Jerimaya 3:24 - FỊAFỊA BAỊBỤLỤ

²⁴ Kụma wa sunsin Balị pịrịarị ye mẹ, anị ḅụụ-jịrịma tamụnọ ḅe, mịẹ tẹ wa anana na ja anama na ogbo-ogbo ma fama tẹ, owiapụ-awọmẹ na eremịna-awọmẹ na sọ, ye goyegoye tẹ wamịna elemu aḍapụ elemu sakị kụra ḅio kọrị pakama-ḅo aị ma.

Jerimaya 3:24 Iomraidhean Croise

Jerimaya 11:13

Juda ḅẹ opu ama ma kịẹn-ḅịḅị la ḅara mie ịna atamụnọ kịẹn-ḅịḅị sọ la ḅara, tẹ Jeruselemu ḅio angarị apụ ma opu ama mẹ etela mamgba ḅụ agbamịẹ-anga nama sịḅị-ngụngụnmarị Balị nwẹn-sịn tamụnọ ḅe pịrị tẹ.

Jerimaya 22:21

Ye ọmịnị na loloarị sakị KỊNỊNYANAḄỌ ḅe ẹkwẹn ọ́ pịrịm, kụma ó poki ḍụkụ-a. Ọmịna ḍumo mamgba ḅụ ó miemẹ mịẹ tẹẹ; gbala-gbala ó minini tẹ KỊNỊNYANAḄỌ ḅe ḅịḅị poki-poki-a.

Jerimaya 44:7

“Tẹ mie ḅụ, yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, gbelarị mịọkụ, tiye ẹrẹsị ọ́ mịẹ simetẹ siye kẹ ọmịna ḅụụ mịẹarị? Ó ḅiiarị ọ́ fịị gulugulu dogi-ḅo owiapụ na ereme na, awọmẹ na, ḍọkọḍọkọ-awọmẹ na ọgọnọ gbanarị mịẹ tẹ ọmịna ḅụ ḅẹ gbọrụḅọ sọ kirikọn ḅịa ḅara.

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Jerimaya 9:18

Tomi ma mẹẹ, “Ḍuko ịn pịrị tẹ ịn fọnya gbọrụ ḍụẹịn owu nume-su wa pịrị, nwenii tẹ owu minji wamịna atọrụngbọ ḅio ḅin tẹ wamịna atọrụngbọ gbaịn apara ma pisi fama owu ḅụ.”

Izikẹlị 16:19

À fịye kẹ ị́ pịrịm — iḅitẹịn fịlawa, olivu-pulo, na ḅẹm na — kụma ị́ arị kẹ agbamịẹ oru-afụḅara pịrịm, arị í boma ḅẹ ḅara.” Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye.

Izikẹlị 16:20

“Anịtẹso í í iyi ị̀ pịrịtẹ owiapụ-awọmẹ ma na eremịna-awọmẹ ọkị tẹ kẹ agbamịẹ oru-afụḅara pịrịm, ḅioḅẹngbọ-kẹ-sịrẹrẹ-niḅi-a ḅara sime ị̀ pịrị ye mẹ boowa wararị ya.

Izikẹlị 16:61

Ị́ ị́ mịẹ tẹ ḅara kẹ ḅiokoroma ḅa, tẹ anị gotẹ ḅụụ-jịrị ḅa ị́ ị́ mịnaḅọ ẹrẹḅọ omongiḅọ ma na ị́ mịnaḅọ iriawọ-tụḅọ ma na pịkịma ị́ ḍọkụma-ḅo sakị. Àrị ịn mịẹ tẹ ini iyi eremịna-awọmẹ sọ ị́ pịrị ḅa, karakaraye miemẹ àrị ị́nịna fị ọḅọkụ mẹ ḅio ofori sọ.

Izikẹlị 16:63

Mịẹ-irima-aị mamgba tẹ ị́ mịẹ tẹ aị ma à wẹrịso ị́ pịrị ḅa, kụma ị́ arị kẹ ḅiokoroma tẹ ḅụụ-jịrị ḅaka tẹ ḅarị ị́ ḅịḅị sọ finji ḅịa.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Hosiya 10:6

Ini mḅudu mẹ dogi-so Asiriya mu ḅa, kẹ opu kẹ tomikiri mẹ daarị opuḅọ ḅe pịrị. Izirẹlị tọrụ-tuu tẹ á ḅụụ-jịrị ḅa árị in ḍuko á toluma ye ḍukamẹnjị ye ẹrẹsị.

Hosiya 2:8

Gbala-gbala á minini ḍụkụ-a mịnẹ yẹrị anie mgbọlị-fịye mẹ na, iru mẹ na, olivu-olo mẹ na, seleḅa mẹ na, golu mẹ na kẹ á pịrị tẹ á kẹ mu sunsin Balị pịrị ḅọ ḅee.

Hosiya 9:10

KỊNỊNYANAḄỌ ḅe ḅẹẹarị, “Àrị Izirẹlị ḍọkị ẹrị sakị, anị kịkaye ịkpa ḅio so-pakarị girepu mgbọlụ sịn ḍọkị ye ọkụ. Àrị ọmịna elemu aḍapụ ma ẹrị sakị, anị kịkaye kụra mẹ ḅẹ tarị figi asịnmgbọlụ ẹrị ye ọkụ. Kụma in ḅo Pẹyọ Tụndụ la sakị, ịn saakị sunsin Balị pịrịm, tẹ ala-a in ḅo ịn ḅẹlẹmarị oru-atamụnọ ma sịḅị-ngụngụnma ḅara kẹ sịḅị-ngụngụmam.