Jerimaya 3:12 - FỊAFỊA BAỊBỤLỤ

¹² Ò ḍuko ị́ pịrịm àrị Izirẹlị ḅẹẹ, “Ḅioḅẹngbọ kẹ ḅụụ ḅụ gbana na-iḅi-a Izirẹlị, pịkịma ị̀ ḍọkụma-ḅoo. Àrị ọkụrụkụrụ nyana wararị, tẹ arị ịganị ḅịa, arị ịganị ị́ pịrị mu ḅẹẹ-sakị ḅẹẹ-sakị la ḅịa.

Jerimaya 3:12 Iomraidhean Croise

Suku-saakị 4:7

Ị́ iḅiọkụ mịẹ kụma, arị ị́ daa-ọkị ḅịa? Anịsakị ị́ iḅiọkụ Mịẹ-a ḅẹḅẹ, si ị́ ḅọkọ anga kpụmbụlụ sime wararị; anị ḅiiarị ị́ anị ḅii ye, ḅii ye mịẹ, kụma ị́ anị nẹngịma nyanam.”

2 Amadapụ 15:29

Pẹka, Izirẹlị ḅẹ amadaḅọ ḅe ene ma ḅụ mie Asiriya ḅẹ amadaḅọ Tigilati-Pilesa ḅo Nafutali ama mamgba Ijọnị na, Ebẹlị-bẹtị-mahaka na, Janoha, na, Kẹdẹsị na, Hazọ na, Gilẹdị na, Galili na ọkị tẹ omoni ḅara ḅụ tomi mamgba kun so Asiriya mum.

2 Amadapụ 17:23

nwenii KỊNỊNYANAḄỌ ḅe ò ḍiki-tọrụ ḅụ ịn saakị siinm, ọ̀ wẹrịtẹ ori afịrịmẹnjịapụ ịkịankoroapụ mamgba ḅụụ ḅụ ḍuko tẹ ḅara. Mị-ḅara mie Izirẹlị kẹ ịn soku-ḅẹ ama ḅụ saakị mu Asiriya ḅụ omoni-sọ nwenii ḅo mịmgba la ye.

2 Amadapụ 17:6

Hosiya ama-da tẹ eseni akụra karama kụra mie Asiriya ḅẹ amadaḅọ ḅe Sameriya ọkị yee; tẹ ọ̀ nwẹnị Izirẹlịapụ ma dogi-so Asiriya mu tẹ ịn kẹ Ẹla ḅio na Gozanị ḅẹ tọrụ, Hazọ akaka ḅụ na, Midi ḅẹ apụ opu ama ma ḅio na ḅụ koroma.

2 Amadapụ 18:1

Izirẹlị ḅẹ Amadaḅọ Hosiya, Ẹla owiḅọtụḅọ ḅe ama-da tẹ tẹra akụra karama kụra ḅụ, Hẹzịkaya Ahazi owiḅọtụḅọ ḅe saakị ama-dam.

2 Paka-aị 29:10

Anị mịọkụ ì ḅioḅẹngbọ ḅụ emi mịnẹ à KỊNỊNYANAḄỌ, Izirẹlịapụ tẹkẹarị Tamụnọ ḅe na ọḅọkụ fị ḅa, mịẹ tẹ ò ḅalafama ịganị mẹ wamịna ḅụụ pịkị so ḅarị ḅara.

2 Paka-aị 30:9

Kẹ gotẹ ọkọ ḅẹẹarị, ọ́ pịkịma KỊNỊNYANAḄỌ ḅe ḍọkụma-ḅo ḅoo, ọmịna mịnapụ na, ọmịna awọmẹ na ịna kun apụ ma ḅụụ sịḅị-kụrụkụrụ na ḅarasụa na ḍọkị-ẹrị ḅa, tẹ pịkịma mị ama mẹ ḅo ḅa. Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ḍiki-ḅụụjịrị na, sịḅị-kụrụkụrụ na nyana wararị tẹ ọmịna ḅụụ ọ̀ tọrụ pịkị siin ḅịa, ọ́ pịkịma ọ̀ ḍọkụma-ḅo ḅoo”.

