Jerimaya 29:8 - FỊAFỊA BAỊBỤLỤ

⁸ Yẹrị, KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọmịna ḅeri nụnụarị mịnẹ ọmịnị ọmịna aḅụụ wẹrịso tẹ ọmịna ogboku anga ịkịankoroapụ ma oḅori kẹ ọ́ sịn ma, anịanịa ḅẹ japụ-japụ tẹ amịna aḅụụ ọkịarị mịnẹ ini inetẹ ḅaa paka ḅẹ ye nimi tẹ ḍuko ḅa. Ịn kọn-arị aḍawọ ma ḅẹ gberie-sọ ọ́ kẹ ye-sịn ma.

Jerimaya 29:8 Iomraidhean Croise

Jerimaya 14:14

Kụma KỊNỊNYANAḄỌ ḅe pakịrịm, “Ịkịankoroapụ ma iruo aị ḍukoarị ị̀ ẹrẹ ḅụ; yẹrị ịn fịrịma-a, à pịkị gberie-sọ tọn ịn pịrị-a, anịanịa gbọrụ ẹkwẹn sọ kọn ịn pịrị. Ini ẹrị tẹ arị gboloma aị ḍukoarị ịkịan ma ị̀ ḅara ḅo-a; tọrọkọ paka ḅa nwẹn ḅẹẹ tẹ in ḍukoarị ye-ḅụ-sọ-a aị ma ini ḅarana kuroma tẹ ḍukoarị aị.

Jerimaya 23:16

Kụrọmamgba nyana KỊNỊNYANAḄỌ ḅe Jeruselemu ḅẹ apụ ma ḅẹẹm, “Ọmịnị ịkịankoroapụ ma ḍukoarị aị ma poki ma; papaa ḅiokpọma aị mie ịn kẹ ọmịna aḅụụ ḅio suu ḅinmarị. Ịna aḅioḅẹngbọ ḅụ ịn kuroma ḅo aị mie in ḍuko ọ́ pịrịarị, yẹrị ḅẹẹ ye-a.

Jerimaya 23:21

KỊNỊNYANAḄỌ ḅe ḅẹẹm, “Mịna ịkịankoroapụ ma yẹrị ịn kẹ fịrịma-a, kụma anịsọ in mum. À gbọrụ oku sọ kẹ ịn pịrị-a, kụma ịn paa ị̀ ẹrẹ ḅụ ẹkwẹnm.

Jerimaya 23:25

Arị ịkịankoroapụ ma ḍuko tẹ ye mẹ à nimi wararị, anie ị̀ ẹrẹ ḅụ iruo-iruo tẹ ọkịarị mịnẹ àrị ì oku kẹ ịn pịrị tẹ ịna aḍawọ ḅụ.

Jerimaya 23:27

In kuromarị mịnẹ ịn ḍawọ tẹ ḍukoarị aị ma ḅụ ịn ḅọrọtẹ ị̀ atomi mịẹ tẹ ini ị̀ kẹ ḅioḅọrọma ḅa, ịna aḍapụ ị̀ kẹ ḅioḅọrọma tẹ pịkị Balị dama-mu gbọrụ ḅara mẹ.

Jerimaya 27:9

Ọmịna ịkịankoroapụ, anịanịa ḅẹḅọ-ḅẹḅọ tẹ ọkịarị mịnẹ mḅọ inetẹ ḅaa paka ḅẹ ye ḍuko ḅarị ḅọ, anị ḅọrọ ḍawọ ḅụ-o anịanịa fịtẹ-apụ atẹmẹ siin saakị ḅụ-o, anịanịa majịkị ḅụ-o, ọmịnị in poki ma. Inimgba ḍuko ọ́ pịrịarị ọ́ sịḅị-tuu Babịlonịya ḅẹ amadaḅọ ḅe pịrị ma.

Jerimaya 28:15

À miemẹ ḍuko Hananaya pịrịm, tẹ mie kẹ sụa ḍukom, “Hananaya, pokii! KỊNỊNYANAḄỌ ḅe ị́ fịrịma-a, tẹ ị́ mịẹ tẹ mịna atomi ma iruo ye mininiarị.

Jerimaya 29:1

À ḍiri kẹẹ tẹ kẹ agbamịẹapụ ma na, ịkịankoroapụ ma na, tomi ma sịḅịdapụ ma na, osi apụ mamgba na tẹ Nebukadineza ikoliapụ ḅara kẹ ọkị so Babịlonịya mu apụ ma fịrịmam.

Jerimaya 29:15

Ọ́ ḅẹẹarị mịnẹ KỊNỊNYANAḄỌ ịkịankoroapụ kẹ ọ́ pịrị tẹẹ Babịlonịya ḅụ.

