Jerimaya 30:18 - FỊAFỊA BAỊBỤLỤ

¹⁸ KỊNỊNYANAḄỌ ḅe mẹẹ: Àrị ị̀ atomi kẹ pịkị ịna amakiri ḅo ḅa tẹ ọkụrụkụrụ nyana ere-furo goyegoye pịrị ḅa; In siin Jeruselemu nama ḅa tẹ anị ḅẹ ama-da warị mẹ kẹ tarị ḅara mẹ wẹrị ḅa.

Jerimaya 30:18 Iomraidhean Croise

1 Paka-aị 29:1

Devidi, amadaḅọ ḅe nwẹnị kobiri-ogbo mẹmgba ḅẹẹ, “Ì owiḅọtụḅọ Sọlọmọnị ngẹrị oriḅe tẹ Tamụnọ sẹlẹ ọkị tẹ ḅọ ḅe ori asambịrịma wararị tẹ sịḅịḅio-kuḅua, kọrịnama mẹ pịkị gburo-gburo wararị; kẹ gotẹ ọkọ ḅẹẹarị, amadaḅọ warị mẹ sime tomḅọ pịrị ḅịa, kụma KỊNỊNYANA-TAMỤNỌ ḅee.

1 Paka-aị 29:19

Ì owiḅọtụḅọ Sọlọmọnị mịẹ tẹ ori ò bebe ḅioḅẹngbọ kẹ í oloko ma na, ḍuko aị ma na, ị́ kẹẹ koroma wararị oloko ma na, koko tẹ arịmgba mịẹ mẹ kẹ ọ̀ pịrịị, tẹ mịẹ tẹ ori amadaḅọ warị mẹ nama à gotẹ ye tẹlẹma koroma tẹ ye mẹ.”

Nehimaya 7:4

Opu ama mẹ finjima tẹ ḍụḅa wararị kụma anị ḅio sime apụ ma boowa, tẹ warị amụ nama-a,

Devidi-Anume 102:13

Ị́ saakị tẹ Zayọnị ḍiki sịḅị-kụrụkụrụ ḅa; ị́ á ḍiki sịḅị-jịrị ḅẹ sakị mẹ la tẹ; mie karakara sakị mẹ.

Devidi-Anume 102:14

Ị́ afịrịmẹnjịapụ ma á ḅẹlẹmarị, karakaraye kịnị á kan guluguluma sara tẹ sọ; ini á ḍiki sịḅị-kụrụkụrụarị, á kaan-kọsị-sara tẹ sọ.

Devidi-Anume 122:7

Í ḅio ḅụ dein simee, ị́ ama-da opu awarị ma sọ kpaịn simee.”

Devidi-Anume 48:13

ọmịnị onu ma kẹ elekima sụa, tẹ kụrọnị-anga ma pekele-ḍikii, mịẹ tẹ ọmịnị arị sime-ḅara ḍuko ḅo ḅarị ḅụọ mẹ pịrị ḅẹ ḅara:

Devidi-Anume 48:3

Tamụnọ kẹ wa ḍie tẹ mịnẹ ọ̀ ḅụụ emi ḅọ, ye mḅọ la ḅịa, opu ama mẹ ḅio ḅẹ kụrọnị-anga mẹ ḅụ.

Devidi-Anume 78:69

Anịanga mie ori ọ̀ Warị nama tẹ kẹ ò So-ḅio ḅẹ sime-yọ mẹ kịkama ye; ori anị mịẹ kụrọma kiri mẹ ḅioju kịkamam, sakị mamgba anị kụrọ sịẹ sime wararị.

Devidi-Anume 85:1

KỊNỊNYANAḄỌ, ị́ ọkụrụkụrụ nyana ị́ amakiri mẹ pịrị tẹẹ; ị́ mịẹ tẹ Izirẹlị siin lọkọlọkọ tẹẹ.

Ayịzaya 44:26

Kụma ị̀ fịrịmẹnjịḅọ tọrọkọ paka ḅẹ ye ḍuko arị sakị, arị ì oku-mẹnjịḅọ fịrịma mu à tọn wẹrị aị mịẹfinji ḅẹ sakị, à mịẹ tẹ à tọn wẹrị aị ma na tọrọkọ paka ḅẹ tẹ ò ḍuko aị na ò ḍuko ḅara pakarị. À ḍuko Jeruselemu pịrịarị mịnẹ kịnị siin anị anga anga ḅa, tẹ Juda ḅẹ opu ama ma in siin arị nama ḅa. Arị opu ama ma sara ma ḅio saakị paka-ḅo ḅa.

Ayịzaya 44:28

À Sayịrọsị ḅẹẹarị, ‘Ị́yẹrị anie ḅẹrẹtọn tomi pịrị ị̀ pịrị ḅarị ḅọ; à ḅii ye mie ị́ mịẹ ḅarịye; ị́ tọn tẹ in siin Jeruselemu nama ḅa pịkị Tamụnọ-warị mẹ ḅẹ suku mẹ saakị ḅa.’ ”

Jerimaya 23:3

Ị̀ atomi ma ḅụ kirikọn-apụ arị in kobiri ḅo ḅa, arị ịn gala-galama mu la asịẹ ma ḅụ, tẹ àrị ịn kẹ ḅo ịna amakiri lama ḅa. Ịn tọnwa awọmẹ nyana tẹ ịna kịẹn-ḅịḅị sun ḅa.

