Jerimaya 3:4 - FỊAFỊA BAỊBỤLỤ

⁴ Tẹ mịọkụ ị́ ị̀ ḅẹẹarị: Ị́yẹrị ị̀ ḍa, ị̀ kala-sakị kụra ḅio ị́ sakị ị̀ ḅẹlẹmam.

Jerimaya 3:4 Iomraidhean Croise

Devidi-Anume 119:9

Ndẹẹ asambịrịma tụḅọ inetẹ amịna ḍumo wẹrị kpaịnma ḅẹ ḅara? Ị́ tọn kuroma aị ma poki tẹ mịẹ ḅụ.

Devidi-Anume 48:14

“Ḅị Tamụnọ ḅe anie wamịna Tamụnọ, mu ḅẹẹ-sakị ḅẹẹ-sakị la; ori wamịna tọrọkọ-sụn ḅa ḅo ḅarị sakị mamgba ḅụ.”

Devidi-Anume 71:17

Ị̀ asambịrịma sakị kụra-ḅio í ye kẹ ì toluma tẹ, à paa ị́ ḅụụ-buama akọrịnama ma gboloma aị ḍukoarị.

Devidi-Anume 71:5

KỊNỊNYANAḄỌ, àrị ị́ kẹ ḅiokpọmarị; ị̀ asambịrịma sakị kụra-ḅio ị́ ḅụụ mie à ḅioḅẹngbọ kẹ gbanarị.

Egberima-Ẹkwẹn 1:4

Egberima-ẹkwẹn inetẹ mịẹ tẹ ye-mịẹmịẹ-ḅara nimi-a tomḅọ ḍumo aka nimi ḅọ sọ ḅa, arị pịkị asambịrịma atomi toluma tẹ in mịẹ na-iḅi aị ḍọkị pakama-ḅoarị apụ sọ ḅa.

Egberima-Ẹkwẹn 2:17

anie ḅioḅẹngbọ kẹ ḅụụ ḅụ gbana na-iḅi-a ḅara sime tẹ ḅọ ma, á di ḅụụ ḅụ, tẹ á karị fịafịa ye mẹ kẹ ḅioḅọrọma tẹ ḅọ ma.

Jerimaya 2:2

à mị oku mẹ ḍuko wasama ḅẹḅọ-ḅẹḅọ pịrịị Jeruselemu ḅụ: Ị́ ịwọ sakị ḅụ í ḅioḅẹngbọ-kẹ-sịrẹrẹ-niḅi ḅara simem mẹ, à kẹ ḅiokoromarị, wa tarị simearị simearị ị́ kẹ ị̀ ḅẹlẹma ḅara mẹ, í ì ḍuka ịkpa mẹ ḅio mẹnjị ḅọrọ ḅara mẹ, kịnị amụ ye ḍiḅi-a kiri mẹ ḅụ tolu-ḅọrọ.

Jerimaya 2:27

Ọmịnị-mgba tọrụ-tuu fama ḅa, ọmịnị tẹ ḅarị apụ ma mịnẹ sịn anie ọmịna ḍaḅọ, tẹ ịkụ pịkị ọmịna iyingiḅọ. Miemẹ paka ḅa, ọmịnị ọḅụ kẹ ì gbin tẹ so tẹ ẹrẹsị, ọ́ tọrụ pịkị ị̀ da ḅẹ nakara. Kụma ọ́ ḅụụ-fụka ḅio sọ sakị mie ó ḅiiarị à ḅo ḅarasụa ọ́ pịrị.

Jerimaya 3:19

KỊNỊNYANAḄỌ ḅe mẹẹ, Izirẹlị, à ḅiim arị ị́ kẹ ì owiḅọ tụḅọ ḅara ọkị tẹ ḅioḅẹlẹmarị amakiri kẹ ị́ pịrị, bebe tomikiri mẹ ḅụ iḅi tẹịn amakiri. À ḅiim ị́ ḍaḅọ kẹ ị̀ sịn, tẹ gbala-gbala ḅarị ị̀ ḅụụ pịkị-so ḅịa ḅara.

Jerimaya 31:22

Ó ḅio-maaịn-tọn mu tọ-sakị la ḅẹ, minini nyana-a apụ? Arị ịwọ kịrị ye tẹmẹ tẹ, anị kịrị ḅara ẹrẹḅọ ẹrẹ owiḅọ gbaịn ḅọrọmarị ọkụ.”

Jerimaya 31:9

Ị̀ atomi owu-ma pịkị-ḅo ḅa, àrị ịna tọrọkọ tarị wararị sakị ịn tẹkẹarị. Àrị ịn kẹ mu minji mẹnjịarị ayọ la ḅa, gbima-gbima-a etela ḅụ, ịn pụmbụ ḅịa ḅara. À ḍaḅọ sọ Izirẹlị pịrị tẹẹ, tẹ Iferemu anie ị̀ mgbe.”

Hosiya 2:15

Àrị á nyana sime girepu-aḍụọ ma kẹ siin á pịrị ḅa, tẹ Ḅụụ-fụkamarị Tụndụ-suku mẹ kẹ Ḅiokpọmarị Ḅọkọ sọma ḅa. Á minini ị̀ pịrị ḅa anịanga ḅụ, anie árị iriawọ sakị á mịẹ ḅara mẹ, árị Ijiputi ḅụ paka-ḅo sakị.

Malakayị 1:6

Kụrọ mamgba nyana KỊNỊNYANAḄỌ ḅe agbamịẹapụ ma ḅẹẹm, “Owiḅọtụḅọ amịna ḍaḅọ kụn-arị, tẹ fịrịmẹnjịḅọ pịkị amịna sịḅịdaḅọ kụn-arị. Yẹrị ọmịna ḍaḅọ — tiye ẹrẹsị ọmịnị ị̀ kụn-a? Yẹrị ọmịna sịḅịdaḅọ — tiye ẹrẹsị ọmịnị ị̀ mangịma-a? Ọmịnị ì ḍiki-simarị, tẹ anịsọ ó gbelarị, ‘Ndẹẹ wa kẹ í ḍiki-sima ḅara?’

Malakayị 2:14

Ó gbelarị tiye ẹrẹsị ọ̀ ḅarị arị da-a mọ. Anị gotẹ ọkọ mịẹ ye, ò nimi wararị í minini ị́ ịwọ sakị í sime taḅọ ma pịrị ye mẹ í sima tẹẹ. Árị ma anie ị́nịna gbọrụ ḅụ mẹnjị ḅọ, tẹ í í minini á pịrị ye mẹ sima tẹẹ, tụkụmaye, Tamụnọ tọrọkọ ḅụ í mininim mịnẹ í ḅioḅẹngbọ-kẹ-sịrẹrẹ-niḅi ḅara sime á pịrị ḅa.