Jerimaya 28:6 - FỊAFỊA BAỊBỤLỤ

⁶ “Ḅụụ-buamaye! À ḅiokpọ wararị, KỊNỊNYANAḄỌ ḅe miemẹ mịẹ ḅa! Piki-pikiye-ofori ḅara ḅụ à ḅiokpọ wararị, KỊNỊNYANAḄỌ ḅe mịẹ tẹ í koro ịkịan mẹ ḅo karakara ye sọ ḅa, tẹ ọ̀ Tamụnọ-warị mẹ ḅẹ ngọ mamgba na tomi mamgba tẹ ini ikoliapụ ḅara kẹ kun-so Babịlonịya mu apụ ma na kẹ pịkị-ḅo ḅa.

Jerimaya 28:6 Iomraidhean Croise

1 Amadapụ 1:36

Bẹnaya, Jehohada owiḅọtụḅọ ḅe nwẹnị pakịrị, “Anị ọkọ simee, anịsakị KỊNỊNYANAḄỌ ị́ Tamụnọ ḅe anị mịẹ kụrọmaa.

1 Paka-aị 16:36

Boma sime KỊNỊNYANAḄỌ, Izirẹlịapụ tẹkẹarị Tamụnọ ḅe pịrị, sime gbamaso ḅụ mu gbamaso la!” Anịtẹso tomi mamgba nwẹnị ḅẹẹ, “Amẹnị” tẹ KỊNỊNYANAḄỌ ḅe tokinim.

Devidi-Anume 106:48

Ọ́ KỊNỊNYANAḄỌ ḅe tokinii, Izirẹlịapụ tẹkẹarị Tamụnọ ḅe; ò tokini mịọkụ na ḅẹẹ-sakị ḅẹẹ-sakị na! Yee ọrụḅọ-ọrụḅọ ḅẹẹ, “Amẹnị!” Ọ́ KỊNỊNYANAḄỌ ḅe tokinii!

Devidi-Anume 41:13

KỊNỊNYANAḄỌ ḅe tokinii, Izirẹlịapụ tẹkẹarị Tamụnọ ḅe! Ò tokinii, mịọkụ na pịkị ḅẹẹ-sakị ḅẹẹ-sakị na ḅụ! Amẹnị! Amẹnị!

Devidi-Anume 72:19

Ọmịnị ori ebube ẹrẹ mẹ tokini mu ḅẹẹ-sakị ḅẹẹ-sakị la! Yee ori ebube bebe tomikiri mẹ ḅin. Amẹnị! Amẹnị!

Devidi-Anume 89:52

KỊNỊNYANAḄỌ ḅe tokini mu ḅẹẹ-sakị ḅẹẹ-sakị la! Amẹnị! Amẹnị!

Jerimaya 11:5

Anịtẹso àrị à minini ịna elemu aḍapụ ma pịrị ye mịẹm, tẹ ḅụụ-ḅẹlẹmatẹ iḅiọkụma fịye so-pakamarị amakiri mẹ kẹ ịn pịrịm, mịọkụ ịna ḅara la tẹ amakiri mẹ.” À ḅẹẹm, “KỊNỊNYANAḄỌ, ọkọọ.”

Jerimaya 17:16

Kụma, KỊNỊNYANAḄỌ, gbala-gbala arị ịgbanị kụrọma-a mịnẹ í opu ḅụụ-fụka ọkị-ḅo ịna ọgọnọ gbana; à ḅụụ-fụka sakị ịgbanị ịn pịrị-a. KỊNỊNYANAḄỌ, miemẹ í nimi wararị; à ḍuko ye í nimi wararị.

Jerimaya 18:20

Si anie ịn kẹ iḅi gbẹẹ ḅẹ ye aro? Anịsọ ini olulu soku ị̀ pịrị tẹẹ, à ḅịkị sọ ḅẹ ḅara. Kẹ ḅiokoroma arị ịna sịḅị gotẹ ị́ dama-ḅo tẹ ẹkwẹn ị́ pịrị ḅara, mịẹ tẹ ị́ ịganị kẹ ini na mịẹ ḅịa ḅara.

