Jerimaya 32:19 - FỊAFỊA BAỊBỤLỤ

¹⁹ Nimi aị mie ị́ tọn koromarị, tẹ opu kụrọ nyana aị mịẹarị; tomi mịẹarị ye goyegoye ị́ ẹrịarị, tẹ ị́ ịna amịẹaị sime-ḅara ḍiki tẹ gbẹẹ-ye kẹ ịn pịrịarị.

Jerimaya 32:19 Iomraidhean Croise

1 Amadapụ 8:32

So-ḅio ḅụ naa, tẹ ị́ afịrịmẹnjịapụ apụ ma kọọn. Ḅẹrẹ-ḅarasii-ḅọ mẹ gbẹẹ fomu-ḅara kẹ mḅọ pịrịị, tẹ mịẹye-ofori ḅọ mẹ wẹrịso mḅọ so.”

2 Paka-aị 16:9

kẹ gotẹ ọkọ ḅẹẹarị, KỊNỊNYANAḄỌ ḅe atọrụngbọ ma bebe tomikiri mẹ ḍiki tolu tẹ ye goyegoye ẹrịarị, ori ori opu kụrọ kẹ inima tẹ ḅioḅẹngbọ ḅụ ye kẹ ọlọ-ọlọ ọkụ ofori ḅara kẹ ò sọmarị apụ ma ḍie ḅẹ ḅara. Mie ḅụ í oḅori ḅara kẹ ye mịẹ tẹẹ; anịsakị mịọkụ saakị tọrọkọ mu ị́ ọmụ nyana ḅa.”

Jobu 34:11

Kẹ gotẹ ọkọ ḅẹẹarị, tomḅọ kọrịnama wẹrịtẹ sime-ḅara mie ọ̀ kẹ ọ̀ gbẹẹ ḅarịye, anịsakị ori etela ma wẹrịtẹ sime-ḅara, mie ọ̀ mịẹ tẹ anị ḅo ọ̀ mịẹ tẹ anị ḅo ọ̀ la ḅarị ye.

Jobu 34:21

Anị kẹ gotẹ ọkọ mịẹarị, ori atọrụngbọ tomḅọ etela ma ḅụ emi. Tẹ ori ori amẹnjị-ḅụọ mamgba ẹrịarị.

Devidi-Anume 111:2

KỊNỊNYANAḄỌ ḅe mịẹarị aị ma ḅụụ-buama la ḅara ḍikii! Arị ḅụụ-ḅẹlẹ arị apụ mamgba arị fiearị ye nimi ḅẹ ḍọkịarị.

Devidi-Anume 34:15

KỊNỊNYANAḄỌ ḅe tọrụ kẹ karakaraye-mịẹapụ ma ọgọnọ gbanarị, tẹ ịn kọn-arị owu ma ọ̀ naarị;

Devidi-Anume 62:12

anịsakị ọ̀ ḅẹlẹma mẹ kuno-kuno-a. Yei KỊNỊNYANAḄỌ, anie ḅarana ḅẹḅọ-ḅẹḅọ amịẹaị ḍiki tẹ gbẹẹ-ye kẹ mḅọ pịrịarị.

Devidi-Anume 92:6

Miemẹ oḅori tomḅọ inetẹ nimi ḅẹ ye-a; apantu inetẹ anị fiearị ye naa ḅịa;

Paka-so 15:11

Yei KỊNỊNYANAḄỌ, oru-atamụnọ ma ḅụ, ị́ kịkaḅọ tụḅọ? Ama-da opu ḅụ fịafịa, ị́ kịkaḅọ tụḅọ? Ebube nyana amịẹaị ḅụ ḅalafama, tẹ ḅụụ-gbiripuma-aị kọrịarịḅọ tụḅọ?

Egberima-Ẹkwẹn 5:21

KỊNỊNYANAḄỌ ḅe ị́ mịẹarị ye mịẹarị ye ẹrịarị. Í mu anga mu anga ori ị́ ẹbịarị.

Egberima-Ẹkwẹn 8:14

À ye kuroma ḅo-ḅo tẹ arị mịẹ-mịẹ pakama ḅoarị. À yefieye naarị, à pịkị kụrọ wararị.