Jerimaya 29:11

Yẹrị kịngẹ mie à tọn wẹrị ọ́ pịrị aị nimi wararị, à tọn tẹ lọkọlọkọ ọkị-ḅo ọ́ pịrị ḅẹ aị ma, opu ḅụụ-fụka-a, tọn tẹ tọrọkọ-jụ ọ́ kẹ tọrụ-ḅaama wararị ḅiokpọmaye mẹ ọkị-ḅo ọ́ pịrị ḅẹ aị ma.

Jerimaya 29:14

Inn, à ḍukoarị, ọmịnị ị̀ ḍọkị ẹrị ḅa, tẹ arị ọ́ kẹ pịkị ọmịna amakiri ḅo ḅa. Sịẹ goyegoye na ye-yọ goyegoye na tẹ arị ọ́ gala-gala mu la anga ma, arị ó kobiri ḅa, tẹ ọ́ kẹ pịkị-ḅo ó simearị tẹ arị ọ́ kẹ kun-so mu yọ fịrịma amakiri mẹ la ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 30:3

arị ị̀ atomi, Izirẹlị na Juda na, kẹ pịkị-ḅo ḅarị sakị mẹ ḅoarị ẹrẹsị. Arị ịn kẹ pịkị-ḅo à kẹ ịna elemu aḍapụ ma pịrị amakiri mẹ lama tẹ in siin ọkị tẹ kẹ ịna nye sọma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 31:23

Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹm: À tomi ma kẹ pịkị ịna amakiri ḅo sakị, ịn pịkị siin ḅẹẹ ḅa Juda ḅẹ amakiri mẹ na ama ma ḅio na ḅụ, Yee KỊNỊNYANAḄỌ ḅe Jeruselemu ḅẹ tụndụ mẹ boma, ori angarị fịafịa yọ mẹ.

Jerimaya 31:38

KỊNỊNYANAḄỌ ḅe mẹẹ, “Sakị mẹ ḅoarị, bebe Jeruselemu mẹ ḅio ịn warị-warị nama ḅinma ḅa, Hananẹlị Kụrọtẹ gele-warị ḅụ ịrụa-ideriarị-anga ḅụ ọkị mu Ịkọlị Ḅẹ Onu Ḅọkọ mẹ la.

Jerimaya 31:4

À pịkị siin jen gbọrụ sakị kẹ ọ́ nama ḅa. Ọ́ pịkị jen kẹ ọmịna akwa ma farị tẹ sẹkị-sẹkị tẹ ḍereku ḅa.

Jerimaya 31:40

Bebe tụndụ-suku mẹ, ịn ḍụẹịn ḍiḅiarị pịkị fun sararị anga mẹ na ịn ḍụọ ḍiḅiarị ayọ mamgba na Kidirọnị ḍaḅa mẹ ọgọnọ-jụ ọkị mu nwenii mu Asụ Onu-ḅọkọ tẹ ịrụa saakị pakarị pakịrị anga emi ye mẹ la, fịafịa ayọ sọ ị̀ pịrị ḅa. Opu ama mẹ ịn ḅarị jen kẹ anị kan koroma anịanịa guluguluma ḅịa.”

Jerimaya 32:15

Kụrọmamgba nyanaḅọ ḅe, Izirẹlịapụ tẹkẹarị Tamụnọ ḅe, ḍuko tẹẹ mịnẹ mị amakiri mẹ ḅio in siin warị-warị, ḍụọ-ḍiḅi akiri-kiri na kụrọ aḍụọ-ḍụọ na fẹ ḅa.”

Jerimaya 32:44

Tomi arị fẹẹ ḅa, tẹ ḅara kẹ kiri-fẹ-ḍiri-apakịrị ma ḅio sụa tẹ ye-oḅoloye kẹ oḅolo tẹ ḅẹrẹ-kiri ḅụ sime apụ sọ ḅara sime ḅa. Miemẹ Benijamịnị ibe ḅụ kiri ọkị ḅa, Jeruselemu ikelema-koro wararị kala-ama ma ḅio, Juda ḅẹ ama ma ḅio, na tụndụ ọgọnọ ḅẹ ama aḅio na, tụndụ suku ḅẹ ama ma aḅio na, Juda ḅẹ suku-jụ na ḅụ. À tomi ma kẹ pịkị-ḅo ịna amakiri suu ḅa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 33:11

ḅioḅẹlẹ oloku na ḍereku na ere-ịya-alalị apọkọ fiearị ye na. Ọ́ kịnị nume-suarị ye naa ḅa, ini ị̀ warị ḅio ịmịẹtẹ ḅẹẹ agba mịẹarị ogbo. Ịn ḅẹẹ ḅa: Ịmịẹtẹ kẹ Kụrọmamgba nyana KỊNỊNYANAḄỌ ḅe ḅẹẹ, ori iḅim ẹrẹsị, tẹ ọ̀ ḅẹlẹma sime gbamasom! À mị amakiri mẹ mịẹ tẹ anị tarị-tarị anị lọkọlọkọ ḅara lọkọlọkọ ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 33:7

À Juda na Izirẹlị na mịẹ tẹ ịn lọkọlọkọ ḅa, tẹ à siin ịn nama tẹ ịn tarị ḅara mẹ sime ḅa.

