Jerimaya 30:22 - FỊAFỊA BAỊBỤLỤ

²² Mie ḅụ ọmịnị ị̀ atomi sọ ḅa, tẹ yẹrị ọmịna Tamụnọ sọ ḅa.

Jerimaya 30:22 Iomraidhean Croise

Paka-so 6:7

anịsakị arị ọmịnị ọkị tẹ kẹ ị̀ atomi mịẹ ḅa, tẹ arị ọmịna Tamụnọ sọ ḅa, tẹ ó nimi ḅa mịnẹ yẹrị anie KỊNỊNYANAḄỌ ọmịna Tamụnọ ḅee, oriḅe tẹ Ijiputi-ḅẹ-apụ ma dogi-aị ma suku-ḅio ḅụ ọ́ pakama-ḅo ḅọ ḅe.

Sọlọmọnị Ḅẹlẹtẹịn Nume 2:16

Ị̀ ḅẹlẹmaḅọ sime ị̀ pịrịm, yẹrị sọ sime ọ̀ pịrịm. Lili nwẹn-sịn afịlawa ogboku mie ò fịye kẹ ori anana-ogbo pịrị fịarị,

Jerimaya 11:4

Mị ọḅọkụ mẹ anie à kẹ ịna elemu aḍapụ ma na fị ye mẹ, àrị Ijiputi ḅio ịn pakama-ḅo sakị, anie fịnị orumo ḅara kẹ kọrị sime akakiri mẹ ịna ḅụụ ḅụ. À ḍuko ịn pịrịm ini ị̀ ḅịḅị poki tẹ à tọn ịn pịrị ye goyegoye mị. À ḍuko ịn pịrịm mịnẹ ini ị̀ ḅịḅị poki-poki, ini ì atomi sọ ḅa, tẹ yẹrị pịkị ịna Tamụnọ sọ ḅa.

Jerimaya 24:7

Àrị ịn kẹ ì nimi ḍọkị ḅẹ tẹmẹ kẹ ịn pịrị ḅa, mịnẹ yẹrị anie KỊNỊNYANAḄỌ ḅee. Ini ị̀ atomi sọ ḅa, tẹ yẹrị ịna Tamụnọ sọ ḅa, ini ịna ḅioḅẹngbọ mẹmgba kẹ pịkị ị̀ dama-ḅo ḅa ẹrẹsị.

Jerimaya 31:1

KỊNỊNYANAḄỌ ḅe mẹẹ, “Sakị mẹ ḅoarị anie yẹrị Izirẹlị kịrị-kịrị afuro mamgba Tamụnọ sọ ḅẹ sakị mẹ, tẹ ini nwẹnị ị̀ atomi sọ ḅa.

Jerimaya 31:33

Ịwọ ọḅọkụ mẹ tẹ à kẹ Izirẹlịapụ ma na fị ḅarị ọḅọkụ mẹ anie mie: àrị ì oloko kẹ ịna ḅụụ ḅio suu tẹ anị kẹ ịna aḅioḅẹngbọ ḅụ kẹẹ ḅa. Yẹrị ịna Tamụnọ sọ tẹ ini ị̀ atomi sọ ḅa.

Jerimaya 32:38

Anịsakị ini ị̀ atomi sọ tẹ yẹrị ịna Tamụnọ sọ ḅa.

Izikẹlị 11:20

Anịtẹso ini ì oloko ma koko tẹ ḅioḅẹngbọ-kẹ-sịrẹrẹ-niḅi ḅara kẹ à tọn-koroma-aị mamgba poki tẹ mịẹ ḅa. Ini ị̀ atomi sọ ḅa, yẹrị pịkị ịna Tamụnọ sọ ḅa.

Izikẹlị 36:28

Anịtẹso ọmịnị à kẹ ọmịna elemu aḍapụ ma pịrị amakiri mẹ ḅio anga ḅa. Ọmịnị ị̀ atomi sọ ḅa, tẹ yẹrị ọmịna Tamụnọ sọ ḅa.

Izikẹlị 37:27

Àrị ini na anịanga anga ḅa; àrị ịna Tamụnọ sọ ḅa, tẹ ini atomi sọ ḅa.

Hosiya 2:23

À mịẹ tẹ ị̀ atomi ịna amakiri mẹ ḅụ sime tẹ lolo ḅa. Àrị ọkụrụkụrụ kẹ tomi kẹ “Ọkụrụkụrụ Nyana-a” sịn apụ ma ḍie ḅa, tẹ ini ma tẹ tomi kẹ “Ị̀ Atomi-a” sịn apụ ma ḅụ, à ḅẹẹ ḅa, “Ọmịnị ị̀ atomi” tẹ ịn pakịrị ḅa, “Ị́yẹrị wamịna Tamụnọ.”

Zẹkaraya 13:9

Anịsakị à fịịa-so gbọrụ anga mẹ daaḍiki ḅa. Àrị ịn daaḍiki ḅa golu daaḍiki ḅara. Anịtẹso ini ị̀ tẹkẹ ḅa, tẹ àrị ịn pakịrị ḅa. À ḍuko ịn pịrị ḅa mịnẹ ini ị̀ atomi, tẹ ini nwẹnị ḍuko pakama ḅa mịnẹ yẹrị ịna Tamụnọọ.”

Zẹkaraya 8:8

tẹ àrị ịn kẹ pịkịma-ḅo ḅa ịrụa-saakịarị-anga mẹ ḅụ na anị tuuideriarị pakịrị mẹ ḅụ na tẹ in Jeruselemu ḅụ anga ḅa. Ini ị̀ atomi sọ ḅa, yẹrị ịna Tamụnọ sọ ḅa, nwẹnị ḅioḅẹngbọ-kẹ-sịrẹrẹ-niḅi ḅara na inoma ofori ḅara na kẹ ḅẹrẹtọn ịn pịrị.”

Matiyo 22:32

‘Yẹrị anie Ebira-amụ na Ayịzịkị na pịkị Jekọbụ na sịḅị-tuu pịrị Tamụnọ ḅee.’ Ori anie ḍumo wararị apụ Tamụnọ, fịtẹ-apụ Tamụnọ-a.”

Hiburu 8:10

KỊNỊNYANAḄỌ ḅe pịkị ḅẹẹarị, mịọkụ, mie àrị Izirẹlị ḅẹ atomi ma na fị ḅarị ọḅọkụ mẹ, ḅo ḅarị ene ma ḅụ, àrị ì oloko ma kẹ ịna akuroma ḅụ suu ḅa, tẹ pịkị mịẹtẹ ịna aḅioḅẹngbọ ḅụ ịna ḅioḅọrọ ḅịa. Àrị ịna Tamụnọ sọ ḅa, tẹ ini pịkị ị̀ atomi sọ ḅa.

Mịẹfinji 21:3

À nwẹnị emine mẹ ọgọnọ lẹgị ḅọ ḅe gele pọkọ kẹ kọn ẹkwẹn naa, “Mịọkụ Tamụnọ ḅo tomina ogboku anga tẹẹ! Ori ini na sime ḅa, tẹ ini ori atomi sọ ḅa. Tamụnọ ḅarana ini na sime tẹ ịna Tamụnọ sọ ḅa.