Jerimaya 32:2 - FỊAFỊA BAỊBỤLỤ

² Anị sakị mẹ ḅụ Babịlonịya ḅẹ amadaḅọ ọmụ-ogbo mẹ owu kẹ Jeruselemu pakarị, tẹ amadaḅọ onu mẹ ḅio ini ị̀ kẹ ikoli suu wararị.

Jerimaya 32:2 Iomraidhean Croise

2 Amadapụ 25:1

Ori ama-da tẹ esenia kụra karama kụra mẹ, ḅẹ oyia akalụ karama akalụ mẹ, ḅẹ oyi aḍin eneḅaka ḅụ, Nebukadineza Babịlọnị ḅẹ amadaḅọ ḅe nwẹnị ori ọmụ-ogbo mamgba na Jeruselemu ḅo tẹ anị ikelema-koro, tẹ nkọrọ soku, pịkị akpụrụ-awarị pike owu kẹ ịn paka ḅẹm gotẹ.

Nehimaya 3:25

Palalị, Uzayị owiḅọtụḅọ ḅe ịkụkụ mẹ na, amadaḅọ ḅe warị sime tẹ ye-yọ ḍikiḍiki anga mẹ ḅụ ḅẹ gele warị mẹ ḅẹ ọgọnọ ḅẹ warị mẹ ḅụ sụa-paka warị-anga mẹ na dama-dama anga tẹlẹmam. Ọ̀ ḅọrọ tẹso, Pedaya anie Parọsị owiḅọtụḅọ ḅe,

Devidi-Anume 88:8

Ị́ mịẹ tẹ ì ikiapụ ị̀ kẹ gbin kuroma so tẹ; ị́ mịẹ tẹ àrị ịna sịḅị-ngụngụnma tẹ. À gbala kiri ikoli kẹ sụa ḅọ sọ tẹ ḅarị inetẹ paka-ḅo-a;

Jerimaya 32:3

Ịn kẹ ị̀ sịḅị-sẹịn tẹ Ama-da Zẹdẹkaya ị̀ kẹ ikoli suu ye anie, à ḍukom mịnẹ KỊNỊNYANAḄỌ ḅe ḅẹẹm, “À mịẹ tẹ Babịlonịya ḅẹ amadaḅọ ḅe mị opu ama mẹ ọkị ḅa,

Jerimaya 32:8

Anịtẹso, KỊNỊNYANAḄỌ ḅe ḍuko gbọrụ ḅara ḅụ, Hanamẹlị ị̀ dama-ḅom ikoli-warị mẹ ḅio, tẹ ị̀ ḅara ḅiim à ḍụọ-ḍiḅi kiri mẹ fẹ. Mie ḅụ à nimim mịnẹ karakara-ḅara-ḅụ KỊNỊNYANAḄỌ ḅe ẹkwẹn ị̀ pịrị tẹẹ.

Jerimaya 33:1

À paa amadaḅọ ḅe onu mẹ ḅio ḅẹ ikoli warị mẹ ḅio emi ogbo, KỊNỊNYANAḄỌ ḅe siin ori oku-ḅịḅị ḍuko ị̀ pịrịm.

Jerimaya 34:1

Ama-da Nebukadineza, Babịlonịya daarịḅọ ḅe, na ori ọmụ-ogbo na, pịkị sịẹ-sịẹ ma na kịrị-kịrị apụ tẹ ò suku-ḅio emi apụ na kẹ ḅarasụa ọ̀ pịrị ḅẹ ḅo ọmụapụ na, owu kẹ Jeruselemu na anị kpeki ama ma na pakarị sakị KỊNỊNYANAḄỌ ḅe ẹkwẹn ị̀ pịrịm.

Jerimaya 36:5

Anịtẹso à ḍuko Baruku pịrịm, anie ọ̀ mịẹ ḅẹ aị ma: “Ịn ḅarị ḍụkụ tẹ à Tamụnọ-warị mẹ ḅio sọ-mu-a.

Jerimaya 37:15

Ini ịganị ị̀ pịrị ḅara ḅụram, tẹ tọnm mịnẹ ini ì fomu tẹ ì kẹ ịkasị wẹrị Jonatanị warị ḅio, ama-da ḅẹrẹ-siri mẹ ḅẹ ḍiri-kẹẹḅọ ḅe, ini ọ̀ warị mẹ kẹ ikoli-warị sọmam.

Jerimaya 37:21

Mie ḅụ, Ama-da Zẹdẹkaya tọn tẹ ini ị̀ kẹ amadaḅọ ogigo mẹ ḅẹ ikoli-warị ḅio mẹ ḅụ ịkasị wẹrịm. Àrị anịanga simem, tẹ ene-ḅaaene-ḅaaene ịn fịturu kpoo kẹ ị̀ pịrịm, fịturu mịẹ anga mẹ ḅụ ḅo ye, nwenii opu ama mẹ ḅio sime fịturu goyegoye faam.

Jerimaya 37:4

Anị sakị mẹ ḅụ amụ ini ị̀ kẹ ikoli suu-a, tẹ à kiki ofori ḅara kẹ tomi ma ogboku mẹnjị ma-ḅọrọarị.

Jerimaya 38:13

tẹ ịn nwẹnị suḅe mẹ ḅio ị̀ nụnụ pakama-ḅo. Anie ḅọrọ tẹso, ini ị̀ kẹ amadaḅọ ḅẹrẹ-siri onu mẹ ḅio wẹrịm.”

Jerimaya 38:6

Mie ḅụ ịn nwẹnị ị̀ ọkị tẹ ị̀ kẹ Amadaḅọ tụḅọ Malikịja suḅe ḅio koroma ḍiki ḅụ, amadaḅọ ḅẹrẹ-siri mẹ nụngọ ḅụ. Anị ḅio minji ofori, opou ngẹrị, tẹ à nwẹnị anị ḅio sọ ḍiḅi.

Matiyo 5:12

Ó ḅioḅẹlẹ tẹ ḍerekuu, kẹ gotẹ ọkọ ḅẹẹarị, So-ḅio ḅụ opu gbẹẹ-ye Tamụnọ nwẹn kẹ ọ́ wẹrịma wararị. Mị gbọrụ ḅara mẹ mie tomi kẹ ịkịankoro apụ ma tẹ ọmịna tọrọkọ-tarịapụ ma kẹ ḅaa-ḅọkọ ḅụ suu ḅara.