Jerimaya 29:21

“Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, Ehabụ, Kolaya tụḅọ na Zẹdẹkaya, Masẹya tụḅọ ḅe na ḅụ ye ḍuko tẹẹ, anie ori ẹrẹ ḅụ iruo aị ḍuko ọ́ pịrịarị apụ ma. Ò ḍuko tẹẹ mịnẹ ori ịn saḅama Babịlonịya ḅẹ Ama-da Nebukadineza kụrọ ḅara ḅio suu tẹ ọ́ tọrụngbọ kẹ ẹrị ḅarị ḅara kẹ ịn ḅaa ḅa.

Jerimaya 29:23

Miemẹ sime ịn pịrị tẹ ịna ḅụ paka ḅẹ ye sọ ḅa, ịn ḅalafama asi mịẹ tẹ ẹrẹsị — ịn sẹfị tẹ pịkị KỊNỊNYANAḄỌ ḅe ẹrẹ ḅụ iruo aị ḍuko tẹẹ. Miemẹ KỊNỊNYANAḄỌ ḅe ḅiiarị ye na tụḅụrụm; ori ịn mịẹ tẹ ye mẹ nimi wararị, ori ḅẹrẹ-kiri sime-ḅọ sọ tẹ ini na tụḅụrụ wararị.’ ” KỊNỊNYANAḄỌ ḅe ọkọ ḅẹẹm.

Jerimaya 37:9

Yẹrị, KỊNỊNYANAḄỌ ḅe, ọmịna ḅeri nụnụarị ọmịnị oḅori kẹ ọmịna ḅụụ sịn tẹ kuroma ma mịnẹ Babịlonịya ḅẹ apụ ma ḅarị jen kẹ pịkị-ḅo ḅịa, in ḅo ḅarị ẹrẹsị.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Kururu Owu-apọkọ 2:14

Ị́ ịkịankoroapụ iruo ịkịan na, oḅori kẹ ị́ sịn ịkịan na, koro-koro ị́ pịrị tẹẹ; ini amụ ị́ mịẹ-irima mẹ mịẹ pakama-a kẹ sime ị́ pịrị aị pịkịma-ḅo, kụma iruo aị na, kịnị irima aị na mie ini ẹrị-ẹrị ị́ pịrị yee.

Izikẹlị 13:6

Ini ẹrịarị ịkịan ma papaa aị, tẹ tọrọkọ-jụ paka ḅẹ tẹ in ḍukoarị aị ma sọ iruo aị. Ini ọkịarị mịnẹ ini ì oku ḍukoarị, kụma yẹrị ịn fịrịma-a. Anịsọ ịn paa tọrụ kẹ anị paka ḅẹ ḅara ḍikiarị!

Mayịka 2:11

Iruo-iruo oḅori-kẹ-kịnịsịn-arị tomḅọ tẹ ḅẹẹm, “À tọnwa iru na, fịaị na ịkịan koro ọ́ pịrị ḅa nwẹn ḅẹẹ ḅọ” mie ịkịankoroḅọ sọ mịna atomi ma pịrị ḅarị ḅọ!

Zẹkaraya 13:4

Anị ene mẹ ḅụ, gbọrụ ịkịankoroḅọ sọ mḅọ ẹrị ịkịan ma kẹ ḅụụ-tọn ḅịa, anịanịa ịkịankoroḅọ kịka ḅara kẹ ye mịẹ, anịanịa ịkịankoroḅọ kụrọtẹ ḅịtẹ paka sụa tẹ kẹ oḅori kẹ kịnị sịn.

Matiyo 24:24

Kẹ gotẹ ọkọ ḅẹẹarị, iruo Amazaya na, iruo ịkịankoroapụ na, ḅụụ pakama ḅa; ini opu ḅụụ-buama-aị na, ḅụụ-gbiripuma-aị na, mịẹ tẹ oḅori kẹ Tamụnọ sẹlẹ-ọkị tẹ atomi ma sọ sịn ḅẹ ḅii ḅa, anị inetẹ ọkọ mịẹ ḅẹ kụma.

Luku 21:8

Jizọsị mẹẹ, “Ọmịnị ẹbịị, ó mininitẹ kịnị oḅori kẹ ọ́ sịn ma. Tọnwa apụ ị̀ ẹrẹ kẹ ḅo tẹ ḅẹẹ ḅa, ‘Yẹrị anie Kịrayịsị ḅee!’ Ịn pịkị ḅẹẹ ḅa, ‘Sakị mẹ laa tẹ!’ Kụma ọmịnị ịn ḍuka-mu ma.