Devidi-Anume 103:17

Kụma KỊNỊNYANAḄỌ ḅe kụn-arị apụ ma ḅụ, ọ̀ ḅẹlẹma mẹ sime gbamasoarị, tẹ ori iḅi mẹ pịkị sime mu ḅụọ, ḅụọ mamgba laarị,

Devidi-Anume 103:8

KỊNỊNYANAḄỌ ḅe anie ọkụrụkụrụ na ḅẹlẹma na nyana ḅọ, ọ̀ nwana-nwana ịganị ịganị-a, kuno-a ḅẹlẹma pịkị ọ̀ ḅụụ ḅin wararị.

Devidi-Anume 103:9

Ọ̀ kịnị ḍiki-ịganị alama-lama-a; ọ̀ pịkị ịganị gbamaso-so-a.

Devidi-Anume 145:8

KỊNỊNYANAḄỌ ḅe ọ̀ ḅaka ḅara kẹ kịnị ḅẹlẹmarị pịkị ọkụrụkụrụ nyana kịnị pịrịarị, ọ̀ wana-wanama ịganị-ịganị-a, tẹ kuno-a ḅẹlẹma pịkị ọ̀ ḅụụ ḅin wararị.

Devidi-Anume 79:5

KỊNỊNYANAḄỌ, ị́ ịganị wa pịrị gbamaso ḅa aro? Ị́ ịganị mẹ fịnị kọrị ḅara kọrị tọrọkọ-tọrọkọ mu ḅẹ?

Devidi-Anume 86:15

Yei KỊNỊNYANAḄỌ, ị́yẹrị anie ọkụrụkụrụ na ḅẹlẹma na nyana Tamụnọọ, sakị mamgba ye-inema, sakị mamgba iḅi-yemịẹ-ḅara nyana, pịkị ḅioḅẹngbọ kẹ ḅụụ ḅụ gbana na-iḅi ḅara sime.

Devidi-Anume 86:5

Wamịna ḅụ í iḅim, ị́ pịkị wamịna si-wẹrịsoarị, kuno-a ḅẹlẹma ị́ ḅụụ ḅụ ḅin ị́ tẹkẹarị apụ ma pịrị wararị.

Egberima-Ẹkwẹn 28:13

Gbala-gbala ḍumo ḅụ ị́ tọrọkọ mu ḅịa ị́ ị́ asi ḅọị ḅẹ ḍọkịarị ḅẹḅẹ. Arị ḍuko pakama tẹ arị ḅụ ḅara-siin; anịtẹso Tamụnọ ọkụrụkụrụ nyana ị́ pịrị ḅa.

Ayịzaya 31:6

KỊNỊNYANAḄỌ ḅe ḅẹẹm, “Izirẹlịapụ, ó si kẹ ị̀ mịẹtẹ ị̀ na tụḅụrụ tẹ. Kụma mịọkụ, ọ́ pịkịma ị̀ ḍọkụma-ḅoo!

Ayịzaya 44:22

Oḅuto So-tọrụ kaan-so ḅara arị ị́ asi ma ọfịn siin tẹ. Pịkị ị̀ ḍọkụma-ḅoo; yẹrị anie ị́ ḅọrọmarị ḅọ ḅee.”

Jerimaya 11:6

Anịtẹso KỊNỊNYANAḄỌ ḅe nwẹnị ị̀ ḅẹẹ, “Juda ḅẹ opu ama ma na Jeruselemu etela-ogbo ma na muu. Ì oku mẹ ḍuko wasama arị anga ḅụ, tẹ ḍuko tomi ma pịrị tẹ ini ọḅọkụ mẹ sịẹ pịrị aị ma poki.

Jerimaya 12:15

Àrị ini ọkị so tẹ sọ àrị ọkụrụkụrụ nyana ịn pịrị ḅa; à sịẹ goyegoye kẹ pịkị-ḅo ịna ḅara-kuḅu ḅẹ amakiri lama ḅa, pịkị anị sime-sime yọ na.

