Jerimaya 30:10 - FỊAFỊA BAỊBỤLỤ

¹⁰ Ị̀ atomi, ọ́ ḅalafa ma; Izirẹlịapụ, ọ́ tẹmẹ-naịn-naịn ma. Sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị omoniapụ ḅara kẹ simearị amakiri mẹ ḅụ. Ọ́ pịkị warị ḅo tẹ dein ḅụ anga ḅa; ye ḅarị ọ́ la ḅịa, tẹ gbọrụḅọ-sọ ḅarị ọmịna ḅalafama ḅịa.

Jerimaya 30:10 Iomraidhean Croise

Suku-saakị 15:1

Mịna aị ma ḅọrọ tẹso, KỊNỊNYANAḄỌ ḅe nwẹnị ịkịan ḅụ ẹkwẹn Ebiramụ pịrị, “Ḅalafa ma, Ebiramụ. Yẹrị anie ị́ ekpeke tẹ ọhọm ḅio ị́ ḍụa ḅarị ḅọ. À pịkị opu gbẹẹ-ye kẹ ị́ pịrị ḅa.”

Ayịzaya 14:3

KỊNỊNYANAḄỌ ḅe Izirẹlị pakama-ḅo ḅa ịna akụye na ḅụụ-fụka na ḅụ, pịkị kụrọ kọrịnama tẹ ini in ponoma tẹ ịn kọrị sime ye mẹ ḅụ na.

Ayịzaya 35:9

Ọkụkụ anịanga paka ḅịa gbọrụ ḅalafama si anama sọ anị etela ḅọrọ ḅịa. KỊNỊNYANAḄỌ ḅe pụkọ-pakamaḅo tẹ apụ ma anị etela ḅọrọ so ama mu ḅa.

Ayịzaya 43:5

Ḅalafa ma — yẹrị na ị́ na emi! “Sụma-jụ ịrụa saakị paka-ḅoarị yọ mẹ na anị tuuideriarị ala-tẹịn yọ mẹ na ḅụ arị í atomi ma ọkị ama ḅo ḅa.

Ayịzaya 44:1

KỊNỊNYANAḄỌ ḅe mẹẹ: Mịọkụ poki, Izirẹlị, ị̀ fịrịmẹnjịḅọ, yẹrị sẹlẹ ọkị apụ, Jekọbụ furo paka apụ.

Ayịzaya 44:2

Yẹrị anie KỊNỊNYANAḄỌ tẹ ọ́ tẹmẹ ḅọ ḅe; í iyi kụra-ḅio à ḅarasụa ị́ pịrịarị. Ḅalafa ma, ị́yẹrị ị̀ fịrịmẹnjịḅọọ, à sẹlẹ ọkị tẹ ḅẹlẹmarịapụ.

Ayịzaya 46:11

Arị ịrụa mẹ saakịarị pakịrị anga mẹ ḅụ gbọrụ tomḅọ sịn-arị ò ḅoo; ori ekule kịka tẹ fiin ḅo jịasịma sịẹ tẹ yẹrị tọn wẹrịtẹ ye mẹ mịẹ ḅa. À ḍuko tẹẹ, anị mịẹ ḅa.

Ayịzaya 46:13

Àrị owu-ḅara-iḅi ene ọkị-ḅo kpekimarị gbala-gbala anị ala-jụ ofori. Ì owu-ḅara-iḅi alalị mẹ ala ḅaka ḅịa. À Jeruselemu ḅọrọma ḅa tẹ anịanga kụn ọkị-ḅo Izirẹlị pịrị ḅa.”

Ayịzaya 49:12

Ị̀ atomi ala lama wararị anga sime tẹ ḅo ḅa, ọgọnọ-jụ pakịrị anga na, ịrụa-ideriarị-anga anga na, suku-jụ-pakịrị Asiwanị ama ḅụ na.

Ayịzaya 49:25

KỊNỊNYANAḄỌ ḅe pakịrịarị, Anị gbọrụ ye mẹ mie paka ḅẹ-yearị; ọmụḅọ ḅẹ ikoliapụ ma ini ọ̀ ḅara ọkị so ḅa, tẹ ajaguda ḅẹrẹtọn ḅọ ḅe fọịn ọkị aị ma in kụrọ-ḅara kẹ arị ọkị ḅa. Ḅẹḅọ-ḅẹḅọ tẹ owu kẹ ị́ pakarị ḅọ arị mḅọ na sọ ḅa, tẹ ị́ awọmẹ pụkọ-pakamaḅo ḅa.

