Jerimaya 32:21 - FỊAFỊA BAỊBỤLỤ

²¹ Ḅụụ-buama-aị na ḅụụ-gbiripuma-aị na, tẹ si kẹ wa tọn apụ ma tẹmẹ-naịn-naịnma aị ma, mie ị́ kẹ opu kụrọ kẹ ị́ atomi Izirẹlị pakama-ḅo ye Ijiputi ḅụ.

Jerimaya 32:21 Iomraidhean Croise

2 Samụẹlị 7:23

Tomikiri mẹ ḅụ tọ jen opu sịẹ ị́ atomi Izirẹlị tẹ Tamụnọ mu ori atomi pakịrị ọkị, tẹ ẹrẹ mịẹ amịna ḅụụ pịrị, tẹ opu aị na, tẹmẹ-naịn-naịnma aị na mịẹ ịn pịrị ḅụ amịna atomi tọrọkọ gbọrụ opu sịẹ na, ịna oru-atamụnọ na dee pakama tẹ ḅọ na kịka opu sịẹ emi?

1 Amadapụ 8:42

gbala ini ị́ gburo-gburotẹ ẹrẹ mẹ na, ị́ ḍụḅa ḅụra tẹ ḅara mẹ na, gburo-gburotẹ akọrịnama ma tẹ ị́ kọrị aị ma naa tẹ tọrụ kẹ mị Tẹkẹ-warị mẹ daa tẹ tẹkẹ tẹkẹ,

1 Paka-aị 17:21

Tomikiri ḅụ jen sịẹ tẹ ị́ atomi Izirẹlị mẹ na kịka ye tiye, inima tẹ ị́ pakịrị-ọkị tẹ kẹ ị́ atomi mịẹ apụ ma?. Ị́ mịẹ ịn pịrị gburo-gburotẹ pịkị tẹmẹ-naịn-naịnma aị ma gotẹ í opu ḍie-paka tẹẹ tomikiri mamgba ḅụụ. Ị́ Ijiputi ḅụ ịn ḅọrọmam, tẹ ịna tọrọkọ ḅụ sịẹ-sịẹ ma dee-pakamam.

Devidi-Anume 105:37

Anịtẹso ọ̀ tọrọkọ-sụn Izirẹlị awọmẹ ma pịrị tẹ ịn kẹ paka-som; in seleḅa na golu na dogi-som, tẹ inimgba oju iḅim, pịkị kụrọm.

Devidi-Anume 105:43

Anịẹrẹsị ori ọ̀ sẹlẹ ọkị apụ ma tọrọkọ-sụn tẹ ịn pakama-ḅom, tẹ ịn nwẹnị nume-su tẹ oloku-oloku tẹ ḍereku.

Paka-so 13:14

Anịsakị jen ene fa-a jen ene ọmịna owiapụ awọmẹ ‘miemẹ tiye fiearị?’ kẹ ó gbela sakị; ọmịnị ịn ḅẹẹ ḅa, ‘opu kụrọ na ịnyọ na ḅụ KỊNỊNYANAḄỌ ḅe Ijiputi, wa omoni-sọ anga mẹ ḅụ wa pakama-ḅom.

Paka-so 13:9

Anịsakị anị ọmịna ḅara-kọngọ ḅẹ elekima na, ọ́ tọrụngbọ kẹ ẹrị tẹ kẹ ḅiokoroma ḅẹ ye na sọ ọ́ pịrị ḅa, mịẹtẹ KỊNỊNYANAḄỌ ḅe Oloko mẹ ọmịna ḅịḅị-ḅio sime ḅẹ ḅara, kẹ gotẹ ọkọ ḅẹẹarị, ịnyọ nyanatẹ ḅara-kọngọ mie KỊNỊNYANAḄỌ ḅe kẹ Ijiputi ḅụ ọ́ pakama-ḅo ye.

