Jerimaya 28:4 - FỊAFỊA BAỊBỤLỤ

⁴ Jehohakịnị, Juda ḅẹ amadaḅọ, Jehohakịmụ tụḅọ ḅe na Juda ḅẹ apụ mamgba tẹ ịn kẹ ọ̀ ḅụ sụa kun-so Babịlonịya mu apụ ma sọ. Inn, à Babịlonịya amadaḅọ ḅe kụrọ mẹ ḅịkịma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 28:4 Iomraidhean Croise

Suku-saakị 27:40

“Í okologie ḅụ mie í ḍumo ḅarị ye, anịsakị ị́ fịrịmẹnjị í iyimbere pịrị ḅa; kụma ị́ ‘à ḅarị ḍụkụ ḅịa’ ḅẹẹ sakị, ọ̀ kẹ ị́ kọngọ sụa ikuye mẹ, ị́ anị anyịma siin ḅa.”

2 Amadapụ 24:14

Igoin-tẹịn apụ (ingirigiri atomi) ma sikima, Jeruselemu ḅụ in kun-so apụ amadapụ owiapụ-awọmẹ mamgba na, ḅiokpọtẹ ọmụgbin ḅara-ḅaatẹ opu atomi na kịnị gbọrụ puku sọnọ ẹndẹ finji (10,000) na, ḅara-ḍịn apụ mamgba na, ikulele-tẹmẹapụ na; kirikọnḅọ ofori.

Ayịzaya 9:4

Gbala ịn kẹ ịna kọngọ kpọ iku ye mẹ ị́ anyịma siin tẹẹ, pịkị ịna apana ma fomu-fomu mkpara mẹ sọ. Ị́yẹrị ị́ atomi ma ponoma tẹ ini inoma sime sịẹ mẹ nẹngịma tẹẹ, anie alatẹ sakị ḅụ ị́ kẹ Midiya ḅẹ apụ nẹngịma gbọrụ ḅara mẹ.

Jerimaya 13:19

Juda ḅụ suku-jụ ḅẹ ama ma ama ọkị apụ arị ikelema-koro tẹ. Gbọrụḅọ sọ inetẹ tolu mu arị la ḅịa. Juda ḅụ sime apụ mamgba in kun-so jen asịẹ mu tẹ.”

Jerimaya 2:20

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Izirẹlị, iḅere-iḅerea kụra ḅio ị́ ị̀ ḅẹrẹtọn kụrọ mẹ sịkịm; ị́ ḍụkụ tẹ ị̀ ḅịḅịpoki tẹ sunsin ị̀ pịrị-a. Gele tụndụ ọgọnọ goyegoye ḅụ pịkị ḍumo wararị sịn goyegoye suku ḅio í sunsin fịaị pakama-ḅo ḅa nwẹn ḅẹẹ atamụnọ pịrịm.

Jerimaya 22:10

Juda ḅẹ apụ, ọmịnị Amadaḅọ Josaya gotẹ owu ma; ọmịnị ọ̀ fịị kẹ ò ḍuu ma. Kụma ọ́ tẹmẹ-akụ ḅara kẹ owu ọ̀ tụḅọọ Johazi ḅe pịrịị, ini ori ọkị-soarị, gbala-gbala pịkị-ḅo ḅịa ḅara, gbala-gbala, jen kẹ ini ori iyi amakiri mẹ ẹrị ḅịa ḅara.