Jerimaya 28:3

Maa kụra la ḅẹ sakị Tamụnọ-warị ḅẹ ngọ mamgba tẹ Ama-da Nebukadineza ọkị so Babịlonịya mu aị ma à kẹ pịkị-ḅo mịanga lama ḅa.

Zẹkaraya 6:10

Ori mẹẹ, “Kun-soapụ, Ẹlịdaha na, Tobahịja na, Jidaya na aḅara seleḅa na golu na daa-ọkị, tẹ kẹ anị-gbọrụ-kirikiri Josaya, Zẹfanaya tụḅọ ḅe warị muu. Mịna owiapụ mamgba Babịlonịya ḅụ kun-ḅara ḅio sime tẹ pịkịma-ḅom.

Kịẹn-aḅịḅị 5:22

Yee mị minji mẹ tẹ wori-nume ọkị-ḅoarị ye mẹ ḅọrọ mu í furo ḅio sọ tẹ í furo sunma gelema, tẹ ị́ ḅụọ-ẹtẹnẹ siin-sara tẹ anị nwọnị.” Anịsakị ẹrẹḅọ ma ḅẹẹ ḅa, “À mininim, anị ọkọ simee.”

Matiyo 28:20

tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Matiyo 6:13

Ḍụkụ tẹ wa mu kụrọtẹ daaḍiki ḅio sọma, kụma Si-ḅọ ḅe ḅara-ḅio wa ḍụa pakama-ḅo.”

1 Kọrịntị 14:16

Ị́ tẹmẹ ḅụ ngẹrị ịmịẹtẹ kẹ Tamụnọ ḅẹẹarị sakị, ndẹẹ gberie-sọ nimi-a ḅọ tẹ kobiri mẹ ḅio emi ḅọ, ị́ kọn-arị ịmịẹtẹ ḅẹẹ tẹkẹ mẹ ḅụ “Amẹnị” ḅẹẹ ḅẹ ḅara? Ọ̀ kẹ í ḍukoarị ye mẹ nimi ḅẹ gbọrụ ḅọkọ sọ ofori.

2 Kọrịntị 1:20

Kẹ gotẹ ọkọ ḍukoarị ori anie Tamụnọ minini tomi pịrị aị mamgba ḅẹ inn ḅee. Miemẹ mie wa gotẹ Jizọsị Kịrayịsị ḅụ ḅọrọ tẹ “Amẹnị” ḅẹẹ tẹ ebube kẹ Tamụnọ pịrịarị.

Mịẹfinji 1:18

Yẹrị anie ḍumo wararị ḅọ ḅe! À fịịm, kụma mịọkụ à ḍumo wararị, mu ḅẹ sakị ḅẹ sakị la. À kụrọ nyana wararị fịị ḅụ, pịkị Ḍuḅu ḅio ḅụ.

Mịẹfinji 19:4

Si inia omongiapụ finji ma na Tamụnọ tẹmẹ tẹ ḍumo wararị ini aị ma na nwẹnị kiri koro tẹ sunsin emine mẹ ọgọnọ lẹgị wararị Tamụnọ ḅe pịrị, tẹ ḅẹẹ, “Amẹnị. Ọ́ Tamụnọ tokinii!”

Mịẹfinji 3:14

“Mị ḍiri mẹ kẹẹ tẹ kẹ Lahodisiya ḅẹ sọsị mẹ ḅẹ enjẹlị ḅe fịrịmaa: “Mie Amẹnị ḅe ḅara ḅo oku mẹ, ḅioḅẹngbọ kẹ ḅụụ ḅụ gbana na-iḅi, karakara ḅẹrẹ kiri sime ḅọ ḅe, anie Tamụnọ tẹmẹ-aị mamgba ḅẹ ḅẹrẹtọn ḅọ ḅe.

Mịẹfinji 5:14

Tamụnọ tẹmẹ tẹ ḍumo wararị ini aị ma nwẹnị pakịrị, “Amẹnị!” Tẹ omongiapụ ma nwẹnị ḅịkị-koro tẹ sunsin Tamụnọ pịrị.