Jerimaya 32:22 - FỊAFỊA BAỊBỤLỤ

²² Ị́ nwẹnị anị ḅụụ-ḅẹlẹmatẹ iḅiọkụma fịye so-pakamarị amakiri mẹ kẹ ịn pịrị, ị́ wẹrịtẹ minini ịna elemu-aḍapụ ma pịrị ḅara.

Jerimaya 32:22 Iomraidhean Croise

Suku-saakị 13:15

kẹ gotẹ ọkọ ḅẹẹarị, kiri mẹ tẹ ị́ tọrụngbọ kẹ ẹrị anga mamgba à kẹ ị́yẹrị na, í furo-ḅẹ-apụ na pịrị gbamaso ḅa.

Suku-saakị 24:7

KỊNỊNYANAḄỌ ḅe, So-ḅio ḅẹ Tamụnọ ḅe tẹ ị̀ ḍa ḅe warị na, àrị iyi ama mẹ na ḅio ị̀ ọkị ḅọ ḅe, oriḅe tẹ ẹkwẹn ị̀ pịrịm, ‘Mị ama mẹ à kẹ í furo-ḅẹ-apụ pịrị ḅa’ nwẹn ḅẹẹ ḅara kẹ ye karị ị̀ pịrị ḅọ ḅe, ori ori enjẹlị kẹ tarị ị́ tọrọkọ fịrịma ḅa, tẹ ị́ anịjụ gbọrụ ẹrẹḅọ sime ì owiḅọtụḅọ ḅe pịrị ḅa.

Suku-saakị 50:24

Josẹfụ nwẹnị ori amịnapụ ma ḅẹẹ, “À fịị ḅẹ-yearị, kụma Tamụnọ ḅo ḅarasụa ọ́ pịrị ḅa, tẹ mị ama mẹ ḅio ọ́ pakama ama mẹ tẹ ò ye karị ḅara kẹ minini Ebira-amụ na, Ayịzịkị na, Jekọbụ na pịrị ama mẹ mu ḅa.”

Nehimaya 9:15

Í fie kẹ in pịrịm So-ḅio, ḅuru in tarịm ẹrẹsị, tẹ minji kẹ in pịrịm ịkụ mẹ ḅio, minji in tarịm ẹrẹsị. Ị́ nwẹnị in ḅẹẹ in mu ọkị nyana-a, ị́ kẹ in pịrị ḅẹ karị tẹ ama mẹ.”

Paka-so 13:5

KỊNỊNYANAḄỌ ḅe ọmịnị ọkị-ḅo Kenanị ḅẹ apụ ma na, Itayịti apụ ma na, Amọrayịtị apụ ma na, Hivayịtị apụ ma na, Jebusayịtị apụ ma na ama mẹ tẹ ọ̀ kẹ ọmịna aḍapụ ma pịrị ḅẹ ye karị ḅara kẹ minini ye mẹ, anie ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio suu sakị, kụra-kụra ḅụ ọ́ mị alalị mẹ fị ḅa tarị akalụ mẹ ḅụ.

Paka-so 3:17

Anịsakị à mininim mịnẹ àrị Ijiputi ḅụ ọmịnị ẹrịarị tọrụsiẹrị mẹ ḅio ọ́ sakị pakama ḅụụ-ḅẹlẹmatẹ iḅiọkụma fịye so-pakamarị pịkị wulala wararị sịẹ ḅo ḅa, tọnwa fịaị simearị anga. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.’”

Paka-so 3:8

Miemẹ gotẹ à kuro ḅo Ijiputi-ḅẹ-apụ ma aḅara ḅio ịn ḍụa pakama ḅa ḅo tẹẹ. Àrị in sakị pakama iḅitẹ wulala wararị sịẹ ḅo ḅa, anie ḅụụ-ḅẹlẹmatẹ iḅiọkụma fịye so-pakamarị amakiri mẹ. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.

Jerimaya 11:5

Anịtẹso àrị à minini ịna elemu aḍapụ ma pịrị ye mịẹm, tẹ ḅụụ-ḅẹlẹmatẹ iḅiọkụma fịye so-pakamarị amakiri mẹ kẹ ịn pịrịm, mịọkụ ịna ḅara la tẹ amakiri mẹ.” À ḅẹẹm, “KỊNỊNYANAḄỌ, ọkọọ.”

Izikẹlị 20:15

Anie ḅụ à mininim ịkpa mẹ ḅio mịnẹ à ḅarị ịn kẹ mu à kẹ ịn pịrịtẹ amakiri mẹ la ḅịa, anị ḅụụ-ḅẹlẹmatẹ iḅiọkụma fịye so-pakamarị amakiri mẹ — kiri mamgba ḅụ iḅitẹịn ye mẹ.

Izikẹlị 20:6

Anị ene mẹ ḅụ, à minini mịnẹ àrị ịn ọkị paka-so ḅa Ijiputi ḅụ, tẹ ịna tọrọkọ-sụn tẹ ịn kẹ mu à sẹlẹ ịn pịrịtẹ amakiri mẹ la ḅa, ḅụụ-ḅẹlẹmatẹ iḅiọkụma fịye so-pakamarị amakiri mẹ — kiri mamgba ḅụ iḅitẹịn amakiri mẹ.

