Jerimaya 3:23 - FỊAFỊA BAỊBỤLỤ

²³ Tụndụ ma ọgọnọ-jụ wa mu tẹkẹ oru atamụnọ ma gbọrụ ḅarasụa sọ nyana wa pịrị-a. Izirẹlị nyanarị ḅarasụa KỊNỊNYANAḄỌ wamịna Tamụnọ ḅe ḅara mie anị ḅoarị.

Jerimaya 3:23 Iomraidhean Croise

Devidi-Anume 3:8

KỊNỊNYANAḄỌ ḅe ḅara ḅụ mie owu-ḅara-iḅi ḅoarị; yee ori ori atomi boma.

Devidi-Anume 62:7

Ị̀ ḅọrọma na kụn na Tamụnọ ḅụ sịrẹrẹ wararị; ori ị̀ kụrọ tẹ gbaịn ḅọrọmaḅọ; ori ị̀ sịḅị kikima anga.

Egberima-Ẹkwẹn 21:31

Í inetẹ asụ nyana saratẹ tẹlẹma kẹ ọmụ pịrị ḅa, kụma KỊNỊNYANAḄỌ ḅe mie owu-ḅara-iḅi mẹ pịrịarị.

Ayịzaya 10:20

Anị ene mẹ ḅụ, Izirẹlịapụ ma ḅụ kirikọn-apụ ma ḅarị jen kẹ kẹlẹ-kọnm ịn ḅaa-fama tẹ sịẹ mẹ ọgọnọ sịrẹrẹ ḅịa. Ịn karakara ḅara kẹ KỊNỊNYANAḄỌ ḅe kẹ ḅiokpọma ḅa, Izirẹlịapụ tẹkẹarị Tamụnọ ḅe.

Ayịzaya 12:2

Tamụnọ anie ị̀ ḅọrọmaḅọọ; arị ọ̀ kẹ ḅiokpọma tẹ ḅalafaa ḅịa. KỊNỊNYANAḄỌ ḅe kụrọ na ịnyọ na kẹ ị̀ pịrịarị; Ori ị̀ ḅọrọmaḅọọ.

Ayịzaya 43:11

“Yẹrị kịngẹ anie KỊNỊNYANAḄỌ ḅee, kpọkpọ gbọrụḅọ ḅe tẹ inetẹ ọ́ ḅọrọma ḅẹ ḅọ ḅee.

Ayịzaya 44:9

Oru-afụḅara mịẹarị apụ mamgba papaa apụ, tẹ ịn kẹ ye sịn lamarị atamụnọ ma mịẹ ḅụ sọ-a ḅara ḅakam. Mịna atamụnọ ma tẹkẹarị apụ ma tọrụngbọ-pụụntẹ, gberie-sọ nimi-a apụ ịna atọrụ-tuu ḅa.

Ayịzaya 45:15

Izirẹlịapụ tẹkẹarị Tamụnọ ḅe tẹ amịna atomi ḅọrọmarị ḅọ ḅe, anie amịna ḅụụ kikimarị Tamụnọọ.

Ayịzaya 45:17

Kụma KỊNỊNYANAḄỌ ḅe Izirẹlị ḅọrọma tẹ, anịsakị árị owu-ḅara-iḅi mẹ sime mu ḅẹẹ-sakị ḅẹẹ-sakị la ḅa; gbala-gbala arị atomi ḅarị jen kẹ tọrụ-tuu ḅịa.

Ayịzaya 45:20

KỊNỊNYANAḄỌ ḅe mẹẹ: Ó ḅo kobirii, sịẹ-sịẹ ma ḅẹ atomi; tẹ tomikiri mẹ daarị kụrọ mẹ ḅịkị ye ḅụ fịị-a so apụ, ọ́ ḅẹrẹkọn mẹ ḅoo! Tomi ma ịn sịn kẹ kịra oru-afụḅara ma dogi mẹnjịma-mẹnjịmarị tẹ inetẹ ịn ḅọrọma ḅịa atamụnọ ma tẹkẹarị arị atomi ma in nimi gberie-sọ ofori!

