Jerimaya 30:21 - FỊAFỊA BAỊBỤLỤ

²¹ Ịna ḅụ ḅẹ gbọrụḅọ ịna sịḅịdaḅọ sọ ḅa ịna ḅẹrẹtọnḅọ ịna ogboku saakị paka-ḅo ḅa. Àrị ori ọkị-ḅo kpekima tẹ ò ḅo í kpeki tẹ sime ḅa, anịsakị tụḅọ ḅarana ḅụụ saakị ị̀ pịrị ḅa yẹrị mḅọ nụnụ ị̀ ḅụụ pịrị sikima? Yẹrị, KỊNỊNYANAḄỌ ḅe ọkọ ḅẹẹm.

Jerimaya 30:21 Iomraidhean Croise

Suku-saakị 18:27

Ebira-amụ nwẹnị pịkị ḅẹẹ, “Ḍikii, yẹrị gbọrụḅọ-sọ gbọrụḅọ-a kụma fọọn na, lịka na ọkị ị̀ ọgọnọ gbana tẹ, tẹ ẹkwẹn KỊNỊNYANAḄỌ ḅe pịrịarị.

Suku-saakị 18:30

Anịtẹso ọ̀ nwẹnị ḅẹẹ, “Paa-sisi ịganị ma, KỊNỊNYANAḄỌ, anịsakị àrị ẹkwẹn ḅa. Ẹbịsịya ị́ anịjụ kịnị asuei ḍọkị-ẹrị kụma?” Ọ̀ nwẹnị pakịrị, “Àrị anịjụ kịnị asuei ḍọkị-ẹrị-ẹrị, à mịẹ ḅịa.”

Suku-saakị 18:32

Anịtẹso Ebiramụ nwẹnị ḅẹẹ, “Paa-sisi, KỊNỊNYANAḄỌ, ịganị ma, yee à pịkị siin ẹkwẹn. Ẹbịsịya ị́ nwẹnị anịjụ oyi apụ ḍọkị-ẹrị kụma?” Ọ̀ nwẹnị pakịrị, “Oyi apụ ma gotẹ àrị anị ḅaa guluguluma ḅịa.”

Suku-saakị 49:10

Ama-da mkpara mẹ Juda ḅụ sikima ḅịa, anịanịa ḅẹrẹtọnḅọ ḅụụ da mkpara mẹ ò furo-ḅẹ-apụ ḅụ so, nwenii sịẹ, sịẹ igbigi oso-oso ọ̀ pịrị ḅa; anịsakị tomi-kụlọkụlọ ma ọ̀ ḅịḅị poki ḅa.

2 Samụẹlị 7:13

Ọ̀ gbọrụ warị nama ị̀ ẹrẹ pịrị ḅa, anịsakị arị ori emine mẹ sịẹma kụrọma gbamaso ḅa.

Ẹzịra 2:2

Zerubabẹlị na, Jọsụwa na, Nehimaya na, Sẹraya na, Rilaya na, Mọdịkaya na, Bilisanị na, Mizipa na, Bigivayị na, Rehumu na, Bena na ịna ḅụụ sọ tẹ inina ḅom. Mie Izirẹlịapụ ma kịẹn-ḅịḅị mẹ.

Nehimaya 7:2

à nwẹnị Jeruselemu ḍikiḍiki mẹ kẹ ì iyimbere Aneni na, Hananaya ama ḍikiḍiki kụrọtẹ gele warị mẹ ḅẹ ḅẹrẹtọnḅọ ḅe na pịrị, gbala ò minini nyanam tẹ Tamụnọ mangịma tọnwa tomi nẹngịm ẹrẹsị.

Devidi-Anume 65:4

Ị́yẹrị sẹlẹ ọkịarị apụ ma ḅioḅẹlẹ sime ịn pịrịm anie ị́ kẹ ḅo tẹ ị́ fịafịa yọ mẹ ḅụ angarị apụ ma. Ị́ warị ḅio simearị iḅi aị ma wamịnị na-iḅi ḅa, ị́ Fịafịa Warị mẹ ḅẹ aboma ma.

Devidi-Anume 89:29

Ori ama-da ọrụ mẹ sime-gbamaso ḅa So-tọrụ mẹ sime-ḅara; ò furo-ḅẹ-ḅọ sakị mamgba ama-da ḅa.

Paka-so 3:5

Anịtẹso Tamụnọ nwẹnị ḅẹẹ, “Sọma ḅo kpeki ma! ị́ aḅụọ ḅụ simearị okuro ma sin, kẹ gotẹ ọkọ ḅẹẹarị, yọ mẹ tẹ ị́ sịẹsime wararị yọ mẹ anie fịafịa kiri.”

Ayịzaya 63:1

“Nwẹn kẹ Idọmụ ḅẹ opu Bozara ḅụ sime tẹ ḅoarị ḅọ ḅẹ tụḅọ? Ḅieḅe tẹ awụ tọrụ sụa ye ḅiri ḅụlụ-ḅụlụ tẹ kụrọ na ịnyọ na kẹ gbọnma ḅoarị ḅọ ḅe tụḅọ?” “KỊNỊNYANAḄỌ ḅe orii, kụrọ nyana tẹ kịnị ḅọrọmarị ḅọ, ori owu-ḅara-iḅi ḍuko wasama ḅẹ ḅoarị.”

