Jerimaya 3:5 - FỊAFỊA BAỊBỤLỤ

⁵ Sakị mamgba ị́ ịganị ḅịa; Í ḅioḅẹngbọ sii ị̀ pịrị mu ḅẹẹ-sakị ḅẹẹ-sakị la ḅịa. Izirẹlị, anie í ḍuko ye, kụma í inetẹ mịẹ ḅẹ si-aị mamgba ị́ mịẹm.

Jerimaya 3:5 Iomraidhean Croise

2 Paka-aị 29:10

Anị mịọkụ ì ḅioḅẹngbọ ḅụ emi mịnẹ à KỊNỊNYANAḄỌ, Izirẹlịapụ tẹkẹarị Tamụnọ ḅe na ọḅọkụ fị ḅa, mịẹ tẹ ò ḅalafama ịganị mẹ wamịna ḅụụ pịkị so ḅarị ḅara.

Devidi-Anume 85:5

Ị́ ḅọrọ ịganị wa pịrị gbamaso ḅẹ? Ị́ ịganị mẹ gbala-gbala wamịna ḅụ kunoma ḅịa?

Devidi-Anume 85:6

Mịẹtẹ wa siin kụrọ, anịsakị, wamịnị, ị́ atomi ma, í tokini ḅa.

Ayịzaya 57:16

À ḍumo kẹ ì atomi pịrịm, tẹ à ḅarị ḅẹrẹ kẹ ịna sịḅị sịn tọrọkọ-tọrọkọ mu ḅịa, anịanịa ịganị ịn pịrị mu ḅẹẹ-sakị ḅẹẹ-sakị la, anị nwẹnị ọkọ kụma mimgbe ịn fịị tẹ, anie yẹrị ḍumo kẹ pịrịtẹ gbọrụ atomi ma.

Ayịzaya 64:9

ọkọ ẹrẹsị ḅarị ịganị wa pịrị ḅaka ma, anịanịa si kịẹn wa pịrị mu ḅẹẹ-sakị ḅẹẹ-sakị la. Wamịnị ị́ atomii; ọkụrụkụrụ nyana wa pịrịị.

Jerimaya 3:12

Ò ḍuko ị́ pịrịm àrị Izirẹlị ḅẹẹ, “Ḅioḅẹngbọ kẹ ḅụụ ḅụ gbana na-iḅi-a Izirẹlị, pịkịma ị̀ ḍọkụma-ḅoo. Àrị ọkụrụkụrụ nyana wararị, tẹ arị ịganị ḅịa, arị ịganị ị́ pịrị mu ḅẹẹ-sakị ḅẹẹ-sakị la ḅịa.

Jerimaya 8:5

Ọkọ kụma tiye ẹrẹsị, ì atomi, ọmịnị ị̀ ḅụ pịkị-so tẹ ḅarị pịkị-ḅo-a? Ọmịnị ọmịna oru-afụḅara ma fịnama sịẹma tẹ ḍụkụ tẹ pịkị ị̀ ḍọkụma-ḅoa.

Jerimaya 8:6

À kẹ ye-sịn ḅara kẹ pokim, kụma ọ́ karakara mẹ ḍuko-a. Ọmịna ḅụ gbọrụḅọ-sọ amịna si-sịḅịḅio-sụa mịẹ mẹ gotẹ kururu-a; ọmịna ḅụ gbọrụḅọ-sọ amụ gbela-a, ‘À tiye mịẹ-irima?’ Ḅẹḅọ-ḅẹḅọ amịna etela mẹnjị tọrọkọ-tọrọkọ muarị, fọnya mangị ọmụ ḅio sọarị asụ ọkụ.

Izikẹlị 22:6

Izirẹlị sịḅịdapụ mamgba ịna soku-ḅẹ ịnyọ kẹ ḅiokpọmarị tẹ kura-a ḅara kẹ kịnị ḅaarị.

Mayịka 2:1

Tọ-ḅara la sule-ḅịḅị sime inima tẹ si-sịḅịḅio-sụapụ ma pịrị! Inima tẹ ḍin mono-a, tẹ ịna iḅila ọgọnọ si tọn ja apụ pịrịarị apụ ma?! Ene-ḅaa ḅẹ dede-ḅio ḅụ, ịn nwẹnị ịn tọn ye mẹ mịẹ; kụrọ ịna aḅara emi ẹrẹsị.

Mayịka 7:3

Siye mịẹ ḅẹ ye ḅụ mie ịna aḅara simearị ye, ini iḅiọkụ anị mịẹ sunma ḅẹ ḅara; amadaḅọ owiḅọtụḅọ ḅe na ḅẹrẹkọnḅọ ḅe na, ọḅụ-fị ḅẹ tẹ anị ḅiiarị, tẹ opu tomḅọ ḅe nwẹnị ọ̀ ḅala ḅiiarị siye mẹ ḍukoarị; mị-ḅara ḅụ ịn gbolomatẹ anị ḍorim.