Jerimaya 30:7 - FỊAFỊA BAỊBỤLỤ

⁷ Tẹmẹ-naịn-naịnma ene ḅoarị; kẹ anị na tọnma ḅẹ jen ene ofori ḅụụ-ḅalaḅala sakị sọ ị̀ atomi pịrị ḅẹ ene, kụma ịn fịị-a so ḅa.”

Jerimaya 30:7 Iomraidhean Croise

Suku-saakị 32:7

Anịtẹso Jekọbụ nwẹnị kpọma ḅalafa, tẹ ḅụụ-ḅalaḅala, tẹ ọ̀ nwẹnị tomi ma tẹ ori na sime apụ ma na, anana ogbo-ogbo ma na, opu anama ogbo-ogbo ma na, ike-sụa-anama ma na kẹ maa kpo ḍie,

Devidi-Anume 25:22

Yei Tamụnọ, tomi dogi-ḅoarị ḅụụ-fụka mamgba ḅio, ị́ atomi Izirẹlị ḅọrọma-a!

Devidi-Anume 34:19

Iḅi tomḅọ ḅe tọnwa atọrụsiẹrị na ḅụụ-fụka na daarị: kụma KỊNỊNYANAḄỌ ḅe arịmgba ḅụ ọ̀ ḅọrọmarị;

Ayịzaya 20:6

Anị sakị mẹ ḅụ, Filisiteni ḅẹ tọrụ akaka ḅụ angarị apụ ḅẹẹ ḅa, “Wa ḅụụ ḅụ sịrẹrẹm mịnẹ Asiriya tomikiri mẹ daarị opuḅọ ḅe kụrọ ḅụ ịn wa gbaịn ḅọrọma nwẹn ḅẹẹ ye mẹ paka ye ḅara ḍikii! Ndẹẹ wa inetẹ fịị-a sọ ḅẹ ḅara.”

Jerimaya 14:8

Ị́yẹrị ngẹrị mie Izirẹlị nyana ḅiokpọ; anie opu ḅụụ-fụka ḅụ wa ḅọrọmarị ḅọ, Tiye ẹrẹsị ị́ wamịna amakiri mẹ ḅụ kịnị tọrụ-nimi-a ḅọ kịkarị, gbala ḅọrọ ye muarị tẹ agba tẹ ḍin mẹ kịngẹ kẹ sime ḅọ ọkụ.

Jerimaya 2:27

Ọmịnị-mgba tọrụ-tuu fama ḅa, ọmịnị tẹ ḅarị apụ ma mịnẹ sịn anie ọmịna ḍaḅọ, tẹ ịkụ pịkị ọmịna iyingiḅọ. Miemẹ paka ḅa, ọmịnị ọḅụ kẹ ì gbin tẹ so tẹ ẹrẹsị, ọ́ tọrụ pịkị ị̀ da ḅẹ nakara. Kụma ọ́ ḅụụ-fụka ḅio sọ sakị mie ó ḅiiarị à ḅo ḅarasụa ọ́ pịrị.

Jerimaya 2:28

Ọ́ ḅarana mịẹ ḅụụ pịrị atamụnọ ma ịn tọ-anga emi? Ọ́ ḅụụ-fụka ḅio sọ sakị yee ini ọ́ ḅọrọma — ini inetẹ ḅarị ḅẹḅẹ. Juda, ì opu ama ma kịẹn-ḅịḅị la ḅara mie pịkị ị́ nyana atamụnọ ma la ḅara.

Jerimaya 30:10

Ị̀ atomi, ọ́ ḅalafa ma; Izirẹlịapụ, ọ́ tẹmẹ-naịn-naịn ma. Sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị omoniapụ ḅara kẹ simearị amakiri mẹ ḅụ. Ọ́ pịkị warị ḅo tẹ dein ḅụ anga ḅa; ye ḅarị ọ́ la ḅịa, tẹ gbọrụḅọ-sọ ḅarị ọmịna ḅalafama ḅịa.