Kịẹn-aḅịḅị 14:16

‘KỊNỊNYANAḄỌ ḅe ḅarị inetẹ mịna atomi ma ọkị-ḅo ama mẹ tẹ ọ̀ kẹ ịn pịrị ḅẹ ye karị ḅara kẹ ḍuko ama mẹ lama-a ẹrẹsị; anịẹrẹsị ori ịn ḅaa tẹ ịkpa mẹ ḅio.

Kịẹn-aḅịḅị 14:30

Kẹlẹbụ, Jefune owiḅọtụḅọ ḅe na, Nọnị owiḅọtụḅọ Jọsụwa ḅe na sikima, kpọkpọ gbọrụḅọ-sọ ama mẹ tẹ à ye karị ḅara kẹ ḅẹẹm àrị ọ́ mịẹtẹ ó ḅo anga ḅa nwẹn ḅẹẹ anga mẹ sọ-ḅo ḅịa.

Ditẹrọnọmị 1:35

Mị si ḅụọ mẹ ḅụ mịna owiapụ ma ḅụ gbọrụḅọ-sọ iḅi ama mẹ tẹ à kẹ ọmịna aḍapụ pịrị ḅẹ ye karị ama mẹ ẹrị ḅịa,

Ditẹrọnọmị 1:8

Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 6:10

KỊNỊNYANAḄỌ ọmịna Tamụnọ ḅe ọmịnị ọkị-ḅo ama mẹ tẹ ò ye karị ḅara kẹ minini ọmịna aḍapụ Ebira-amụ na, Ayịzịkị na, Jekọbụ na pịrịm ọ̀ kẹ ọ́ pịrị ḅẹ ama mẹ, gburo-gburotẹ, iḅitẹ opu ama ma tẹ ọmịnị nama-a ḅẹ ama ma ḅio suu sakị;

Ditẹrọnọmị 6:18

Anịsakị ọ́ KỊNỊNYANAḄỌ ḅe ḍiki-tọrụ ḅụ kura-aị na, iḅi aị na mịẹ ḅa mịẹtẹ anị ọmịnị na iḅi ma mu ḅẹ ḅara, mịẹtẹ ọ́ sọ-mu iḅi ama mẹ tẹ KỊNỊNYANAḄỌ ḅe ye karị ḅara kẹ minini ọmịna aḍapụ ma pịrị ama mẹ ọkị nyana ḅẹ ḅara,

Ditẹrọnọmị 6:23

tẹ ori anịjụ wa pakama-ḅom, mịẹtẹ ọ̀ wa ọkị-ḅo tẹ wa kẹ ama mẹ tẹ ò ye karị ḅara ḅụ kẹ wamịna aḍapụ pịrị ama mẹ ḅio suu tẹ kẹ wa pịrị ḅẹ ḅara.

Ditẹrọnọmị 7:13

Ori ọ́ ḅẹlẹma ḅa, ó boma ḅa, tẹ mịẹtẹ ọ́ kama ḅa; tẹ ọ̀ pịkị mịẹtẹ ọmịna oju ḅe mgbọlụ na, ọmịna kiri ḅio ḅẹ mgbọlụ na, ọmịna sịnmgbọlị na, ọmịna iru na, ọmịna pulo na, ọmịna opu anama ma kịẹn-ḅịḅị mịẹ ḍụḅama ḅẹ aị ma na, ọmịna anana na oḅori na ogbo mẹ ḅẹ asambịrịma aị ma na boma ḅa anị ama mẹ tẹ ọ̀ kẹ ọmịna aḍapụ ma pịrị ḅẹ ye karị ḅara kẹ minini wararị ama mẹ ḅio.

Ditẹrọnọmị 8:1

Ọ́ ḅụụ ẹbị-ẹbị tẹ oloko mamgba tẹ à mịmgba tọn ọ́ pịrị aị ma mịẹ ḅa, mịẹtẹ ó ḍumo tẹ kama ḅẹ ḅara, tẹ sọ mu ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ ma karịma wararị ama mẹ nyana ḅẹ ḅara.

Jọsụwa 1:6

Iḅi ḅiokpọ nyana tẹ kụrọ sịẹẹ; kẹ gotẹ ọkọ ḅẹẹarị, ị́ mịna tomi ma mịẹtẹ ịn mu ama mẹ tẹ à karịm à kẹ ịna aḍapụ ma pịrị ḅẹ ama mẹ ọkị nyana ḅa.

Jọsụwa 21:43

Mị-ḅara mie KỊNỊNYANAḄỌ ḅe ama mẹmgba tẹ ò ye karị ḅara kẹ minini ịna aḍapụ ma pịrị ama mẹ kẹ Izirẹlị pịrị ḅara; ini anị ọkị nyana tẹso, ini anịjụ koro angam.