Jerimaya 3:2 - FỊAFỊA BAỊBỤLỤ

² Tọrụ sakị tẹ kẹ tụndụ ma ọgọnọ-jụ ḍikii. Gbọrụ anga tẹ amụ ị́ ama-mẹnjị-ẹrẹḅọ ḅara kẹ ḍumo kọn-a anga emi? Etela anga ḅụ sọ í sime tẹ oloapụ korum, anie Arabụ apụ ịkpa ḅio sime tẹ ịn ḅaa ḅẹ ḅara. Ị́ ị́ ama-mẹnjị mịẹ kẹ amakiri mẹ pilema tẹẹ.

Jerimaya 3:2 Iomraidhean Croise

Suku-saakị 38:14

á nwẹnị arị oju diapụ-fịtẹ-eremịna opu akapa ma siin-koroma, tẹ tọrụ-gbaịn ḅịtẹ ọkị arị oju gbaịn, tẹ mẹnjị Ẹneyimu sọarị anga mẹ tẹ so Timuna muarị etela mẹ akaka ḅụ lẹgị-sime; gbala arị ẹrịm mịnẹ Sẹla ḍụḅa ḅo owiḅọ la tẹ, tẹ amụ ịn paa á kẹ ọ̀ pịrị sime-a ẹrẹsị.

1 Amadapụ 11:3

Sọlọmọnị ereme ẹndẹ jeia si finji (700) simem. Inimgba amadapụ eremịna-awọmẹ. Ori oloapụ pịkị ereme jeia si (300): tẹ ò sime-ereme ma nwẹnị ò ḅioḅẹngbọ pịkị siin Tamụnọ ḅụ,

2 Amadapụ 23:13

Amadaḅọ ḅe nwẹnị pịkị amadaḅọ Sọlọmọnị Izirẹlị ḅẹ amadaḅọ ḅe Jeruselemu ḅụ ịrụa-saakịarị-anga na, ịn kẹ Kịnị Sima Tụndụ “Koropusiyoni Tụndụ” sịn anga ḅẹ ideri pakịrị ḅụ nama kẹ Asịtatị pịrị Sidọnị ḅẹ apụ tọn-tọn oru pịrị gele-ayeyọ ma pilema.

Devidi-Anume 106:38

In mịẹ si ofori ḍọkọḍọkọ-awọmẹ ma ḅaam, tẹ arị akịnị-ḅa mẹ amakiri mẹ pilemam.

Egberima-Ẹkwẹn 23:28

Ịn kụrọ-ḅara kẹ furuarị apụ ḅara kẹ í koruarị, tẹ ịn tọnwa owiapụ mịẹ tẹ ịn ḅarị ḅioḅẹngbọ-kẹ-sịrẹrẹ-niḅi ḅara sime-a.

Egberima-Ẹkwẹn 7:11

Árị ma anie ḅiokpọ tẹ ḅụụ-jịrị nwẹn sịn ye nimi-a ẹrẹḅọ, tẹ etela mẹ ḅụ mẹnjịarị,

Jerimaya 12:12

Ịkpa mẹ ḅẹ gele akiri ma mẹnjị saḅa ḅo ye fọịn ḅẹ owiapụ ḅo tẹ. Arị ọmụ kẹ fịrịma bebe amakiri mẹ guluguluma ḅẹ ḅo tẹẹ; gbọrụḅọ-sọ inetẹ dein ḅụ anga ḅịa.

Jerimaya 2:20

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Izirẹlị, iḅere-iḅerea kụra ḅio ị́ ị̀ ḅẹrẹtọn kụrọ mẹ sịkịm; ị́ ḍụkụ tẹ ị̀ ḅịḅịpoki tẹ sunsin ị̀ pịrị-a. Gele tụndụ ọgọnọ goyegoye ḅụ pịkị ḍumo wararị sịn goyegoye suku ḅio í sunsin fịaị pakama-ḅo ḅa nwẹn ḅẹẹ atamụnọ pịrịm.

Jerimaya 2:23

Ndẹẹ í inetẹ ị́ ị́ ḅụụ pilema-a ḅẹẹ ḅẹ ḅara, mịnẹ jene-jene amụ í Balị tẹkẹ-a? Tụndụ suku mẹ ḅụ ị́ mịẹ siye ḍikii; ị́ mịẹ tẹ ye ẹrịị, Ọfịrị ḅụụ-ḅalaḅalamarị piri-ḅio-ḅẹ ike-sụa-nama ḅe mie ị́ kịkarị, kpọọ-a tẹ mangị ikele-ikelearị,

Jerimaya 2:7

Arị ini ọkị-ḅo fie-pakamarị kiri lam, anị ḅẹ fịye-soku sakị ḅẹ iḅi fịye, pịkị ja iḅi aị na. Kụma anie nakara ini ì kiri mẹ sima guluguluma tẹ; ini à kẹ ịn pịrị bebe yọ mẹ pilema tẹẹ.