Jerimaya 23:8

Anie nakara ini ị̀ ḅụ karị tẹ ḅẹẹ ḅa ḍumo wararị Tamụnọ ḅe tẹ ọgọnọ-jụ ḅẹ amakiri mẹ na jen asịẹ mamgba tẹ arị ịn gala-gala mu la ayọ ma ḅụ Izirẹlịapụ ma pakama-ḅo ḅọ ḅe. Ini ịna ḅara-kuḅu ḅẹ amakiri ḅụ anga ḅa.”

Jerimaya 3:1

KỊNỊNYANAḄỌ ḅe mẹẹ, “Tomḅọ nwẹnị ọ̀ ta na siya tẹ á jụmọ sime kụma ọ̀ ḅarị inetẹ jen kẹ árị ọkị sime ḅịa. Miemẹ gbọrụ sịḅị amakiri mẹ pilema fama ḅa. Kụma, Izirẹlị, mịọkụ ị́ tọnwa oloapụ nyana tẹrẹmẹ pịkịma ị̀ ḍọkụma-ḅo ḅẹ-ḅiiarị!

Jerimaya 3:14

Ḅioḅẹngbọ kẹ ḅụụ ḅụ gbana na-iḅi ḅara sime-a apụ, ọ́ pịkị-ḅoo; yẹrị ọ́ nyanam. Arị ọmịna ḅụụ ama gbọrụḅọ-gbọrụḅọ na maa apụ maa apụ na ọkị Zayọnị tụndụ ḅo ḅa.

Jerimaya 3:18

Izirẹlị na Juda na gboloma ḅa, tẹ ịn gbọrụ ḅụ kẹ ọgọnọ-jụ ḅẹ yọ mẹ ḅụ kun-ḅara ḅụ so ḅo à kẹ ịna elemu aḍapụ ma pịrị gbamaso wararị amakiri mẹ la ḅa.

Jerimaya 3:22

Ọmịnị KỊNỊNYANAḄỌ ḅe ḅụụ pịkị-so apụ mamgba ọ́ pịkị-ḅoo; Ori ọ́ gwọ tẹ ọ́ mịẹ tẹ ó ḅioḅẹngbọ kẹ ḅụụ ḅụ gbana na-iḅi ḅara sime ḅa. Ọmịnị mẹẹ: Inn, wa KỊNỊNYANAḄỌ ḅe ḍọkụma-ḅoarị, ori wamịna Tamụnọ ẹrẹsị.

Jerimaya 3:5

Sakị mamgba ị́ ịganị ḅịa; Í ḅioḅẹngbọ sii ị̀ pịrị mu ḅẹẹ-sakị ḅẹẹ-sakị la ḅịa. Izirẹlị, anie í ḍuko ye, kụma í inetẹ mịẹ ḅẹ si-aị mamgba ị́ mịẹm.

Jerimaya 3:7

À kuromam mịnẹ, á ma-mamgba mịẹ fama tẹso, á pịkị ị̀ ḍọkụma-ḅo ḅa. Kụma á pịkịma-ḅo-a, á si ịyịmbara Juda ma-mamgba ẹrịm.

Jerimaya 30:11

Àrị ọ́ ḍọkụma-ḅo tẹ ọ́ ḅọrọma ḅa. Tomikiri ḅẹ asịẹ tẹ arị ọ́ gala-galama mu anga mamgba arị ịn ḅaa guluguluma ḅa, kụma arị ọ́ ḅaa guluguluma ḅịa. À mịẹ tẹ ó fomu-ḅara da ḅa; kụma arị ó fomu ḅẹ sakị, à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 31:20

Izirẹlị, anie ị̀ ḅụụ-ḅẹlẹma tẹịn owiḅọtụḅọ, à ḅẹlẹma-tẹịn tụḅọ. Àrị ị́ ẹrẹ goo sakị goo sakị, à ḅẹlẹma ḅụ ị́ kẹ ḅiokoromarị. Gbala ì ḅioḅẹngbọ í gotẹ mẹnjị pakarị ye ọkụ; Arị ọkụrụkụrụ nyana ḅa.

Jerimaya 31:21

Kẹ elekima sụa ḅẹ aị piketẹ etela mẹ lekiri; siin etela ḍọkị ẹrị, ọ́ ḅọrọ so anga mẹ. Izirẹlịapụ, ọ́ pịkị-ḅo, ọmịnị ama ḅoo, ó sime tẹ paka-so ama ma.

