Jerimaya 3:17 - FỊAFỊA BAỊBỤLỤ

¹⁷ Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Jerimaya 3:17 Iomraidhean Croise

Suku-saakị 8:21

Tẹ agba mẹ ḅẹ kụnụ mu KỊNỊNYANAḄỌ ḅe la tẹso, KỊNỊNYANAḄỌ ḅe nwẹnị ò ḅioḅẹngbọ ḅụ ḅẹẹ, “À ḅarị jen-maaịn kẹ tomḅọ sịḅị gotẹ kiri mẹ wori ḅịa, kẹ gotẹ ọkọ ḅẹẹarị, tomḅọ kala-sakị kụra-ḅio ò ḅioḅẹngbọ ḅụ siye sikima ò jen kẹ ḅiokoroma-a; à pịkị ḅarị gbala-gbala jen kẹ ḍumo warị ye goyegoye ḅaa guluguluma ḅịa à mịọkụ mịẹ tẹ ḅara mẹ.

1 Amadapụ 8:41

“Anị gbọrụ ḅara ḅụ, igoniḅọ tẹ ị́ atomi Izirẹlị ḅẹ apụ ma ḅụ ḅẹ ḅọ-a ḅọ nwẹnị jen ala-jụ ḅio ḅẹ gbọrụ opu sịẹ ḅụ ị́ ẹrẹ mẹ gotẹ ḅo ḅoo,

Devidi-Anume 102:23

À paa asambịrịma wararị ogbo KỊNỊNYANAḄỌ ḅe mịẹ tẹ ị̀ ḅụụ-lọkọ tẹ; ori ì ḍumo kpụlụma tẹ.

Devidi-Anume 78:8

Ini ịna elemu aḍapụ ma kịka ḅịa ḅara, anie kọngọ kụrọma na ḅịḅịpoki-a na atomi ma, gbala-gbala Tamụnọ kẹ ḅiokpọma kuroma-kuroma-a apụ ma, tẹ ḅioḅẹngbọ-kẹ-sịrẹrẹ-niḅi ḅara kẹ koro-sime ọ̀ pịrị-a apụ ma.

Devidi-Anume 87:3

Tamụnọ opu ama, ị́ ḅụụ ò ḍukoarị ḅụụ-buama-aị ma pokii:

Ayịzaya 26:8

Wa í ḅiiarị ye ḍuka mẹnjị tẹ ị́ kẹ ḅiokpọmarị; í sikima wa jen ḅii-a.

Ayịzaya 56:6

Tẹ KỊNỊNYANAḄỌ ḅe jen asịẹ ḅẹ apụ ma tẹ ḅo ori atomi ma ḅụ sọarị apụ ma, anie ọ̀ ḅẹlẹma tẹ fịrịmẹnjị ọ̀ pịrịarị apụ ma, anie Ịnyọsara-Ene mẹ koko tẹ ḅioḅẹngbọ-kẹ-sịrẹrẹ-niḅi ḅara kẹ ori ọḅọkụ mẹ wẹrịarị apụ ma ḅẹẹarị:

Ayịzaya 59:19

Ịrụa mẹ saakịarị yọ ḅụ ọkị mu anị tuuideriarị yọ la, ḅẹḅọ-ḅẹḅọ ò ḍiki ḅalafaa ḅa, pịkị ori opu kụrọ sọ. Ò ḅo ḅarị ḅara owi minji na kụrọ fẹrụ na kịka ḅa.

Ayịzaya 6:1

Ama-da Uzaya fịị kụra mẹ ḅụ à KỊNỊNYANAḄỌ ḅe ẹrịm. Ò geletẹ opu emine ọgọnọ lẹgị-simem, tẹ ọ̀ vọrọrọ-kapa mẹ ḅẹ suku bebe Tamụnọ-warị mẹ ḅinm.

Ayịzaya 66:1

KỊNỊNYANAḄỌ ḅe mẹẹ, “So anie ì emine, tẹ Kiri mẹ ị̀ ḅụọ-gbana-ịkasie. Ọkọ kụma ọmịnị inetẹ tọ-ḅara sime warị nama ị̀ pịrị ḅẹ, à tọ-ḅara sime yọ ḅụ sọ tẹ anga ḅẹ?

