọmụ, ḅuru-ḅa na obi na mịẹ tẹ mịẹ opu ama mẹ ḅịkị Babịlonịya ḅẹ amadaḅọ ḅe aḅara sọ ḅa. Mịọkụ à nyana tẹ ḍuko ḅẹ jen ye pokii.

Ditẹrọnọmị 4:26

À mịmgba ḅụ So na Kiri na sịnm, arị ogbo-sịẹ apụ sọ kẹ ọ́ pịrịị, mịnẹ ọmịnị ị̀ ḅịḅị poki-a ḅẹḅẹ, ala-a sakị ḅụ ama mẹ tẹ Jodanị mẹ saḅa ḅụ ọ́ nyana ḅẹ muarị ama mẹ ḅụ ọmịnị ịkatakirikọn-a-ḅara kẹ fịị fama ḅa; ọmịnị anị ḅụ sime alama ḅịa, kụma ịkatakirikọn-a-ḅara kẹ ọ́ fịị fama ḅa.

Zẹkaraya 1:6

Ị̀ afịrịmẹnjịapụ ịkịankoroapụ ma ḅụ à ḅọrọ tẹ oloko sụa-sụa ịn pịrị tẹ ịna aḅeri nụnụm, kụma ini arị kẹ ye-sịn-a tẹ anị dogi-ḅo ḅụụ-fụka dam. Anịtẹso in si-ḅụ-pịkị tẹ nimim mịnẹ yẹrị Kụrọmamgba nyana KỊNỊNYANAḄỌ ḅe mie in fomu ye ịn da na-iḅi ḅara ḅụ, à pịkị tọn pẹlẹm à mịẹ ḅẹ ḅara.’ ”

Izikẹlị 21:22

Mịọkụ! Ori ori ama-ḅara in ‘Jeruselemu’ ẹrẹ kẹẹ wararị ḍiein mẹ ọlọ wararị! Anị ḍuko ọ̀ pịrịarị ò mu onu jine gbin ḅẹ ejimina ma kẹ kirikiri ḅụ sịẹma wẹrị onu aḅọkọ ma ḅụ, ọmụ oloku kọn, pịkị lịka sarasara gelema, pịkị nkọrọ soku-soku sara.

Izikẹlị 14:21

Mie anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye, “À si-tẹịn inia fomu-ḅara ma fịrịma mu Jeruselemu ọgọnọ gbana ḅa — ọmụ, ḅuru-ḅa, piri-ḅio-ḅẹ si anama, na obi na — kẹ gbọrụ ḅara kẹ tomi na nama ma na ḅaa.

Jerimaya 32:3

Ịn kẹ ị̀ sịḅị-sẹịn tẹ Ama-da Zẹdẹkaya ị̀ kẹ ikoli suu ye anie, à ḍukom mịnẹ KỊNỊNYANAḄỌ ḅe ḅẹẹm, “À mịẹ tẹ Babịlonịya ḅẹ amadaḅọ ḅe mị opu ama mẹ ọkị ḅa,

Matiyo 24:35

So na Kiri na ḅọrọ so ḅa, kụma ị̀ ẹkwẹn ma gbala-gbala ḅọrọ so ḅịa gbamasom.

Jerimaya 52:6

Anị gbọrụ kụra mẹ ḅẹ ini karama akalụ mẹ ḅẹ eseni karama ene ḅụ, ḅuru-kụrọ ḅo si ḅaka tẹso, tomi ma fị-fị gberie-sọ ḅarị ofori sakị,

Jerimaya 32:25

Anịsọ, Ḍụḅa Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́yẹrị kọkọ tọn ị̀ pịrị à ḍụọ-ḍiḅi kiri fẹẹ, kịnị kiri mẹ ḅụ simearị ogbo, opu ama mẹ Babịlonịya ḅẹ apụ ma aḅara sọ ḅẹ-yearị sakị mẹ ḅụ.”