Jerimaya 22:24

KỊNỊNYANAḄỌ ḅe nwẹnị Ama-da Jehohakịnị, Juda da sime Jehohakịmụ ḅe tụḅọ ḅẹ, “Piki-pikiye-ofori ḅara ḅụ yẹrị ḍumo wararị Tamụnọ sakị goyegoye, nwẹnị ị̀ ama-ḅara ḅẹ ḅara-tụngbalị sụa gulu elekima sọ àrị í siin-pakama

Jerimaya 24:1

KỊNỊNYANAḄỌ ḅe nwẹnị ịla sịnmgbọlụ maa akana kẹ ì ḍie, ịn kẹ Tamụnọ-warị mẹ tọrọkọ sịẹma wararị. (Babịlonịya ḅẹ Amadaḅọ, Nebukadineza, ikoliḅọ ḅara kẹ Juda ḅẹ Amadaḅọ Jehohakịnị, Jehohakịmụ tụḅọ ḅe, kun Jeruselemu ḅụ so Babịlonịya mu tẹso, mie miemẹ mịẹ ye, anịsakị Juda ḅẹ sịḅịdapụ na ḅara-ḍịn apụ na kọrịnama nimi apụ na sọ ịn kẹ amadaḅọ ḅe ḅụ sụa kun som.)

Jerimaya 24:5

“Yẹrị KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọkịarị mịnẹ ịn kẹ so Babịlonịya mu apụ ma ịn ma iḅi figi-asịnmgbọlụ ma kịkarị, tẹ àrị iḅi ḅara kẹ ini na mịẹ ḅa.

Jerimaya 27:8

“Kụma gbọrụ sịẹ, anịanịa amadaḅọ daarị yọ, sịḅị-tuu ọ̀ ḅẹrẹtọn mẹ pịrị-a ḅẹḅẹ, anịsakị à fomu-ḅara kẹ anị sịẹ mẹ pịrị ḅa ọmụ ḅụ, ḅuru-ḅa ḅụ, pịkị obi ḅụ, nwenii à mịẹ tẹ Nebukadineza gbọrsịḅị anị guluguluma fama ḅa.

Jerimaya 28:10

Anịtẹso Hananaya ị̀ kọngọ sime nama kpọọ gboloma sịn mẹ siin tẹ anị anyịma kọsịmam,

Jerimaya 28:2

mịnẹ Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḅẹẹ tẹ, “À Babịlonịya amadaḅọ ḅe kụrọ mẹ ḅịkịma tẹ.

Jerimaya 29:1

À ḍiri kẹẹ tẹ kẹ agbamịẹapụ ma na, ịkịankoroapụ ma na, tomi ma sịḅịdapụ ma na, osi apụ mamgba na tẹ Nebukadineza ikoliapụ ḅara kẹ ọkị so Babịlonịya mu apụ ma fịrịmam.

Jerimaya 29:2

Arị anị kẹ sakị anie ini Ama-da Jehohakịnị na, ò iyingi na, ama-da warị mẹ ḅẹ opu fịrịmẹnjịapụ na, Juda na Jeruselemu na ḅẹ sịḅịdapụ na, ḅara-ḍịn apụ ma na, kọrịnama ḍin apụ ma na ọkị so jen sịẹ ḅụ koroma sakị mẹ ḅụ.

Jerimaya 30:8

Kụrọmamgba nyana KỊNỊNYANAḄỌ ḅe ḅẹẹarị: Anị ene mẹ ḅụ, arị ịna kọngọ kpọọ wararị ye mẹ anyịma tẹ ịna ikoli ma siin ḅa, tẹ ịn ḅarị jen kẹ jen asịẹ ḅẹ apụ omoni-sọ ḅịa.

Lẹvitikọsị 26:13

Yẹrị anie KỊNỊNYANAḄỌ ọmịna Tamụnọ ḅe tẹ Ijiputi ama mẹ ḅio ọ́ pakama-ḅo ḅọ ḅee, mịẹtẹ ọmịnị ịna omoniapụ sọ ḅịa ḅara anịsakị arị ọmịna kọngọ ḅụ ẹngbẹsẹ sime iku sịn mẹ anyịma sin tẹ ọ́ mịẹtẹ ọ́ tụkụ tẹ mẹnjị tẹ.”

Nahọmụ 1:13

Anịsakị mịọkụ arị ị́ ḅụụ ḅụ ọ̀ kọngọ sụa ikuye mẹ anyịma siin ḅa, tẹ ọmịna gboloma ma kan gala-gala ḅa.”