Kururu Owu-apọkọ 1:12

Ọmịnị mamgba tẹ mẹnjị-mẹnjị-ḅọrọarị apụ, anị ọmịna aḅụụ gberie-sọ la-a mọ? Ọ́ paa ḍikii, tẹ ẹrịị, ì kururu mẹ pembe kururu ḅọrọ emi ḅẹḅẹ aniemẹ tẹ ḅo ị̀ ọgọnọ gbana ye mẹ, aniemẹ tẹ KỊNỊNYANAḄỌ ḅe kẹ ọ̀ ḅalafama ịganị ene ḅụ, ì fomu ye mẹ.

Kururu Owu-apọkọ 2:13

Àrị í gotẹ tiye ẹkwẹn tẹ tiye kẹ ị́nịna pii-pii ḅẹẹ ḅẹ, yei kpọma-ḅẹlẹmarị Jeruselemu? À tiye kẹ inetẹ í kịkama ḅẹ, mịẹ tẹ àrị í dedema ḅẹ ḅara, yei Zayọnị ḅẹ ḅụụ-gboloa ẹrẹḅọtụḅọ? Kẹ gotẹ ọkọ ḅẹẹarị, opu tọrụ mẹ finjima la ḅara, mie ị́ ḅụụ si-aị ma ḍụḅa la ḅara; tụḅọ inetẹ ị́ kẹ í sime-sime ḅara wẹrị ḅẹ?

Kururu Owu-apọkọ 4:6

Gbala ị̀ atomi ma ẹrẹḅọtụḅọ ma fomu-ḅara mẹ ḍụḅa Sọdọmụ tẹ gbọrụ sakị ngẹrị ḅụ fa ye mẹ fomu-ḅara nẹngị tẹ ẹrẹsị, ḅara kẹ anị ọgọnọ gbana jụmọ ofori.

Danẹlị 12:1

Pịna-pịna ferefere kapa sụa enjẹlị ḅe ḅẹẹm, “Anị sakị mẹ ḅụ opu enjẹlị Mayịkẹlị ḅe, ị́ atomi ḍụarịḅọ ḅe tolu-sịẹ ḅa. Anịtẹso kpọma ḅụụ-fụka sakị ḅo ḅa, si tẹịn ye sịẹ-sịẹ ma tarị paka kụra ḅio. Anị sakị mẹ ḅụ, ị́ atomi mamgba tẹ ẹrẹ Tamụnọ ḍiri ḅio kẹẹ wararị apụ ma ḅọrọma ḅa.

Danẹlị 9:12

Í ḍukom ị́ kẹ wamịnị na wamịna ḅẹrẹtọn-apụ na mịẹ ḅẹ ye mẹ ị́ mịẹm. Tomikiri ḅẹ jen opu ama tẹ ị́ ị́ kẹ Jeruselemu fomu-ḅara fomu ye ofori,

Hosiya 1:11

Juda ḅẹ apụ ma na Izirẹlịapụ ma na gbọrụ apụ sọ ḅa. Ịn gbọrụ sịḅịdaḅọ sẹlẹ-pakama-ḅo ịna aḅụụ pịrị ḅa, tẹ gbọrụ sakị kẹ siin ịna amakiri mẹ ḅụ gburo-gburotẹ lolo ḅa. Inn, Jẹzirili ene mẹ gburo-gburotẹ ene sọ ḅa!

Jowẹlị 1:15

Yei, anị ḅalafama ene mẹ! Anị Kụrọmamgba-nyana KỊNỊNYANAḄỌ ḅe amakiri mẹ guluguluma ḅarị ene mẹ ḅo kpeki tẹẹ.

Jowẹlị 1:2

Ọmịnị omongiapụ, ó ḅeri-tokoloma ì pokii! Juda ḅụ sime-ḅọ sime-ḅọ pokii. Jen sakị nwẹn pembema ye paka tẹ ọmịna sakị anịanịa ọmịna atẹngịapụ sakị ḅụ?

