Jerimaya 30:5 - FỊAFỊA BAỊBỤLỤ

⁵ “À tẹmẹ-naịn-naịnma owu pọkọ naam, ḅalafa owu pọkọ tẹ dein ye-a.

Jerimaya 30:5 Iomraidhean Croise

Ayịzaya 5:30

Anị ene mẹ ḅụ, ini ekire Izirẹlị pịrị ḅa, tẹ anị abajị fie ḅara fie ḅa. Paa mị ama mẹ ḍikii! Kanakana na ḅụụ-ḅalaḅala na! Kanakana bele mẹ mẹnị ọkị tẹ.

Ayịzaya 59:11

Wa tẹmẹ-naịn-naịn tẹ ḅụụ-ḅalaḅalarị; wa ḅii lamarị Tamụnọ ponoma na iri-amịẹaị na ḅụ wa ḅọrọma, kụma gberie-sọ paka-a.”

Jerimaya 12:12

Ịkpa mẹ ḅẹ gele akiri ma mẹnjị saḅa ḅo ye fọịn ḅẹ owiapụ ḅo tẹ. Arị ọmụ kẹ fịrịma bebe amakiri mẹ guluguluma ḅẹ ḅo tẹẹ; gbọrụḅọ-sọ inetẹ dein ḅụ anga ḅịa.

Jerimaya 25:36

Anana ḍikiḍikiapụ ma kọn-arị owu mẹ naa, ị̀ anana-ogbo mẹ sịḅịdapụ pee-peema owuarị anana-ogbo mẹ gotẹ; anie KỊNỊNYANAḄỌ ḅe ịna osuka-fị-kiri mẹ gulugulumarị ẹrẹsị.

Jerimaya 30:4

KỊNỊNYANAḄỌ ḅe Izirẹlị na Juda na ḅẹ apụ ma ḅẹẹarị,

Jerimaya 46:5

“Kụma à tiye ẹrịarị?” KỊNỊNYANAḄỌ ḅe gbelarị. “Ịn tẹmẹ-naịn-naịn ḅụ pịkị ọḅụ daarị. Ịna ọmụapụ ma ini in dee-pịkị tẹẹ; ḅalafa ịn gbaịn tẹ ini ine-ḅara ine-ḅara kẹ fọnya mangịarị tẹ ọḅụ ḍiki-a.

Jerimaya 6:22

KỊNỊNYANAḄỌ ḅe mẹẹ, “Ọgọnọ-jụ gbọrụ sịẹ ḅụ kịnị ḅoarị; opu kụrọ nyanatẹ gbọrụ sịẹ sụma-jụ tẹlẹma ọmụ pịrịarị.

Jerimaya 6:26

KỊNỊNYANAḄỌ ḅe ori atomi ḅẹẹarị, “Ọmịnị akpa ḅiri tẹ fọọn ḅio kpeleki. Ọ́ tẹmẹ-akụarị owu-minji ḅụ kururu, gbala tomḅọ amịna kpọkpọ gbọrụ owiḅọtụḅọ owuarị pembe ḅara, bẹkẹ-ḅara-kẹ owu kẹ ọ́ paka tẹ ọ́ ḅaa guluguluma ḅẹ apụ ma gotẹ.

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Jerimaya 9:19

Zayọnị ḅụ owu-pọkọ fiearị ye pokii, “Wa fa tẹẹ! Wamịna tọrụ-tuu fama tẹẹ! Jen mịẹ-mịẹ ḅara ofori wa wamịna amakiri koroma-so ḅa; Wamịna sime-ayọ ma ịn kan sara tẹẹ.”

Emọsị 8:10

Àrị ọmịna alalị ma pịkị-ḅo ḍụẹịn ḍiḅi asakị sọma ḅa tẹ ọmịna ḅioḅẹlẹ anume ma ḍima ḅo kururu owu sọma ḅa. Àrị ọ́ mịẹtẹ ọ́ sịḅị sẹịn tẹ akpa ḅiri ḅa, tẹ ó ḅo ḍaḅọ-na-iyingiḅọ-na amịna ngẹrị owiḅọtụḅọ ḍuarị apụ kịka ḅa. Anị ene mẹ akụ nwenii ḅo kunoma ḅa.”

Habakọkụ 1:10

Ini amadapụ ḍiki-iderima ḅara kẹ ini na mịẹarị tẹ fịrịmẹnjị-opuapụ ḍẹrịarị. Gbọrụ kụrọnị-anga sọ in kiki-kiki-a; ini aḅaịn soku kpolima anị bịan si tẹ anị ọkịarị.

Habakọkụ 1:6

À Babịlonịya ḅẹ apụ ma ọkị-ḅo kụrọ ḅara ḅụ simearị apụ sọma ḅẹ-yearị, arị ḅalafamarị tẹ gbene sime-sime-a atomi ma. In tomikiri mẹ mẹnjị saḅa ḅọrọ mu jen-apụ amakiri ọkịarị.