Jerimaya 30:2 - FỊAFỊA BAỊBỤLỤ

² ị̀ ḅẹẹm, “À ḍuko ị́ pịrị tẹ ye goyegoye kẹ ḍiri ḅio kẹẹ koromaa,

Jerimaya 30:2 Iomraidhean Croise

Paka-so 17:14

KỊNỊNYANAḄỌ ḅe nwẹnị Mozizi ḅẹẹ, “Mie mẹ kẹ ye kẹ ḅiokoroma ḅara ḅụ ḍiri ḅio kẹẹ tẹ anị gotẹ, gotẹ Jọsụwa aḅeri ḅio suu, mịnẹ arị ịkatakirikọn-a-ḅara kẹ ẹrị tẹ Amalẹkị kẹ ḅiokoroma ḅẹ ye saakị-siin ḅa so mẹ suku-ḅio ḅụ,”

Ayịzaya 30:8

Tamụnọ ị̀ ḅẹẹ tẹ mịnẹ à tomi ma kịkarị ye mẹ kẹ ḍiri ḅio kẹẹ koroma, mịẹ tẹ ịna si sime-ḅara mẹ ḅẹ ḍukoye sime mu ḅụọ, ḅụọ la ḅẹ ḅara.

Ayịzaya 8:1

KỊNỊNYANAḄỌ ḅe nwẹnị ị̀ ḅẹ, “Opu ḍiri kẹ ye ọkị tẹ anị ọgọnọ badarama kẹ koromaa, ‘Fọnya fọịn ḅo ye. Sara sara ḅara kẹ pọkọ ọkị ye.’

Jerimaya 25:13

Opu ḅụụ-fụka mamgba tẹ arị ẹrẹmam arị ọkị-ḅo sịẹ-sịẹ ma ọgọnọ gbana ḅẹ Jerimaya ḅịḅị ḅụ ḍuko aị ma — arị ḅụụ-fụka mamgba tẹ mị ḍiri mẹ ḅio kẹẹ koro wararị aị ma, mie à kẹ Babịlonịya fomu ḅarị aị.

Jerimaya 30:1

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe,

Jerimaya 36:28

à jen iko ḍiri ọkị tẹ anị ḅụ tarị kẹẹ ye mẹ goyegoye kẹ kẹẹ.

Jerimaya 36:32

Anịtẹso à jen in-ikoarị-abịlala ọkị tẹ kẹ ì ḍiri-kẹẹḅọ Baruku pịrị tẹ ori à ḍuko ọ̀ pịrị ye goyegoye kẹẹ koromam. Ọ̀ kẹẹ ye goyegoye anie pịkị in-ikoarị-abịlala mẹ ḅio sime ye, anie paa gbọrụ oku-aḅịḅị ma tẹ à ḍuko tẹẹ ọ̀ kẹẹ aị ma.

Danẹlị 12:4

Ori ị̀ ḅẹẹm, “Tẹ mịọkụ, Danẹlị, ḍiri mẹ gbaịn tẹ ye-oḅoloye kẹ anị oḅolo wẹrị nwenii tomikiri mẹ ḅẹ kunoma la. Mịọkụ mẹ ḅụ tọnwa-apụ ịna ịnyọ fama tẹ ḅụụkụrọma tẹ mịọkụ pakarị ye mẹ fiearị nimi ḅẹ ḍọkị ḅa.”

Romu 15:4

Fịafịa Ḍiri mẹ ḅio kẹẹ ye goyegoye, ịn kẹ ye kẹ wa toluma ḅẹ ẹrẹsị ini anị kẹẹm, mịẹtẹ ịn kẹẹ aị ma kẹ wa pịrị ḅarị ye-inema na ḅiokpọma na ḅụ, wa ḅọrọ tẹ ḅiokpọ nyana ḅarị ḅara.

1 Kọrịntị 10:11

Nwẹn ịna aḅụụ paka aị mamgba ịn kẹ tọnma aị sọma wa pịrịarị, tẹ ini arị kẹẹ koroma tẹ kẹ wamịna ḅeri nụnụarị. Gbala wa nwẹn simearị tomikiri mẹ fa ḅẹ sakị laa ḅẹ tẹ.

Ditẹrọnọmị 31:19

Anịẹrẹsị mịọkụ mị nume mẹ kẹẹ, tẹ anị kẹ Izirẹlịapụ ma tolumaa; anị kẹ ịna aḅịḅị ḅio suu, mịẹtẹ mị nume mẹ Izirẹlịapụ ma na tụḅụrụ ḅara ḅụ ḅẹrẹ-kiri sime ye sọ ị̀ pịrị ḅẹ ḅara.

2 Pita 1:21

Kẹ gotẹ ọkọ ḍukoarị, gbọrụ ịkịankoro ẹkwẹn sọ amụ jene-jene tomḅọ kuroma ḅụ ḅo-a, kụma Fịafịa Tẹmẹ ḅe ḅẹrẹtọn tomina aḅioḅẹngbọ pịrịarị ogbo mie ịn Tamụnọ ḅara ḅo oku mẹ ḍuko ye.

Mịẹfinji 1:11

Anị mẹẹ, “Ị́ ẹrị ye kẹẹ koroma, tẹ ḍiri mẹ kẹ mịna sọnọma opu ama ma ḅẹ asọsị ma fịrịmaa: Ẹfisọsị na, Simana na, Pagamọmụ na, Tayatira na, Sadisi na, Fịladẹlịfịya na, pịkị Lahodisiya na.”

Mịẹfinji 1:19

Ọkọẹrẹsị, ị́ ẹrịarị aị ma kẹẹ koroma, mịọkụ emi aị na, mịọkụ mẹ ḅọrọ tẹ so sakị paka ḅarị aị na.