Jerimaya 31:8

Arị ini ọkị-ḅo ḅa ọgọnọ-jụ mẹ ḅụ tẹ in kobiri ḅa tomikiri mẹ akunoma ḅụ. Tọrụngbọ-pụụntẹ-apụ na ekeliapụ na ịna ḅụ sọ tẹ ḅo ḅa, furatẹ-ereme na iyi ḅẹ-yearị apụ na. Ini opu sịẹ ḅara kẹ pịkị-ḅo ḅa.

Jerimaya 33:26

Tẹ piki-pikiye-ofori ḅara ḅụ, à kẹ anie mịẹ gbọrụ ḅara mẹ mie à kẹ Jekọbụ furo-ḅẹ-apụ na ị̀ fịrịmẹnjịḅọ Devidi ḅe na fị wararị ọḅọkụ mẹ koko kpaịnma ḅarị ḅara. À Devidi furo ḅẹ gbọrụḅọ sẹlẹ pakama-ḅo tẹ ọ̀ ḅẹrẹtọn Ebira-amụ na, Ayịzịkị na Jekọbụ furo-ḅẹ-apụ ma pịrị ḅa. Àrị ọkụrụkụrụ nyana ị̀ atomi pịrị tẹ mịẹ tẹ in siin lọkọlọkọ ḅa.”

Jerimaya 4:1

KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Kururu Owu-apọkọ 3:22

KỊNỊNYANAḄỌ ḅe jike-a ḅẹlẹma mẹ gbala-gbala daasịẹ-sịẹ-a, ori ọkụrụkụrụ mẹ gbala-gbala kunoma kunoma-a.

Izikẹlị 11:17

“Mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye mẹ ḍuko ịn pịrịị. Àrị ịn gala-galama mu tẹ amakiri ma ḅio in kobiri pakama-ḅo ḅa, tẹ Izirẹlị amakiri mẹ kẹ siin ịn pịrị ḅa.

Izikẹlị 33:11

Ḍuko ịn pịrị mịnẹ, piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, si-mịẹapụ fịị ị̀ ḅioḅẹlẹma ḅịa. Anie nakara ini ịna asi ḅụ ḅara-siin tẹ ḍumo mie à ḅiiarị ye. Izirẹlị, ọmịnị ọ́ mịẹarị siye mẹ dasịẹmaa. Ó tiye gotẹ fịị ḅẹ-ḅiiarị?

Izikẹlị 39:25

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Kụma mịọkụ àrị ọkụrụkụrụ nyana Jekọbụ furo-ḅẹ-apụ ma pịrị ḅa, Izirẹlịapụ ma, tẹ mịẹ tẹ in siin lọkọlọkọ ḅa. Àrị ị̀ fịafịa kịrị ẹrẹ mẹ ḍụa ḅa.

Hosiya 6:1

Tomi ma ḅẹẹarị, “Ó yee wa pịkị KỊNỊNYANAḄỌ ḅe dama-mu! Ó ye kẹ wa lama tẹ, kụma piki-pikiye-ofori ò wa gwọ ḅa; ọ̀ wamịna ḅụụ ịnọ pakama tẹ, kụma ọ̀ wamịna ịnọ ma fịna ḅa, ori ọkọ mịẹ ḅịa aro?

Lẹvitikọsị 26:40

Kụma ịn nwẹnị ịna mịẹ-irima na, ịna aḍapụ kịnị pikirima ḅụ ịna mịẹ-irima tẹ ịn kẹ ị̀ mịẹ, tẹ mẹnjị ḅụ sọ ị̀ na tụḅụrụ ḅara mẹ kẹ si go,

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Ditẹrọnọmị 30:2

tẹ ọmịnị na, ọmịna awọmẹ na, pịkịma KỊNỊNYANAḄỌ ọmịna Tamụnọ ḅe ḍọkụma-ḅo, tẹ mịmgba à tọn ọ́ pịrị aị mamgba ḅụ ọmịna ḅioḅẹngbọ mẹmgba na, ọmịna ḅala mẹmgba na kẹ ọ̀ ḅịḅị poki rẹ,