Jowẹlị 2:11

KỊNỊNYANAḄỌ ḅe tọn ori ọmụ-ogbo pịrịarị tẹ ịn so-alagba fie ḅara fiearị. Ọ̀ ḅịḅị pokiarị ọmụapụ ma tọnwa-apụ, tẹ ịn pịkị opu kụrọ nyanam. KỊNỊNYANAḄỌ ḅe ene mẹ ḅalafama la ḅara ḍikii! Tụḅọ fịị-a so ḅẹ anị ḅụ?

Jowẹlị 2:31

Ịrụa mẹ kanakana ḅa, tẹ akalụ mẹ ọmbie ḅịya ḅara kẹ awụ ḅịya ḅa, tẹrẹmẹ KỊNỊNYANAḄỌ ḅe ori atomi kọn ḅarị ḅalafama ene mẹ ḅo ḅa.

Mayịka 4:9

Í tiegotẹ mịọkụ peema-peema oloku-oloku owuarị? Ị́ ḅarị amadaḅọ nyana-a? Nimi ẹkwẹn kọn í tolumarị apụ ma fịị fa tẹ ẹrẹsị, ị́ iyiarị ẹrẹḅọ iyi akụ da ḅara kẹ tọrụsiẹrị aro?

Habakọkụ 3:16

À mie mẹmgba naa tẹ oju sẹkịarị, ị̀ ḅịḅị-apakịrị ma jikearị ḅalafa ḅụ. Ì oju fịịarị, tẹ ị̀ aḅụọ pụmbụarị ì suku-ḅio ḅụ. À yaụ-sime tẹ ḅo ḅarị sakị mẹ koruarị Tamụnọ owu kẹ wa pakarị apụ ma fomu ḅẹ sakị mẹ.

Zẹkaraya 14:7

gbọrụ kanakana sọ ḅarị paka ḅịa. Sakị mamgba eneḅaka sọ ḅa, ḍin sakị ḅụ sọ. Miemẹ mịẹ ḅẹ sakị mẹ Tamụnọ KỊNỊNYANAḄỌ ḅe kịngẹ mie nimi yee.

Malakayị 4:1

Kụrọmamgba nyana KỊNỊNYANAḄỌ ḅe ḅẹẹarị, “Gbọrụ ene ḅụ, ḅụụ-gelemarị apụ ma na si-mịẹapụ ma na asịra dọkị ḅara kẹ dọkị ḅa. Anị ene mẹ ḅụ, ịn dọkị faa ḅa, tẹ gberie-sọ ịna ḅụ kọọn ḅịa.

Makị 13:19

Kẹ gotẹ ọkọ ḍukoarị, arị ene ma ḅẹ ḅụụ-fụka mẹ tomikiri mẹ bịan tẹmẹ kụra-ḅio ḅo mịmgba la ḅụ tomi da tẹ ḅụụ-fụka mamgba ḅụ kpọma sii tẹịn ḅa. Anị kịkaye sọ jen sakị, jen sakị ḅarị paka ḅịa.

Fịrịmẹnjịapụ 2:20

ịrụa mẹ kanakana sọ ḅa, tẹ akalụ mẹ awụ ḅịya ḅa, ọmbie ḅịya ḅara, tẹrẹmẹ KỊNỊNYANAḄỌ ḅe opu ebube Ene mẹ ḅo la ḅa.

Romu 11:26

Mie Izirẹlị mẹmgba ḅọrọtẹ ḅọrọma ḅarị ḅara. Fịafịa Ḍiri mẹ ḅẹẹm, “Ḅọrọmaḅọ ḅe Zayọnị ḅụ sime tẹ ḅo tẹ Jekọbụ furo-ḅẹ-apụ ma ḅụ si-sịḅịḅio mẹmgba sin ḅa.

Mịẹfinji 6:17

Ịna ḅalafama ịganị ene mẹ ḅo la tẹ, tẹ tụḅọ inetẹ sịẹ tẹ anị da ḅẹ!”