Jerimaya 3:1

KỊNỊNYANAḄỌ ḅe mẹẹ, “Tomḅọ nwẹnị ọ̀ ta na siya tẹ á jụmọ sime kụma ọ̀ ḅarị inetẹ jen kẹ árị ọkị sime ḅịa. Miemẹ gbọrụ sịḅị amakiri mẹ pilema fama ḅa. Kụma, Izirẹlị, mịọkụ ị́ tọnwa oloapụ nyana tẹrẹmẹ pịkịma ị̀ ḍọkụma-ḅo ḅẹ-ḅiiarị!

Jerimaya 3:13

Ị́yẹrị paa minini mịnẹ í siye mịẹ tẹẹ, mịnẹ ị́ kọngọ kụrọma KỊNỊNYANAḄỌ ị́ Tamụnọ pịrị tẹẹ. Ḍuko pakama mịnẹ ịwọ sịn goyegoye suku ị́ ị̀ ḅẹlẹma kẹ jen asịẹ ḅẹ atamụnọ pịrị tẹẹ, ị́ ị̀ tọn-aị ma mịẹ-a. Yẹrị KỊNỊNYANAḄỌ ḅe ọkọ ḅẹẹm.”

Jerimaya 3:21

Tụndụ ma ọgọnọ-jụ ḅio ḅịḅị yoko-yokoma fiearị; Izirẹlịapụ owu pọkọ na tẹkẹarị ḅịḅị na, in si ḍumo kọn tẹ ẹrẹsị pịkị KỊNỊNYANAḄỌ ịna Tamụnọ ḅe kẹ ḅioḅọrọma tẹẹ.

Jerimaya 3:9

tẹ gbala-gbala ḅụụ-jịrị-a. Árị amakiri mẹ pilema tẹ sẹfị ḅụ sunsin ḍụḅarị na sịn na pịrịm.

Jerimaya 7:29

“Jeruselemu ḅẹ apụ, ó kururuu; ọmịnị ọmịna sịḅị-ḅẹ-inume kịrị-siin tẹ kẹ gbin ngumaa; Ó tụndụ ma ọgọnọ-jụ sime tẹ ḍụẹịn owu nume-suu, kẹ gotẹ ọkọ ḍukoarị, yẹrị KỊNỊNYANAḄỌ ḅe, ịganịarị, tẹ ị̀ atomi sịkị tẹ.

Izikẹlị 16:16

Ị́ ị́ aḅịtẹ ḅẹ jaị kẹ ị́ atẹkẹ-ayọ ma ḅirimam, tẹ ama-mẹnjị-ẹrẹḅọ kịka tẹ ị́ ḅụụ kẹ ḅẹḅọ-ḅẹḅọ pịrịm.

Izikẹlị 20:28

Àrị ini ọkị-ḅo à minini ịn pịrị amakiri mẹ lamam. In gele atụndụ ma na ịwọ asịn ma na ẹrị sakị ini arịmgba ḅụ agba mịẹm. Ini ị̀ ịganịmam ịn mịẹ dọkịma-agba na iru ḍiepịrị-aị agba na tẹ ini ọkị-ḅo aị na ḅụ.

Hosiya 2:5

Ịna iyingiḅọ ḅioḅẹngbọ-kẹ-sịrẹrẹ-niḅi-a ḅara sime tẹ tọrụ-tuu ḅụ in furam. Árị mẹẹ, “Àrị ị̀ ḅẹlẹmapụ ma ḍuka-mu ḅa, anie fịye na minji na, oḅoku-dee-ḅịtẹ na, ferefere-ḅịtẹ na, pulo na iru na kẹ ị̀ pịrịarị apụ ma.”

Luku 16:23

Tẹ Ḍuḅu ḅio ḅụ ori opu akụye daarị ogbo ọ̀ nwẹnị tọrụ saakị tẹ ala-jụ ḅio Ebira-amụ ẹrị, Lazarọsị ori akaka lẹgị-sime wararị.

Ditẹrọnọmị 12:2

Tụkụma ḅara ḅụ opu asịẹ ma tẹ ọ́ ḅara ḅụ ịn nyana aị ọkị ḅarị apụ ma, gele tụndụ ma ọgọnọ na, tụndụ ma ọgọnọ na, eleleinda tọrụ sụa opu asịn goyegoye suku ịn fịrịmẹnjị pịrị sime ịna oru-atamụnọ ma sime anga mamgba ó sima fama ḅa.