Jerimaya 3:18 - FỊAFỊA BAỊBỤLỤ

¹⁸ Izirẹlị na Juda na gboloma ḅa, tẹ ịn gbọrụ ḅụ kẹ ọgọnọ-jụ ḅẹ yọ mẹ ḅụ kun-ḅara ḅụ so ḅo à kẹ ịna elemu aḍapụ ma pịrị gbamaso wararị amakiri mẹ la ḅa.

Jerimaya 3:18 Iomraidhean Croise

Suku-saakị 12:7

Anịtẹso KỊNỊNYANAḄỌ ḅe nwẹnị ḅụụ pakama Ebiramụ ḍie tẹ ḅẹẹ, “ị́ ḅụụ ḅụ paka-ḅo apụ mie à mị ama mẹ kẹ pịrị ḅarị ye” Mie ḅụ ọ̀ nwẹnị gbọrụ agbamịẹ-anga nama kẹ KỊNỊNYANAḄỌ ḅe tẹ ḅụụ pakama ò ḍie ḅọ ḅe pịrị.

Ayịzaya 43:5

Ḅalafa ma — yẹrị na ị́ na emi! “Sụma-jụ ịrụa saakị paka-ḅoarị yọ mẹ na anị tuuideriarị ala-tẹịn yọ mẹ na ḅụ arị í atomi ma ọkị ama ḅo ḅa.

Ayịzaya 43:6

Arị ọgọnọ-jụ mẹ ḅẹ tẹ anị ịn wẹrịso tẹ in so ḅa tẹ suku-jụ mẹ ini ọlọ ọḅụ pịrị ḅịa. Yee ị̀ atomi sụma-jụ ḅẹ amakiri ma ḅụ pịkị-ḅo, tomikiri mẹ ḅụ ḅẹ pakịrị-pakịrị goyegoye ḅụ.

Jerimaya 16:15

Anie nakara, ini ị̀ ḅụụ ḅụ ye karị ḅa, anie ḍumo wararị Tamụnọ tẹ Izirẹlịapụ ma ọkị-ḅo ḅọ ḅe ọgọnọ-jụ ḅẹ amakiri mẹ na osi asịẹ ma amakiri mamgba na ḅụ ịn pakama-ḅo ḅọ ḅe, arị ịn gala-gala mu la anga ma. Arị ini ọkị-ḅo ịna ḅara-kuḅu ḅẹ ama mẹ lama ḅa, à kẹ ịna elemu-aḍapụ pịrị amakiri mẹ. Yẹrị KỊNỊNYANAḄỌ ḅe ọkọ ḅẹẹm.”

Jerimaya 23:8

Anie nakara ini ị̀ ḅụ karị tẹ ḅẹẹ ḅa ḍumo wararị Tamụnọ ḅe tẹ ọgọnọ-jụ ḅẹ amakiri mẹ na jen asịẹ mamgba tẹ arị ịn gala-gala mu la ayọ ma ḅụ Izirẹlịapụ ma pakama-ḅo ḅọ ḅe. Ini ịna ḅara-kuḅu ḅẹ amakiri ḅụ anga ḅa.”

Jerimaya 3:12

Ò ḍuko ị́ pịrịm àrị Izirẹlị ḅẹẹ, “Ḅioḅẹngbọ kẹ ḅụụ ḅụ gbana na-iḅi-a Izirẹlị, pịkịma ị̀ ḍọkụma-ḅoo. Àrị ọkụrụkụrụ nyana wararị, tẹ arị ịganị ḅịa, arị ịganị ị́ pịrị mu ḅẹẹ-sakị ḅẹẹ-sakị la ḅịa.

Jerimaya 30:3

arị ị̀ atomi, Izirẹlị na Juda na, kẹ pịkị-ḅo ḅarị sakị mẹ ḅoarị ẹrẹsị. Arị ịn kẹ pịkị-ḅo à kẹ ịna elemu aḍapụ ma pịrị amakiri mẹ lama tẹ in siin ọkị tẹ kẹ ịna nye sọma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 31:8

Arị ini ọkị-ḅo ḅa ọgọnọ-jụ mẹ ḅụ tẹ in kobiri ḅa tomikiri mẹ akunoma ḅụ. Tọrụngbọ-pụụntẹ-apụ na ekeliapụ na ịna ḅụ sọ tẹ ḅo ḅa, furatẹ-ereme na iyi ḅẹ-yearị apụ na. Ini opu sịẹ ḅara kẹ pịkị-ḅo ḅa.

