Jerimaya 29:1 - FỊAFỊA BAỊBỤLỤ

¹ À ḍiri kẹẹ tẹ kẹ agbamịẹapụ ma na, ịkịankoroapụ ma na, tomi ma sịḅịdapụ ma na, osi apụ mamgba na tẹ Nebukadineza ikoliapụ ḅara kẹ ọkị so Babịlonịya mu apụ ma fịrịmam.

Jerimaya 29:1 Iomraidhean Croise

2 Amadapụ 24:12

Jehohakịnị Juda ḅẹ amadaḅọ ḅe nwẹnị ọ̀ ḅụụ na, ò iyingi na, ori afịrịmẹnjịapụ na, ori owiapụ-awọmẹ na, ori amada-warị mẹ ḅio fịrịmẹnjịarị-opuapụ ma na sịkị Babịlọnị ḅẹ amadaḅọ ḅe pịrị. Ori ama-da tẹ ninea akụra karama kụra ḅụ Babịlọnị ḅẹ amadaḅọ ori ọkịm ikoliḅọ ḅara ḅụ

2 Paka-aị 36:10

Kụra mẹ ḅe kala fẹngụ ḅio Amadaḅọ Nebukadineza nwẹnị fịrịma tẹ KỊNỊNYANAḄỌ ḅe warị ḅẹ yela ẹfẹrẹ ma kẹ ọ̀ ḅụụ sụa tẹ ọ̀ kẹ Babịlọnị ḅo, tẹ nwẹnị ò iyimbere Zẹdẹkaya kẹ Juda na, Jeruselemu na ḅụ amadaḅọ sọma.

Ẹsịta 9:20

Mọdịkaya mịna aị ma kẹ ḍiri ḅio kẹẹ koromam, nwẹnị ḍiri kẹẹ tẹ kẹ Juu-ḅẹ-apụ mamgba tẹ Amadaḅọ Ayasụrọsị itu mamgba ḅio sime apụ fịrịmam kpeki anga na ala anga na ḅụ,

Jerimaya 28:17

Tẹ anị gbọrụ kụra mẹ ḅụ sọnọma akalụ karama akalụ mẹ ḅụ Hananaya nwẹnị fịị.

Jerimaya 28:4

Jehohakịnị, Juda ḅẹ amadaḅọ, Jehohakịmụ tụḅọ ḅe na Juda ḅẹ apụ mamgba tẹ ịn kẹ ọ̀ ḅụ sụa kun-so Babịlonịya mu apụ ma sọ. Inn, à Babịlonịya amadaḅọ ḅe kụrọ mẹ ḅịkịma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 29:20

Ọmịnị-mgba tẹ à kẹ kun-ḅara ḅio sime apụ ḅara kẹ Babịlonịya fịrịma apụ ma, ọmịnị yẹrị KỊNỊNYANAḄỌ ḅe mẹẹ ye poki.”

Jerimaya 29:8

Yẹrị, KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọmịna ḅeri nụnụarị mịnẹ ọmịnị ọmịna aḅụụ wẹrịso tẹ ọmịna ogboku anga ịkịankoroapụ ma oḅori kẹ ọ́ sịn ma, anịanịa ḅẹ japụ-japụ tẹ amịna aḅụụ ọkịarị mịnẹ ini inetẹ ḅaa paka ḅẹ ye nimi tẹ ḍuko ḅa. Ịn kọn-arị aḍawọ ma ḅẹ gberie-sọ ọ́ kẹ ye-sịn ma.

Jerimaya 51:61

À ḍuko Sẹraya pịrịm, “Í mu Babịlọnị la sakị, ẹrị mịnẹ í gele pọkọ kẹ mịanga kẹẹ wararị ye goyegoye go tomi ma pịrịm.

Fịrịmẹnjịapụ 15:23

Ịn kẹ ịna ḅara fịrịma ḍiri mẹ mie anị: “Wamịnị, fịrịmẹnjịapụ ma na, omongiapụ ma na, ọmịna amịnapụ ma, ḅii-ḅịḅị kẹ ọmịnị wamịna mịnapụ tẹ Ja asịẹ ḅụ paka apụ tẹ Anịtọkụ na, Siriya na, Silisiya na ḅụ angarị apụ mamgba fịrịmarị.

2 Kọrịntị 7:8

À kẹẹ tẹ kẹ ọ́ fịrịma ḍiri mẹ nwẹnị ó kururuma sọ, à tiye-ì-gbo ḅẹẹ-a. Mimgbe à tiye-ì-gbo ḅẹẹ tẹ, arị ẹrịm mịnẹ boowa kala-sakị kịngẹ mie anị kẹ ó kururuma yee nwẹn ḅẹẹ kụma.

Galesiya 6:11

Ọmịnị à ḅarana kẹẹarị aị ma badara la ḅara ḍikii!

Hiburu 13:22

Àrị ọ́ tẹkẹm, ị̀ amịnapụ, ọmịnị ekpe deinma tẹ mị ḅiokpọma oku mẹ pokii; kẹ gotẹ ọkọ ḍukoarị, à kẹẹ tẹ kẹ ọ́ fịrịmarị ḍiri mẹ nangwọ ḅaka-a.