Ayịzaya 66:18

In kuromarị aị na ịn mịẹarị aị na à nimi wararị. À tomikiri ḅẹ asịẹ mamgba kobiri ḅẹ ḅoarị. In ḅo kobiri sakị ini ị̀ kụrọ inetẹ mịẹ ḅarị aị ẹrị ḅa,

Ayịzaya 66:20

Ini ọmịna sịẹ ḅẹ apụ ma kẹ pịkị-ḅo ḅa sịẹ-sịẹ ma ḅụ, kẹ ḅo ḍiepịrịye ḅara kẹ ịn pịrị. Ini ịn kẹ Jeruselemu ị̀ fịafịa tụndụ mẹ ḅo ḅa, asụ na, kụrọ-sịḅịsụa-asụ na, ike-sụa-anama na, yedogi-kirimẹnjị-arụ na ọgọnọ ḅụ, anie Izirẹlịapụ mgbọlị afịaị kẹ fịafịa yedogi-aị ḅio sụa tẹ kẹ Tamụnọ-warị ḅo-ḅo gbọrụ ḅara mẹ.

Jerimaya 11:8

Kụma in poki-a anịanịa à ḍuko ḅara mị. Anie nakara, ọrụḅọ-ọrụḅọ paa kọngọ-kụrọma tẹ si mịẹ-mịẹ-mịẹm. À ḍuko ịn pịrịm ini ọḅọkụ mẹ koko, kụma ịn ḍụkụ-a. Mie ḅụ àrị anị ḅio ḅụ ḍuko finji wararị afomu-ḅara ma ọkị-ḅo ịna ọgọnọ gbanam.”

Jerimaya 12:15

Àrị ini ọkị so tẹ sọ àrị ọkụrụkụrụ nyana ịn pịrị ḅa; à sịẹ goyegoye kẹ pịkị-ḅo ịna ḅara-kuḅu ḅẹ amakiri lama ḅa, pịkị anị sime-sime yọ na.

Jerimaya 12:16

Ịn nwẹnị ịna ḅioḅẹngbọ mẹmgba kẹ ị̀ atomi Tamụnọ-nimi ḅara mẹ ọkị, tẹ in ye karị ḅẹ sakị ḅẹẹ ḅa, ‘KỊNỊNYANAḄỌ ḅe ḍumo wararị ogbo’ anie gbọrụ sakị ḅụ ini ị̀ atomi toluma tẹ in Balị ḅụ karị-karị ḅara mẹ — anị sakị rẹ mie ini ị̀ atomi ma ḅẹ apụ sọ ḅarịye, tẹ pịkị lolo ḅa.

Jerimaya 14:21

Í minini aị ma kẹ ḅiokoroma tẹ wa ḍiki-sima ma; tọrụ-tuu ọkị-ḅo Jeruselemu ọgọnọ gbana ma, í ebube emine mẹ sime-yọ mẹ. Ị́ wamịnị na fị ọḅọkụ mẹ kan ma.

Jerimaya 16:12

Kụma ọ́ mịẹ si, ọmịna elemu aḍapụ ma mịẹ ye nẹngị tẹẹ. Ọmịnị-mgba kọngọ kụrọma tẹ si wararị, tẹ ọmịnị ị̀ ḅịḅị poki-a.

Jerimaya 16:19

KỊNỊNYANAḄỌ, ị́yẹrị anie ị̀ gbaịn tẹ pịkị ịnyọ kẹ ị̀ pịrịarị ḅọ; ị́ ḅarasụa ị̀ pịrịarị ḅụụ-fụka sakị ḅụ. Sịẹ-sịẹ ma tomikiri ḅẹ ịkọlị ma ḅụ sime tẹ ḅo tẹ ḅẹẹ ḅa, “Wamịna elemu-aḍapụ ma jen gberie-sọ nyana-a, kụma iruo atamụnọ, gberie-sọ gberie-a kụma ye-ḅụ-sọ-a oru-afụḅara.

