Jerimaya 32:10 - FỊAFỊA BAỊBỤLỤ

¹⁰ À nwẹnị ḅara kẹ anị ḅẹ ḍiri mẹ ḅio sụa tẹ ye-oḅoloye kẹ anị oḅolo; tẹ kiri ḅụ sime apụ ḅara kẹ anị ḅio sụa tẹso, à nwẹnị igbigi mẹ gbẹẹ pakama.

Jerimaya 32:10 Iomraidhean Croise

Suku-saakị 23:16

Ebira-amụ na, Ịfụrọnị na nwẹnị ḅịḅị-kẹ-ogbosọ; tẹ Ebira-amụ ja sịẹ ḅẹ opu tuḅokọn-apụ kẹ anị sakị ḅụ ịna ogboku ikuye tọn-arị ye-tọnye ọgọnọ ḅụ seleḅa ẹndẹ apakịrị ma tẹ Itayịti apụ ma naarị ḅara ḅụ Ịfụrọnị gotẹ seleḅa ḅịḅị mẹ tọn pakama-ḅo Ẹfụrọnị pịrịm.

Suku-saakị 23:20

Itayịti apụ ma piri mẹ na, fukuru mẹ tẹ anị ḅio emi ye mẹ na kẹ Ebira-amụ nyana ḅara ḅụ saḅama ọ̀ pịrịm kẹ ḍụẹịn ḍiḅi yọ mịẹ gotẹ.

Jobu 14:17

opu akpa ḅio ini ì oloko kan mẹ fịna gbaịn ḅa, tẹ ị́yẹrị nwẹnị ị̀ mịẹ-irima gbaịn-kpịtịpụma ḅa.

Sọlọmọnị Ḅẹlẹtẹịn Nume 8:6

Ị́ ḅioḅẹngbọ gbaịn ḅẹlẹma goyegoye pịrị, ì nye sikima tẹ; Gbọrụḅọ-sọ na olo sọ ma, ì sikima tẹ. Ḅẹlẹma fị kụrọ ḅara kụrọm; ye gotẹ lẹlẹ pịkị ọkọ kẹ fị kụrọ kọnm. Anị veremuma kọrị paka tẹ orumo ḅara kẹ ye dọkịmarị.

Ayịzaya 30:8

Tamụnọ ị̀ ḅẹẹ tẹ mịnẹ à tomi ma kịkarị ye mẹ kẹ ḍiri ḅio kẹẹ koroma, mịẹ tẹ ịna si sime-ḅara mẹ ḅẹ ḍukoye sime mu ḅụọ, ḅụọ la ḅẹ ḅara.

Ayịzaya 44:5

“Gbọrụḅọ-gbọrụḅọ ḅẹẹ ḅa, ‘Yẹrị KỊNỊNYANAḄỌ ḅe nyee.’ In ḅo Izirẹlịapụ ma ḅụ sọ ḅa. Ọrụḅọ-ọrụḅọ KỊNỊNYANAḄỌ ḅe ẹrẹ kẹ amịna ḅara-kọngọ kẹẹ ḅa, elekima ḅara ḅụ tẹ ori Tamụnọ atomi ma ḅẹ gbọrụḅọ kẹ amịna ḅụụ sịn ḅa.”

Jerimaya 32:12

arị arị kẹ Baruku pịrịm, anie Nẹrịya owiḅọtụḅọ, pịkị Masẹya taa-owiḅọtụḅọ ḅe. Hanamẹlị na, kiri mẹ ḅụ sime tẹ ḅara-pono kẹ fẹẹ ḍiri mẹ ḅio sụa apụ ma na, amadaḅọ onu mẹ ḅio sime owiapụ ma na tọrọkọ mie à kẹ ọ̀ pịrị yee.

Jerimaya 32:25

Anịsọ, Ḍụḅa Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́yẹrị kọkọ tọn ị̀ pịrị à ḍụọ-ḍiḅi kiri fẹẹ, kịnị kiri mẹ ḅụ simearị ogbo, opu ama mẹ Babịlonịya ḅẹ apụ ma aḅara sọ ḅẹ-yearị sakị mẹ ḅụ.”

Jerimaya 32:44

Tomi arị fẹẹ ḅa, tẹ ḅara kẹ kiri-fẹ-ḍiri-apakịrị ma ḅio sụa tẹ ye-oḅoloye kẹ oḅolo tẹ ḅẹrẹ-kiri ḅụ sime apụ sọ ḅara sime ḅa. Miemẹ Benijamịnị ibe ḅụ kiri ọkị ḅa, Jeruselemu ikelema-koro wararị kala-ama ma ḅio, Juda ḅẹ ama ma ḅio, na tụndụ ọgọnọ ḅẹ ama aḅio na, tụndụ suku ḅẹ ama ma aḅio na, Juda ḅẹ suku-jụ na ḅụ. À tomi ma kẹ pịkị-ḅo ịna amakiri suu ḅa. Yẹrị, KỊNỊNYANAḄỌ ḅe, ọkọ ḅẹẹm.”

