Jerimaya 32:23 - FỊAFỊA BAỊBỤLỤ

²³ Kụma in ḅo mị amakiri mẹ anga tẹ anị kẹ ịna nye sọma sakị ini ị́ tọn koroma aị ma poki tẹ mịẹ-a, anịanịa í tolumaye ḍiki anga. Ị́yẹrị tọn ịn pịrịm ịn mịẹ nwẹn ḅẹẹ aị ma ḅẹ gberie-sọ ịn mịẹ-a. Tẹ mie ḅụ ị́ fịị-gulugulu ọkị-ḅo ịna ọgọnọ gbanam.”

Jerimaya 32:23 Iomraidhean Croise

Ẹzịra 9:7

Wamịna aḍapụ ma ene ma ḅụ ḅo mịmgba la, wa gburo-gburo ḅara kẹ mịẹ gbẹẹ-a aị ḅio sime tẹẹ, anịsakị wamịna mịẹ-irima ma gotẹ, wamịnị na, wamịna amadapụ na, wamịna agbamịẹapụ na, mu ama mẹ ḅẹ amadapụ ma ḅara na, okologie na, kun-ḅara na, kụrọ-ḅara kẹ ye fọịn-ọkị na, mịẹḅẹ-ọkụ-ofori ḅẹ ḅụụ-jịrị na ḅio sọm, mịmgba ḅụ sọ wa paa simearị ḅara.

Nehimaya 9:15

Í fie kẹ in pịrịm So-ḅio, ḅuru in tarịm ẹrẹsị, tẹ minji kẹ in pịrịm ịkụ mẹ ḅio, minji in tarịm ẹrẹsị. Ị́ nwẹnị in ḅẹẹ in mu ọkị nyana-a, ị́ kẹ in pịrị ḅẹ karị tẹ ama mẹ.”

Devidi-Anume 78:10

In Tamụnọ na ini na fị ọḅọkụ mẹ koko-a; ịn ḍụkụ tẹ ọ̀ tọn kuroma aị ma poki tẹ mịẹ-a.

Jerimaya 2:7

Arị ini ọkị-ḅo fie-pakamarị kiri lam, anị ḅẹ fịye-soku sakị ḅẹ iḅi fịye, pịkị ja iḅi aị na. Kụma anie nakara ini ì kiri mẹ sima guluguluma tẹ; ini à kẹ ịn pịrị bebe yọ mẹ pilema tẹẹ.

Jerimaya 26:4

KỊNỊNYANAḄỌ ḅe ḍuko ị̀ pịrịm à tomi ma ḅẹẹ, “Yẹrị, KỊNỊNYANAḄỌ ḅe ọkọ ḅẹẹm mịnẹ ọmịnị ị̀ ḅịḅịpoki nyanam, à kẹ ọ́ pịrị tẹ tolumaye mẹ ḍukamẹnjị ḅụ,

Jerimaya 44:10

Kụma ḅo mịmgba la sọ amụ ọ́ paa ọmịna aḅụụ lẹgịma-a. Amụ ọ́ paa ị̀ kụn tẹ à sụa ọmịna elemu-aḍapụ ma pịrị oloko mamgba ḍiki anga-a.

Jerimaya 7:26

Anịsọ gbọrụḅọ-sọ poki tẹ kẹ ye-sịn-a. Anie nakara ó ḅioḅẹngbọ kụrọma tẹ kọngọ-kụrọma ọmịna elemu aḍapụ ma nẹngị tẹẹ.

Kururu Owu-apọkọ 1:18

KỊNỊNYANAḄỌ ḅe ọ̀ mịẹ kuramam, kẹ gotẹ ọkọ ḅẹẹarị, yẹrị ori ẹkwẹn-ḅịḅị na tụḅụrụm; kụma ọ́ naa, ọmịnị tomi-kụlọkụlọ mamgba, tẹ ị̀ ḅụụ-fụka mẹ ḍikii; ị̀ iriawọ na ị̀ asawọ na, kun-ḅara ḅụ so fama tẹẹ.

