Jerimaya 30:12 - FỊAFỊA BAỊBỤLỤ

¹² KỊNỊNYANAḄỌ ḅe ori atomi ḅẹẹarị: Ọmịna ịnọ ma gwọ-gwọ ọkụ ofori, Ọ́ la aị ma inetẹ ḅịya ḅịa.

Jerimaya 30:12 Iomraidhean Croise

2 Paka-aị 36:16

Kụma kombo mịẹ in Tamụnọ afịrịmẹnjịapụ ma kombo-kombo tẹ ori ẹkwẹn-aḅịḅị ḍiki-sima-sima tẹ ori ịkịankoroapụ ma kẹ kpọọtiarị nwenii KỊNỊNYANAḄỌ ḅe ịganị mẹ ori atomi ma da-paka nwenii ye-mịẹ tẹlẹma ḅara ḅarị ofori.

Jerimaya 14:17

KỊNỊNYANAḄỌ ḅe tọn ị̀ pịrịm à ḍuko tomi ma pịrị ì kururu gboloma ye tẹ ḅẹẹ: yee eneḅaka na ḍin na ḅụ owu-minji ị̀ atọrụngbọ ḅụ sara, yee gbala-gbala àrị owu pẹlẹma, kẹ gotẹ ọkọ ḅẹẹarị, ị̀ atomi la ye mẹ pokolom, tẹ ye si ḅara kẹ ịn lam.

Jerimaya 14:19

KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 15:18

Tiye ẹrẹsị à paa tọrụsiẹrị-siẹrị-siẹrịarị? Tiye ẹrẹsị ị̀ ịnọ ma ḅarị gwọ ḅịa ḅara simearị? Arị tiegotẹ gwọ ḅịa? Í ì pikirima ḅẹ ḅiiarị ḅoto, tẹ àrị ịrụa kụra ḅẹ ḍaḅa kịka tẹ samụnọ-kpakịkịarị?

Jerimaya 30:15

Ọ́ ḅarị jen kẹ ọ́ la aị gotẹ ḍuko-sụa ma; ọ́ gwọ ḅẹ ye ofori. À mị-ḅara kẹ fomu-ḅara kẹ ọ́ pịrịm ọmịna asi ḅakam ẹrẹsị; ọmịna si-sịḅịḅio sọ ḍụḅam.

Jerimaya 6:7

Suḅe anị ḅio ḅẹ minji ịwọma ḅara mie Jeruselemu anị ḅẹ si mịẹ ịwọmarị ḅara. Kụrọ-kụrọ mịẹ na guluguluma na mie à naarị opu ama mẹ ḅio. Obi na ye-kịnị-la ịnọ na sikima à jen ẹrị-a.

Jerimaya 8:22

Giliyadi ḅụ kịnị gwọ-gwọ gbọrụ ḍiri sọ ḅarị ofori? Anị anga ḅịrịapụ ḅarị ofori? Ọkọ kụma, tiye ẹrẹsị ị̀ atomi amụ paa gwọ-a?

Kururu Owu-apọkọ 2:13

Àrị í gotẹ tiye ẹkwẹn tẹ tiye kẹ ị́nịna pii-pii ḅẹẹ ḅẹ, yei kpọma-ḅẹlẹmarị Jeruselemu? À tiye kẹ inetẹ í kịkama ḅẹ, mịẹ tẹ àrị í dedema ḅẹ ḅara, yei Zayọnị ḅẹ ḅụụ-gboloa ẹrẹḅọtụḅọ? Kẹ gotẹ ọkọ ḅẹẹarị, opu tọrụ mẹ finjima la ḅara, mie ị́ ḅụụ si-aị ma ḍụḅa la ḅara; tụḅọ inetẹ ị́ kẹ í sime-sime ḅara wẹrị ḅẹ?

Izikẹlị 37:11

Tamụnọ ị̀ ḅẹẹm, “Fịị-fịị tomḅọ, Izirẹlịapụ ma ịn mịna mgbe ma na kịkarị. Ịn ḅẹẹarị mịnẹ ịn samụnọ-kpakịkị tẹ, tọrọkọ-jụ gbọrụ ḅiokpọmaye sọ ịn ḅarị nyana-a.

Hosiya 5:13

“Izirẹlị árị obi la ḅara ẹrị sakị, tẹ Juda á la aị ḅẹ ịnọ ma ẹrị sakị, Izirẹlị nwẹnị Asiriya mu tẹ tomikiri mẹ daarị opuḅọ ḅe ḅara ḅarasụa ḅii, kụma ori inetẹ ịn gwọ-a anịanịa ịna ịnọ ma mịẹ ḅịyama.

Mayịka 1:9

Sameriya ḅụụ paka ịnọ mẹ gwọ ọkụ ofori; tẹ anị pịkị ḅo Juda la tẹ, fịị mẹ ḅo Jeruselemu ogigo-ḅọkọ mẹ ḅioju la tẹ, ị̀ atomi simearị anga mẹ.”

Nahọmụ 3:19

Kẹ ị́ la ye mẹ gwọ-gwọ ye ofori, ị́ la ye mẹ gwọ sọ iḅi ḅịa. Ị́ ḅụụ paka ye mẹ gbolomaye naa apụ mamgba ịna aḅara farị-farị ị́ pịrịarị, anị kẹ gotẹ ọkọ mịẹarị, ị́ sịkọpẹlẹ-a ḅara kẹ mịẹarị siye mẹ, tụḅọ ọgọnọ kụma anị amụ la-a?