Jerimaya 3:16 - FỊAFỊA BAỊBỤLỤ

¹⁶ Anịtẹso anị amakiri mẹ ḅụ ọmịna kịẹn-ḅịḅị ḅo gburo-gburo sakị, kịnị ḅarị jen kẹ ị̀ Ọḅọkụ-Igbe mẹ gboloma ye ḍuko ḅịa. Ịn ḅarị jen kẹ anị kẹ kuroma ḅụ suu ḅịa, anịanịa anị kẹ ḅiokoroma; ini anị kẹ mịẹ ḅẹ ye kịngẹ sọ paka ḅịa, anịanịa anị kịka jen ye mị.

Jerimaya 3:16 Iomraidhean Croise

Ayịzaya 60:22

Ịrụ tẹịn tẹ iderima tẹịn furo kịngẹ sọ Paka-ḅo opu kụrọ nyana tẹ sịẹ sọ ḅa. Karakara sakị mẹ ḅo la sakị À mịẹ tẹ miemẹ sarasarama paka ḅa, Yẹrị anie KỊNỊNYANAḄỌ ḅee!”

Ayịzaya 61:4

In siin iḅere-iḅerea kụra ḅio kan-sara sime opu ama ma nama ḅa.

Ayịzaya 65:17

KỊNỊNYANAḄỌ ḅe mẹẹ, “Arị ịwọ tomikiri na ịwọ So na tẹmẹarị. Ḅọrọtẹ sakị ḅụ paka aị mamgba ḅioḅọrọma tẹ aị sọ fama ḅa.

Jerimaya 3:17

Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Jerimaya 30:19

Anị anga angarị apụ ma tokini nume-su ḅa; in ḍereku kẹ oloku ḅa. Ì boma ḅụ ịna kịẹn-aḅịḅị ḍụḅa ḅa; ì boma kun ọkị-ḅo ịn pịrị ḅa.

Jerimaya 31:27

“Yẹrị, KỊNỊNYANAḄỌ ḅe mẹẹ mịnẹ sakị ḅoarị anie à tomi na nama amẹẹ na kẹ Izirẹlị na Juda na amakiri mẹ ḅio ḅinma ḅẹ sakị mẹ.

Jerimaya 31:8

Arị ini ọkị-ḅo ḅa ọgọnọ-jụ mẹ ḅụ tẹ in kobiri ḅa tomikiri mẹ akunoma ḅụ. Tọrụngbọ-pụụntẹ-apụ na ekeliapụ na ịna ḅụ sọ tẹ ḅo ḅa, furatẹ-ereme na iyi ḅẹ-yearị apụ na. Ini opu sịẹ ḅara kẹ pịkị-ḅo ḅa.

Jerimaya 7:4

Ọmịnị mịna oḅori-kẹ-kịnịsịn ẹkwẹn ma minini mẹ dasịẹmaa, anie: “Wa la-la ye ofori! Mie KỊNỊNYANAḄỌ ḅe warị mẹ, mie KỊNỊNYANAḄỌ ḅe warị mẹ, mie KỊNỊNYANAḄỌ ḅe warị mẹ!”

Izikẹlị 15:5

Tẹrẹmẹ ini anị dọkịma sọ anị mịẹ ḅụ sọ-sọa. Mịọkụ fịnị mẹ anị dọkịma tẹ anị anyị sọ tẹ mẹ anị pịkị si ḅaka tẹẹ.”

Izikẹlị 37:26

Àrị ini na fị ḅarị ọḅọkụ mẹ mịẹ tẹ ye ḅarị ịn la ḅịa gbamaso ḅa. Àrị ịn mịẹ kụrọma tẹ ịna kịẹn-ḅịḅị ḍụḅama ḅa, tẹ ị̀ Warị kẹ ịna amakiri ḅụ nama ḅa, anị sime gbamaso ḅẹ anga mẹ.

Emọsị 9:9

“À kụrọ mẹ pịrị tẹ Izirẹlịapụ ma jike ḅa, ye-guguye ḅio mbịaka jike ḅara. Àrị in jike ḅa sịẹ ma ogboku tẹ ye-ḅụ-sọ-a si-mịẹapụ ma ḅelema ḅa.

Zẹfanaya 3:11

Anị ene mẹ ḅụ, ọmịnị ị̀ atomi ma gotẹ ḅụụ-jịrị-jịrị ye ḅarị paka ḅịa, mịnẹ ọ́ kọngọ kụrọma ị̀ pịrịm. Ḅẹḅọ-ḅẹḅọ tẹ ḅụụ-gelema tẹ opu ẹkwẹn kọn-arị ḅo arị mḅọ saakị siin ḅa, anịsakị gbala-gbala ọ́ ḅarị jen kẹ kọngọ kụrọma ị̀ pịrị ḅịa ị̀ fịafịa tụndụ mẹ ọgọnọ.

Matiyo 1:11

Josaya anie Jehohakịnị na ori owiapụ-amịnapụ ma na ḍa.

Matiyo 3:9

Ó kuroma ma mịnẹ ọmịnị Ebira-amụ kẹ ọmịna atẹngịḅọ sịn-arị ẹrẹsị, ọ́ Tamụnọ kẹ fịrịma ḅarị fomu-ḅara mẹ ḅụ inetẹ pụkọ-so ḅa. Ó nimi mịnẹ Tamụnọ inetẹ mịna aḍụḅarị ma ọkị awọ sọma Ebira-amụ pịrị ḅa!