Jerimaya 46:27

Ị̀ atomi, ọ́ ḅalafa ma, Izirẹlịapụ, ọ́ tẹmẹ-naịn-naịn ma, Anị sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị ikoliapụ amakiri mẹ ḅụ. Ọ́ pịkị ama ḅo tẹ dein ḅụ anga ḅa; ye ọ́ la ḅịa, tẹ gbọrụḅọ-sọ mịẹ tẹ ọ́ ḅalafa ḅịa.

Jerimaya 49:39

Kụma sakị ḅọrọ tẹso, à mịẹ tẹ Ẹlamụ ḅẹ apụ ma siin lọkọlọkọ ḅa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 49:6

“Anịtẹso à mịẹ tẹ Amọnị siin lọkọlọkọ ḅa. Yẹrị, KỊNỊNYANAḄỌ ḅe, ọkọ ḅẹẹm.”

Izikẹlị 36:11

À mịẹ tẹ tomi ma kịẹn-ḅịḅị na nama ma kịẹn-ḅịḅị na ḍụḅa ḅa. Ḅọrọtẹ sakị ḅụ ọ́ la ḅara nẹngị ḅara mịẹ ọ́ la ḅarịye, tẹ ọ́ tọnwa awọ nyana ḅa. À wẹrịso tẹ ọmịnị elemu ọmịnị anga-anga ḅara anga ḅa, tẹ à mịẹ tẹ jen sakị jen sakị amụ ọ́ lọkọlọkọ la-a ḅara kẹ lọkọlọkọ ḅa. Anịtẹso ó nimi ḅa mịnẹ yẹrị anie KỊNỊNYANAḄỌ ḅe.

Emọsị 9:14

“À siin ị̀ atomi ma ọkị-ḅo ịna amakiri lama ḅa. Ini ịna kaantẹ opu ama ma nama tẹ arị ḅio ḅụ anga ḅa, ịn vaịnị aḍụọ ḍiḅi-ḍiḅi tẹ waịnị mẹ ḅuu ḅa. Ịn warị akaka ḅẹ aḍụọ ḍiḅi-ḍiḅi tẹ in ḍiḅi pakama-ḅo ye fị ḅa.”

Zẹkaraya 1:12

Anịtẹso enjẹlị ḅe ḅẹẹm, “Kụrọmamgba nyana KỊNỊNYANAḄỌ ị́ ịganị nyana Jeruselemu na Juda ḅẹ opu ama ma na pịrị tẹ kụra atesi oyi finji, tẹ ḅo mịọkụ la. Ọkị mu pịkị tọ sakị la tẹrẹmẹ ị́ ọkụrụkụrụ nyana ịn pịrị ḅẹ?”

Zẹkaraya 1:16

Mie ḅụ à pịkịma Jeruselemu ḅo tẹẹ, ọkụrụkụrụ kẹ opu ama mẹ ḍie ḅẹ ḅara. Ị̀ warị mẹ tarị anị sime-ḅara sime ḅa, tẹ in siin opu ama mẹ nama ḅa.”

Zẹkaraya 12:6

“Anị ene mẹ ḅụ, à mịẹ tẹ Juda ḅẹ afuro-furo ma opu-piri ḅio anịanịa ḅịyatẹ mbịaka ḍụọ ḅio kọrịarị fịnị kịka ḅa, tẹ ini in gbori-ikelema wararị asịẹ mamgba guluguluma ḅa. Jeruselemu ḅẹ apụ ma ye ḅụụ la-a ḅara kẹ ịna opu ama ḅio anga ḅa.”

Zẹkaraya 12:7

“Yẹrị, KỊNỊNYANAḄỌ ḅe, tarị owu-ḅara-iḅi kẹ Juda ḅẹ ọmụ-ogbo-ogbo ma pịrị ḅa, mịẹtẹ Devidi furo-ḅẹ-apụ ma na Jeruselemu ḅẹ apụ ma na nyana ḅarị kụn mẹ Juda ḅẹ kirikọn opu ama ma nyana ḅẹ ye nẹngị ḅịa ḅara.

Zẹkaraya 14:10

Bebe iri mẹ, ọgọnọ-jụ Geba ḅụ ọkị-ḅo suku-jụ Rimọnị la, ịn ḅaa lẹsẹrẹma ḅa. Jeruselemu gele fa anị ikelema-koro kiri mẹ nẹngị ḅa; opu ama mẹ Benijamịnị Ogigo-ḅọkọ ḅụ nangwọ mu Ịkọlị Ogigo-ḅọkọ mẹ la ḅa, anie tarị ḅụ ogigo sime-sime anga mẹ, pịkị Hananẹlị Tawa ḅụ ọkị mu amadaḅọ iru pọnjị ayọ ma la.