Luku 6:26

“Tomi mamgba ọ́ kẹ iḅiye fiearị ḅẹḅẹ, ọ́ tẹkẹlẹ tẹẹ; ma gbọrụ aị ma mie ịna atẹngịapụ ma iruo ịkịankoroapụ ḅụ ḍuko aị ma.”

Romu 16:18

Mịna aị ma mịẹarị apụ ma, ịn Wa Nyanaḅọ Kịrayịsị ḅe fịrịmẹnjị-a, ịna pọkọ-ḅẹngbọ ịna ḅụụ ḅẹrẹ tẹịnm. Ḅịḅị ḅẹlẹ ẹkwẹn mie ịn kẹ ye-nimia-apụ ma furuma, furuma tẹ in toluma irimarị.

Ẹfisọsị 4:14

Anịsakị wa ḅarị ḍọkọḍọkọ kala awọmẹ kịka tẹ tomi ḅịḅị finji tẹ ḍuko ye ḍuko ye, ọnụngọ na fẹrụ na sọ tẹ wa kẹ gbin ama-ḅara na ere-ḅara na da ḅịa, anie oḅori kẹ kịnị sịn ye tolumapụ, tẹ ịna aka na epele na ḅụ ja apụ da irimarị apụ ma kuroma ḅoarị aị ma.

Ẹfisọsị 5:6

Ọ́ ḍụkụ tẹ gbọrụḅọ-sọ oḅori ẹkwẹn kẹ ọmịna sịḅịḅio pikirima ma; mịna gbọrụ aị ma gotẹ Tamụnọ ịganị ḅo ọ̀ ḅịḅị poki-a apụ ma ọgọnọ gbana ḅa.

2 Tẹsalonịka 2:3

Ó minini tẹ gbọrụḅọ-sọ oḅori kẹ ọ́ sịn ma, gbọrụ ḅọkọ ḅụ sọ. KỊNỊNYANAḄỌ ḅe Ene mẹ ḅo ḅịa nwenii kunoma Kọngọ kụrọ mịẹye mẹ mịẹ ḅa, tẹ Si-sịḅịḅio-sụa Ḅọ ḅe tolu-sịẹ sakị la ḅa, anie sime ẹlị pịrị ḅọ ḅe.

2 Timoti 3:13

si-mịẹapụ na, ḅụụ kẹ in sime-a ḅara elekimarị apụ na, in sii tọrọkọ-tọrọkọ mu ḅa, ini oḅori kẹ ja apụ sịn-arị ḅara mie ini ma sọ ja apụ oḅori kẹ ịn sịn-arị ḅara.

1 Jọnị 4:1

Ì iḅi ikiapụ, ọmịnị ọ́ ḅẹẹarị mịnẹ ịn Fịafịa Tẹmẹ ḅe nyana wararị ḅẹẹ apụ mamgba minini ma, kụma ọmịnị ịn tọn ḍiki tẹ nimi ịn nyana tẹmẹ mẹ Tamụnọ ḅara ḅoarị ḅoto. Kẹ gotẹ ọkọ ḍukoarị, tọnwa iruo ịkịankoroapụ anga, anga ḅụ saakị paka tẹ.

Mịẹfinji 13:14

Tẹ in minini ọ̀ pịrị tẹ, kịnị-ḅaaḅa tarị opu nama ḅe tọrọkọ ọ̀ mịẹ ḅụụ-buama-aị ma ḅụ, ḅọrọtẹ oḅori kẹ tomikiri ḍumo sime apụ mamgba sịnm. Kịnị ḅaa, ḅaa opu nama ḅe nwẹnị ḍuko ịn pịrị, mịnẹ ịn fụḅara pakama tẹ kẹ kịnị-ḅaaḅa opu nama ḅe, tẹ ogie ịnọ ḅụ ḅọrọtẹ fịị ḅẹ tọn tẹ, pịkị ḍumo ḅọ ḅe kụn.

Mịẹfinji 19:20

Ịn nwẹnị kịnị-ḅaaḅa opu nama ḅe na ọ̀ tọrọkọ ḅụụ-buama-aị mịẹ iruo ịkịankoroḅọ ḅe na kun ọkị. (Mịna ḅụụ-buama-aị ma ḅụ mie ọ̀ ḅọrọ tẹ oḅori kẹ ịn kịnị-ḅaaḅa opu nama ḅe elekima mẹ kẹ ḅụụ ḅụ sụa apụ ma na, ọ̀ fụḅara mẹ tẹkẹ apụ ma na sin-arị ye.) Ịn kịnị-ḅaaḅa opu nama ḅe na, iruo ịkịankoroḅọ ḅe na kẹ fịị-a ḅara kẹ ọpọlị balị kọrị ḅara kọrịarị fịnị tọrụ ḅio gbin suum.