Jerimaya 3:14 - FỊAFỊA BAỊBỤLỤ

¹⁴ Ḅioḅẹngbọ kẹ ḅụụ ḅụ gbana na-iḅi ḅara sime-a apụ, ọ́ pịkị-ḅoo; yẹrị ọ́ nyanam. Arị ọmịna ḅụụ ama gbọrụḅọ-gbọrụḅọ na maa apụ maa apụ na ọkị Zayọnị tụndụ ḅo ḅa.

Jerimaya 3:14 Iomraidhean Croise

2 Paka-aị 30:6

Anieḅụ karakara ḅara kẹ fọnya oku dogi mẹnjịarị fịrịmẹnjịapụ nwẹnị amadaḅọ ḅe na, ori sịḅịdapụ ma na, ḅara ḅụ amadaḅọ ḅe wẹrịtẹ tọn tẹ ḅara ḅụ kẹẹ wararị aḍiri ma kẹ Izirẹlị na, Juda na mu ikelema, tẹ ḅẹẹm, “yei Izirẹlịapụ, ọ̀ pịkịma KỊNỊNYANAḄỌ ḅe, anie Ebira-amụ na Ayịzịkị na pịkị Izirẹlị na sịḅị-tuu pịrị Tamụnọ ḅe ḍọkụma-ḅoo, mịẹ tẹ ò siin pịkị ọmịna ḅụụ Asiriya ḅẹ amadaḅọ ḅe ḅara ḅụ mangị-so wararị kirikọn boowa apụ ma ḍọkụma-mu ḅẹ ḅara.

Ayịzaya 1:9

Kụrọmamgba nyana KỊNỊNYANAḄỌ ḅe mịẹ tẹ ja atomi kọn wa pịrị-a namịna mimgbe Jeruselemu papaa gulugulu fa tẹẹ, tẹ wa ḅo gbọrsịḅị Sọdọmụ na Gomora na sime-ḅara sime tẹ.

Ayịzaya 10:22

Izirẹlịapụ ma nwẹnị mịọkụ ḅaka nwenii tẹ tuḅu ọgọnọ ḅẹ onwin mgbọlị mgbọlị ma ḅin ḅara ḅin sọ, boowa kala apụ kịngẹ mie pịkị-ḅo ḅarịye. Ḅaa guluguluma sime ịn pịrị wararị, tẹ anie anị pịkị mịẹ na-iḅi ḅara.

Ayịzaya 17:6

“Boowa kala apụ kịngẹ mie fịị-a so ḅarịye, tẹ Izirẹlị ḅo olivu sịn kịka ḅa, anie ini olivu mgbọlụ mamgba kaịn tẹ maaịn anịanịa tẹrẹị kịngẹ ọgọnọ-jụ ḅio kirikọn-ye, anịanịa boowa aị tẹ suku-jụ ḅẹ aḅara ma ḅụ ịn kaịn-a so aị. Yẹrị KỊNỊNYANAḄỌ, Izirẹlịapụ tẹkẹarị Tamụnọ ḅe ḍuko tẹ.”

Ayịzaya 27:12

Anị ene mẹ ḅụ, Yuferetisi tọrụ ḅụ ọkị mu Ijiputi kiri mẹ kunoma anga la, KỊNỊNYANAḄỌ ḅe ori atomi sịn kobiri ḅa, gbọrụḅọ-gbọrụḅọ, gbala tomḅọ mbịaka mgbọlị ḅụ fun sẹlẹ-siin ḅara.

Ayịzaya 31:6

KỊNỊNYANAḄỌ ḅe ḅẹẹm, “Izirẹlịapụ, ó si kẹ ị̀ mịẹtẹ ị̀ na tụḅụrụ tẹ. Kụma mịọkụ, ọ́ pịkịma ị̀ ḍọkụma-ḅoo!

Ayịzaya 44:22

Oḅuto So-tọrụ kaan-so ḅara arị ị́ asi ma ọfịn siin tẹ. Pịkị ị̀ ḍọkụma-ḅoo; yẹrị anie ị́ ḅọrọmarị ḅọ ḅee.”

Ayịzaya 54:5

Ị́ Tẹmẹḅọ ḅe diḅọ ḅara sime ị́ pịrị ḅa Kụrọmamgba nyana KỊNỊNYANAḄỌ ḅe anie ori ẹrẹ. Izirẹlị tẹkẹarị Fịafịa Ḅọ ḅe ị́ ḅọrọma ḅa ori anie bebe tomikiri mẹ ḅẹ ḅẹrẹtọnḅọ.

Ayịzaya 55:7

Yee si-sịḅịḅio-sụapụ ma ịna ḍumo kọn ḅara mẹ ḅụ ḅara-siin, tẹ ịn ḅẹrẹ kuromarị ḅara mẹ ḍima. Yee ịn tọrụ pịkị KỊNỊNYANAḄỌ, wamịna Tamụnọ ḅe da; ori ọkụrụkụrụ nyana wararị tẹ sarama si-wẹrịsoarị.

Ayịzaya 57:17

Ịna asi na opu-pọkọḅẹngbọ sụa na mie à gotẹ in ḍiki-ịganị tẹ fomu-ḅara kẹ ịn pịrị tẹ ịn kẹ gbin koroma so yee. Kụma ini ma anie kọngọ-kụrọma-apụ, tẹ paa ịna etela mẹnjị ma-muarị.”

