Jerimaya 3:20 - FỊAFỊA BAỊBỤLỤ

²⁰ Kụma si ẹrẹḅọ ḅara ḅụ amụ í ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, KỊNỊNYANAḄỌ ḅe ọkọ ḅẹẹm.

Jerimaya 3:20 Iomraidhean Croise

Ayịzaya 24:16

Tomikiri mẹ ḅụ ala tẹịn anga ḅụ wa ini Izirẹlị tokiniarị anume naa ḅa, karakaraye mịẹ sịẹ mẹ. Kụma yẹrị, ḅiokpọ sime ị̀ pịrị-a! À sịkịrị faarị! Kịnị kẹ tomi ḅara-ḅio dẹrịmarị apụ paa dẹrịmarị, tẹ ịna mbasị mẹ paa sii tọrọkọ-tọrọkọ muarị.

Ayịzaya 48:8

À nimim mịnẹ anie ḅioḅẹngbọ kẹ ḅụụ ḅụ gbana ḅẹ ḅọ-a, anie sakị mamgba kịnị kọngọ-kụrọ ḅọ ḅara kẹ ì nimi tẹ mẹ. Anie ẹrẹsị gbala-gbala mie mamgba ị́ naa-a, anie ẹrẹsị anị ḅẹ ẹkwẹn gbọrụmgbọ-sọ ḅo ị́ aḅeri laa-a.

Jerimaya 12:1

KỊNỊNYANAḄỌ, àrị ị́ tọrọkọ ị̀ ḅẹrẹ ịgbanịm ḅẹ kụma, ị́yẹrị mie paa kuraye mịẹ ḅọ sọ ḅẹ yee. Anịsọ à paa inoma ofori gboloma ye kẹ í gbela ḅẹm. Tiye ẹrẹsị si-sịḅịḅio-sụapụ ma loloarị? Tiye ẹrẹsị ye kịnị mingirimarị atomi ma na iḅiarị?

Jerimaya 5:11

Izirẹlị na Juda na ḅẹ apụ ma gbọrsịḅị ị̀ kẹ dẹrịma tẹẹ. Yẹrị, KỊNỊNYANAḄỌ ḅe ọkọ ḅẹẹm.”

Hosiya 3:1

KỊNỊNYANAḄỌ ḅe ị̀ ḅẹẹm, “Siin mu tẹ jụmọ na olo sọ tẹ pịkị sẹfịarị ẹrẹḅọ ma ḅẹlẹmaa. À kẹ Izirẹlịapụ ma ḅẹlẹma gbọrụ ḅara mẹ kẹ á ḅẹlẹmaa, karakaraye ịn pịkị oru-atamụnọ dama-mu tẹ samụnọtẹ girepu-asịnmgbọlụ agba mịẹ oru-afụḅara pịrịarị ḅẹsọ.”

Hosiya 5:7

In ḅioḅẹngbọ-kẹ-sịrẹrẹ-niḅi-a ḅara sime KỊNỊNYANAḄỌ ḅe pịrị tẹẹ; ịna awọmẹ sime ọ̀ pịrị-a. Mie ḅụ ini na ịna amakiri ma na ala-a gulugulu ḅa.

Hosiya 6:7

Ini amakiri mẹ sọ-mu gbọrụ-kirikiri, ini Adamụ kịka tẹ àrị ini na mịẹ ọḅọkụ mẹ kanm.

Malakayị 2:11

Juda ḅẹ apụ ma ịna ḅịḅị sima tẹẹ, in minini Tamụnọ pịrị ye ḅụ; Jeruselemu na Izirẹlị na sọ si mịẹ tẹẹ; bebe amakiri mẹ kana-koro ḅụ ịn sịḅị-ngụngụmaye mịẹ tẹẹ. Ịn KỊNỊNYANAḄỌ ḅe ḅẹlẹmarị ọ̀ Warị mẹ pilema tẹẹ. Owiapụ ja sịẹ ḅẹ oru-atamụnọ tẹkẹarị ereme sime tẹẹ.