Jerimaya 30:11 - FỊAFỊA BAỊBỤLỤ

¹¹ Àrị ọ́ ḍọkụma-ḅo tẹ ọ́ ḅọrọma ḅa. Tomikiri ḅẹ asịẹ tẹ arị ọ́ gala-galama mu anga mamgba arị ịn ḅaa guluguluma ḅa, kụma arị ọ́ ḅaa guluguluma ḅịa. À mịẹ tẹ ó fomu-ḅara da ḅa; kụma arị ó fomu ḅẹ sakị, à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 30:11 Iomraidhean Croise

2 Samụẹlị 24:12

“Mu Devidi ḅẹẹ mie KỊNỊNYANAḄỌ ḅe ḍuko yee, ‘à ye ḅụ ḅẹ tẹrẹị kẹ ị́ pịrịarị, arịḅẹ gberie sẹlẹ-ọkịị, mịẹ tẹ àrị anị kẹ ị́ mịẹ ḅẹ ḅara.’ ”

Devidi-Anume 6:1

KỊNỊNYANAḄỌ, ịganị ḅụ ì ḍiki-ịganị ma! Ị́ ịganịarị ogbo ì fomu ma!

Paka-so 34:7

À jike-a ḅẹlẹma nyana tomi pịrịarị mu ḅụọ-fa-ḅụọ-paka la. Àrị iri-amịẹaị na, oloko kan na, si na wẹrịsoarị; kụma gbala-gbala à ḅẹrẹ-ḅarasii-ḅọ mẹ wẹrịso ḅịa, tẹ ḍapụ-na-iyingiapụ-na mịẹ asi ma gotẹ fomu-ḅara kẹ ịna awọmẹ na, taa-awọmẹ na, ile-awọmẹ na ọgọnọ gbanarị.”

Ayịzaya 43:25

Tẹ anịsọ, yẹrị anie ị́ asi wẹrịsoarị Tamụnọ ḅe, Yẹrị anie yẹrị ẹrẹsị mie à gotẹ mie mịẹarị. Arị ị́ asi kẹ ị́ ọgọnọ gbana ḅịa.

Ayịzaya 8:10

Ọmịnị ọ́ mịẹ ḅẹ aị tọn wẹrịị! Kụma gbala-gbala arị iḅi kẹ ḅo ọ́ pịrị ḅịa. Ọmịnị ọmịna ḅụụ ḅẹlẹ ḅara ḅẹlẹ ḅara kẹ ẹkwẹn! Kụma anịmgba papaaye sọ ḅa, Tamụnọ wamịnị na emi ẹrẹsị.

Jerimaya 1:19

Ini owu kẹ ị́ paka ḅa, kụma ini ị́ nẹngịma ḅịa, kẹ gotẹ ọkọ ḍukoarị arị ị́ na sime tẹ ị́ pụkọ-pakamaḅo ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 1:8

In gotẹ ḅalafa ma, kẹ gotẹ ọkọ ḍukoarị, yẹrị ị́ na sime tẹ ị́ gbaịn-ḅọrọma ḅa. Yẹrị, KỊNỊNYANAḄỌ ḅe ọkọ ḅẹẹm!”

Jerimaya 10:24

KỊNỊNYANAḄỌ, ị́ atomi irima anga tẹlẹmaa; kụma kụrọ-kụrọ ḅara kẹ wamịnị na mịẹ ḅaka ma anịanịa fomu-ḅara kẹ wa pịrị ị̀ ịganịarị sakị; anie wamịna kunoma sọ ḅa.

Jerimaya 15:20

Àrị ị́ kẹ kụrọtẹ ojo warị-akaka mịẹ ḅa ịna ḅụụ ḅụ. Ini owu kẹ ị́ na sọ ḅa, kụma ini ị́ nẹngịma ḅịa. Àrị ị́ na sime tẹ ị́ gbaịn wẹrị tẹ ye ị́ la ḅịa.

Jerimaya 4:27

KỊNỊNYANAḄỌ ḅe ọkọ ḅẹẹm mịnẹ bebe tomikiri mẹ ḅo kịnị anga-anga-a yọ sọ ḅa, kụma ọ̀ gbọrsịḅị anị guluguluma fama ḅịa.