Danẹlị 8:26

Mie ḅoḅiri na dede na agba ma gboloma ịkịan mẹ tẹ in ḍuko finji ị́ pịrị tẹ aị ma ḅo karakara ye sọ ḅa. Kụma mịọkụ ḅụ anị kẹ ḅọị ḅara wẹrị, anị ḅo karakara ye sọ ḅarị sakị mẹ ala wararị ẹrẹsị.”

Matiyo 27:66

Mie ḅụ in so tẹ ye kẹ ḍuḅu mẹ tọrụ gbaịn ḍụḅarị mẹ oḅolo tẹ anị koru ḅẹ ọmụapụ tọn koromam.

Jọnị 3:33

Kụma Tamụnọ oku mẹ daa-ọkị ḅọ, ọkị ḅọ ḍie-pakamarị mịnẹ Tamụnọ ḅe ọ̀ karakaraye ḍukoarị.

Jọnị 6:27

Ọ́ ḅụrụ-ḅụrụ fịye gotẹ kọrịnama kọrị ḅụụ-ḅaa ma, kụma ọ́ kọrịnama kọrị sime mu gbamaso ḍumo laarị fịye mẹ rẹ pịrịị. Miemẹ anie Tomḅọ Tụḅọ ḅe kẹ ọ́ pịrị ḅarị fịye mẹ, gbala Tamụnọ Ḍaḅọ ḅe ọ̀ kọrịnama iḅim ḅẹ elekima kẹ ọ̀ ḅụ sụa tẹ.”

2 Kọrịntị 1:22

tẹ ori wa nyanam nwẹn ḅẹẹ elekima kẹ wamịna ḅụụ sụa tẹ pịkị Fịafịa Tẹmẹ ḅe kẹ wamịna ḅioḅẹngbọ suu tẹ ọ̀ sịẹpịrịḅọ sọ wa pịrị tẹ ye, mịnẹ Tamụnọ tẹlẹma wẹrị wa pịrị aị ma sime wa pịrịm.

Ẹfisọsị 1:13

Tẹ ọmịnị sọ kọkọ ḅo Tamụnọ atomi sọ, ọ́ karakara oku mẹ, anie ḅọrọma ọkị-ḅo ọ́ pịrị Iḅi-Oku mẹ naa sakị. Ọ́ Kịrayịsị mininim, tẹ Tamụnọ nwẹnị ori ọ́ nyana ye mẹ ḅẹ elekima kẹ ọmịna aḅụụ sụa, ò minini ori atomi pịrị Fịafịa Tẹmẹ ḅe kẹ ọ́ pịrị ḅụ.

Ẹfisọsị 4:30

Tẹ ọ́ pịkị Tamụnọ Fịafịa Tẹmẹ ḅe kururuma ḅarị ye mịẹ ma; kẹ gotẹ ọkọ ḍukoarị, Fịafịa Tẹmẹ ḅe anie Tamụnọ ọ́ nyanam mẹ ḅẹ elekima, ori anie pịkị sịẹ ọ́ pịrị wararị ḅọ, mịnẹ Ene ḅo ḅa Tamụnọ omoni ḅara-ḅio ọ́ pakama-ḅo ḅarị sakị mẹ.

Ditẹrọnọmị 32:34

Miemẹ ngọ warị ḅio ị̀ na ofori, ị̀ ngọ-koko-aḅio ma ḅio gbaịn sime-a?

Jọsụwa 18:9

Anieḅụ tomi ma mum, tẹ nwẹnị ama mẹ ḅio mẹnjị iwo na ideri na, tẹ ama mẹ sime-ḅara mẹ kẹ ḍiri ḅio kẹẹ ama-ama ma kẹ sọnọma akpo ḍie ḅara ḅụ, anịtẹso ịn Silo ịna sime anga ḅụ Jọsụwa ḍọkụma-ḅom.

Mịẹfinji 7:2

À nwẹnị jen enjẹlị ẹrị, ori ịrụa saakị paka-ḅoarị anga mẹ ḅụ sime tẹ ḅoarị, tẹ ḍumo wararị Tamụnọ ḅe elekima mẹ ọlọ wararị. Ọ̀ nwẹnị oloku pọkọ kẹ ini enjẹlị ma, tẹ Tamụnọ tomikiri mẹ na tọrụ mẹ na sima kụrọ kẹ pịrị apụ ma sịn.

Mịẹfinji 9:4

In ḍuko ịn pịrịm mịnẹ in ye kẹ, anị ḅọrọ osuka-o, sịn amẹẹ-o, pịkị jaị tẹ kiri-ḅio so-pakarị aị sọ lama ma; tomi ngẹrị mie ini inetẹ ye kẹ lama ḅarịye, anie Tamụnọ elekima mẹ fụḅara ḅọkọ ḅụ ofori apụ ma.

Rufu 4:1

Anịtẹso Bohazi nwẹnị ogigo-ḅọkọ mẹ mum, tẹ anịjụ lẹgị-sime. Ḅụụ-palị mịnaḅọ ḅe tẹ Bohazi ḍuko sime ḅọ ḅe nwẹnị anịjụ ḅo, tẹ anieḅụ Bohazi nwẹnị ḅẹẹ, “Ị̀ ikiaḅọ, tọrụ pịkị akaka daa, tẹ mịanga lẹgị-simee.” Tẹ ọ̀ nwẹnị tọrụ pịkị akaka da tẹ lẹgị-sime.