Jerimaya 17:12

Wamịna Tamụnọ-warị mẹ anị ebube nyana emine kịkarị, sukuyọ-saakị ḅụ gele-tụndụ ọgọnọ sịẹ wararị.

Jerimaya 18:12

Ịn ḅẹẹ ḅa, ‘Ẹn-ẹn, tiye ẹrẹsị wa anị ḅara mịẹ ḅẹ? Wamịnị-mgba paa gbọrụ ḅara mẹ kẹ kọngọ-kụrọma tẹ wa ḅii ḅara ḅii ḅara kẹ sii ḅa.’ ”

Jerimaya 3:19

KỊNỊNYANAḄỌ ḅe mẹẹ, Izirẹlị, à ḅiim arị ị́ kẹ ì owiḅọ tụḅọ ḅara ọkị tẹ ḅioḅẹlẹmarị amakiri kẹ ị́ pịrị, bebe tomikiri mẹ ḅụ iḅi tẹịn amakiri. À ḅiim ị́ ḍaḅọ kẹ ị̀ sịn, tẹ gbala-gbala ḅarị ị̀ ḅụụ pịkị-so ḅịa ḅara.

Jerimaya 31:23

Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹm: À tomi ma kẹ pịkị ịna amakiri ḅo sakị, ịn pịkị siin ḅẹẹ ḅa Juda ḅẹ amakiri mẹ na ama ma ḅio na ḅụ, Yee KỊNỊNYANAḄỌ ḅe Jeruselemu ḅẹ tụndụ mẹ boma, ori angarị fịafịa yọ mẹ.

Jerimaya 33:9

Jeruselemu ḅo ḍereku dogi-ḅoarị yọ na kụn kẹ ḅụụ-tọn-arị yọ na sọ ị́ pịrị ḅa; tomikiri mẹ ḅio sịẹ goyegoye ḅalafa tẹ oju-sẹkị ḅa ini à mịẹ Jeruselemu pịrịarị iḅi aị ma na àrị ọkị-ḅo opu ama mẹ pịrịarị lọkọlọkọ na gboloma ye naa sakị.”

Jerimaya 4:2

anị kuraye sọ ḅa ọmịnị ị̀ ẹrẹ ḅụ ye karị-karị. Anịtẹso sịẹ-sịẹ mamgba ị̀ ḅara ḅii ḅa arị in bomaa, tẹ ịn nwẹnị ì tokini ḅa.

Jerimaya 7:24

Kụma in poki tẹ mịẹ-a, anịanịa anị kẹ ye sịn. Anie nakara ịna kụrọtẹ si ḅioḅẹngbọ ḍuko ịn pịrịm mịẹ ḅẹẹye-ḅẹẹye mie ịn mịẹ ye, tẹ nwẹnị ḅo sii elemu in si ḅara nẹngị tẹẹ.

Jerimaya 9:14

Anie nakara, ịn kọngọ kụrọma tẹ sunsin Balị oru-afụḅara pịrịtẹ, anie ịna aḍapụ ma kẹ in tolumam ịn mịẹ ḅẹ ḅara mẹ.

Izikẹlị 1:26

Fongolo koro wararị ye mẹ ọgọnọ-jụ ḅụ emine kịkaye simem, ịn safaya nwẹn-sịn yela ḍụḅarị kẹ mịẹ ye, tẹ emine mẹ ọgọnọ tomḅọ kịkaye lẹgịm, ḍiki-tọrụ ḅụ.

Izikẹlị 43:7

“Fịị-fịị tomḅọ, ì emine mịẹ anga emi. À mịanga anga ḅa Izirẹlịapụ ma ogboku, tẹ ḅẹrẹtọn ịn pịrị mu ḅẹẹ-sakị ḅẹẹ-sakị la ḅa. Izirẹlịapụ ma-o ịna amadapụ-o ḅarị jen kẹ ị̀ fịafịa ẹrẹ mẹ sima ḅịa sunsin oru-atamụnọ pịrị anịanịa ịna amadapụ ma fịtẹ oju akpakpa ma kẹ mị yọ ḅụ ḍiḅi.