Nimi Tolumaḅọ 12:14

Kẹ gotẹ ọkọ ḅẹẹarị, Tamụnọ wa mịẹ ye goyegoye kẹ ḅẹrẹkọn ḅo ḅa, anị ḅọị ḅara ḅọị ḅara sọ, anị ḅọrọ iḅiye-o, anịanịa siye sọ.

Ayịzaya 28:29

Mie-mẹmgba Kụrọmamgba nyana KỊNỊNYANAḄỌ ḅe ḅara ḅoarị. Tamụnọ tọn-arị aị ma nimiarị ḅụ emi, tẹ sakị mamgba arị pịkị ọ̀ tọn ḅara mịẹarị.

Ayịzaya 40:13

Tomḅọ inetẹ KỊNỊNYANAḄỌ ḅe mịẹ ḅẹ ye tọn ọ̀ pịrị ḅẹ? Tụḅọ inetẹ ye kẹ ò toluma, anịanịa datụkụma ẹkwẹn kọn ọ̀ pịrị ḅẹ?

Ayịzaya 59:18

Si kẹ ọ̀ tọn apụ ma mịẹ ye mie ò ḍiki tẹ fomu-ḅara kẹ ịn pịrị ḅarịye, jen-a jen-a sụma-jụ ḅẹ amakiri ma ḅụ angarị apụ ma.

Ayịzaya 9:6

Ịn gbọrụ tụḅọ iyi wa pịrịtẹ! Ịn gbọrụ owiḅọtụḅọ kẹ wa pịrịtẹ! Tẹ ori wamịna ḅẹrẹtọnḅọ sọ ḅa. Ịn kẹ ọ̀ sịn ḅarịye, “Ḅụụ-buama Ḅẹrẹ-tolumaḅọ, Opu kụrọ Tamụnọ, Gbamaso Ḍaḅọ, Dein Amanyanaḅọ.”

Jerimaya 16:17

Ịn mịẹarị ye goyegoye arị ẹrịarị. Gberie sọ ị̀ ḅụụ ḅụ kikima-a; ịna asi ma ị̀ tọrụ gbarị-a.

Jerimaya 17:10

Yẹrị, KỊNỊNYANAḄỌ ḅe, anie kuroma ma sọkịrịarị ḅọ, pịkị tomina aḅioḅẹngbọ daaḍikiarị. Ọrụḅọ-ọrụḅọ kẹ ḍumo kọn-arị ḅara mie à ḍiki tẹ mḅọ na mịẹarị, mḅọ mịẹarị ye sime-ḅara.”

Jerimaya 21:14

Kụma yẹrị í fomu ḅa ị́ mịẹ tẹ ye gotẹ. À fịnị kẹ ị́ ama-da warị mẹ ḅụ sụa ḅa, tẹ fịnị mẹ anị gbori-ikelema ye goyegoye dọkịma kiri ḅio sara ḅa. Yẹrị, KỊNỊNYANAḄỌ ḅe ọkọ ḅẹẹm.’ ”

Jerimaya 23:24

Gbọrụḅọ-sọ inetẹ ḅọị tẹ arị inetẹ mḅọ ẹrị-a so ḅịa. Ó nimi-a mịnẹ So-ḅio na kiri ḅio na ḅụ yọ-yọ ḅụ arị emi?

Jerimaya 25:14

Babịlonịya ḅẹ apụ mịẹ tẹ ye mẹ gbẹẹ-ye kẹ in gbẹẹ ḅa, tẹ tọnwa asịẹ na opu amadapụ na ịn kẹ omoni sọma ḅa.”

Danẹlị 2:45

Ị́ ẹrịm sịẹ-gele sime ịkụ ḅụ ḍụḅarị-kpo paịn paka-ḅom, gbọrụḅọ-sọ ḅara kẹ anị lama-a ḅara ḅụ, na anị wẹrị tẹ kẹ ini ikulele na, ojo na, ọgbọịn-lịka na, seleḅa na, golu na kẹ mịẹ mḅudu mẹ bịan kọsịma ḅara mẹ na. Opu Tamụnọ ḅe ḍuko ị́ pịrịarị, Gburo-gburo Opuḅọ, tọrọkọ-jụ paka ḅẹ ye. Ị́ ḍawọ mẹ kọn gbọrụ ḅara mẹ à nwẹn ḍuko ị́ pịrị tẹẹ, pịkị anị ḅẹ karakara kẹ puu ị́ pịrị tẹẹ.

