Jerimaya 30:8 - FỊAFỊA BAỊBỤLỤ

⁸ Kụrọmamgba nyana KỊNỊNYANAḄỌ ḅe ḅẹẹarị: Anị ene mẹ ḅụ, arị ịna kọngọ kpọọ wararị ye mẹ anyịma tẹ ịna ikoli ma siin ḅa, tẹ ịn ḅarị jen kẹ jen asịẹ ḅẹ apụ omoni-sọ ḅịa.

Jerimaya 30:8 Iomraidhean Croise

Devidi-Anume 107:14

Ori ịn pakama-ḅom ịna furu na kanakana na ḅio tẹ ịna ikoli ma anyịma kọsịma saram.

Ayịzaya 10:27

Anị ene mẹ ḅụ, Asiriya kụrọ ḅara-ḅio arị ọ́ pakama-ḅo ḅa, tẹ ịna ikuye mẹ ḅarị ọ́ jịjịma ḅịa.”

Ayịzaya 14:1

KỊNỊNYANAḄỌ ḅe pịkị siin jen kẹ ọkụrụkụrụ nyana ori atomi Izirẹlị pịrị tẹ ịn sẹlẹ ọkị tẹ kẹ ò nye sọma ḅa. Ọ̀ mịẹ tẹ ịn pịkị jen kẹ ịna amakiri ḅụ anga ḅa, tẹ jen asịẹ ḅẹ apụ ḅo anịjụ ini na anga ḅa.

Ayịzaya 14:25

Arị Asiriya apụ ma ḅaa-guluguluma ḅa Izirẹlị amakiri ḅụ, tẹ ị̀ tụndụ ma ọgọnọ ịn nanga ḅọrọ ḅa. Asiriya kẹ ị̀ atomi ma kọngọ kpọọ wararị ḍigi mẹ à fima sin ḅa, tẹ in dogi ḅẹ ikuye mẹ sọ à siin-koroma ḅa.

Ayịzaya 14:3

KỊNỊNYANAḄỌ ḅe Izirẹlị pakama-ḅo ḅa ịna akụye na ḅụụ-fụka na ḅụ, pịkị kụrọ kọrịnama tẹ ini in ponoma tẹ ịn kọrị sime ye mẹ ḅụ na.

Ayịzaya 9:4

Gbala ịn kẹ ịna kọngọ kpọ iku ye mẹ ị́ anyịma siin tẹẹ, pịkị ịna apana ma fomu-fomu mkpara mẹ sọ. Ị́yẹrị ị́ atomi ma ponoma tẹ ini inoma sime sịẹ mẹ nẹngịma tẹẹ, anie alatẹ sakị ḅụ ị́ kẹ Midiya ḅẹ apụ nẹngịma gbọrụ ḅara mẹ.

Jerimaya 2:20

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Izirẹlị, iḅere-iḅerea kụra ḅio ị́ ị̀ ḅẹrẹtọn kụrọ mẹ sịkịm; ị́ ḍụkụ tẹ ị̀ ḅịḅịpoki tẹ sunsin ị̀ pịrị-a. Gele tụndụ ọgọnọ goyegoye ḅụ pịkị ḍumo wararị sịn goyegoye suku ḅio í sunsin fịaị pakama-ḅo ḅa nwẹn ḅẹẹ atamụnọ pịrịm.

Jerimaya 25:14

Babịlonịya ḅẹ apụ mịẹ tẹ ye mẹ gbẹẹ-ye kẹ in gbẹẹ ḅa, tẹ tọnwa asịẹ na opu amadapụ na ịn kẹ omoni sọma ḅa.”

Jerimaya 27:2

à nama oju apara kẹ mịẹ ḍigi na, nama kọngọ kpọọ sịn na, mịẹ ị̀ ḅụụ pịrịị, tẹ kẹ ị̀ kọngọ sụaa.

Jerimaya 27:7

Sịẹ-sịẹ mamgba fịrịmẹnjị ọ̀ pịrị ḅa, ịn pịkị fịrịmẹnjị ori owiḅọtụḅọ na ọ̀ taa-owiḅọtụḅọ na pịrị ḅa, nwenii ọ̀ ḅara-kuḅu ḅẹ sịẹ mẹ ḅịkị ḅẹ sakị ḅo la ḅa. Anịtẹso ọ̀ sịẹ mẹ fịrịmẹnjị opu kụrọ nyana asịẹ na opu amadapụ na pịrị ḅa.

Jerimaya 28:10

Anịtẹso Hananaya ị̀ kọngọ sime nama kpọọ gboloma sịn mẹ siin tẹ anị anyịma kọsịmam,

Jerimaya 28:13

à mu ḍuko Hananaya pịrịị: “KỊNỊNYANAḄỌ ḅe ḅẹẹ tẹ mịnẹ í inetẹ sịn kẹ mị nama kpọọ gboloma sịn anyịma ḅa, kụma ori ikulele kẹ mịẹ ye kẹ anị kiri ḍima ḅa.

Jerimaya 28:4

Jehohakịnị, Juda ḅẹ amadaḅọ, Jehohakịmụ tụḅọ ḅe na Juda ḅẹ apụ mamgba tẹ ịn kẹ ọ̀ ḅụ sụa kun-so Babịlonịya mu apụ ma sọ. Inn, à Babịlonịya amadaḅọ ḅe kụrọ mẹ ḅịkịma ḅa. Yẹrị KỊNỊNYANAḄỌ ḅe ọkọ ḅẹẹm.”

Izikẹlị 30:18

Kanakana Tafanisi gbaịn ḅa arị Ijiputi kụrọ mẹ ḅụọ anyịma, tẹ mịẹ tẹ Ijiputi kẹ ḅụụ-boma-boma ịnyọ ma à ḅụụ so sakị. Oḅuto Ijiputi ḅara ḅụ.

Izikẹlị 34:27

Sịn ma mgbọlụ sụa ḅa, ḍụọ akiri ma fịaị pakama ḅa, tẹ ọrụḅọ-ọrụḅọ amịna ḅara-kuḅu ḅẹ kiri ḅụ ye-ḅụụ-la-a ḅara kẹ anga ḅa. Àrị ị̀ atomi ikoli ma anyịma tẹ ịn kẹ omoni sọmarị apụ ḅara-ḅio ịn pakama-ḅo sakị, anịsakị mie in nimi ḅarịye mịnẹ yẹrị anie KỊNỊNYANAḄỌ ḅe.

Nahọmụ 1:13

Anịsakị mịọkụ arị ị́ ḅụụ ḅụ ọ̀ kọngọ sụa ikuye mẹ anyịma siin ḅa, tẹ ọmịna gboloma ma kan gala-gala ḅa.”