Izikẹlị 48:35

Onu mẹ ikelema-koro tọn tẹ paka ḅarịye mita maa puku na maa ẹndẹ oyia asi finji na lam. Tẹ opu ama mẹ ẹrẹ anị sakị tọrọkọ mu ḅụ anie “KỊNỊNYANAḄỌ ḄE MỊ YỌ EMI!”

Zẹkaraya 2:11

Anị ene mẹ ḅụ, tọnwa asịẹ KỊNỊNYANAḄỌ ḅe dama-ḅo tẹ ori atomi sọ ḅa. Ori ọmịna ogboku anga ḅa, tẹ ó nimi ḅa mịnẹ ori ị̀ kẹ ọ́ fịrịmam.

Zẹkaraya 8:8

tẹ àrị ịn kẹ pịkịma-ḅo ḅa ịrụa-saakịarị-anga mẹ ḅụ na anị tuuideriarị pakịrị mẹ ḅụ na tẹ in Jeruselemu ḅụ anga ḅa. Ini ị̀ atomi sọ ḅa, yẹrị ịna Tamụnọ sọ ḅa, nwẹnị ḅioḅẹngbọ-kẹ-sịrẹrẹ-niḅi ḅara na inoma ofori ḅara na kẹ ḅẹrẹtọn ịn pịrị.”

Kịẹn-aḅịḅị 15:39

anịsakị arị nwẹnị ọmịnị ẹrị tẹ KỊNỊNYANAḄỌ ḅe tọn ọ́ pịrị aị mamgba kẹ ḅiokoroma tẹ arị mịẹ ḅẹ ịsaram sọ ọ́ pịrị ḅa, tẹ ḅarị ye kẹ ḅiokoroma-a ḅara kẹ ọmịna aḅioḅẹngbọ tọn-ye tọn-ye na, ọ́ tọrụngbọ kẹ ẹrị-ye ẹrị-ye sọlịma tẹ arị ḍukamẹnjị ḅịa.

Romu 1:21

Ịn Tamụnọ nimi wararị kụma sime ọ̀ pịrị kụn mẹ ịn kẹ ọ̀ pịrị-a, ịn pịkị ịmịẹtẹ kẹ ọ̀ ḅẹẹ-a. Anie nakara ịna akuroma papaa ye sọ fama tẹ, kanakana pịkị ịna oḅori aḅioḅẹngbọ ma sọ ḅin tẹ.

Romu 6:14

Ọ́ ḅarị oloko suku-ḅio ofori, tẹ Tamụnọ ḍiki-ḅụụjịrị mẹ suku-ḅio sọ tẹ ḅẹ sakị, si ḅarị ḅẹrẹtọn ọ́ pịrị ḅịa.

Galesiya 4:26

Kụma So-ḅio ḅẹ Jeruselemu mẹ, anie amịna furo-tụḅọ, anie wamịna iyingiḅọ ma.

Ditẹrọnọmị 29:29

Ḅọị wararị aị ma sime KỊNỊNYANAḄỌ wamịna Tamụnọ ḅe pịrịm, kụma arị aị ma tẹ mịẹfinji tẹ aị ma sime wamịnị na wamịna awọmẹ na pịrị gbamasom, mịẹtẹ wa mị oloko mẹ ḅẹ ẹkwẹn-aḅịḅị mamgba mịẹ ḅẹ ḅara.

Ḅẹrẹkọn-apụ 2:19

Kụma ḅẹrẹkọnḅọ ḅe fịị sakị fịị sakị, ini ọḅụ pịkị mu sii ịna aḍapụ mịẹ ḅara nẹngị ḅara mịẹm, oru-atamụnọ ḍukamẹnjị na fịrịmẹnjị ịn pịrị, tẹ sịḅị-tuu-tu ịn pịrị ḅụ; ịna amịẹaị tẹ ịn mịẹ-mịẹ aị ma ḅụ, anịanịa ịna etela ma tẹ kịnị na kura-a aị ma ḅụ gberie-sọ ịn wẹrịso-a.