Jerimaya 30:9

Anie nakara yẹrị KỊNỊNYANAḄỌ ịna Tamụnọ ḅe mie ịn fịrịmẹnjị pịrị ḅarịye, pịkị Devidi furo-ḅẹ-ḅọ tẹ à kẹ emine ḅụ lẹgịma tẹ ama-da ḅẹ ḅọ ḅe na.

Jerimaya 33:15

Anị sakị mẹ ḅụ arị ama-da ḅẹ ḅọ sẹlẹ pakama-ḅo ḅa, Devidi furo paka tẹ karakara mịẹarị ḅọ. Anị amadaḅọ ḅe kura ḅara na inoma ofori ḅara na mie ọ̀ kẹ ye mịẹ ḅarịye, bebe amakiri mẹ ikelema-koro ḅụ.

Jerimaya 49:19

Ọkụkụ kpiti tẹ piri-ḅio Jodanị tọrụ akaka ḅụ paka iwo ḅo anana osuka fị-fị kiri mẹ la ḅara, à ḅo mịẹ tẹ Idọmụ ḅẹ apụ ma ḅiotọn-a ḅara kẹ ịna sịẹ koroma mangị ḅa. Anịtẹso yẹrị ḅarana sẹlẹ pakama-ḅo ḅarị ḅẹrẹtọnḅọ ḅe sịẹ mẹ da ḅa. Ini inetẹ tụḅọ kẹ ị̀ na pii-pii ḅẹẹ ḅẹ? Tọ ḅẹrẹtọnḅọ ḅiokpọtẹ ị̀ na kuḅu dama ḅẹ? Tọ ḅẹrẹtọnḅọ inetẹ ị̀ na tụḅụrụ ḅẹ?

Jerimaya 50:44

“Yẹrị, KỊNỊNYANAḄỌ ḅe, ọkụkụ Jodanị tọrụ akaka ḅẹ opu kpiti tẹ piri mẹ ḅio paka iwo ḅo ịwọ osuka fị kiri mẹ la ḅara kẹ ḅo ḅa, tẹ Babịlonịya ḅẹ apụ ma mịẹ tẹ in ḅiotọn-a ḅara kẹ sarama ịna opu ama ḅụ mangị-so ḅa. Anịtẹso à sẹlẹ pakama-ḅoarị sịḅịdaḅọ sịẹ mẹ da ḅa. Ini inetẹ ịna pii-pii ḅẹ ḅe ḅọ tụḅọ? Ḅiokpọ tẹ ḅo ị̀ na kuḅu dama ḅẹ ḅọ tụḅọ? Tọ ḅẹrẹtọnḅọ inetẹ ị̀ na tụḅụrụ ḅẹ?

Izikẹlị 37:24

Ị̀ fịrịmẹnjịḅọ Devidi kịka amadaḅọ ịna amadaḅọ sọ ḅa. Inimgba gbọrụ ḅụ sime ḅa gbọrụ ḅẹrẹtọnḅọ suku ḅio, tẹ ḅioḅẹngbọ-kẹ-sịrẹrẹ-niḅi ḅara kẹ ì oloko ma poki tẹ mịẹ ḅa.

Hosiya 1:11

Juda ḅẹ apụ ma na Izirẹlịapụ ma na gbọrụ apụ sọ ḅa. Ịn gbọrụ sịḅịdaḅọ sẹlẹ-pakama-ḅo ịna aḅụụ pịrị ḅa, tẹ gbọrụ sakị kẹ siin ịna amakiri mẹ ḅụ gburo-gburotẹ lolo ḅa. Inn, Jẹzirili ene mẹ gburo-gburotẹ ene sọ ḅa!

Kịẹn-aḅịḅị 16:40

anị ye kẹ kịnị ḅiokoromaye sọ Izirẹlịapụ ma pịrị ḅarị ḅara, mịẹtẹ agbamịẹḅọ-a tomḅọ, Erọnị furo ḅụ paka-ḅo-a ḅọ, sọma mu agbamịẹ-anga mẹ kpeki, tẹ KỊNỊNYANAḄỌ ḅe tọrọkọ agba dọkịma ḅịa ḅara, anieofori mḅọ ḅofa ḅo Kora na ori ogbo ḅẹ apụ na sọ KỊNỊNYANAḄỌ ḅe wẹrịtẹ Mozizi ḅụ ḅọrọ tẹ kẹ Ẹlịyeza ḅẹẹ ḅara.

Kịẹn-aḅịḅị 16:5

tẹ ọ̀ nwẹnị Kora na ori ogbo ḅẹ apụ mamgba na ḅẹẹ, “Dede-ḅio ḅụ KỊNỊNYANAḄỌ ḅe oriḅe tẹ sime ọ̀ pịrị ḅọ na, oriḅe tẹ pilema-a tẹ fịafịa wararị ḅọ na ḍie-pakama ḅa, tẹ mịẹtẹ mḅọ sọma ò kpeki ḅa.

