Jerimaya 30:6 - FỊAFỊA BAỊBỤLỤ

⁶ Mịọkụ daasịẹ tẹ kuromaa! Owiḅọ inetẹ tụḅọ iyi pakama-ḅo ḅẹ? Tiye ẹrẹsị arị owiḅọ goḅọ-goḅọ ẹrịarị ori amịna aḅara kẹ ò furo gbana wararị iyi la tẹ ẹrẹḅọ ọkụ? Tiye ẹrẹsị ḅẹḅọ-ḅẹḅọ bosolo wararị?

Jerimaya 30:6 Iomraidhean Croise

Devidi-Anume 48:6

Anịanga ḅalafa in kun sịẹma tẹ ịna oju fụkam, iyi ḅẹ sakị la tẹ ẹrẹḅọ fụka-ye da ḅara,

Ayịzaya 21:3

Ịkịan mẹ ḅụ arị ẹrị ye na naa ye na opu ḅalafaa na akụ na kẹ ị̀ ḅụụ ḅio suu tẹ, ẹrẹḅọ iyiarị tẹ da-da akụ pembe ye.

Ayịzaya 29:22

Mịọkụ mie ḅụ KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, tẹ ḅụụ-fụka ḅio Ebira-amụ pụkọ-pakama ḅo ḅọ ḅe, tẹ ḅẹẹm, “Ị̀ atomi, ọ́ ḅarị jen kẹ tọrụ-tuu ḅịa, tẹ ọmịna atọrụ-kuḅu ma ḅarị jen kẹ obiapụ tọrụkuḅu kịka ḅịa, ḅụụ-jịrị ḅụ.

Jerimaya 13:21

Ndẹẹ í ḍuko ḅẹ ye, ị́ kẹ í ikiapụ sịn-arị apụ ḅo owu kẹ ị́ paka tẹ ị́ nẹngịma tẹ ḅẹrẹtọn ị́ pịrị kụma?” Ị́ akụye ḅụ sọ ḅa, tụḅọ iyiarị ẹrẹḅọ ọkụ.

Jerimaya 22:23

Ọ́ gbala-ḅọrọ Lẹbanọnị asida ma ogboku ḅo aị ḅara kẹ ye-ḅụụ-la-a ḅara kẹ ịnyọsara simearị, kụma anị kpọma sịḅị-jịrịmaye sọ ọ́ pịrị ḅa ḅo ọ́ la ḅarị akụ ye ḅụ, anị iyiarị ẹrẹḅọ daarị akụye kịka ḅa.

Jerimaya 4:31

Àrị owu pọkọ naam, iyi la tẹ ẹrẹḅọ ọkụ, Oloku ḅịḅị mẹ kịrarama fie ḅara tarị tụḅọ iyiarị ẹrẹḅọ ọkụ. Anie kpọma-ḅẹlẹmarị Jeruselemu owu pọkọọ, kụma á ḅụụkụrọma ịnyọsararị, arị á ḅara sụn-pakama tẹ ḅẹẹarị, “À ḅarị ḅọrọma ḅịa! Ini ị̀ ḅaa ḅẹ ḅoarị!”

Jerimaya 48:41

tẹ ama ma na kụrọnị-ayọ mamgba ini ọkị fama ḅa. Anị ene mẹ ḅụ, Mohabụ ḅẹ ọmụapụ ma tẹmẹ-naịn-naịn ḅa, iyi la tẹ ẹrẹḅọ ọkụ.

Jerimaya 49:22

Ini na fịya-a apụ ma owu kẹ ịn paka ḅarị ḅara gbala igo pamba finji sara tẹ fiin ideri-ḅo ḅara. Anị eneḅaka ḅụ Idọmụ ḅẹ ọmụapụ ma ḅalafa ḅarị ḅara iyi la tẹ ẹrẹḅọ ọkụ.”

Jerimaya 49:24

Damasịkọsị ḅẹ apụ ma ịn kụrọ-a, tẹ ịn mangị tẹẹ opu ḅalafa ḅụ. Ini akụye na ḅioḅẹngbọ-si na ḅio emi, iyi la tẹ ẹrẹḅọ ọkụ.

Jerimaya 50:43

Babịlonịya ḅẹ amadaḅọ ịba mẹ naarị, tẹ ori angagbasa kpịlasaịma koro-sime wararị. Akụ ye ḅo ọ̀ la tẹẹ, ḅo iyi laa tẹ ẹrẹḅọ la-la akụye ọkụ.

Jerimaya 6:24

Jeruselemu ḅẹ apụ ḅẹẹarị, “Wa paka ye mẹ naa tẹẹ, tẹ wamịna aḅara wamịna akaka kpịlasaịma koro-sime tẹẹ; opu tẹmẹ-akụ wamịna ḅụ sọ tẹẹ, iyi laa tẹ ẹrẹḅọ ọkụ.

Danẹlị 5:6

Ọ̀ tọrụkuḅu anị gbọrụ sakị ḅụ epe ḅịyam tẹ opu ḅalafa ḅo ọ̀ la ḅara gotẹ ori aḅụọ-kụkụ nwẹnị jike.

Hosiya 13:13

Izirẹlị ḍumo ḅẹ sakị nyana wararị, kụma oḅori-sọ ḅụra mịẹ tẹ arị inetẹ anị kẹ ye mịẹ-a — gbala iyi pakama-ḅo ḅẹ-yearị tụḅọ tẹ ḅarị paka-ḅo ḍụkụ-a ye furo ḅio ḅụ.

Jowẹlị 2:6

Ịn ḅoarị ḅara mẹ, ḅẹḅọ-ḅẹḅọ tẹmẹ-naịn-naịnarị, tọrụkuḅu goyegoye bosoloarị.

Nahọmụ 2:10

Ịn Ninive ḅaa fama tẹ, tomi anị koroma mangị tẹ, anị fatẹ yọ sọ tẹẹ! Ḅalafa ḅioḅẹngbọ sanịm, ḅụọ-akụkụ sẹkịm, ịnyọ fa tẹẹ, tọrụkuḅu ḅo fọọn ḅịyam.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.