Jerimaya 3:3 - FỊAFỊA BAỊBỤLỤ

³ Anie mịẹ tẹ eene ḅarị koro-a, tẹ fẹngụ aya-ḅịḅị ḅẹ nwẹịn-nwẹịn eene mẹ sọ ḅo-a. Ḍiki-tọrụ ḅụ kịngẹ sọ ị́ ama-mẹnjị-ẹrẹḅọ kịkarị; ị́ ḅụụ sọ jịrị-a.”

Jerimaya 3:3 Iomraidhean Croise

Suku-saakị 19:34

Anị ḅẹ ene-ḅaa ḅụ, omongi ẹrẹḅọtụḅọ ma nwẹnị arị mbịra kalaḅọ ma ḅẹẹ, “Ḍikii, ḅịẹịn ḍin yẹrị na, ị̀ ḍa na ḅọlọlọ gbolomam, yee wa ọ̀ mịẹtẹ ọ̀ pịkị mị ḍin sọ iru ḅuu, anị sakị mẹ ḅụ ị́yẹrị pịkị mu ori na ḅọlọlọ gboloma ḅa, mịẹtẹ wa wamịna ḍaḅọ ḅụụ ḅụ ḅọrọ tẹ wamịna furo pakama ḅẹ ḅara.”

Nehimaya 9:17

In koko ḍụkụ-a, tẹ ịna ogboku ị́ mịẹ ḅụụ-gbiripuma aị ma bala-a, kụma in kọngọ kụrọmam, tẹ tọrọkọ tarị in pịkịma Ijiputi ḅụ pịkị omoni-sọ ḅẹ ḅọ tọnm. Kụma ị́yẹrị anie tẹlẹma si-wẹrịso pịrị-pịrị ḅọ pịkị ḍiki-ḅụụjịrị na ọkụrụkụrụ na nyana wararị ḅọ; ị́yẹrị kpekele ịganị-ịganị-a ḅọ, tẹ jike-a ḅẹlẹma nyana ḅọ ẹrẹsị ị́ in sịkị-a.

Egberima-Ẹkwẹn 21:29

Karakaraye-mịẹapụ ma amịna aḅụụ nimi wararị; kụma si-sịḅịḅio-sụapụ ma ini ine-ḅara ine-ḅara mịẹ tẹ in sime-a ḅara kẹ tomi ḍiearị.

Ayịzaya 5:6

Àrị anị ḍiki-tọrụsin tẹ osuka anị gbaịn ḅa. À kụrọ ma tẹlẹma ḅịa, anịanịa ọgụ kẹ anị yọ kiri lama; anie nakara à wẹrịso tẹ agarara na ja nangị asịn na anị gbaịn ḅa. Àrị oḅuto so kiki ḅa, eene kẹ anị ọgọnọ sara ḅụ.”

Jerimaya 14:1

Minji-kụrọ mẹ gboloma ye ḅụ KỊNỊNYANAḄỌ ḅe ị̀ ḅẹẹm,

Jerimaya 14:22

Tomikiri ḅẹ asịẹ ma oru-afụḅara ma ḅẹ gberie tẹ inetẹ eene koroma ḅẹ ye ofori; so tọrụ mẹ ḅioju sọ inetẹ nwẹịn-nwẹịn eene sọ koroma ḅịa. Ị́yẹrị mie wa kẹ ḅiokpọmarị ḅọ, yei KỊNỊNYANAḄỌ, wamịna Tamụnọ, ị́yẹrị anie mịna aị ma mịẹ-mịẹ ḅọ ẹrẹsị.

Jerimaya 14:3

Ngọ-kọnapụ ma minji gotẹ tẹ ịna afịrịmẹnjịapụ fịrịma-pakamarị; ini ama minji koko ayọ ma muarị, kụma in minji ẹrị-a; ini ịna ye ofori ajongo ma kẹ pịkị-ḅoarị. Ḅioḅẹngbọ-ḅịkị na pikiri na ḅụ ini ịna atọrụ ḅọịarị.

Jerimaya 14:4

Anị gotẹ ọkọ sime ye eene koro-a, tẹ kiri mẹ pịkị samụnọ-kpakịkị tẹẹ, ḍụọ-kọrịapụ ma ḅioḅẹngbọ si tẹẹ; ini ịna atọrụ ḅọịarị.

Jerimaya 36:2

“In-ikoarị-abịlala ọkị, tẹ anị ọgọnọ Izirẹlị na Juda na sịẹ-sịẹ mamgba na gboloma ye goyegoye kẹ koromaa. À ḍuko ị́ pịrị tẹ goyegoye kẹ kẹẹ koromaa, sukuyọ-saakị ḅụ Josaya ama-da sime sakị ḅụ saakị ḅo mịọkụ la.