Kururu Owu-apọkọ 1:8

Jeruselemu kịnị kururuma ḅara kẹ si mịẹm, anịẹrẹsị á ḅo sịḅị-ngụngụnma ḅara simem; kụn kẹ á pịrị apụ mamgba á ḍiki-simam, gbala ini á paụ ẹrị tẹ ẹrẹsị; inn, árị ma ḅioju sọ iningim, tẹ ḅụụ-jịrị ḅụ á tọrụ sikimam.

Izikẹlị 20:18

Anie nakara, àrị ịna ogboku ḅụ asambịrịma apụ ma ḅeri nụnụm. Ọmịnị ịna ama-anganga-aḅara ma ḍukamẹnjị ma anịanịa ịna oru-afụḅara ma kẹ ọmịna aḅụụ pilema ma.

Izikẹlị 20:21

Kụma anị ḅụọ ḅẹ apụ ma sọ ị̀ na pikiyam. Ini ì oloko ma kan tẹ à tọn-koroma-aị ma mịẹ-a, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma. Ịn nwẹnị Ịnyọsara-Ene mẹ sima. À tẹlẹmam tẹ ị̀ ịganị kẹ ịna ọgọnọ sara ḅẹm ịkpa mẹ ḅio tẹ anị ḅẹ kụrọ mẹ ịna ḅụụ ịnọ tẹ inimgba ḅaa.

Izikẹlị 20:8

Kụma ini ị̀ na pikiya tẹ ḍụkụ tẹ ị̀ ḅịḅịpoki-a. Ịna sịḅị-ngụngụnma oru-afụḅara ma ịn kẹ wakị-nguma-a, anịanịa Ijiputi ḅẹ atamụnọ ma ḅụ ḅara-siin. À tẹlẹmam anịanga Ijiputi mẹ ḅụ ị̀ ịganị ḅẹ kụrọ laa ḅara laa ḅara kẹ ịna ọgọnọ sara tẹ anị ini ịnọ.

Luku 17:10

Anie anị pịkị sime ọ́ pịrị ḅara. In tọn ọ́ pịrị aị mamgba ọ́ nwẹn mịẹ fama tẹ ḅẹḅẹ, ọ́ ḅẹẹ, ‘Wamịnị fịrịmẹnjịapụ, sime wa pịrị kọrịnama mie wa kọrị ye.’ ”

Jọnị 15:14

Tẹ ọmịnị anie ì ikiapụ ma, ọmịnị à tọn ọ́ pịrị ye mịẹ ḅẹḅẹ.

Galesiya 3:10

Wori-nume Oloko mẹ koko ḅụ sịrẹrẹ wararị apụ ọgọnọ emi. Kẹ gotẹ ọkọ ḍukoarị, Fịafịa Ḍiri mẹ ḅẹẹm, “Ḅẹḅọ-ḅẹḅọ tẹ, sakị mamgba, Oloko ḍiri mẹ ḅio kẹẹ koro wararị ye goyegoye poki tẹ mịẹ-a ḅọ mẹ Tamụnọ wori-nume mḅọ ọgọnọ emi.”

Jemụsị 2:10

Ḅẹḅọ-ḅẹḅọ tẹ gbọrụ oloko kịngẹ kan ḅọ, mḅọ arịmgba kan tẹ.

Jọsụwa 21:43

Mị-ḅara mie KỊNỊNYANAḄỌ ḅe ama mẹmgba tẹ ò ye karị ḅara kẹ minini ịna aḍapụ ma pịrị ama mẹ kẹ Izirẹlị pịrị ḅara; ini anị ọkị nyana tẹso, ini anịjụ koro angam.

Jọsụwa 23:16

Ọ́ KỊNỊNYANAḄỌ ọmịna Tamụnọ ḅe ọḅọkụ mẹ tẹ ọ̀ tọn ọ́ pịrị ye mẹ ḅụ mịẹ-irima tẹ mu fịrịmẹnjị oru-atamụnọ pịrị tẹ sịḅị-tuu ịn pịrị-pịrị, anịrẹ mie KỊNỊNYANAḄỌ ḅe ịganị kẹngẹma ọmịna ọgọnọ sara tẹ ọ́ fọnya ḅara ḅụ iḅi ama mẹ tẹ ọ̀ kẹ ọ́ pịrị tẹ ama mẹ ḅụ fịị fa ḅarịye.”