Jerimaya 31:3 - FỊAFỊA BAỊBỤLỤ

³ iḅere-iḅerea anga ḅụ à ḅụụ-pakama ịn pịrịm. Izirẹlịapụ, sakị mamgba arị ọ́ ḅẹlẹma tẹ, mie ḅụ à paa ì kuno-a ḅẹlẹma mẹ kẹ ó ḍiearị.

Jerimaya 31:3 Iomraidhean Croise

1 Amadapụ 10:9

KỊNỊNYANAḄỌ ị́ Tamụnọ ḅe tokinii! Ori ḅe tẹ ò nyana ị́ pịrị ḅẹlẹma ḍie-pakama gotẹ ị́ kẹ Izirẹlị ḅẹ amadaḅọ mịẹ ḅọ ḅe, gbala ò nyana Izirẹlị pịrị ḅẹlẹma mẹ sime gbamasom ẹrẹsị ori ị́ kẹ ịna amadaḅọ sọmam mịẹtẹ ị́ karakara ḅẹrẹkọn tẹ pịkị oloko ma ḅụ karakara mịẹ ḅẹ ḅara.”

Devidi-Anume 103:17

Kụma KỊNỊNYANAḄỌ ḅe kụn-arị apụ ma ḅụ, ọ̀ ḅẹlẹma mẹ sime gbamasoarị, tẹ ori iḅi mẹ pịkị sime mu ḅụọ, ḅụọ mamgba laarị,

Devidi-Anume 25:6

Yei KỊNỊNYANAḄỌ, í iḅi-yemịẹ-ḅara mẹ na kuno-a ḅẹlẹma mẹ na kẹ ḅiokoromaa: anie iḅere-iḅerea kụra-ḅio ị́ kẹ ì ḍie tẹ aị ma.

Sọlọmọnị Ḅẹlẹtẹịn Nume 1:4

Ị̀ ọkị tẹ wa mangị-so; ị̀ amadaḅọ sọ tẹ ị̀ kẹ í ḅio muu. Wa ḅioḅẹlẹ gboloma ḅa; ḅuu gbẹdẹmaa, tẹ ḅẹlẹma ḅio sọ faa. Ereme mamgba ị́ ḅẹlẹmarị ye mẹ ḅụụ-buamaye-o!

Ayịzaya 43:4

À tomikiri ḅẹ asịẹ mamgba ḅụ ḅara-siin tẹ í ḍumo ḅọrọma ḅa, ị́ ị̀ ḅụụ yela wararị ẹrẹsị, à pịkị ị́ ḅẹlẹma tẹ ị́ kẹ kụn nyana kiri ḅụ koromarị gotẹ.

Ayịzaya 45:17

Kụma KỊNỊNYANAḄỌ ḅe Izirẹlị ḅọrọma tẹ, anịsakị árị owu-ḅara-iḅi mẹ sime mu ḅẹẹ-sakị ḅẹẹ-sakị la ḅa; gbala-gbala arị atomi ḅarị jen kẹ tọrụ-tuu ḅịa.

Ayịzaya 49:14

Kụma Jeruselemu ḅẹ apụ ma ḅẹẹm, “KỊNỊNYANAḄỌ ḅe wa kẹ gbin koroma tẹ so tẹẹ! ọ̀ wa kẹ ḅioḅọrọma tẹẹ.”

Hosiya 11:1

KỊNỊNYANAḄỌ ḅe ḅẹẹarị, “Izirẹlị kala-sakị, àrị ọ̀ ḅẹlẹmam, tẹ ị̀ tụḅọ ḅara ḅụ ọ̀ sịn pakama-ḅom.

Hosiya 11:4

Àrị in gotẹ ḅioḅẹlẹ na ḅẹlẹma na kẹ ịn nụnụ ḅụụ pịrịm. Àrị ịn saakị dogi tẹ amgba kẹ in oḅolom; À tuuideri tẹ fịye kẹ ịn pịrịm.”