Ayịzaya 63:1

“Nwẹn kẹ Idọmụ ḅẹ opu Bozara ḅụ sime tẹ ḅoarị ḅọ ḅẹ tụḅọ? Ḅieḅe tẹ awụ tọrụ sụa ye ḅiri ḅụlụ-ḅụlụ tẹ kụrọ na ịnyọ na kẹ gbọnma ḅoarị ḅọ ḅe tụḅọ?” “KỊNỊNYANAḄỌ ḅe orii, kụrọ nyana tẹ kịnị ḅọrọmarị ḅọ, ori owu-ḅara-iḅi ḍuko wasama ḅẹ ḅoarị.”

Ayịzaya 63:16

Ị́yẹrị wamịna Ḍaḅọọ. Wamịna elemu aḍapụ, Ebira-amụ na Jekọbụ na ọkọ kẹ wa ọkị-a-o, kụma, KỊNỊNYANAḄỌ, anie wamịna ḍaḅọ, sakị mamgba wa pụkọ-pakamaḅoarị ḅọ ḅe.

Jerimaya 14:8

Ị́yẹrị ngẹrị mie Izirẹlị nyana ḅiokpọ; anie opu ḅụụ-fụka ḅụ wa ḅọrọmarị ḅọ, Tiye ẹrẹsị ị́ wamịna amakiri mẹ ḅụ kịnị tọrụ-nimi-a ḅọ kịkarị, gbala ḅọrọ ye muarị tẹ agba tẹ ḍin mẹ kịngẹ kẹ sime ḅọ ọkụ.

Jerimaya 17:14

KỊNỊNYANAḄỌ, ị̀ gwọọ, anịsakị ì oju gbọrsịḅị kụrọ fama ḅa; ị̀ pụkọ-pakamaḅoo, anịsakị ye ḅarị gbala-gbala ị̀ la ḅịa. Ị́yẹrị anie à tokiniarị ḅọọ!

Jerimaya 17:2

Ị́ atomi agbamịẹ-anga suku na, elekima kẹ sụa wẹrị wararị ayọ ma na, ḍumo wararị sịn goyegoye suku na, tụndụ ma ọgọnọ na sunsin Asịra nwẹn-sịn ẹrẹḅọ-oru ma pịrịarị,

Jerimaya 3:6

Josaya ama-daarị sakị ḅụ, KỊNỊNYANAḄỌ ḅe ị̀ ḅẹẹm, “Ị́ ẹrị tịya, Izirẹlị, anị si ẹrẹḅọ ma mịẹ tẹ ye? Árị ọḅụ pịkị ì gbin tẹ mẹnjị so tẹ, tụndụ goyegoye ọgọnọ na ḍumo wararị sịn goyegoye suku ḅụ na arị ama-mẹnjị-ẹrẹḅọ mịẹ-mịẹ ye mịẹ tẹẹ.

Jerimaya 31:7

KỊNỊNYANAḄỌ ḅe mẹẹ, “Ḍereku kẹ nume-su Izirẹlị pịrịị, sịẹ-sịẹ ma ḅụ tẹịn ye mẹ. Í tokini nume suu, ‘KỊNỊNYANAḄỌ ḅe ori atomi ḅọrọma tẹ; kirikọn-apụ mamgba ori ịn pụkọ-pakamaḅo tẹ.’

Izikẹlị 20:28

Àrị ini ọkị-ḅo à minini ịn pịrị amakiri mẹ lamam. In gele atụndụ ma na ịwọ asịn ma na ẹrị sakị ini arịmgba ḅụ agba mịẹm. Ini ị̀ ịganịmam ịn mịẹ dọkịma-agba na iru ḍiepịrị-aị agba na tẹ ini ọkị-ḅo aị na ḅụ.

Hosiya 1:7

Kụma Juda ḅẹ apụ ma, yẹrị KỊNỊNYANAḄỌ ịna Tamụnọ ḅe ọkụrụkụrụ nyana ịn pịrị tẹ ịn ḅọrọma ḅa — àrị iboli na, okologie na, ọmụ na, asụ na, asụ-ọgọnọ ọmụgbin-apụ na kụrọ kẹ ịn ḅọrọma ḅịa.”

Jọnị 4:22

Ọmịnị Sameriya ḅẹ apụ ma ọ́ tẹkẹarị ḅọ tụḅọ-o, tụḅọ-o ó nimi-a, kụma wamịnị Juu-ḅẹ-apụ ma wa tẹkẹarị ḅọ wa nimi wararị, ḅọrọma Juu-ḅẹ-apụ ḅụ ḅọrọ tẹ ḅoarị ẹrẹsị.