Jerimaya 3:22 - FỊAFỊA BAỊBỤLỤ

²² Ọmịnị KỊNỊNYANAḄỌ ḅe ḅụụ pịkị-so apụ mamgba ọ́ pịkị-ḅoo; Ori ọ́ gwọ tẹ ọ́ mịẹ tẹ ó ḅioḅẹngbọ kẹ ḅụụ ḅụ gbana na-iḅi ḅara sime ḅa. Ọmịnị mẹẹ: Inn, wa KỊNỊNYANAḄỌ ḅe ḍọkụma-ḅoarị, ori wamịna Tamụnọ ẹrẹsị.

Jerimaya 3:22 Iomraidhean Croise

Sọlọmọnị Ḅẹlẹtẹịn Nume 1:4

Ị̀ ọkị tẹ wa mangị-so; ị̀ amadaḅọ sọ tẹ ị̀ kẹ í ḅio muu. Wa ḅioḅẹlẹ gboloma ḅa; ḅuu gbẹdẹmaa, tẹ ḅẹlẹma ḅio sọ faa. Ereme mamgba ị́ ḅẹlẹmarị ye mẹ ḅụụ-buamaye-o!

Ayịzaya 1:2

KỊNỊNYANAḄỌ ḅe ḅẹẹm, “So na Kiri na, ọmịnị à ḍukoarị ye pokii! Yẹrị ḍikiḍiki-pakamaḅotẹ awọmẹ ma kọngọ-kụrọma ị̀ pịrị tẹẹ.

Ayịzaya 27:8

KỊNỊNYANAḄỌ ḅe fomu-ḅara kẹ ori atomi pịrịm, mịẹ tẹ ini in kun so ḅụ. Ịrụa mẹ saakịarị pakịrị anga mẹ ḅụ mie ò si kụrọ fẹrụ fịrịma ḅo ịn dogi-so ye.

Ayịzaya 31:6

KỊNỊNYANAḄỌ ḅe ḅẹẹm, “Izirẹlịapụ, ó si kẹ ị̀ mịẹtẹ ị̀ na tụḅụrụ tẹ. Kụma mịọkụ, ọ́ pịkịma ị̀ ḍọkụma-ḅoo!

Ayịzaya 57:17

Ịna asi na opu-pọkọḅẹngbọ sụa na mie à gotẹ in ḍiki-ịganị tẹ fomu-ḅara kẹ ịn pịrị tẹ ịn kẹ gbin koroma so yee. Kụma ini ma anie kọngọ-kụrọma-apụ, tẹ paa ịna etela mẹnjị ma-muarị.”

Jerimaya 3:12

Ò ḍuko ị́ pịrịm àrị Izirẹlị ḅẹẹ, “Ḅioḅẹngbọ kẹ ḅụụ ḅụ gbana na-iḅi-a Izirẹlị, pịkịma ị̀ ḍọkụma-ḅoo. Àrị ọkụrụkụrụ nyana wararị, tẹ arị ịganị ḅịa, arị ịganị ị́ pịrị mu ḅẹẹ-sakị ḅẹẹ-sakị la ḅịa.

Jerimaya 30:17

À mịẹ tẹ ọmịna oju siin iḅi ḅa; àrị ịnọ ma gwọ ḅa, karakaraye si kẹ ọ́ tọn apụ ḅẹẹarị: Zayọnị anie in dee-pakama tẹ apụ; in gboloma ye kẹ ye-sịn-arị gbọrụḅọ-sọ ofori. Yẹrị, KỊNỊNYANAḄỌ ḅe ọkọ ḅẹẹm.

Jerimaya 31:18

“Izirẹlịapụ ḅioḅẹngbọ-si ḅụ ḍukoarị ye à naarị, ‘KỊNỊNYANAḄỌ, wa amụ ye ḍawọ-a nama kịkarị, kụma ị́ ḅịḅịpoki kẹ wa tolumam. Wa kẹ pịkị-ḅoo; wa tẹlẹma tẹ pịkị ị́ ḍọkụma-ḅoo, KỊNỊNYANAḄỌ wamịna Tamụnọ ḅe.

Jerimaya 33:6

Kụma à mị opu ama mẹ na anị ḅẹ atomi na gwọ ḅa, tẹ mịẹ tẹ ịn ḅo siin oju-iḅi nyana ḅa. À kpọma dein na pịkị kpaịn-wararị sakị na kẹ in ḍie ḅa.