Jerimaya 24:10

Arị ọmụ na, ḅuru-ḅa na, obi na ọkị-ḅo ịna ọgọnọ gbana ḅa, nwenii ịna ḅụ gbọrụḅọ sọ kirikọn ḅịa à kẹ ini na ịna elemu aḍapụ na pịrị amakiri mẹ ḅụ.”

Jerimaya 16:4

Ịn ḅalafama obi ḅụ ḅọrọtẹ fịị ḅa, tẹ gbọrụḅọ-sọ in ḍuu ḅịa, anịanịa ịn kẹ ḍiḅi. Ịna oju akpakpa ma tunduru sime ḅarị ḅara sara kịka ḅa kiri mẹ ọgọnọ. Ini ọmụ ḅio fịị ḅa anịanịa ḅuru-ḅa ḅụ fịị, ịna oju akpakpa ma fịye sọ feni amẹẹ na piri-ḅio-ḅẹ anama na pịrị ḅa.”

2 Samụẹlị 20:15

Tomi mamgba tẹ Johabụ na sime apụ ma nwẹnị ḅo, tẹ Bẹtị-mahaka ḅẹ Ebẹlị ḅio ori ikelema-koro tẹ owu kẹ ọ̀ paka. Ini aḅaịn kẹ ọgọnọ lẹsẹrẹtẹ ẹbẹ pembe onu gbọrụ opu ama mẹ ikelemam, tẹ ini onu mẹ sukuruma-gbin ḅẹ ḅara kẹ ye kẹ anị fomum.

Ayịzaya 37:33

Mie KỊNỊNYANAḄỌ ḅe Asiriya tomikiri mẹ daarịḅọ ḅe gboloma ye ḅụ ḍuko ye: “Ọ̀ mị ama mẹ sọ ḅo ḅịa, anịanịa ḍiein gbọrụ mgbọ kẹ anị tẹịn. Gbọrụ ọmụḅọ ekpeke sọ ḅo mị opu ama mẹ kpeki ḅịa, tẹ ama ọkị ḅẹ tẹ koruarị apụ nama ikelema-ikelema gele ayọ sọ nama ḅịa.

Jerimaya 6:6

Kụrọmamgba nyana KỊNỊNYANAḄỌ ḅe tọn tẹẹ, mịnẹ mịna amadapụ ma sịn pẹlẹ-pẹlẹ-gbin tẹ kiri kpolima-kpolima Jeruselemu ikelema ḅa, kẹ ama mẹ ọkị ḅẹ ḅara. Ò ḍuko tẹẹ, “À fomu-ḅara kẹ mị opu ama mẹ pịrị ḅa, kịnị ponoma anị ḅio ḅin wararị ẹrẹsị.

Jerimaya 20:5

À pịkị wẹrịso tẹ si kẹ ịn tọn apụ ma mị opu ama mẹ ḅẹ ngọ mamgba fọịn tẹ anị nyana aị mamgba kọrị-ọkị ḅa, Juda ḅẹ amadapụ ma kẹ koko ḅụụ-wẹrịma aị kịngẹ sọ, tẹ ye goyegoye dogi-so Babịlonịya mu ḅa.

Jerimaya 29:17

Kụrọmamgba nyana KỊNỊNYANAḄỌ ḅe ḅẹẹarị, “Àrị ọmụ na, ḅuru-ḅa na, obi na ọkị-ḅo ịna ọgọnọ gbanarị, tẹ arị ịn mịẹ tẹ in si ḅụrụ tẹ ḅarị fị-fị ḅara sime-a figi-sịn mgbọlụ kịka ḅa.

Jerimaya 29:18

Àrị ọmụ na, ḅuru-ḅa na, obi na kẹ in ḍuka ḅa, tẹ tomikiri ḅẹ asịẹ mamgba ini ẹrị ye ḅụ ḅalafaa ḅa. Àrị ịn gala-gala mu anga mu anga kịnị ịna ḅụ paka tẹ ye gotẹ ḅụụ-gbiripu tẹ tẹmẹ-naịn-naịn ḅa. Kịnị in kombo tẹ ịna ẹrẹ kẹ ye gbo ḅa.