Malakayị 1:2

KỊNỊNYANAḄỌ ḅe ori atomi ḅẹẹm, “Àrị ọ́ ḅẹlẹma tẹẹ.” Kụma in gbelam, “Ndẹẹ ị́ ị́ nyana wa pịrị ḅẹlẹma mẹ kẹ wa ḍie ḅara?” KỊNỊNYANAḄỌ ḅe pakịrịm, “Ịsọ na Jekọbụ na mịnapụ, kụma à Jekọbụ na ò furo-ḅẹ-apụ na sẹlẹm,

Romu 8:30

Mie ḅụ, Tamụnọ sẹlẹ sikima tẹ apụ ma anie ọ̀ sịn ọkị tẹ apụ ma, tẹ ọ̀ sịn ọkị tẹ apụ ma ori ịn kẹ amịna ḅụụ kịkamam, mịẹtẹ ini ori na ori ebube ḅio sime ḅẹ ḅara.

Romu 9:13

Anie paa Fịafịa Ḍiri mẹ ḅẹẹ ḅara mẹ: “À Jekọbụ ḅẹlẹmam, kụma arị Ịsọ ḍiki-ḅioḅum.”

Ditẹrọnọmị 10:15

Anịsọ KỊNỊNYANAḄỌ ḅe ḅẹlẹma ḅụ ò ḅioḅẹngbọ kẹ ọmịna aḍapụ ma ọgọnọ gbanam, tẹ ịn ḅọrọ tẹso, ịna aḅụụ paka-ḅo apụ ma sẹlẹ-ọkị tomi-kụlọkụlọ mamgba nẹngịmam anị wẹrịtẹ mịmgba ḅụ sime-ḅara.

Ditẹrọnọmị 33:26

Yei Jẹsurun, Tamụnọ pembe ḅọ ofori, oriḅe tẹ ḅarasụa ị́ pịrị ḅẹ so ma dọkụ tolu ḅọ ḅe, tẹ ori ama-da opu ḅụ so atọrụ ma tolu-ḅọrọ ḅọ ḅe.

Ditẹrọnọmị 33:3

Karakara-ḅara-ḅụ ori ori atomi ḅẹlẹmam; ịn mịẹ-fịafịama ọ̀ pịrị apụ mamgba ọ̀ ḅara ḅio emi; anị ḅara mie ini ị́ mẹnjị-aḅụọ ḍukamẹnjị ḅịa, ị́ ḅụụ datụkụma ọkịarị,

Ditẹrọnọmị 4:37

Gbala ori ọmịna aḍapụ ḅẹlẹma tẹ ịn ḅọrọ tẹso, ịna aḅụụ ḅụ paka-ḅo apụ sẹlẹ-ọkịm ẹrẹsị, tẹ ò gburo-gburotẹ opu kụrọ ḅụ ḅarana sime tẹ Ijiputi ḅụ ọ́ pakama-ḅom,

2 Timoti 1:9

Ori wa ḅọrọma tẹ wa sịnm wa ori atomi sọọ, wamịna kọrịnama ḅụ-a, kụma ori tọn ḅara na ó ḍiki-ḅụụjịrị na ẹrẹsị. Kịrayịsị Jizọsị ḅụ mie ọ̀ ḅọrọ tẹ mị ḍiki-ḅụụjịrị mẹ kẹ wa pịrị ye, tomikiri mẹ amụ tẹmẹ-a kụra-ḅio,

Jemụsị 1:18

Ọ̀ ḅụụ-ḅẹlẹ ḅara ḅụ ori ḅarana wa kẹ ḅo ḍumo wararị atomi mịẹm, ọ̀ karakara ẹkwẹn mẹ ḅụ, mịẹtẹ ọ̀ tẹmẹ aị mamgba ḅụ wamịnị tarị kiri ọkị ḅẹ ḅara.

1 Pita 1:3

Ó yee wa ịmịẹtẹ kẹ Tamụnọ pịkị wa Nyanaḅọ Jizọsị Kịrayịsị Ḍa ḅe ḅẹẹ! Ori opu ọkụrụkụrụ mẹ ẹrẹsị ori ịwọ ḍumo kẹ wa pịrịm, fịị ḅụ Jizọsị Kịrayịsị saakịma ḅụ. Miemẹ ḍumo wararị ḅiokpọmaye kẹ wamịna ḅụụ ḅio ḅinmam,

1 Jọnị 4:19

Tamụnọ tarị wa ḅẹlẹma ye ḅụ mie wa ḅọrọ tẹ kịnị ḅẹlẹmarị.