Jerimaya 3:21 - FỊAFỊA BAỊBỤLỤ

²¹ Tụndụ ma ọgọnọ-jụ ḅio ḅịḅị yoko-yokoma fiearị; Izirẹlịapụ owu pọkọ na tẹkẹarị ḅịḅị na, in si ḍumo kọn tẹ ẹrẹsị pịkị KỊNỊNYANAḄỌ ịna Tamụnọ ḅe kẹ ḅioḅọrọma tẹẹ.

Jerimaya 3:21 Iomraidhean Croise

Jobu 33:27

tẹ tomina tọrọkọ nume-suu tẹ ḅẹẹ, ‘À si mịẹm, tẹ kuraye mẹ pịkị iḅom, tẹ ini anị kẹ ị̀ gbẹẹ-a;

Egberima-Ẹkwẹn 10:9

Ja atomi mingirima-mingirima-a apụ ma in simearị anga ḅụ in la-la ye ofori, kụma jen-apụ mingirimarị apụ ma ini in kun ḅa.

Egberima-Ẹkwẹn 19:3

Japụ ịna apantu amịẹaị ḅụ ịna ḅụụ guluguluma fama tẹ, anịtẹso kẹ KỊNỊNYANAḄỌ ḅe sịḅị-sẹịn-arị.

Ayịzaya 15:2

Dibọnị ḅẹ apụ kpọlị iwo tụndụ mẹ ḅẹ tẹkẹ anga mẹ ḅụ owu ḅẹ mu tẹ. Mohabụ ḅẹ apụ kururu ḅụ Nebo na Medeba na opu ama ma gotẹ owuarị. In kururu ḅụ ịna asịḅị na mpọrị na sịn siin tẹ.

Ayịzaya 17:10

Izirẹlị, ị́ ị́ pụkọ-pakamaḅo tẹ opu ḍụḅarị kịka tẹ ị́ gbaịn-arị Tamụnọ ḅe kẹ ḅioḅọrọma tẹ. Anie nakara í oru aḍụọ ḍiḅiarị, ị́ ja asịẹ ḅẹ tamụnọ tẹkẹ ḅẹ ḅara.

Ayịzaya 57:11

KỊNỊNYANAḄỌ ḅe mẹẹ, “Ọ́ mịẹ tẹ ọ́ ḅalafaarị atamụnọ ma tọ apụ, mịẹ tẹ ọmịnị iruo-aị ḍuko ị̀ pịrị tẹ gbọrsịḅị ị̀ kẹ ḅioḅọrọmarị aị ma? Ọ́ kụn kẹ ị̀ pịrị mẹ dasịẹma ye mẹ anie à gbọsime tẹ ḅarị jen kẹ ḅịḅị fie-a alama ye mẹ ẹrẹsị mụnọọ?

Jerimaya 12:12

Ịkpa mẹ ḅẹ gele akiri ma mẹnjị saḅa ḅo ye fọịn ḅẹ owiapụ ḅo tẹ. Arị ọmụ kẹ fịrịma bebe amakiri mẹ guluguluma ḅẹ ḅo tẹẹ; gbọrụḅọ-sọ inetẹ dein ḅụ anga ḅịa.

Jerimaya 13:25

Ó ḍuko tẹẹ mịnẹ miemẹ anie ị́ ḅụ paka ḅẹ tẹ sime ị́ pịrị ye. Miemẹ anie ọ̀ kẹ ị́ mịẹ ḅẹ tẹ tọn-pẹlẹ ḅara, ị́ ọ̀ kẹ ḅioḅọrọma tẹ iruo atamụnọ minini tẹ ẹrẹsị.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 2:32

Iriawọ-tụḅọ á pọkọsụa ḅiriaị kẹ ḅioḅọrọma-ḅụrama, anịanịa ịya ḅẹ ẹrẹḅọ arị ịya ḅẹ ene ḅẹ ḅiriaị? Kụma ị̀ atomi ị̀ kẹ ḅioḅọrọma tẹ kịẹnkịẹn-ọkụ-ofori ene ma ḅụ.