Jerimaya 32:5

Ịn Zẹdẹkaya ọkị-so Babịlonịya mu ḅa, tẹ ori anị anga sime nwenii tẹ arị ori na à mịẹ ḅẹ ye mịẹ ḅa. Ọ̀ nwẹnị Babịlonịya na owu sọ-sọ, owu ọ̀ ḅara iḅi ḅịa. Yẹrị KỊNỊNYANAḄỌ ọkọ ḅẹẹm.”

Jerimaya 32:28

À mị opu ama mẹ kẹ Nebukadineza, Babịlonịya ḅẹ Amadaḅọ ḅe na ori ọmụ-ogbo na pịrị ḅẹ-yearị; ini anị ọkị

Jerimaya 34:17

Mịẹ ḅụ mịọkụ, yẹrị, KỊNỊNYANAḄỌ ḅe, ḍukoarị mịnẹ ọmịnị ị̀ ḅịḅị-kan tẹ: amụ ḅarana-sịḅị-nyana kẹ ọmịna pembema Izirẹlịapụ ma pịrị-a. Ọkọ ḅẹḅẹ, iḅi lamam, yẹrị ḅarana-sịḅị-nyana kẹ ọ́ pịrị ḅa: ọmụ ḅio fịị ḅarana-sịḅị-nyana, obi na ḅuru-ḅa na. À kẹ ọ́ mịẹ ḅarịye mẹ, kpọma tomikiri ḅẹ sịẹ goyegoye ḅụụ koro ḅa.

Jerimaya 52:4

anịtẹso Nebukadineza nwẹnị ò bebe ọmụ-ogbo kẹ owu kẹ Jeruselemu paka ḅẹ ḅo, Zẹdẹkaya ama-da tẹ eseni karama kụra mẹ ḅẹ oyi karama akalụ mẹ ḅụ oyi karama ene mẹ ḅụ. Ịn nwẹnị in sime tẹ ọmụ mẹ gbin ḅẹ yọ nama onu mẹ ọḅụjụ ḅụ, pịkị in sime tẹ ama mẹ ọkị ḅẹ ayọ nama onu mẹ ikelema-koro,

Izikẹlị 26:8

Kpongbo-kiri ḅẹ ama ma ḅio angarị apụ ma ini ịn ḅaa ḅa owu ḅio. Ị́ na fịya-a apụ ma nkọrọ soku-soku tẹ mkpu mịẹ-mịẹ tẹ onu nama tẹ kẹ í kiki ḅa.

Habakọkụ 1:10

Ini amadapụ ḍiki-iderima ḅara kẹ ini na mịẹarị tẹ fịrịmẹnjị-opuapụ ḍẹrịarị. Gbọrụ kụrọnị-anga sọ in kiki-kiki-a; ini aḅaịn soku kpolima anị bịan si tẹ anị ọkịarị.

Izikẹlị 4:2

Anịtẹso ama ọkị ḅẹ apụ mịẹ-mịẹ ye mị, nangwọ-nangwọ tẹ olulu soku onu mẹ ikelema, kiri soku-soku tunduruma ikelema, ọmụapụ sime-yọ nama, tẹ pịkị sịkọpẹlẹ-a ḅara kẹ onu mẹ jine-jine ḅịkịma ḅẹ ejimina amẹẹ kẹ anị ikelema.

Izikẹlị 21:27

Gulugulu fa, gulugulu fa! Inn, àrị opu ama mẹ kan guluguluma ḅa. Kụma miemẹ paka ḅịa nwenii à sẹlẹ ọkị tẹ kẹ opu ama mẹ fomu ḅẹ ḅọ ḅe ḅo sakị la ḅa. Anịsakị àrị anị kẹ ọ̀ pịrị ḅa.”