Paka-so 3:20

Mie ḅụ àrị ị̀ kụrọ kẹ ḅụụ-buama-aị tẹ arị Ijiputi ḅio mịẹ ḅarị aị kẹ ịn fomu ḅa; aniemẹ ḅọrọ tẹrẹmẹ ọ̀ ḍụkụ tẹ ó so ḅa.”

Paka-so 6:1

Kụma KỊNỊNYANAḄỌ ḅe nwẹnị Mozizi ḅẹẹ, “Mịọkụ à kẹ Fero mịẹ ḅarịye ị́ ẹrị ḅa; kẹ gotẹ ọkọ ḅẹẹarị, kụrọ ḅara ḅụ ori ịn fịrịma pakama ḅa; kụrọ ḅara mie ọ̀ kẹ ori ama mẹ ḅụ ịn dee pakama ḅarịye.”

Paka-so 6:6

Anịẹrẹsị Izirẹlịapụ ma ḅẹẹ, ‘Yẹrị anie KỊNỊNYANAḄỌ ḅee, anịsakị arị Ijiputi ḅẹ apụ ma dogi-aị ma suku-ḅio ḅụ ọ́ pakama-ḅo ḅa tẹ arị ọ́ ḍụa-ḅọrọma ḅa ịna omoni ḅara mẹ ḅio, sụụn-pakatẹ ḅara-kọngọ na, gburo-gburotẹ opu ḅẹrẹkọn amịẹaị mịẹ ḅara na à nwẹn kẹ ọ́ pakịrị ọkị ḅa;

Ayịzaya 63:12

Tụḅọ amịna ebube kụrọtẹ ḅara kọngọ kẹ fịrịma tẹ anị Mozizi ama-ḅara anga sime? Tụḅọ tọrụ mẹ kẹ maaịn puu ịna tọrọkọ mịẹ tẹ ori ereso gbamaso ḅẹ ḅara?”

Ditẹrọnọmị 11:3

ori elekima ma na, ori amịẹaị ma tẹ Ijiputi ḅụ ọ̀ kẹ Fero, Ijiputi ḅẹ amadaḅọ ḅe na, ori ama mẹmgba na mịẹ aị ma;

Ditẹrọnọmị 26:8

Tẹ KỊNỊNYANAḄỌ ḅe ori opu kụrọ na ịnyọ na, gburo-gburotẹ tẹmẹ-naịn-naịn na, tọnwa elekima na, ḅụụ-gbiripuma aị na, kẹ wa pakama-ḅom Ijiputi ḅụ,

Ditẹrọnọmị 4:34

Anịanịa jen ene tọ gbọrụ oru-tamụnọ mu jen opu sịẹ ogboku gbọrụ opu sịẹ ọkị amịna ḅụụ pịrị ḅara kẹ ye mịẹ tẹ tọnwa daaḍiki ḅụ na, tọnwa elekima ḅụ na, tọnwa ḅụụ-gbiripuma-aị ḅụ na, ọmụ ḅụ na, kụrọ na ịnyọ na, gburo-gburotẹ atẹmẹ-naịn-naịn ḅụ na; KỊNỊNYANAḄỌ ọmịna Tamụnọ ḅe ọmịna tọrụ-ogbo ḅụ wẹrịtẹ mịẹ ọ́ pịrị ḅara mamgba Ijiputi ḅụ?

Ditẹrọnọmị 7:19

Gburo-gburotẹ adaa-ḍiki ma na, elekima ma na, ḅụụ-gbiripuma aị ma na, kụrọ nyanatẹ opu ḅara mẹ na, sụụn paka tẹ ḅara-kọngọ mẹ tẹ KỊNỊNYANAḄỌ ọmịna Tamụnọ ḅe kẹ ọ́ pakama-ḅo ye mẹ tẹ ọmịnị ẹrị ye mẹ kẹ ḅiokoroma ḅa; mị ḅara mie KỊNỊNYANAḄỌ ọmịna Tamụnọ ḅe kẹ tomi-kụlọkụlọ ma tẹ ó ḍiki-ḅalafarị apụ ma mịẹ ḅarị ḅara.