Ayịzaya 54:4

Ḅalafa ma! — ị́ ḅarị jen kẹ tọrụ-tuu ḅịa; ịn ḅarị í iderima ḅịa. Ịwọma owiḅọ sime ẹrẹḅọtụḅọ ḅara ḅụ, ị́ kọn tẹ si mẹnjị mẹ ị́ kẹ ḅioḅọrọma ḅa, pịkị diḅọ-fịtẹ-ẹrẹḅọ ḅara kẹ í sime tẹ si ḅụụ-yaụ ḅara mẹ sọ.

Jerimaya 23:3

Ị̀ atomi ma ḅụ kirikọn-apụ arị in kobiri ḅo ḅa, arị ịn gala-galama mu la asịẹ ma ḅụ, tẹ àrị ịn kẹ ḅo ịna amakiri lama ḅa. Ịn tọnwa awọmẹ nyana tẹ ịna kịẹn-ḅịḅị sun ḅa.

Jerimaya 23:4

À sịḅịdapụ tọn tẹ ini in ḍikiḍiki ḅa. Ị̀ atomi ḅarị jen kẹ ḅalafa ḅịa, anịanịa tẹmẹ-naịn-naịn, tẹ à ḅarị jen kẹ in fomu ḅịa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 23:6

Ori ama-daarị sakị Juda ḅẹ apụ ma ye kẹ ịn lama ḅẹ ye ofori, tẹ Izirẹlịapụ ma dein ḅụ anga ḅa. Ịn kẹ ọ̀ sịn ḅarị ẹrẹ anie, ‘KỊNỊNYANAḄỌ ḅe anie Wamịna Ḅọrọma.’ ”

Jerimaya 23:8

Anie nakara ini ị̀ ḅụ karị tẹ ḅẹẹ ḅa ḍumo wararị Tamụnọ ḅe tẹ ọgọnọ-jụ ḅẹ amakiri mẹ na jen asịẹ mamgba tẹ arị ịn gala-gala mu la ayọ ma ḅụ Izirẹlịapụ ma pakama-ḅo ḅọ ḅe. Ini ịna ḅara-kuḅu ḅẹ amakiri ḅụ anga ḅa.”

Jerimaya 29:11

Yẹrị kịngẹ mie à tọn wẹrị ọ́ pịrị aị nimi wararị, à tọn tẹ lọkọlọkọ ọkị-ḅo ọ́ pịrị ḅẹ aị ma, opu ḅụụ-fụka-a, tọn tẹ tọrọkọ-jụ ọ́ kẹ tọrụ-ḅaama wararị ḅiokpọmaye mẹ ọkị-ḅo ọ́ pịrị ḅẹ aị ma.

Jerimaya 29:14

Inn, à ḍukoarị, ọmịnị ị̀ ḍọkị ẹrị ḅa, tẹ arị ọ́ kẹ pịkị ọmịna amakiri ḅo ḅa. Sịẹ goyegoye na ye-yọ goyegoye na tẹ arị ọ́ gala-gala mu la anga ma, arị ó kobiri ḅa, tẹ ọ́ kẹ pịkị-ḅo ó simearị tẹ arị ọ́ kẹ kun-so mu yọ fịrịma amakiri mẹ la ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 3:18

Izirẹlị na Juda na gboloma ḅa, tẹ ịn gbọrụ ḅụ kẹ ọgọnọ-jụ ḅẹ yọ mẹ ḅụ kun-ḅara ḅụ so ḅo à kẹ ịna elemu aḍapụ ma pịrị gbamaso wararị amakiri mẹ la ḅa.

Jerimaya 30:3

arị ị̀ atomi, Izirẹlị na Juda na, kẹ pịkị-ḅo ḅarị sakị mẹ ḅoarị ẹrẹsị. Arị ịn kẹ pịkị-ḅo à kẹ ịna elemu aḍapụ ma pịrị amakiri mẹ lama tẹ in siin ọkị tẹ kẹ ịna nye sọma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 30:7

Tẹmẹ-naịn-naịnma ene ḅoarị; kẹ anị na tọnma ḅẹ jen ene ofori ḅụụ-ḅalaḅala sakị sọ ị̀ atomi pịrị ḅẹ ene, kụma ịn fịị-a so ḅa.”