Ayịzaya 6:13

Gbọrụḅọ kịngẹ ḅọrọ kọn sọ owiapụ ḅụ ama kiri mẹ ḅio, ori sọ ini ọ̀ ḅaa guluguluma ḅa; opu sịn pẹlẹ-gbin tẹ suku mẹ kọn ḅara anie ọ̀ kịka ḅarịye.” Suku mẹ sịẹ Tamụnọ atomi ma tẹ ịwọma saakị ḅarị apụ ma pịrị ḅa.

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 2:2

à mị oku mẹ ḍuko wasama ḅẹḅọ-ḅẹḅọ pịrịị Jeruselemu ḅụ: Ị́ ịwọ sakị ḅụ í ḅioḅẹngbọ-kẹ-sịrẹrẹ-niḅi ḅara simem mẹ, à kẹ ḅiokoromarị, wa tarị simearị simearị ị́ kẹ ị̀ ḅẹlẹma ḅara mẹ, í ì ḍuka ịkpa mẹ ḅio mẹnjị ḅọrọ ḅara mẹ, kịnị amụ ye ḍiḅi-a kiri mẹ ḅụ tolu-ḅọrọ.

Jerimaya 23:3

Ị̀ atomi ma ḅụ kirikọn-apụ arị in kobiri ḅo ḅa, arị ịn gala-galama mu la asịẹ ma ḅụ, tẹ àrị ịn kẹ ḅo ịna amakiri lama ḅa. Ịn tọnwa awọmẹ nyana tẹ ịna kịẹn-ḅịḅị sun ḅa.

Jerimaya 29:14

Inn, à ḍukoarị, ọmịnị ị̀ ḍọkị ẹrị ḅa, tẹ arị ọ́ kẹ pịkị ọmịna amakiri ḅo ḅa. Sịẹ goyegoye na ye-yọ goyegoye na tẹ arị ọ́ gala-gala mu la anga ma, arị ó kobiri ḅa, tẹ ọ́ kẹ pịkị-ḅo ó simearị tẹ arị ọ́ kẹ kun-so mu yọ fịrịma amakiri mẹ la ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 3:1

KỊNỊNYANAḄỌ ḅe mẹẹ, “Tomḅọ nwẹnị ọ̀ ta na siya tẹ á jụmọ sime kụma ọ̀ ḅarị inetẹ jen kẹ árị ọkị sime ḅịa. Miemẹ gbọrụ sịḅị amakiri mẹ pilema fama ḅa. Kụma, Izirẹlị, mịọkụ ị́ tọnwa oloapụ nyana tẹrẹmẹ pịkịma ị̀ ḍọkụma-ḅo ḅẹ-ḅiiarị!

Jerimaya 3:12

Ò ḍuko ị́ pịrịm àrị Izirẹlị ḅẹẹ, “Ḅioḅẹngbọ kẹ ḅụụ ḅụ gbana na-iḅi-a Izirẹlị, pịkịma ị̀ ḍọkụma-ḅoo. Àrị ọkụrụkụrụ nyana wararị, tẹ arị ịganị ḅịa, arị ịganị ị́ pịrị mu ḅẹẹ-sakị ḅẹẹ-sakị la ḅịa.

Jerimaya 3:8

Juda sọ ẹrịm mịnẹ arị Izirẹlị siya tẹ á dee-pakama tẹẹ, arị ị́ ḅụ so tẹ ama-mẹnjị-ẹrẹḅọ sọ tẹ ẹrẹsị. Kụma, Juda, Izirẹlị si ịyịmbara ma, á ḅalafa-a. Árị sọ ḅo ama-mẹnjị-ẹrẹḅọ sọm,

Jerimaya 31:12

In ḅo tẹ Zayọnị Tụndụ ọgọnọ nume-su ḅa ḍereku ḅụ, tẹ ị̀ aḍiepịrị-aị ma ịna ḅioḅẹlẹma ḅa mbịaka na, ịn kẹ waịnị sịn iru na, olivu-olo na ḍiepịrị-aị ma, anana na opu anama na ḍiepịrị-aị ma. In minji iḅiọkụ laarị ḍụọ kịka ḅa ịn nyana na-iḅi ye goyegoye ịn nyana ḅa.

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Jerimaya 31:6

Inn, sakị mẹ ḅoarị anie ama-koruapụ Iferemu atụndụ ma ḅụ sime tẹ oloku pakama ḅarị sakị mẹ, Ó yee wa Zayọnị mu, KỊNỊNYANAḄỌ wamịna Tamụnọ ḅe dama-mu.”

Hosiya 5:15

Àrị ị̀ atomi kẹ gbin koroma-so nwenii ịn tọrụsiẹrị furo ḅinma ḅa ịna asi ma gotẹ, tẹ in ḅo ị̀ ḍọkị ḅa. Ẹbịsịya ịna tọrụsiẹrị ḅụ ịn ḅụụkụrọma ị̀ ḍọkị ẹrị ḅa.”

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Romu 9:27

Mie Ayịzaya ḅe Izirẹlị ḅụ oloku pakama ye: “Izirẹlị atomi ma nwẹnị tuḅu ọgọnọ ḅẹ onwi ḅin ḅara ḅin sọ, ịna ḅụ ḅo-a kala-apụ kịngẹ mie ḅọrọma ḅarịye;