Jerimaya 3:15 - FỊAFỊA BAỊBỤLỤ

¹⁵ Àrị ị̀ ḅịḅịpokiarị ḅẹrẹtọn-apụ kẹ ọ́ pịrị ḅa, tẹ in nimi na yefieye naa na kẹ ḅẹrẹtọn ọ́ pịrị ḅa.

Jerimaya 3:15 Iomraidhean Croise

Egberima-Ẹkwẹn 10:21

Iḅi tomḅọ kọn-arị ẹkwẹn ma sọye mị tọnwa-apụ pịrị ḅa, kụma í inetẹ ị́ ḅụụ ḅaa ḅa oḅori-sọ ḅụ.

Jerimaya 23:4

À sịḅịdapụ tọn tẹ ini in ḍikiḍiki ḅa. Ị̀ atomi ḅarị jen kẹ ḅalafa ḅịa, anịanịa tẹmẹ-naịn-naịn, tẹ à ḅarị jen kẹ in fomu ḅịa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 31:10

KỊNỊNYANAḄỌ ḅe mẹẹ, “Tomikiri ḅẹ asịẹ, ọmịnị ì pokii, tẹ ị̀ ẹkwẹn ma ḍuko wasama mu ala-jụ simearị dọkụ mu sọmarị ayọ ma lama. Yẹrị ị̀ atomi gala-galam, kụma arị in kobiri ḅa tẹ in kikima ḅa anana-ḍikiḍikiḅọ amịna anana-ogbo kikima ḅara.

Izikẹlị 34:2

Ori mẹẹ, “Fịị-fịị tomḅọ, Izirẹlị daarị apụ ma sime si ḅara mẹ ḍuko. Ịkịankoro ịn pịrị, tẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe kẹ ịn ḅẹẹarị ye ḍuko ịn pịrịị. Ọmịnị Izirẹlị ḅẹ anana-ḍikiḍikiapụ ọ́ fa tẹẹ! Ọmịna aḅụụ mie ọ́ balarị, kụma gbala-gbala ọmịnị anana ma koko-a.

Izikẹlị 34:23

Arị ị̀ fịrịmẹnjịḅọ Devidi kịka amadaḅọ kẹ ịn pịrị tẹ ori ịna kpọkpọ gbọrụ anana-ḍikiḍikiḅọ sọ tẹ in koko ḅa.

Izikẹlị 37:24

Ị̀ fịrịmẹnjịḅọ Devidi kịka amadaḅọ ịna amadaḅọ sọ ḅa. Inimgba gbọrụ ḅụ sime ḅa gbọrụ ḅẹrẹtọnḅọ suku ḅio, tẹ ḅioḅẹngbọ-kẹ-sịrẹrẹ-niḅi ḅara kẹ ì oloko ma poki tẹ mịẹ ḅa.

Luku 12:42

KỊNỊNYANAḄỌ ḅe nwẹnị pakịrị, “Ḅioḅẹngbọ kẹ ḅụụ ḅụ gbana na-iḅi, tẹ pịkị ye-nimi wararị fịrịmẹnjịḅọ ḅọrọ tụḅọ? Ori anie ọ̀ nyanaḅọ kẹ amịna warị ḍikiḍikiḅọ sọma, tẹ sakị laa sakị, laa sakị fịye ḍie osi afịrịmẹnjịapụ ma pịrị ḅarị ḅọ.

Fịrịmẹnjịapụ 20:28

Mie ḅụ, ọ́ tọrụ kẹ ọmịna aḅụụ wẹrịị, ọ́ pịkị iḅị-tọrụ kẹ Fịafịa Tẹmẹ ḅe kẹ ọmịna ḅarasụa wararị anana ogbo mẹ ḅụ wẹrịị. Ọ́ Tamụnọ ọ̀ Tụḅọ ḅe fịị tẹ mịẹ agba mẹ ḅụ kẹ ò nye sọma wararị sọsị mẹ ḍikiḍiki kpaịnmaa.

1 Kọrịntị 2:6

Anịsọ, tẹmẹ etela mẹ nimi lamatẹ apụ ḅụ à ḍuko wasamarị oku mẹ ḅụ nimi emi, kụma mị tomikiri mẹ ḅẹ nimi-a, pịkị mị tomikiri mẹ ḅụ ḅẹrẹtọn-arị tẹ amịna kụrọ ḅara ḅụ soarị apụ ma nye-a.

1 Pita 2:2

Ịwọma iyi awọmẹ ḅara ḅụ, tẹmẹ ḅụ ḅẹ ndo mẹ ndo mẹ, sakị mamgba ọ́ tarịị, mịẹtẹ ọmịnị anị ndo mẹ ndo tẹ ḍụḅa paka-ḅo tẹ ḅọrọma ḅarị ḅara.

1 Samụẹlị 13:14

Kụma mịọkụ ị́ ama-da mẹ ḅarị sime tọrọkọ-tọrọkọ mu ḅịa; KỊNỊNYANAḄỌ ḅe ò soku-ḅẹ ḅioḅẹngbọ sime-ḅara sime gbọrụ ḅioḅẹngbọ sụa gbọrụ owiḅọ ḍọkị pakama-ḅo tẹẹ, tẹ KỊNỊNYANAḄỌ ḅe ọ̀ kẹ amadaḅọ owiḅọtụḅọ sọ ori atomi pịrị ḅẹ ḅọ tọn tẹẹ, gbala ị́ KỊNỊNYANAḄỌ ḅe tọn ị́ pịrị ye mẹ koko-a ẹrẹsị.”