Biblia Todo Logo
Bìoball air-loidhne

- Sanasan -




Jerimaya 32:18 - FỊAFỊA BAỊBỤLỤ

18 Í kuno-kuno-a ḅẹlẹma nyana kịnị ẹndẹ-ẹndẹ pịrịarị, kụma ị́ pịkị fomu-ḅara kẹ tomi pịrịarị ịna ḍapụ-na-iyingiapụ-na asi gotẹ. Ị́yẹrị anie opu na kụrọ na nyana Tamụnọ; ị́yẹrị anie Kụrọmamgba nyana KỊNỊNYANAḄỌ ḅee.

Faic an caibideil Dèan lethbhreac




Jerimaya 32:18
33 Iomraidhean Croise  

Anịsọ ori iboli jike-a, Jekọbụ Kụrọ-nyana Gbọrụḅọ ḅe aḅara, ọ̀ ḅara-kọngọ mịẹ kụrọmam, Anana ḍikiḍikiḅọ ḅe, Izirẹlị Ịkụ ḅe ẹrẹ ḅụ.


KỊNỊNYANAḄỌ ḅe mẹẹ, ‘Ḅịẹịn à Nebọtị na, ori owiapụ-awọmẹ na ọmbie ẹrịm, karakara-ḅara-ḅụ àrị ị́ mịẹtẹ ị́ anị gbẹẹ ḅa mị gbọrụ kiri anga mẹ ḅụ.’ Mịọkụ, ọ̀ saakị wakị koroma anịanga mẹ ḅụ, KỊNỊNYANAḄỌ ḅe ẹkwẹn-ḅịḅị mẹ wẹrịtẹ ḅẹẹ ḅara.”


Yẹrị mẹẹ, “yei So-ḅio ḅẹ KỊNỊNYANA-TAMỤNỌ, gburo-gburotẹ tẹmẹ-naịn-naịnma Tamụnọ, tẹ ọḅọkụ koko tẹ jike-a ḅẹlẹma wẹrị kẹ ọ̀ ḅẹlẹma tẹ ori oloko koko apụ pịrị ḅọ,


Kụrọmamgba nyana Tamụnọ, KỊNỊNYANAḄỌ ḅe, ẹkwẹn-arị; ò bebe tomikiri mẹ sịn-arị, ịrụa saakị paka-ḅoarị anga ḅụ ọkị mu anị tuuideriarị anga la.


Ị́ ḅẹrẹtọn kụrọ nyana wararị abajị mẹ pịrịarị, anị ḅụ ọnụngọ ḍụrụkụ sakị í deinmarị.


KỊNỊNYANAḄỌ ḅe ọ̀ tọrọkọ ḅụ mẹnjị-ḅọrọm, tẹ ḍuko pakamam, “KỊNỊNYANAḄỌ ḅe, Yẹrị anie KỊNỊNYANAḄỌ ḅee, sịḅị-kụrụkụrụ na ḍiki-ḅụụjịrị na nyana Tamụnọ, kpekele ịganị ịganị-a tẹ jike jike-a ḅẹlẹma nyana ḅọ, pịkị ḅioḅẹngbọ-kẹ-sịrẹrẹ-niḅi ḅọ.


À jike-a ḅẹlẹma nyana tomi pịrịarị mu ḅụọ-fa-ḅụọ-paka la. Àrị iri-amịẹaị na, oloko kan na, si na wẹrịsoarị; kụma gbala-gbala à ḅẹrẹ-ḅarasii-ḅọ mẹ wẹrịso ḅịa, tẹ ḍapụ-na-iyingiapụ-na mịẹ asi ma gotẹ fomu-ḅara kẹ ịna awọmẹ na, taa-awọmẹ na, ile-awọmẹ na ọgọnọ gbanarị.”


Izirẹlịapụ ma ḅụ ḅẹ boowa apụ pịkị ịna opu kụrọ Tamụnọ ḅe ḍọkụma-ḅo ḅa.


“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.


Ịn gbọrụ tụḅọ iyi wa pịrịtẹ! Ịn gbọrụ owiḅọtụḅọ kẹ wa pịrịtẹ! Tẹ ori wamịna ḅẹrẹtọnḅọ sọ ḅa. Ịn kẹ ọ̀ sịn ḅarịye, “Ḅụụ-buama Ḅẹrẹ-tolumaḅọ, Opu kụrọ Tamụnọ, Gbamaso Ḍaḅọ, Dein Amanyanaḅọ.”


Jekọbụ Tamụnọ ḅe ori ịn kịka-a; Ori anie ḅẹẹye-ḅẹẹye tẹmẹḅọọ, tẹ Izirẹlị sẹlẹ ọkị tẹ ini ò soku-ḅẹ atomi sọm. Kụrọmamgba nyana KỊNỊNYANAḄỌ anie ori ẹrẹ.


KỊNỊNYANAḄỌ, ị́ kịka gbọrụḅọ-sọ ofori; ị́ opu kụrọ nyana wararị, tẹ ị́ ẹrẹ opu na kụrọ na ẹrẹ.