Matiyo 2:2

Tẹ gbelam, “Tọ anga ịn Juu-ḅẹ-apụ amadaḅọ sọ ḅẹ tụḅọ ḅe iyi? Wa ò lolia ẹrịm ịrụa saakịarị pakịrị anga mẹ ḅụ anị paka sakị, tẹ sunsin ọ̀ pịrị ḅẹ ḅo tẹẹ.”

Matiyo 27:37

Ọ̀ sịḅị ọgọnọ-jụ ḅụ ịn nwẹnị ịn kẹ ọ̀ sịḅị sẹịn tẹ ọ̀ kẹ ḅakụ ye mẹ kẹẹ tẹ kẹ sololo: “Ḅie Jizọsị, Juu-ḅẹ-apụ Amadaḅọ ḅee.”

Matiyo 3:17

Anịtẹso gbọrụ pọkọ nwẹnị So-ḅio sime tẹ ḅẹẹ, “Ḅie ì ḅẹlẹma Tụḅọ ḅee, ọ̀ ḅụụ à ḅioḅẹlẹ nyanam.”

Luku 24:26

Anị mịẹ na-iḅi ye-a, mịnẹ Mẹsaya ḅe mịna ḅụụ-fụka ma da-tolu-ḅọrọ ḅo ori ebube ḅio sọ?”

Fịrịmẹnjịapụ 5:31

Tamụnọ ori iwoma mu amịna ama-ḅara anga lamam, Sịḅịdaḅọ na Ḅọrọmaḅọ na ḅara ḅụ, tẹ nwẹnị kiri kẹ Izirẹlịapụ pịrị ịn kẹ si ḅụ pịkị tẹ Tamụnọ ịna asi wẹrịso ịn pịrị.

Romu 8:34

Tụḅọ ḅọrọ ḅẹrẹ-ḅarasii pẹlẹ ịn pịrị ḅẹ? Anị ḅọrọ Kịrayịsị tẹ fịị ḅọ ḅe mụnọọ? Ori ịn kọkọ fịị ḅụ ọ̀ saakịma tẹ ọ̀ Tamụnọ ama-ḅara anga sime tẹ wa ḍụarị.

Ditẹrọnọmị 17:15

Anị ḅọ mẹ tẹ KỊNỊNYANAḄỌ ọmịna tamụnọ ḅe sẹlẹ-ọkị ḅarị ḅọ mẹ mie karakara ḅara ḅụ ọ́ kẹ ọmịna sịḅị-dama ḅarịye. Ọmịna amịnapụ ma ogbo-ḅio ḅẹ gbọrụḅọ mie ọ́ kẹ ọmịna sịḅị-dama ḅarịye. Ó jen sịẹ ḅẹ igoniḅọ tẹ ọmịna iyimbere-a ḅọ kẹ inetẹ ọmịna sịḅị-dama ma.

Ditẹrọnọmị 18:18

Àrị ịna mịnapụ ma ogbo-ḅio ị́ pembe ịkịankoroḅọ saakị pakama-ḅo ịn pịrị ḅa; tẹ ị̀ ẹkwẹn-aḅịḅị kẹ ọ̀ ḅịḅị ḅio suu ḅa, tẹ ori à tọn ịn pịrị aị mamgba ḍuko ịn pịrị ḅa.

Ditẹrọnọmị 33:5

Mị-ḅara mie KỊNỊNYANAḄỌ ḅe ḅo amadaḅọ sọ ḅara Jẹsurun ḅụ tomi ma sịḅịdapụ ma kobiri, Izirẹlị ḅẹ afuro mamgba kobiri gboloma sakị.

Hiburu 1:3

Ọ̀ ḅụụ mie Tamụnọ ebube mẹ ḅịya pakarị ye, tẹ ori anie pịkị gbọrsịḅị Tamụnọ sime-ḅara mẹ kịkaḅọ, tẹ amịna ẹkwẹn mẹ kụrọ mẹ kẹ bebe tomikiri mẹ na So-tọrụ simearị aị mamgba na gboloma ọlọ-sịẹma wararị ḅọ. Tẹ ò tomina asi ma wẹrịso ịn pịrị ḅẹ kọrịnama mẹ kọrị sịẹma tẹso, ò mu So-ḅio Tamụnọ, Kụrọmamgba Nyanaḅọ ḅe, ama-ḅara anga lẹgị simem.

1 Jọnị 2:2

Anịsakị, Kịrayịsị ḅe ḅioju ḅụ mie Tamụnọ ḅọrọ tẹ wamịna asi wẹrịso wa pịrị ye, tẹ wamịna asi kịngẹ-a, kụma ḅẹḅọ-ḅẹḅọ asi sọ.

Mịẹfinji 19:16

Ọ̀ kapa na ọ̀ ḅụọ-ẹtẹnẹ na ḅụ ẹrẹ kẹẹ wararị: “Amadapụ mamgba Amadaḅọ, pịkị kịnịnyanapụ mamgba KỊNỊNYANAḄỌ.”