Jerimaya 50:20

Anị sakị mẹ ḅụ, Izirẹlị ḅụ si paka ḅịa, tẹ si-sịḅịḅio sọ paka ḅịa Juda ḅụ, kẹ gotẹ ọkọ ḍukoarị, à ḍumo fama-a so apụ ma si à wẹrịso ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 50:4

KỊNỊNYANAḄỌ ḅe mẹẹ, “Anị sakị mẹ ḅụ Izirẹlị na Juda na, ini maa apụ ma, owu ma ḅo ḅa, ị̀ ḍọkịarị, ịna Tamụnọ ḅe.

Jerimaya 50:5

Ịn Zayọnị mu etela gbela ḅa, anịtẹso ini anị pakịrị daa mu ḅa. In sime-gbamaso ọḅọkụ kẹ ị̀ na fị ḅa, tẹ gbala-gbala ini anị kan ḅịa.”

Jerimaya 7:7

Ó ḍimam ḅẹḅẹ, à ḍụkụ tẹ ọ́ mị amakiri mẹ anga tọrọkọ-tọrọkọ mu ḅa, anie à kẹ ọmịna elemu aḍapụ ma pịrị ye mẹ, mịnẹ anị ịna nye sọ gbamasoo.

Izikẹlị 11:17

“Mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye mẹ ḍuko ịn pịrịị. Àrị ịn gala-galama mu tẹ amakiri ma ḅio in kobiri pakama-ḅo ḅa, tẹ Izirẹlị amakiri mẹ kẹ siin ịn pịrị ḅa.

Hosiya 1:11

Juda ḅẹ apụ ma na Izirẹlịapụ ma na gbọrụ apụ sọ ḅa. Ịn gbọrụ sịḅịdaḅọ sẹlẹ-pakama-ḅo ịna aḅụụ pịrị ḅa, tẹ gbọrụ sakị kẹ siin ịna amakiri mẹ ḅụ gburo-gburotẹ lolo ḅa. Inn, Jẹzirili ene mẹ gburo-gburotẹ ene sọ ḅa!

Hosiya 11:12

KỊNỊNYANAḄỌ ḅe ḅẹẹarị, “Izirẹlịapụ ma iruo-iruo-iruo na oḅori-kẹ-kịnịsịn na kẹ ì gbori-ikelema tẹẹ, tẹ Juda ḅẹ apụ ma paa kọngọ-kụrọma ị̀ pịrịarị, yẹrị sịrẹrẹ na-iḅi pịkị Fịafịa Tamụnọ ḅe.”

Hosiya 2:2

Ị̀ awọmẹ, ọmịnị ọmịna iyingiḅọ na ẹkwẹnmaa — karakaraye árị ḅarị jen kẹ ị̀ ta-a, tẹ yẹrị pịkị ḅarị jen kẹ á di-a sọ. Ọmịnị árị na ẹkwẹnma tẹ árị á sẹfị na ama-mẹnjị na ḅụ ḅara-siin.

Emọsị 9:15

“Àrị ị̀ atomi kẹ à kẹ ịn pịrị amakiri ḅụụ ḍiḅi ḅa, tẹ kịnị ḅarị jen kẹ in soku pakama-ḅo ḅịa.” KỊNỊNYANAḄỌ ị́ Tamụnọ ḅe ọkọ ḅẹẹm.

Zẹkaraya 10:6

“À Juda ḅẹ apụ ma mịẹ kụrọma ḅa; Àrị Izirẹlịapụ ma pụkọ-pakamaḅo ḅa. Àrị ọkụrụkụrụ nyana ịn pịrị ḅa tẹ ini ọkị pịkị-ḅo ama lama ḅa. In sime ḅarị ḅara gbala-gbala amụ arị ịn sịkị-a ye ọkụ. Yẹrị anie KỊNỊNYANAḄỌ ịna Tamụnọ ḅe arị ịna atẹkẹ pakịrị ḅa.

Zẹkaraya 2:6

KỊNỊNYANAḄỌ ḅe ori atomi ḅẹẹm, “Yẹrị ọ́ gala-galama anga-anga mamgba mum. Kụma mịọkụ, ọmịnị in kun-so apụ, ọ́ Babịlonịya ḅụ mangị-so tẹ pịkịma Jeruselemu ḅoo.