Kụma, KỊNỊNYANAḄỌ, ị̀ jụ emi, ị́ kụrọ tẹ opu kụrọ nyana wararị, tẹ ḅaa-ḅọkọ kẹ ị̀ ḍọkịarị apụ ma ḅịkị ḅa. Ịna tọrụ-tuu gbamaso ḅa, in ḅiiarị ye ini inetẹ nyana ḅịa ẹrẹsị. Ịna tọrụ-tuu mẹ gbala-gbala ḅioḅọrọ ḅịa.


KỊNỊNYANAḄỌ ḅe ịrụa mịẹ tẹ anị bele pịrịarị eneḅaka ḅụ, akalụ na lolia ma na nwẹnị ḍin ḅụ ḅịyarị. Ọ̀ tọrụ-minji mẹ jikema tẹ anị ḍụrụkụarị; Kụrọmamgba nyana KỊNỊNYANAḄỌ ḅe anie ori ẹrẹ.


KỊNỊNYANAḄỌ ḅe, Kiri mẹ tẹmẹ tẹ anị kẹ anị sime yọ ḅụ wẹrị ḅọ ḅe, ẹkwẹn ị̀ pịrịm. KỊNỊNYANAḄỌ kẹ ẹrẹ fị ḅọ ḅe ḅẹẹm,


Kụma ịn pụkọ-pakamaḅo ḅarị ḅọ ḅe kụrọ ḅọ — ori ẹrẹ anie Kụrọmamgba nyana KỊNỊNYANAḄỌ ḅe. Ò ḅioju ịna ḅẹrẹ saakị ọkị tẹ kẹ amịna nye sọma ḅa, pịkị dein ọkị-ḅo ḅa tomikiri ḅụ, kụma ọ̀ ḅụụ-fụka kẹ Babịlonịya ḅẹ apụ pịrị ḅa.”


Ị́ ẹrịm sịẹ-gele sime ịkụ ḅụ ḍụḅarị-kpo paịn paka-ḅom, gbọrụḅọ-sọ ḅara kẹ anị lama-a ḅara ḅụ, na anị wẹrị tẹ kẹ ini ikulele na, ojo na, ọgbọịn-lịka na, seleḅa na, golu na kẹ mịẹ mḅudu mẹ bịan kọsịma ḅara mẹ na. Opu Tamụnọ ḅe ḍuko ị́ pịrịarị, Gburo-gburo Opuḅọ, tọrọkọ-jụ paka ḅẹ ye. Ị́ ḍawọ mẹ kọn gbọrụ ḅara mẹ à nwẹn ḍuko ị́ pịrị tẹẹ, pịkị anị ḅẹ karakara kẹ puu ị́ pịrị tẹẹ.


“KỊNỊNYANAḄỌ, sukuyọ-saakị kụra-ḅio ị́yẹrị Tamụnọọ. Ị́yẹrị ị̀ Tamụnọ, fịafịa pịkị sime gbamaso ḅọ. KỊNỊNYANAḄỌ ị̀ Tamụnọ pịkị ị̀ gbaịn ḅọrọmarị ḅọ, Babịlonịya ḅẹ apụ ma sẹlẹ ọkị tẹ ịn mịẹ kụrọmam mịẹtẹ ini inetẹ wa fomu ḅẹ ḅara.


KỊNỊNYANAḄỌ ḅe ọ̀ nwana-nwanama ịganị ịganị-a, tẹ jike-a ḅẹlẹma ọ̀ ḅụụ emi, tẹ mịẹ-irima na oloko kan na wẹrịsoarị. Kụma ò gotẹ ḅẹrẹ-ḅarasii-ḅọ mẹ wẹrịso ḅẹ ye ofori, tẹ ḍapụ-na-iyingiapụ-na mịẹ asi ma gotẹ fomu-ḅara kẹ ịna awọmẹ na, taa-awọmẹ na, ile-awọmẹ na ọgọnọ gbanarị.’


Bebe tomina-ogbo mẹ nwẹnị Payịleti pakịrị, “Yee ọ̀ fịị mẹ ḅẹ fomu-ḅara mẹ ḅo wamịnị na wamịna awọmẹ na ọgọnọ gbana!”


Ó ye ḍie ja apụ pịrịị, Tamụnọ sọ ye ḍie ọ́ pịrị ḅa. Tomi-juḅẹye, ó ḅintẹ ḅara nyana ḅa, ḅara sarasara lama tẹ ḍiepịrịye ịn nwẹn kẹ ọmịna aḅara kuḅu sara ḅa, ọmịnị inetẹ ọlọ ḅẹ ḅara anie Tamụnọ kẹ sụa ọ́ pịrị ḅarịye. Ọ́ kẹ ye tọn sụa jen-apụ pịrị ye ḍụḅa la ḅara, anie Tamụnọ ḍiki tẹ tọn sụa ọ́ pịrị ḅarịye.”


Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe, tẹ tẹmẹ-naịn-naịnma Tamụnọ ḅe aḍụa nyana-a, ọ̀ pịkị ọḅụ-fị nyana-a.


Ọmịnị ịn ḍiki-ḅalafa ma, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna ogbo-ḅio emi, gburo-gburotẹ tẹmẹ-naịn-naịnmarị Tamụnọ.


Lean sinn:

Sanasan


Sanasan