Jerimaya 4:1

KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Izikẹlị 18:30

“Mịọkụ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọmịnị Izirẹlịapụ ma pịrịarị mịnẹ àrị ọmịna ḅụ ọrụḅọ-ọrụḅọ kọn ḅa mḅọ mịẹ tẹ ye ḅụ. Ọmịnị ọ́ mịẹarị si-aị mamgba ḅụ pịkị-soo, tẹ mịẹtẹ si ó guluguluma ma.

Izikẹlị 33:11

Ḍuko ịn pịrị mịnẹ, piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, si-mịẹapụ fịị ị̀ ḅioḅẹlẹma ḅịa. Anie nakara ini ịna asi ḅụ ḅara-siin tẹ ḍumo mie à ḅiiarị ye. Izirẹlị, ọmịnị ọ́ mịẹarị siye mẹ dasịẹmaa. Ó tiye gotẹ fịị ḅẹ-ḅiiarị?

Hosiya 13:4

KỊNỊNYANAḄỌ ḅe ḅẹẹarị, “Yẹrị anie KỊNỊNYANAḄỌ ọmịna Tamụnọ ḅe, anie Ijiputi ḅụ ọmịna tọrọkọ-sụn tẹ ọ́ pakama-ḅo ḅọ ḅe. Ì sikima ó jen Tamụnọ nyana-a. Yẹrị kịngẹ anie ọmịna ḅọrọmaḅọọ.

Hosiya 14:1

Izirẹlịapụ, ọ́ pịkịma KỊNỊNYANAḄỌ ọmịna Tamụnọ ḅe dama-ḅo. Ọmịna si ọ́ mịẹ tẹ ọ́ pụmbụ tẹ ḅịkịarị.

Hosiya 14:4

KỊNỊNYANAḄỌ ḅe ḅẹẹarị, “À siin ị̀ atomi ọkị-ḅo ị̀ ḅụụ pịrị ḅa, Àrị ị̀ ḅioḅẹngbọ mẹmgba kẹ ịn ḅẹlẹma ḅa; à ḅarị jen kẹ ịganị ịn pịrị ḅịa.

Hosiya 14:5

À sime Izirẹlị pịrị ḅarị ḅara samụnọ kiri ḅụ koro eene kịka ḅa. Ịn fịlawa panga-ḅaa ḅara kẹ panga-ḅaa ḅa; ini iḅiọkụ kuno sụa kụrọma ḅa Lẹbanọnị ḅẹ sịn ọkụ.

Hosiya 14:8

Izirẹlịapụ ma ḅarị jen kẹ oru-afụḅara na mịẹ ye nyana ḅịa; Àrị ịna atẹkẹ pakịrị tẹ in koko ḅa; À sakị mamgba ịwọ ịnyịnya sụarị sịn kikima ḅara kẹ in kikima ḅa; Yẹrị anie ịna aboma mamgba sime tẹ ḅoarị anga mẹ.”

Hosiya 3:5

Kụma sakị ḅo ḅa Izirẹlịapụ ma siin pịkị KỊNỊNYANAḄỌ ịna Tamụnọ ḅe dama-ḅo ḅarị sakị, pịkị Devidi furo paka-ḅo ịna amadaḅọ na. Anịtẹso ịn KỊNỊNYANAḄỌ ḅe ḍiki-ḅalafaa ḅa tẹ ori iḅi ḍiepịrị-aị daa-ọkị ḅa.

Jowẹlị 2:12

KỊNỊNYANAḄỌ ḅe ḅẹẹm, “Kụma mịọkụ mẹ ḅụ sọ ọ́ tẹmẹ-la ḅara kẹ si ḅụ pịkị tẹ pịkịma ị̀ ḍọkụma-ḅoo; ó ḅuru-ịmọ tẹ owuu, pịkị kururuu.”

Zẹkaraya 13:9

Anịsakị à fịịa-so gbọrụ anga mẹ daaḍiki ḅa. Àrị ịn daaḍiki ḅa golu daaḍiki ḅara. Anịtẹso ini ị̀ tẹkẹ ḅa, tẹ àrị ịn pakịrị ḅa. À ḍuko ịn pịrị ḅa mịnẹ ini ị̀ atomi, tẹ ini nwẹnị ḍuko pakama ḅa mịnẹ yẹrị ịna Tamụnọọ.”