Jerimaya 3:19 - FỊAFỊA BAỊBỤLỤ

¹⁹ KỊNỊNYANAḄỌ ḅe mẹẹ, Izirẹlị, à ḅiim arị ị́ kẹ ì owiḅọ tụḅọ ḅara ọkị tẹ ḅioḅẹlẹmarị amakiri kẹ ị́ pịrị, bebe tomikiri mẹ ḅụ iḅi tẹịn amakiri. À ḅiim ị́ ḍaḅọ kẹ ị̀ sịn, tẹ gbala-gbala ḅarị ị̀ ḅụụ pịkị-so ḅịa ḅara.

Jerimaya 3:19 Iomraidhean Croise

Devidi-Anume 106:24

Anịtẹso ini iḅi amakiri mẹ sịkịm, ịn Tamụnọ minini ịn pịrịye mẹ minini-a ẹrẹsị.

Devidi-Anume 16:6

Í kẹ ḍie ị̀ pịrịarị aị ma ḅụụ-buamam; arị iḅi ḅara ḅakam!

Devidi-Anume 89:26

Ori ị̀ ḅẹẹ ḅa: Ị́yẹrị ị̀ ḍa pịkị ị̀ Tamụnọ; ị̀ gbaịn-arị ḅọ pịkị ị̀ ḅọrọma ḅọ.

Egberima-Ẹkwẹn 3:35

Ye-nimi atomi kụn nyana ḅara kẹ ereso ḅa, kụma oḅori-sọarị atomi ma mịẹ ḅarịye anie ịwọ ye kẹ ịna tọrụ-tuu mẹ ḅụ sụa.

Ayịzaya 63:16

Ị́yẹrị wamịna Ḍaḅọọ. Wamịna elemu aḍapụ, Ebira-amụ na Jekọbụ na ọkọ kẹ wa ọkị-a-o, kụma, KỊNỊNYANAḄỌ, anie wamịna ḍaḅọ, sakị mamgba wa pụkọ-pakamaḅoarị ḅọ ḅe.

Ayịzaya 64:8

Kụma, KỊNỊNYANAḄỌ, wamịna Ḍaḅọọ. Wa ọgbọịn-lịka na kịkam, tẹ aḅaịn-ḅẹlẹ tẹmẹḅọ na kịkam. Ị́yẹrị wa tẹmẹm,

Jerimaya 12:10

Tọnwa jen asịẹ ḅẹ ḅẹrẹtọn apụ ị̀ kụrọ-aḍụọ ma guluguluma tẹ; ini à ḍiḅi aị ma nanga ḅọrọtẹ; ì iḅi amakiri mẹ kẹ ḅo ịkpa mịẹ tẹ.

Jerimaya 3:17

Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Jerimaya 3:4

Tẹ mịọkụ ị́ ị̀ ḅẹẹarị: Ị́yẹrị ị̀ ḍa, ị̀ kala-sakị kụra ḅio ị́ sakị ị̀ ḅẹlẹmam.

Jerimaya 31:20

Izirẹlị, anie ị̀ ḅụụ-ḅẹlẹma tẹịn owiḅọtụḅọ, à ḅẹlẹma-tẹịn tụḅọ. Àrị ị́ ẹrẹ goo sakị goo sakị, à ḅẹlẹma ḅụ ị́ kẹ ḅiokoromarị. Gbala ì ḅioḅẹngbọ í gotẹ mẹnjị pakarị ye ọkụ; Arị ọkụrụkụrụ nyana ḅa.

Jerimaya 31:9

Ị̀ atomi owu-ma pịkị-ḅo ḅa, àrị ịna tọrọkọ tarị wararị sakị ịn tẹkẹarị. Àrị ịn kẹ mu minji mẹnjịarị ayọ la ḅa, gbima-gbima-a etela ḅụ, ịn pụmbụ ḅịa ḅara. À ḍaḅọ sọ Izirẹlị pịrị tẹẹ, tẹ Iferemu anie ị̀ mgbe.”

Jerimaya 33:9

Jeruselemu ḅo ḍereku dogi-ḅoarị yọ na kụn kẹ ḅụụ-tọn-arị yọ na sọ ị́ pịrị ḅa; tomikiri mẹ ḅio sịẹ goyegoye ḅalafa tẹ oju-sẹkị ḅa ini à mịẹ Jeruselemu pịrịarị iḅi aị ma na àrị ọkị-ḅo opu ama mẹ pịrịarị lọkọlọkọ na gboloma ye naa sakị.”

Jerimaya 5:7

KỊNỊNYANAḄỌ ḅe nwẹnị gbela, “À tiegotẹ ị̀ atomi asi ma wẹrịso ḅẹ? Ini ị̀ kẹ gbin-koroma-so tẹ karakaramatẹ tamụnọ-a aị ma mie in sunsin pịrịarị. Àrị ịn pịrị fị furo ḅinmam, kụma ịn sẹfịm tẹ ama-mẹnjị-ereme na koro-simem.