Jerimaya 5:24

Gbala-gbala ó kuroma tẹ ị̀ kụn-a tụkụmaye yẹrị fẹngụ eene mẹ na ịrụa kụra aya-ḅịḅị ḅẹ eene mẹ na kẹ fịrịma tẹ fịaị soku sakị mẹ kẹ ọ́ pịrịarị sọ, kụra-kụra ḅụ.

Jerimaya 5:25

Anie nakara ọmịna asi mịna iḅi aị ma kiki ọ́ pịrị tẹẹ.”

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 8:12

Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 9:12

À nwẹnị ḅẹẹ, “KỊNỊNYANAḄỌ, tiye ẹrẹsị ị́ amakiri mẹ sima kọsịma tẹ anị kẹ ịkpa samụnọ ḅara samụnọmatẹ gbọrụḅọ-sọ ye-muarị tẹ ḅarị anị ḅụ mẹnjị tolu-ḅọrọ-a? Tụḅọ ye-nimi ḅo anị fiearị ye naa ḅiri la ḅẹ? Ị́ anị ḍuko finji pịrị tẹ inetẹ anị ḍuko jen-apụ pịrị ḅẹ ḅọ tụḅọ?”

Izikẹlị 3:7

Kụma Izirẹlịapụ ḅẹ gbọrụḅọ sọ minini tẹ poki ḅịa; yẹrị kịngẹ sọ ini ì poki ḅịa. Inimgba kọngọ-kụrọmarị tẹ wa ị́ mịẹ ḅẹ ye ḍiki ḅa ḅẹẹarị atomii.

Lẹvitikọsị 26:19

Anịsakị arị ọmịna kụrọ mẹ ḅẹ opu amịẹaị ma anyịma siin ḅa, tẹ ọmịna aso ma kẹ ikulele kịkama mịẹ, tẹ ọmịna kiri mẹ kẹ ojo mẹ kịkama mịẹ ḅa;

Emọsị 4:7

Yẹrị eene mẹ ọlọ-sịẹmam ó ḍiḅi aị ma anị ḅii tẹịn sakị ḅụ. Àrị eene kẹ gbọrụ opu ama fịrịmam, kụma osi ye à fịrịma-a. Eene gbọrụ ḍụọ ḅụ saram, kụma osi ḍụọ samụnọm.

Emọsị 4:8

Minji ḅuu pọkọ-tarị ḅụ ịnyọ-fa tẹẹ, tọnwa opu ama ḅẹ apụ gbọrụ opu ama mum ini anịjụ minji nyana ḅẹ ḅiokpọ ḅụ, kụma inimgba ḅuu ḅẹ ḅara la-a. Anịsọ ịn paa pịkị ị̀ ḍọkụma-ḅoa.”

Zẹfanaya 2:1

Ḅụụ-jịrị nyana-a sịẹ, ó kuroma nyana ọmịna ḅụụ pịrị

Zẹfanaya 3:5

Kụma KỊNỊNYANAḄỌ ḅe paa opu ama mẹ ḅio emi; kuraye, anie ọ̀ mịẹarị tẹ gbala-gbala iri-ye mịẹ-mịẹ-a. Dede goyegoye gbarị-a ḅara ḅụ, ori inoma ofori ye ọkị-ḅo ori atomi pịrịarị. Tẹ anịsọ anịanga ḅụ karakara mịẹ-a apụ ma paa iri-ye mịẹ tọrọkọ-tọrọkọ muarị tẹ ḅụụ-jịrị-a.

Hegayị 1:11

À samụnọ sakị ọkị-ḅo kiri mẹ lama tẹ — anị ḅẹ tụndụ ma ọgọnọ na, mbịaka aḍụọ ma na, kụrọ aḍụọ ma na, fị sịn mgbọlụ aḍụọ ma na — kiri mẹ pakama-ḅoḅo ye goyegoye, tomi na nama amẹẹ ma ọgọnọ na, ọ́ ḅụụkụrọma tẹ ḍiḅi ḅarịye goyegoye ọgọnọ ḅụ.”

Ditẹrọnọmị 28:23

Ọmịna sịḅị ọgọnọ-jụ ḅụ simearị so mẹ ojo-ikulele sọ ḅa, tẹ ọmịna suku-ḅio ḅẹ kiri mẹ papaa ikulele sọ ḅa.

Hiburu 12:25

Ọkọẹrẹsị, ọmịnị ẹbịị, tẹ ḍụkụ tẹ ẹkwẹn ọ́ pịrịarị ḅọ ḅe poki-a sọma. Tomikiri ḅụ Tamụnọ oku mẹ ḍuko ḅọ ḅe poki ḍụkụ-a apụ ma ịn papaa ḅara kẹ ịn wẹrịso-a. Ọkọẹrẹsị, wamịnị sọ wẹrịtẹ pụkọ-paka ḅẹ gbọrụ kala ḅọkọ sọ ofori, wa ọḅụ pịkị So-ḅio sime tẹ ẹkwẹn wa pịrịarị ḅọ ḅe gbin kụma!