Danẹlị 4:35

Tomikiri ḅẹ atomi ma, ọ̀ ḅụụ papaa apụ; So-ḅio simearị enjẹlịapụ ma na kiri-ḅio simearị atomi ma na in ò suku-ḅio emii. Gbọrụḅọ-sọ inetẹ ọ̀ tọn ye kan ḅịa anịanịa “tiye ẹrẹsị?” kẹ ọ̀ mịẹarị ye gotẹ ò gbela.

Zẹkaraya 9:1

Mie KỊNỊNYANAḄỌ ḅe oku: Ọ̀ tọn-pẹlẹ tẹ ò fomu-ḅara kẹ Hadịrakị amakiri mẹ na Damasịkọsị opu ama mẹ pịrị. Izirẹlị furo-ḅẹ-apụ ma kịngẹ-a, kụma Siriya ḅẹ Sịḅịda ama mẹ sọ sime KỊNỊNYANAḄỌ ḅe pịrịm.

Matiyo 16:27

Gbala Tomḅọ Tụḅọ ḅe ori enjẹlị ma na ọ̀ Ḍa ḅe ebube mẹ ḅụ ḅo ḅẹ-yearị, tẹ ò ḅo sakị ọ̀ nwẹnị ọrụḅọ-ọrụḅọ kọrị aị ḍikitẹ gbẹẹ-ye kẹ mḅọ pịrị ḅa.

Jọnị 5:29

tẹ ini ịna aḍuḅu ḅio sime tẹ saakị paka-ḅo ḅa, ịna ḅụ iḅiye mịẹ apụ saakị tẹ ḍumo ḅa, tẹ ịna ḅụ siye mịẹ apụ saakị tẹ ḅẹrẹ-ḅarasii ḅụ sọ ḅa.”

2 Kọrịntị 5:10

Kẹ gotẹ ọkọ ḍukoarị, wamịnị-mgba Kịrayịsị tọrọkọ paka-ḅo tẹ ọ̀ wa kọn ḅa. Ọrụḅọ-ọrụḅọ mḅọ ọkị gbẹẹ ye ọkị ḅa, anie mḅọ meni-oju mẹ ḅụ ḅẹ ḍumo ḅụ sime sakị mḅọ mịẹ ye, mịẹ ye sime-ḅara, iḅiye-o, siye — ó.

Ẹfisọsị 1:11

Ye mamgba Tamụnọ tọn-pẹlẹ ḅara mie arị mịẹarị, tẹ ori Tamụnọ ḅe nwẹnị wa sẹlẹ-ọkị, mịnẹ wa ori atomi sọọ, Kịrayịsị na gbọrụ ḅụ sime ḅụ, anie ọ̀ tọn wẹrị ḅara mẹ ẹrẹsị, sukuyọ-saakị ḅụ tọn-pẹlẹ ye mẹ ḅụ.

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.

Mịẹfinji 2:23

À pịkị á ḍukamẹnjịarị apụ ma ḅaa ḅa, anịsakị sọsị mamgba nimi ḅa mịnẹ yẹrị anie ọrụḅọ-ọrụḅọ sime-ḅara nimi ḅọ. Ọmịna ḅụ ọrụḅọ-ọrụḅọ mịẹye à nwẹn ḍiki tẹ mḅọ gbẹẹ ḅa.

Mịẹfinji 22:12

Jizọsị mẹẹ, “Pokii! Ala-a sakị ḅụ à ḅo ḅa! Àrị à kẹ ọrụḅọ-ọrụḅọ gbẹẹ ḅẹ aị kẹ ḅo ḅa, tẹ mḅọ mịẹye ḍiki mḅọ gbẹẹ ḅa.