Izikẹlị 20:6

Anị ene mẹ ḅụ, à minini mịnẹ àrị ịn ọkị paka-so ḅa Ijiputi ḅụ, tẹ ịna tọrọkọ-sụn tẹ ịn kẹ mu à sẹlẹ ịn pịrịtẹ amakiri mẹ la ḅa, ḅụụ-ḅẹlẹmatẹ iḅiọkụma fịye so-pakamarị amakiri mẹ — kiri mamgba ḅụ iḅitẹịn amakiri mẹ.

Danẹlị 11:16

Ama ọkị ḅẹ ḅo Siriya ḅẹ ḅọ ḅe ịn kẹ ọ̀ ḅụụ-ḅẹlẹ-ḅẹlẹ ḅara mịẹ ḅa, ini ori na kuḅu dama-a ḅara ḅụ. Ori nwẹnị Minini pịrị Amakiri mẹ ḅụ sịẹsime tẹ gbọrsịḅị anị ḅụ kụrọ nyana ḅa.

Danẹlị 11:41

Minini pịrị Amakiri mẹ kịngẹ sọ ori ọmụ kẹ koro tẹ kịnị maa ẹndẹ oyi finji finji, oyia akiri oyia akiri, ḅaa ḅa, kụma Idọmụ, Mohabụ na Amọnị ḅụ kirikọn-apụ ma na mangị-so ḅa.

Danẹlị 11:45

Ori ọ̀ ḍụḅa-ḅụra tẹ ama-da akpụrụ-awarị ma kẹ abajị mẹ na Tamụnọ-warị mẹ sịẹ wararị tụndụ mẹ na ogboku pike ḅa. Kụma ọ̀ fịị ḅa, ḅarasụa ọ̀ pịrị ḅọ ofori ḅara ḅụ.

Danẹlị 8:9

Mịna ini ịfalị ma ḅẹ gberie ḅụ gbọrụ kala ịfalị paka-ḅom, anị ḅẹ kụrọ suku-jụ na, ịrụa saakịarị anga na Minini pịrị Amakiri mẹ na da-mum.

Hosiya 11:8

Izirẹlị, ndẹẹ à gotẹ ị́ ḅụ ḅara-siin ḅẹ ḅara? Ndẹẹ àrị inetẹ ị́ kẹ gbin koroma so ḅẹ ḅara? Àrị à kẹ Adima mịẹ ḅara kẹ inetẹ í guluguluma ḅẹm aro? Anịanịa Zeboyimu na mịẹ ḅara kẹ ị́ na mịẹ? Ì ḅioḅẹngbọ ḍụkụ tẹ àrị anị mịẹ ḅịa! À nyana ị́ pịrị ḅẹlẹma kụrọ ḅakam.

Galesiya 3:26

Minini ḅụ mie ọmịnị-mgba ḅọrọ tẹ Kịrayịsị Jizọsị na gbọrụ ḅụ sime tẹ Tamụnọ awọmẹ sọ ye.

Ẹfisọsị 1:5

Tamụnọ tọn-pẹlẹ wẹrị wararị kụra-ḅio iḅerea mịnẹ ó Jizọsị Kịrayịsị ḅụ ḅọrọ tẹ wa kẹ ori awọmẹ mịẹ ḅa — miemẹ ọ̀ ḅụụ-ḅẹlẹ tẹ ọ̀ pịkị tọn wẹrị ye.

Ditẹrọnọmị 14:1

Ọmịnị anie KỊNỊNYANAḄỌ ọmịna Tamụnọ ḅe owiapụ-awọmẹ; ọmịnị ogie kẹ ọmịna aḅụụ pẹlẹ ma, pịkị ọmịna afụḅara-ḅọkọ kẹngẹ gbana fịtẹ-apụ pịrị ma.

Hiburu 10:39

Wamịnị anie tọrụ pịkị ọḅụ ḍiki tẹ fa tẹ apụ-a. Anie nakara, wa minini tẹ ḅọrọma tẹ.

1 Pita 1:17

Ọ́ Tamụnọ tẹkẹarị sakị ọ́ Ḍa kẹ ọ̀ sịn-arị, ori anie gbọrụ ḅara kẹ kịnị mamgba kọrịnama kọn-arị ḅọ ḅe, ọrụḅọ-ọrụḅọ mịẹ ye sime-ḅara ḅụ; ọkọẹrẹsị, ọmịna aḍumo ḅụ kirikọn wararị sakị mẹ, mị tomikiri mẹ ḅụ, ọ́ kẹ ọ̀ kụn.