Jerimaya 3:10 - FỊAFỊA BAỊBỤLỤ

¹⁰ Tẹ ma-mamgba ḅọrọ tẹso, Juda, Izirẹlị si ịyịmbara ma, oḅori kẹ ị̀ sịn ḅara kẹ pịkị ị̀ dama-ḅom; anị á tẹmẹ-la-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 3:10 Iomraidhean Croise

2 Paka-aị 34:33

Josaya nwẹnị ye-yọ mẹmgba tẹ sime Izirẹlịapụ pịrị anga mẹ ḅụ tọn aị mamgba tan siin fama. Tẹ Izirẹlị ḅụ sime apụ mamgba mịẹ tẹ in fịrịmẹnjị KỊNỊNYANAḄỌ ịna Tamụnọ ḅe pịrị. Ori ene mamgba ḅụ in KỊNỊNYANAḄỌ ịna aḍapụ ma Tamụnọ ḅe ḍukamẹnjị ḅụ pịkị so-a.

Devidi-Anume 18:44

Ja sịẹ ḅẹ apụ sịḅị-tuu ị̀ pịrịarị; ini à ḍuko ye naa sakị, ịn mịẹarị.

Devidi-Anume 66:3

Ọ́ Tamụnọ ḅẹẹ, “Ị́ mịẹarị aị ma ḅụụ-buama ḅara ḍikii! Ị́ kụrọ ḅaka ḅara gotẹ si kẹ ị́ tọn-arị apụ ma ḅalafa ḅụ ị́ tọrọkọ iḅoarị.

Ayịzaya 10:6

Àrị Asiriya fịrịma mu owu kẹ Tamụnọ nimi-a sịẹ paka ḅẹm, ị̀ ịganịma apụ ma. Àrị ịn fịrịmam in mu ye fọịn, furu, pịkị tomi ma nanga kiri pịrị, etela mẹnjịarịḅọ lịka nanga ḅara.”

Ayịzaya 29:13

KỊNỊNYANAḄỌ ḅe ḅẹẹm, “Mịna apụ ma ọkịarị in sunsin ị̀ pịrịarị, kụma ịna ẹkwẹn ma ye fie-a, tẹ ịna aḅioḅẹngbọ ma pịkị jen yọ ḅụ emi. Ịna Tamụnọ nimi mẹ gberie-sọ gberie-a, tomina oloko na ama-anganga-ḅara na kịngẹ, tẹ ịn papaa ḍawọ sịḅị ḅio suu aị.

Ayịzaya 31:6

KỊNỊNYANAḄỌ ḅe ḅẹẹm, “Izirẹlịapụ, ó si kẹ ị̀ mịẹtẹ ị̀ na tụḅụrụ tẹ. Kụma mịọkụ, ọ́ pịkịma ị̀ ḍọkụma-ḅoo!

Jerimaya 11:10

Ịn pịkị ịna elemu aḍapụ ma asi ma da tẹ ọḅụ kẹ ì gbin tẹ, anie ḍụkụ tẹ à ḍuko ye mịẹ-a apụ ma in sunsin oru-atamụnọ pịrịm. Ini maa apụ ma, Izirẹlị na Juda na, à kẹ ịna elemu aḍapụ ma na fị ọḅọkụ mẹ kan tẹ.

Jerimaya 12:2

Ị́yẹrị ịn kẹ ḍiḅi tẹ in kuno-sụarị; in so-paka tẹ mgbọlụ sụarị. Sakị mamgba ini ị́ ḅụụ iḅiye ḍukoarị, anịsọ ini ị́ bala ḅaka-a.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Hosiya 7:14

Amụ ịn tẹmẹ-la ḅara kẹ ị̀ tẹkẹ-a, kụma ịn tẹmẹ-la ḅara kẹ ị̀ tẹkẹ ḅẹ nakara ini ịna aḅụụ sẹma-kiri-gbin-gbin tẹ pee-peema owuarị oru nimi apụ ma mịẹarị ḅara. Ini mbịaka na iru na gotẹ tẹkẹarị sakị ini ịna oju pẹlẹ-pẹlẹ sọ-muarị Tamụnọ nimi-a apụ ḅara mẹ. Ịn kọngọ-kụrọma la ḅara ḍikii!

Emọsị 4:9

“Àrị ọfịrị ḅụra tẹ fẹrụ kẹ fịrịma tẹ soku-ḅẹ afịaị ma samụnọma famam. Igurube ọmịna warị akaka ḅẹ aḍụọ ma na vaịnị aḍụọ ma na fị siinm, ọmịna figi asịn ma na olivu-asịn ma na. Anịsọ ọ́ pịkị ị̀ ḍọkụma-ḅoa.”

Malakayị 2:11

Juda ḅẹ apụ ma ịna ḅịḅị sima tẹẹ, in minini Tamụnọ pịrị ye ḅụ; Jeruselemu na Izirẹlị na sọ si mịẹ tẹẹ; bebe amakiri mẹ kana-koro ḅụ ịn sịḅị-ngụngụmaye mịẹ tẹẹ. Ịn KỊNỊNYANAḄỌ ḅe ḅẹlẹmarị ọ̀ Warị mẹ pilema tẹẹ. Owiapụ ja sịẹ ḅẹ oru-atamụnọ tẹkẹarị ereme sime tẹẹ.