Jerimaya 33:16

Juda na Jeruselemu na ḅẹ apụ ma arị ịn pụkọ-pakamaḅo tẹ ịn ye-ḅụụ-la-a ḅara kẹ anga ḅa. Ịn kẹ opu ama mẹ sịn ḅarị ẹrẹ — KỊNỊNYANAḄỌ Ḅe Wamịna Ḅọrọmaḅọọ.

Izikẹlị 16:52

Tẹ mịọkụ ị́ ị́ tọrụ-tuu mẹ ḅio taụ sime ḅa. Ị́ asi ma ḅaka ḅara ẹrẹsị, ị́ akaka ḅụ ị́ amịnapụ ereme ma jene amụ si mịẹ-a apụ kịka tẹẹ. Mịọkụ ị́ tọrụkuḅu sima tẹ ị́ ḅụụ-jịrị mẹ dogi, ị́ mịẹ tẹ ị́ amịnapụ ereme ma kpaịn apụ kịkarị ẹrẹsị.”

Izikẹlị 38:11

Ị́ tọn-pẹlẹ tẹ ọmụ kẹ ḅarasụa nyana ḅẹḅẹ amakiri mẹ koro ḅa, anie tomi ma dein na ye-ḅụụ-la-a ḅara na kẹ anga ye mẹ, onu gbori-a ama ma tẹ ḅụụ-ḍụa ayọ nyana-a ama.

Danẹlị 12:1

Pịna-pịna ferefere kapa sụa enjẹlị ḅe ḅẹẹm, “Anị sakị mẹ ḅụ opu enjẹlị Mayịkẹlị ḅe, ị́ atomi ḍụarịḅọ ḅe tolu-sịẹ ḅa. Anịtẹso kpọma ḅụụ-fụka sakị ḅo ḅa, si tẹịn ye sịẹ-sịẹ ma tarị paka kụra ḅio. Anị sakị mẹ ḅụ, ị́ atomi mamgba tẹ ẹrẹ Tamụnọ ḍiri ḅio kẹẹ wararị apụ ma ḅọrọma ḅa.

Hosiya 2:18

Anị ene mẹ ḅụ, à piri-ḅio-ḅẹ anama mamgba na feni mamgba na ọḅọkụ fị ḅa, mịẹtẹ in ye kẹ ị̀ atomi lama ḅịa ḅara. À pịkị amakiri mẹ ḅụ ọmụgbin-aị mamgba ḅelema ḅa, okologie mamgba na iboli ma na, tẹ mịẹ tẹ ị̀ atomi dein na kpaịnma na ḅụ anga ḅa.

Hosiya 2:20

Àrị à minini ye mịẹ tẹ ị́ mịẹ tẹ í sime ị̀ pịrị ḅa, tẹ ị́ mịẹ tẹ ị́ KỊNỊNYANAḄỌ ḅara kẹ ị̀ ọkị ḅa.

Hosiya 6:11

Tẹ ọmịnị Juda ḅẹ apụ kịngẹ kụma à fomu-ḅara kẹ ọmịnị sọ pịrị ḅẹ sakị tọn-pẹlẹ tẹ ọ́ mịẹarị aị gotẹ.

Jowẹlị 2:21

Ḍụọ kọrị akiri, ọ́ ḅalafa ma, kụma ó ḍerekuu, pịkị ḅioḅẹlẹẹ. KỊNỊNYANAḄỌ ḅe mịẹ ọ́ pịrị aị mamgba ẹrẹsị.

Mayịka 4:9

Í tiegotẹ mịọkụ peema-peema oloku-oloku owuarị? Ị́ ḅarị amadaḅọ nyana-a? Nimi ẹkwẹn kọn í tolumarị apụ ma fịị fa tẹ ẹrẹsị, ị́ iyiarị ẹrẹḅọ iyi akụ da ḅara kẹ tọrụsiẹrị aro?

Zẹkaraya 3:10

Anị ene mẹ ḅụ, ọmịna ḅụụ ọrụḅọ-ọrụḅọ mḅọ na kpeki tẹ anga ḅọ sịn ḅo dein na ye ḅụụ la-a na ḅụ ḍereku ḅa, ọmịna ḅara-kuḅu ḅẹ vaịnị na figi asịn na aḍụọ ọmịnị ikelemam.”

Jọnị 12:15

“Kpọma-ḅẹlẹmarị Jeruselemu ḅẹ apụ, ọ́ ḅalafa ma! Ḍikii, ọmịna Amadaḅọ ò ḅoarị, asambịrịma asụ ọgọnọ ori emi.”