Jerimaya 5:10

Arị ini na fịya-a apụ kẹ fịrịma tẹ ini ịna kụrọ-asịn ma pẹlẹ-gbin ḅa, kụma ịn gbọrsịḅị arịmgba guluguluma fama ḅịa. Arị ịn ḅẹ tẹ ịn ḅara ma kọlị-kọlị siin ḅa, arị aḅara ma ìnye-a ẹrẹsị.

Jerimaya 5:18

KỊNỊNYANAḄỌ ḅe mẹẹ, “Arị ene ma ḅụ kịngẹ sọ à gbọrsịḅị ị̀ atomi ḅaa guluguluma fama ḅịa.

Kururu Owu-apọkọ 3:22

KỊNỊNYANAḄỌ ḅe jike-a ḅẹlẹma mẹ gbala-gbala daasịẹ-sịẹ-a, ori ọkụrụkụrụ mẹ gbala-gbala kunoma kunoma-a.

Izikẹlị 11:13

Àrị ịkịan mẹ koroarị ogbo, Pẹlataya wẹrẹwẹrẹ sara tẹ fịịm. À nwẹnị ị̀ ḅụụ sẹma-kiri-gbin tẹ iḅo tẹ oloku, “Ẹn-ẹn, Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́ ḅọrọ Izirẹlị ḅụ kirikọnḅọ goḅọ-goḅọ ḅaa ḅẹ mụnọọ?”

Izikẹlị 6:8

“Ḅaa sara mẹ ḅụ à mịẹ tẹ ja apụ pụkọ-paka-so ḅa, tẹ ini kẹ sịẹ-sịẹ ma ogboku gala-galama ḅa,

Hosiya 11:9

Àrị ị̀ ịganị ḅụ í fomu ḅịa; à ḅarị jen kẹ Izirẹlị guluguluma ḅịa. Gbala yẹrị Tamụnọọ, yẹrị tomḅọ-a. Yẹrị Fịafịa Ḅọ ḅe ị́nịna emi. Àrị ịganị ḅụ ḅo ị́ la ḅịa.

Lẹvitikọsị 26:44

Anịsọ, aniemẹ mgba ḅụ, ini ini na fịya-a apụ ama ḅụ emi sakị sọ, arị ịn sịkị ḅịa, ịn pịkị ì ḅioḅuma tẹ mịẹtẹ arị ịkatakirikọn-a-ḅara kẹ ịn ḅaa guluguluma tẹ arị ini na fị ọḅọkụ kan ḅịa; kẹ gotẹ ọkọ ḅẹẹarị, Yẹrị anie KỊNỊNYANAḄỌ ịna Tamụnọ ḅee;

Matiyo 1:23

“Ḅụụ-gboloa iriawọ-tụḅọ fura tẹ owiḅọtụḅọ iyi ḅa, tẹ ịn kẹ ọ̀ sịn ḅarị ẹrẹ Ịmanụwẹlị” (anie fiearị, “Tamụnọ wamịnị na emi”).

Matiyo 28:20

tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Fịrịmẹnjịapụ 18:10

kẹ gotẹ ọkọ ḍukoarị, àrị ị́ na emi. Gbọrụḅọ-sọ inetẹ ye kẹ ị́ lama ḅịa, kẹ gotẹ ọkọ ḍukoarị, mị ama mẹ ḅio tọnwa atomi sime ị́ pịrị wararị.”

Ditẹrọnọmị 4:31

kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe anie ọkụrụkụrụ Tamụnọ; ori ó pikirima, anịanịa ọ́ ḅaa, anịanịa ọḅọkụ mẹ tẹ ori ọmịna aḍapụ na fị tẹ ye karị ịn pịrị ye mẹ kẹ ḅioḅọrọma ḅịa.

2 Timoti 4:22

KỊNỊNYANAḄỌ ḅe na ọmịna tẹmẹ na simee. Tamụnọ ḍiki-ḅụụjịrị ọmịnị-mgba na simee.