Jerimaya 3:9 - FỊAFỊA BAỊBỤLỤ

⁹ tẹ gbala-gbala ḅụụ-jịrị-a. Árị amakiri mẹ pilema tẹ sẹfị ḅụ sunsin ḍụḅarị na sịn na pịrịm.

Jerimaya 3:9 Iomraidhean Croise

Ayịzaya 57:3

Ọmịnị si-mịẹapụ, ó ḅoo ini ọ́ kọn mịangaa! Ọmịnị iḅi arịapụ na, sẹfị-apụ na, ama-mẹnjị-ereme na nẹngị-a.

Ayịzaya 57:6

Ọ́ nwẹnị anịanga minimini aḍụḅarị ọkị so mu tamụnọ tọnma tẹ sunsin arị pịrị. Ọ́ nwẹnị iru sara arị pịrị tẹ mbịaka agba mịẹ-mịẹ anị pịrị. Ó kuromarị ma mamgba ị̀ ḅụụ-ḅẹlẹ arị aro?

Jerimaya 10:8

Inimgba oḅori atomi famam. Sịn kẹ kara oru-afụḅara ḅụ ịn ḍawọ ḅo ḅẹ ye tiye?

Jerimaya 16:18

Àrị ịn mịẹ tẹ ịn maa kiri kẹ ịna si na si-sịḅịḅio na gbẹẹ ḅa, ịn fịtẹ tomḅọ oju akpakpa ḍumo nyana-a ḅara kẹ ḍumo nyana-a oru-afụḅara kẹ ị̀ amakiri mẹ pilema tẹ ẹrẹsị, tẹ ịn pịkị iruo atamụnọ kẹ anị ḅio ḅinma tẹ.”

Jerimaya 2:27

Ọmịnị-mgba tọrụ-tuu fama ḅa, ọmịnị tẹ ḅarị apụ ma mịnẹ sịn anie ọmịna ḍaḅọ, tẹ ịkụ pịkị ọmịna iyingiḅọ. Miemẹ paka ḅa, ọmịnị ọḅụ kẹ ì gbin tẹ so tẹ ẹrẹsị, ọ́ tọrụ pịkị ị̀ da ḅẹ nakara. Kụma ọ́ ḅụụ-fụka ḅio sọ sakị mie ó ḅiiarị à ḅo ḅarasụa ọ́ pịrị.

Jerimaya 2:7

Arị ini ọkị-ḅo fie-pakamarị kiri lam, anị ḅẹ fịye-soku sakị ḅẹ iḅi fịye, pịkị ja iḅi aị na. Kụma anie nakara ini ì kiri mẹ sima guluguluma tẹ; ini à kẹ ịn pịrị bebe yọ mẹ pilema tẹẹ.

Jerimaya 3:2

Tọrụ sakị tẹ kẹ tụndụ ma ọgọnọ-jụ ḍikii. Gbọrụ anga tẹ amụ ị́ ama-mẹnjị-ẹrẹḅọ ḅara kẹ ḍumo kọn-a anga emi? Etela anga ḅụ sọ í sime tẹ oloapụ korum, anie Arabụ apụ ịkpa ḅio sime tẹ ịn ḅaa ḅẹ ḅara. Ị́ ị́ ama-mẹnjị mịẹ kẹ amakiri mẹ pilema tẹẹ.

Izikẹlị 16:17

Ị́ nwẹnị à kẹ ị́ pịrị golu na seleḅa na ḅụụ-ḅirima aị ma ọkị tẹ kẹ owi oru-afụḅara tẹmẹ tẹ arị na sẹfị si mị.

Izikẹlị 23:10

Ini á paụma sịẹmam, nwẹnị kụrọ-ḅara kẹ árị owiapụ-awọmẹ na eremịna-awọmẹ na ọlọ, tẹso ini okologie kẹ á ḅaam. Anga-anga ḅụ ereme á ḅụụ paka ye mẹ ḍuko-ḍuko ama kanam.”

Izikẹlị 23:21

(Oholiba, í ḅiim í siin Ijiputi ḅụ ị́ mịẹ ama-mẹnjị si mẹ mịẹ, anie owiapụ í ndo kpọmbị-kpọmbị tẹ ị́ ḅụụ-gboloa ḍumo mẹ ị́ ḅụ so anga mẹ.)

Izikẹlị 23:3

Ịna iriawọ sakị ḅụ, ini Ijiputi ḅụ angarị ogbo ini owiapụ nimi tẹ ḅo ama-mẹnjị-ereme sọm.

Hosiya 2:2

Ị̀ awọmẹ, ọmịnị ọmịna iyingiḅọ na ẹkwẹnmaa — karakaraye árị ḅarị jen kẹ ị̀ ta-a, tẹ yẹrị pịkị ḅarị jen kẹ á di-a sọ. Ọmịnị árị na ẹkwẹnma tẹ árị á sẹfị na ama-mẹnjị na ḅụ ḅara-siin.

Hosiya 4:12

Oru-fụḅara ḅara mie ịn tọrọkọ-jụ paka ḅẹ ye nimi ḅẹ tẹ gbelarị. Oru-fụḅara nwẹnị in nimi ḅẹ-ḅiiarị ye ḍuko ịn pịrịarị! Ini ị̀ ḅụ so tẹẹ. Ini ẹrẹḅọ kịka tẹ akụnakụna sọarị, ini ịna aḅụụ saakị oru-atamụnọ pịrị tẹẹ.

Jowẹlị 1:19

KỊNỊNYANAḄỌ, àrị owu pakama ị́ pịrịarị, osuka ma na sịn ma na samụnọ-kpakịkị tẹ ẹrẹsị, gbala fịnị arị dọkịma ye ọkụ.

Habakọkụ 2:19

Ị́ fa tẹẹ! Ị́ sịn-ikiḅa ḅẹẹarị, “Naa saakị!” anịanịa ḍụḅarị kpoo, “Saakị sịẹ!” Oru-fụḅara inetẹ mịẹfinji ị́ pịrị ḅẹ ye emi? Ẹbịsịya ini inetẹ seleḅa na golu na kẹ anị sara-gbaịn ḅa, kụma anị ḅio ḍumo ofori.

Matiyo 5:32

Kụma yẹrị ọ́ ḅẹẹarị, tomḅọ amịna taḅọ si mẹnjị kọn-a tẹ árị na siya ḅẹḅẹ, mḅọ á mịẹtẹ á sẹfị tẹ, á jụmọ sime sakị, sime sakị; anịsakị á sime ḅarị owiḅọ ḅe sọ sẹfị tẹ.