Jerimaya 3:2

Tọrụ sakị tẹ kẹ tụndụ ma ọgọnọ-jụ ḍikii. Gbọrụ anga tẹ amụ ị́ ama-mẹnjị-ẹrẹḅọ ḅara kẹ ḍumo kọn-a anga emi? Etela anga ḅụ sọ í sime tẹ oloapụ korum, anie Arabụ apụ ịkpa ḅio sime tẹ ịn ḅaa ḅẹ ḅara. Ị́ ị́ ama-mẹnjị mịẹ kẹ amakiri mẹ pilema tẹẹ.

Jerimaya 31:9

Ị̀ atomi owu-ma pịkị-ḅo ḅa, àrị ịna tọrọkọ tarị wararị sakị ịn tẹkẹarị. Àrị ịn kẹ mu minji mẹnjịarị ayọ la ḅa, gbima-gbima-a etela ḅụ, ịn pụmbụ ḅịa ḅara. À ḍaḅọ sọ Izirẹlị pịrị tẹẹ, tẹ Iferemu anie ị̀ mgbe.”

Jerimaya 7:29

“Jeruselemu ḅẹ apụ, ó kururuu; ọmịnị ọmịna sịḅị-ḅẹ-inume kịrị-siin tẹ kẹ gbin ngumaa; Ó tụndụ ma ọgọnọ-jụ sime tẹ ḍụẹịn owu nume-suu, kẹ gotẹ ọkọ ḍukoarị, yẹrị KỊNỊNYANAḄỌ ḅe, ịganịarị, tẹ ị̀ atomi sịkị tẹ.

Izikẹlị 23:35

Mịọkụ mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “ị́ ị̀ kẹ ḅioḅọrọma tẹ ọḅụ kẹ ì gbin ye ẹrẹsị, ị́ ị́ lẹlẹ na ị́ ama-mẹnjị eremịna ḍumo na gotẹ tọrụsiẹrị ḅa.”

Izikẹlị 7:16

Ja apụ pụkọ-paka mu tụndụ ma kpọlị ḅa, tụndụ-suku olosịkịya dee tẹ ini iwo ḅara. Inimgba ịna asi owu ḅa.

Hosiya 13:6

Kụma ọmịnị iḅi ama kiri ḅụ sọ-mu sakị, ọ́ fị furo ḅinmatẹ ye ọmịnị na-iḅim, anị tẹso, ọ́ ḅụụ-gelema tẹ ị̀ kẹ ḅioḅọrọmam.

Hosiya 8:14

“Izirẹlịapụ ma ama-da opu awarị nama tẹẹ, kụma ini ịn Tẹmẹḅọ kẹ ḅioḅọrọma tẹẹ. Juda ḅẹ apụ kụrọnị opu ama ma nama tẹẹ. Kụma à fịnị fịrịma mu ịna ama-da opu awarị ma na opu ama ma na dọkịma kiri lama ḅa.”

Mayịka 3:9

Ó miemẹ naa, ọmịnị Izirẹlị ḅẹ sịḅịdapụ na, Izirẹlị ḅẹ awarị ma ḅẹ ḅẹrẹtọn apụ na, tẹ karakara ḅẹrẹkọn mẹ ḍiki-ḅioḅu tẹ anị sịkị, tẹ vuunma pịkị tẹ ḅẹrẹ mamgba pịkị-pịkị iḅoarị apụ.

Kịẹn-aḅịḅị 22:32

Tẹ KỊNỊNYANAḄỌ ḅe enjẹlị ḅe nwẹnị ọ̀ ḅẹẹ, “Í tiegotẹ mịna tẹra sakị ma kẹ í yedogi-nama ḅe fomu? Ḍikii à ḅo í kiki ḅẹ ḅom, gbala í etela mẹ ị̀ tọrọkọ karakara-a ẹrẹsị;

2 Kọrịntị 7:10

Kẹ gotẹ ọkọ ḍukoarị, Tamụnọ kururu mẹ kẹ mịẹtẹ ḅioḅẹngbọ ḍima paka tẹ, ọ́ kẹ mu ḅọrọma ḅụ suu tẹ — anie ḅụ tomḅọ gotẹ tiye-ì-gbo ḅẹẹ ḅẹẹ ye ofori! Kụma papaa tomina ḅara kẹ kururu mẹ fịị dogi-ḅoarị.